泰象館

营业中

休息中

上次母親節想book但係book唔到今次預早慶祝終於都食到佢有好多食物選擇 如果唔想諗仲可以叫套餐不過我地見散叫可以叫到自己鐘意食嘅野就唔叫餐了馬拉盞炒菜 小小辣係惹味 份量正常呢條魚係清湯正常係唔辣 但d配菜小小辣所以都香口 有d酸辣咁 而且個碟好得意下面有個小火等佢keep住溫度 百令蚊一條又大魚質又ok雖然呢個賣相麻麻 但係呢個真係幾好食岩老人家 海鮮湯河 海鮮都唔少呢個青咖哩都唔差 我地叫左牛肉 肉都幾多而且係有香味但一d都唔辣😂最後就係燒豬頸肉呢位份量係超出我地預期 而且燒得好香食泰國越南野好多時都會叫 呢間算係食過幾好內嘅！而且好大份~我地飲啤酒 佢地飲椰青 原個上係幾甜～賣單5個餸 2支啤酒 其實同叫餐都差唔多 咁我會選擇散叫可以揀哂自己鐘意嘅野食~

其實呢排都有成日出去食野，不過真係忙左好多，出少左好多post .不過呢間真心幾抵幾好食，就表揚下佢喇__________________________🔹炸芝士蝦丸 $82一上台直情係心入邊嘩咗一聲！蝦球勁大粒，大隻過一隻皮蛋中間爆多芝士、味道極濃可以先咬半啖、食左個芝士味先剩返半啖就點個甜酸醬，同蝦球絕對係最配.🔹酸辣鳳爪沙律 $62鳳爪略為唔夠脆身但幾入味取而代之旁邊嘅芹菜同葱反而好脆相配之下口感都好好個辣都幾辣下、隻鳳爪唔算入味、可以浸多兩浸個汁酸辣汁夠刺激幾好味不得不說實在係鳳爪多過沙律、非常抵食.🔹青咖喱雞 $75有得揀紅，黃，青咖喱同雞牛豬，我地揀左比較少食嘅青咖喱雞.中意食金不換味既朋友仔一定好愛，食落有啲甜，同唔算好辣.最鍾意啲泰國茄子仔、吸晒啲汁、食落仲有輕微脆身，唔會淋晒一pad.🔹薄餅 $25叫咖哩就梗係叫埋薄餅或者蒜蓉包喇！.咬落去食到層層酥脆既感覺、可惜唔夠厚身薄左啲，唔夠盡興.🔹泰東生菜包 $74可以揀雞牛豬之外，仲可以揀鴨肉生菜包味道唔差但唔係好特別，但要讚下佢一啲都唔油、個底得啲肉汁整體合格以上.📘後記雖然只係叫咗幾樣餸，但每一樣都大大碟食完真係有少少

九龍城啲泰國餐廳真係食極都仲有！上次食咗第二間同朋友講開朋友話呢間好好食，所以特登約埋屋企人一齊嚟試，嚟到都要等一陣位先有得入去～叫咗兩個小食，炸蝦餅 ($72)同泰東生菜包 ($74) 蝦餅味道新鮮，然後都好彈牙！全部少食煎炸樣既我地都好快食哂成碟😛 另外生菜包都好正！辣辣地超惹味，但小辣都仲係辣到岀哂煙，但係真係好好味～～之後叫咗個飛天通菜 ($60) 同生菜包一樣咁辣😝 用黎撈飯就中和番個辣味～芒果蟹肉炒飯 ($72) 飯粒粒分明，香得黎都好有鍋氣，亦且夠足料！另外勝獅啤酒 ($28) 係食泰國菜不可缺少的🤣

要揾地道泰國菜館，當然要去九龍城，香港當年有不少泰國人在這裡聚居，自然就有許多泰國餐館在這裏起家。心血來潮好想來香港舊機場附近懷緬一番，於好有歷史價值的九龍寨城公園走走看，黃昏時段來到城南道，這條街有好多泰國菜館，經過泰象館，似乎唔錯。冬陰功海鮮湯(細)~大大隻青口，鮮蝦仁，其他配料都非常豐富，香茅、辣椒、車厘茄、秀珍菇等等。馬拉盞炒芥蘭~香濃馬拉盞，加入麵醬，芥蘭鮮嫩爽甜。泰式濕炒河(豬肉)~這個是我吃泰國菜是最喜歡點的粉麵，香甜醬汁，美味河粉，肉片嫩滑。明爐烏頭清湯~味道酸咪咪，好醒胃，明爐上菜，慢慢煮熱湯汁，烏頭魚肉鮮甜，近腩位骨較大條，且少啲骨。肉碎粉絲做配菜，加入大量香芹、香茅，仲有秀珍菇，令整個菜增添不少味道感覺。

