泰象館

营业中

休息中

椰青 $36大大個 夠凍、 超級清甜多汁芒果沙冰 $30好濃郁新鮮芒果味 足料柚子沙律 $70個汁得個甜字、唔酸又唔辣😆一啲都唔泰式味但勝在柚子夠多 夠新鮮 甜嘅冇苦澀味細東陰功 $74夠兩個人飲勁多菇 成碗都係菇😂有一隻開邊蝦味道係厚嘅 但冇乜酸味 同唔夠香一般般啦！蛋包鮮蝦金邊粉 $72個樣超級靚仔😋睇佢包到細細舊 其實份量好多架鍾意佢夠多蛋絲乾濕程度非常好👍🏻味道剛剛好 甜酸味都夠 幾香加埋花生碎同青檸汁無得頂 芒果蟹肉炒飯$72蟹肉都唔少 雖然冇乜味😆芒果反而目測得兩粒冇乜鑊氣味道清清地 食得太多濃味嘢 ，食吓都唔錯嘅腰果淋咗 有陣味 可惜啊！總括嚟講食物質素都幾好價錢唔貴之餘份量又多店員嘅態度都幾好成條街啲舖都冇乜人得佢一間排晒隊係有原因嘅🤩留意番只收現金/支付寶/Payme唔收信用卡架

去親九龍城，因為選擇太多成日都唔知食邊間泰國菜。今次有朋友介紹去食呢間泰象館，上openrice 睇咗都好吸引，一於試吓啦！今晚大概8:30pm去到，差唔多已經滿座。好彩仲有一兩張枱，唔駛等。入到去職員好友善，而且都做晒防疫措施，好安全衛生。我哋次次食泰國菜都會必食泰式金邊粉，我哋仲見佢Menu上邊張相好吸引上邊鋪埋蛋絲。賣相好靚，份量大，入邊仲有大大隻蝦，好足料，而且味道酸酸甜甜剛剛好。嚟到食泰國菜又點少得呢！一家要食我至愛嘅青咖喱😋牛肉片大大塊而且有好多片，仲有好多配料例如泰國茄子同青豆。味道香濃，送飯同薄餅一流。蛋包飯都係我地最常點嘅泰菜，因為平時好少會自己整。今次叫咗鴨肉，好特別，佢地加咗薑絲入去，成個味道層次提升咗，同出面嘅唔同。辣味都好夠，仲加點點酸味，好開胃😋食咗咁多肉，點少得食一個炒菜。我地點咗辣度十足嘅飛天通菜！好入味，好有鑊氣。整體嚟講，全部食物都非常滿意，絕對係會推介大家嚟試嘅😋

今天老公放假，提議到九龍城食泰國菜，可能是星期一的關係，九龍城一帶都比較靜。從門外看進去，大部分餐館入座率只有三份一，只有泰象館一家，幾乎坐滿客，未到7:30，已經爆滿。 餐館內的牆身貼上很多推介菜，也是正常的泰菜價位，很多都很想品嚐。酸辣鳳爪沙律 酸酸辣辣的，夏天吃很開胃，是泰國特色小吃之一。 鳳爪已去骨，吃的時候可大口大口咀嚼，非常滋味，鳳爪爽口，食不停口。炸蝦餅炸蝦餅即叫即炸，熱辣辣，八大件，外皮金黃色，濃濃的海蝦鮮味，蝦肉彈牙嫩滑，滿口油香， 令人回味。泰象館招牌炒飯炒飯賣相吸引，而且粒粒乾身又分明，配料有蝦球、提子乾、小八爪魚、蛋、腰果、紅蘿蔔粒、扎肉、青口…… 每一口飯都能吃到不同配料，味道好，口感也不錯。馬拉盞炒椰菜苗 椰菜苗本身味道清甜，卻帶點苦澀味。馬拉盞味巧妙地覆蓋了那種苦澀味。椰菜苗吃起來很清甜 爽口，馬拉盞味道濃，感覺單人一碟，也能清碟。 泰國人比較喜歡質感較硬的椰菜苗，如果 嫌太硬，可要求廚師延長烹調時間喔。金不換菠蘿沙冰和芒果沙冰炎炎夏日，最好飲杯沙冰消消暑降降溫，又可中和一下各款菜不同的味道，很不錯。店內每個服務員都十分熱情有禮貌，難怪這家生意那麼好了。

夏日炎炎，係時候要食返一餐泰國野過下癮上個星期六就同朋友去食泰國菜今次我都係揀返一向最鍾情嘅「泰象館」唔好睇少呢間餐廳原來睇過Openrice先知佢地上左每週熱門餐廳嘅排行榜咁樣就更加肯定左呢間餐廳一貫嘅優良水準抵我一直咁支持佢地今次揀左Lunch時段發覺原來鋪內唔算好多人如果大家鍾意傾下計 想坐耐多少少Lunch時段就會好好多今次試左佢地嘅Lunch我地叫左Lunch Set 再加左一個小食拼盤1）泰式炒金邊粉呢個金邊粉一黎到就已經好香味道酸酸甜甜 好開胃加埋花生粒仲有口感2）泰式乾炒豬肉河炒河粉絕對係最惹味嘅炒粉同埋佢地用嘅係寬河粉食落同平時嘅窄河粉好唔同 風味十足 3）冬蔭肉碎金邊粉平時食夜晚飯 大餐牌係無湯粉食嘅所以難得食午餐就要試下真係好足料 秀珍菇 肉碎 香料 樣樣齊如果唔食得辣 仲可以叫小辣添4）小食拼盤之前淨係食過蝦餅同魚餅其他個D又未試過 散叫份量多所以就叫左呢個特別欣賞佢樣樣都炸得好香脆足料且唔會油淋淋 讚5）芒果沙冰我地一人叫左一杯芒果沙冰絕對係新鮮芒果肉 唔係糖漿甜食完咁多嘢飲返啖 解渴一流整體黎講大家都食得好開心野食水準絕對保持到 又價錢實惠呢點唔係間間到做到

難得嚟到九龍城泰國菜，喺眾多選擇裏面揀咗呢間泰象館，第一次試但好有驚喜。首先入邊見到個排行榜，於是我哋就跟住嗌個係熱門嘅生菜包，同平時食嘅唔同，有得揀豬肉牛肉或者雞肉，但係我哋都係跟傳統叫咗豬肉。初初先食咗一啖肉，覺得有啲鹹，點知加埋生菜食就非常夾，愈食愈惹味，不愧喺排行榜入面。飛天通菜好入味，水準之上。烤羊架，表皮烤到好香，入面肉質仲係好軟，好多肉汁，仲附上一個帶酸味嘅汁，可以解漏。椰青大大個，入邊好多汁，而且椰肉好嫩，好似食緊啫喱咁。最後個特色炒飯份量好多，而且入面