放工想食泰國菜又想試下新野就係九龍城揀一間未試過既依間泰國菜餐廳比起其他食過既光猛叫左個泰式生蝦烏頭炒金邊粉豬頸肉通菜再加兩杯野飲龍眼冰同青檸梳打泰式生蝦蝦唔係用普通刺身蝦係用反泰式果種 藍色尾既蝦好厚肉 食到都新鮮既個醬好好味😋我唔食得太辣但係點下都好ok佢係酸加辣 好開胃 正第二個係豬頸肉炒通菜通菜爽脆唔會炒淋曬我依啲食肉獸平時唔中意食菜都覺得好食好有鑊氣 好夠味 咸香咸香咁依個金邊粉係全晚最大份量既一上枱嘩左一聲個蛋包好靚份量都好多 不過蝦比較少得三四隻炒得唔會太濕，略嫌酸左少少可能係落得太多青檸烏頭整得唔好好易有臭味但依條完全無開頭覺得佢唔係幾夠味實在係愈食愈惹味啲酸菜同粉絲好好味湯好泰式 酸得黎又好有魚味唔會太重口味龍眼冰普通 青檸梳打好飲夠酸 好refreshing 唔似糖水味下次經過可以再試🤤🤤

最近天氣超級熱，即刻諗起上年去泰國旅行，泰國日日都咁熱，所以佢地整D野食真係特別岩熱天食，諗下諗下都開始掛住！好彩我地香港係美食城市，想食咩？基本上都有！咁要食泰國野，當然係黎九龍城啦！！今日就黎左呢間好出名，幾個朋友都介紹既泰象館～舖內唔算好大，不過坐位分得非常好，人與人之間唔會太迫！地方好乾淨，全部餐具都令面，仲會在俾熱水你在自己洗多次，好安心～在睇睇餐牌，超級多選擇，花多眼亂！－芒果蟹肉炒飯－首先叫個炒飯先，最近芒果當造，所以估計都會特別甜，果然芒果特別甜，蟹肉份量都算多，小小蟹肉味，炒飯最重要好似呢個咁，做到粒粒分明。另外伴碟既腰果非常好味，香脆可口！－青咖哩雞－我每次去泰國餐廳都必點既青咖哩，因為出面真係食唔好咁好味既青咖哩，永遠九龍城呢Ｄ正宗既泰國餐廳都唔會令人失望！食完真係感覺到好似去左泰國一樣，香濃椰汁味，咖哩小小辣，仲有好多好多配料～雞肉都變成配菜！－小食餅盤，青檸沙冰－個小食餅盤靚到隔離枱見到都嘩一聲，即刻跟住叫左一份，真係好大份，炸得非常之靚，金黃色，未食都知超級脆！兩個人食，每款份量都有４件，真係抵食夾大件～最鐘意食蝦餅，肉質彈牙，蝦味濃郁。最後在叫多杯青檸沙冰

黎開九龍城梗係食泰國野啦, 之前同屋企人食過另一間, 今次就約朋友試埋呢間人氣泰菜!記得BOOK位, 因為又係好FULL~呢間近九龍城廣場果一邊, 食完仲可以過對面買D泰國野!!我地見到有SET, 就叫左個SET B! 唔洗煩!入面有個菜, 有咖哩, 炒覜, 同一條燒魚~菜就正正常常~不過咖哩軟殼蟹同埋辣椒炒蜆都超惹味!!我地就加左蒜蓉包同埋薄餅, 因為佢D汁真係超級十級正!軟殼蟹仲要超多! 好好食!燒魚又係一個亮點, 最後先上枱, 燒得好JUICY, 仲勁多水份, 好正!!

最近天氣好熱，諗起去泰國旅行食泰菜，所以就卜左位食呢間食過好多次的「泰象館」，點解簡呢間？因為佢食物水準好而且價錢合理！同埋服務非常好，入座前餐廳已為我地留左座位好細心👍👍👍👍👍坐底先給你一碗熱水消毒及提供消毒濕紙巾，非常認真而又乾淨！👍👍👍今次叫左「馬拉盞炒通菜」👍味道夠濃而且菜唔黃唔老😆食通菜最怕食到好老的感覺👍👍呢間唔會👍再黎叫左個「泰東生菜包」，生菜🥬份量夠多，可以包好多份，一如既往都係咁好食😋最後就叫左個「泰象館招牌炒飯」呢個係第一次試，上面一層蛋包住個炒飯，炒飯係黃咖喱味，裡面有蝦、青口、魷魚、扎肉同埋好多蔬菜同埋有腰果👍👍不過味道偏淡少少，用黎餸菜一流飲品方便我地叫左singha啤同龍眼冰，食泰菜真係要配上啤酒先足夠😘

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！我諗每個鐘意食泰菜嘅人係九龍城都必定有一間係食開食慣嘅餐廳，我都有，但今次想試新野，比較下！咁啱經過呢間小店，唔太起眼，但係OPENRICE嘅評價好高，就決定試呢間！同好多餐廳一樣，入座前店員會為食客量度體溫，提供酒精搓手液消毒，坐低仲有一大湯碗熱水俾你洗餐具，唔止呀，仲有提供消毒濕紙巾，驚你陣間會用手食野！好貼心，防疫功課做到足，我都食得安心！鮮魷沙律天氣咁熱叫個沙律先，鮮魷有好多塊，食得出係新鮮貨而唔係冰鮮野，塊塊都脆口有鮮味！配料有蕃茄、青瓜、甘筍、 西芹同蔥，味道以酸味為主，有少許辣！泰東生菜包呢個生菜包標明泰東，但同我平時食嘅生菜包味道無分別，莫非生菜包就係泰東料理？唔理啦，總之好味就得！生菜包豬牛肉雞鴨揀，我地要左豬，作為前菜份量都幾大碟，生

今晚放工約咗朋友去九龍城食泰菜，甘多間泰國餐廳，唔知邊間好食。同事就介紹南角道 泰象館，上網睇返d口碑都唔錯！即刻喺openrice 訂位先，仲可以賺埋飛行里數！餐廳 裝修充滿泰國地道特色，連廚師都係泰國人，真正食到泰國風味！ 座位大約有廿零個，都幾多人幫襯，我哋七點之後要等位！天氣炎熱，食泰菜飲Singha啤，感覺與別不同，咁先夠地道，冰涼解渴！串燒三拼豬牛雞合共6串有豬、牛、雞可供選擇，燒烤焦香撲鼻，乾身唔油膩，無骨啖啖肉大快朵頤。個人最喜歡它的沙爹醬汁，辣裏帶甜，仲食到碎碎的花生粒，稠身惹味，送酒一流！炸蝦餅拼春捲蝦餅肉質新鮮，爽滑彈牙有蝦味，脆炸香口惹味。春卷是我喜愛的食物，香脆可口，內有雲耳、粉絲、青菜、蘿蔔絲 ，感覺清新健康！紅咖哩雞朋友建議叫咖哩點薄餅。薄餅熱辣辣，香脆鬆化，有牛油味。紅咖哩，辣中帶甜有淡淡嘅椰汁香味，濃郁稠身，用來醮點 薄餅真是絕配!整體食物質素不錯，份量充足，不收加一，確係幾經濟實惠！

九龍城咁多泰菜，大牌嗰幾間都食過，去試試舖頭細細嘅泰象館！食物款式好多選擇，一嚟緊係唔少得嘅生蝦！肉質彈牙，個汁都唔錯，唔會太辣！蝦餅一碟8件好大件抵食！椰汁咖喱雞有驚喜，好香，可以撈幾碗飯食，我覺得平時咖喱雞啲雞肉通常都唔好食，一係就好嚡一係就好冧，但呢個唔會，會想食多幾舊！仲有好耐冇食過嘅木瓜沙律，賣相好靚紅卜卜，夠辣又大大碟我鍾意！仲有個招牌炒飯，果然係招牌，有個靚靚蛋皮有心思，炒得好香又好味！呢間仲有樣好就係上菜超快，唔驚餓親，值得再嚟😛

又係我最鍾意食嘅泰國菜，因為比較香口，比較重口味，本人十分之喜愛，鑒於目前去唔到泰國旅行嘅原因，所以都係香港食多咗泰國菜，上星期又同老公去咗九龍城尋找泰國菜館過返半晚泰式感覺😂😂😂😂😂見到呢間餐廳都幾多人喺門口等候，所以就決定咗食呢間，等咗一陣之後店員就等我哋上樓，原來佢哋都有樓上雅座，但裝修平平無奇，不過唔緊要啦，食物緊要啲呀嘛，睇完Menu之後我哋就叫咗豬肉生菜包，香葉炒肉碎飯，而炒飯裏面嘅肉碎可以俾你選擇豬，牛定係雞，我哋就揀咗牛肉，因為我哋嘅生菜包選擇左豬肉🤩🤩仲有叫咗馬拉盞椰菜苗，仲有夏天來講最吸引嘅芒果沙冰😍😍😍😍等咗一陣之後，豬肉生菜包率先抵達，同一般泰國舖頭食到嘅味道都差唔多，肉碎炒得都好香口，然後就到香葉炒肉碎飯，本身一開始期待呢個係炒飯，原來佢係將啲香料材料肉碎炒咗之後，在自行撈落啲白飯度，雖然呢個菜式有少少同我想像嘅有出入，但係佢嘅味道都不錯，都幾香口，辣辣地幾開胃，馬拉盞椰菜苗，椰菜苗比較硬身，鍾意食軟身嘅菜嘅朋友都係叫返通菜會好啲，但係入口都香口，鹽燒鯽魚，你都之後超級香泰國香料味，魚肉亂畫，唔會鞋烚烚，亦都好大條啖啖肉，再點埋佢提供嘅泰式酸辣醬，簡直一流👍🏻

好耐無食泰國菜，疫情逐漸緩和，今晚就特登黎九龍城食呢間泰國菜，因為水準一直維持。前菜叫左個炸蝦餅，炸蝦餅超大件，皮脆，入面既蝦餡爽口彈牙，必食。另外係招牌海鮮炒飯，賣相好吸引，入面有海鮮同提子，旁邊仲有腰果伴碟。青木瓜沙律，比較辣，但發覺唔係間間泰國餐廳都有，所以每次黎都要食。生蝦刺身係本人既至愛，都係唔係間間餐廳都有得食，爽甜美味。椰汁黃咖哩配蒜蓉包一流，唔太辣又好味。蒜蓉包熱辣辣，好鬆脆。海鮮炒河，有鍋氣。泰國餐廳必食馬拉盞通菜，夠晒惹味。最後當然少不了配泰菜既椰青，暫時無得去泰國，都可以係度搵到泰國既味道。

九龍城泰國菜多不幐數，條條街都係泰國菜，想搵好味道泰菜，跟住我食就知邊間又平又抵食😝👏👏👏👏👍👍好似呢間泰象舘，食物質素好，價錢又唔貴，而且我仲見到好多熟客，老闆又好好人，非常客氣招呼週到，所以有咁多熟客，所以禮貌同埋招呼好梗要，有咁多熟客，就係咁樣儲反嚟，而且食物又得，價錢又平，又唔使加一服務費👏👏👏👏抵食之選👍👍👍👍二人套餐298➕另叫泰式啤酒超級抵食：🔹平日很小喝啤洒，因為覺得啤酒味道我個人不太喜歡，而且我喝啤酒🍻有些敏感，所以䀆量小喝，但可能呢排天氣較熱，況且泰式啤酒🍻我未試過，所以又叫來欽吓，原來泰式啤酒既🍻味道不錯，飲落清新感覺，而且飲完也沒有敏感👏😋（完全無某一牌子既難喝的味道，曾經飲過某一牌子既啤酒🍻之後全身又痕又敏感，所以什麼小飲啤酒）🔺泰式凰爪——-不是每間都可以做到呢個味道同配料咁足，好多地方做泰式鳳爪未必有咁多配料，配料不足，味道同食既口感係完全不同，呢到配料足，洋蔥🧅、芹菜、蘿蔔絲、青瓜、蔥、生菜..........等等，食泰式鳳爪，配料一定要多先好食，就好似昵到咁多配料，又爽又香、食落口感足夠，味精更是絕配👏👏👏😋😋😋😋🔹肉碎生菜包——呢個肉碎不油不腻，有小

九龍城有好多泰國菜可以選擇，不過呢間人流都幾多，6點幾去到都等左約30分鐘。入到去員工會比碗水你清潔下d用具同碗。我地3個人叫左5樣野食同3杯野飲都係＄405蚊，真係好抵食丫。泰東生菜包 （＄74）肉既份量超多，好足料！食生菜包既時侯通常都會用到手，佢地仲好貼心附上濕紙巾 唔係間間餐廳都會比架炸蝦餅拼春卷 （＄75）炸蝦餅都算係成日去食泰國菜會點既小食，熱辣辣點埋甜酸醬一流！春卷有小小胡椒味重，都好香脆可口～蝦醬撈飯 （＄62）蝦醬味好香再加埋蠟腸，食落好惹味。串燒三拼 （＄77）有豬牛雞各2串，個人鐘意食雞串燒蒜蓉包 （＄25）好重既蒜蓉味，又係去食泰國野常點之一。另外野飲就點左椰青，柚子梳打同青檸沙冰：）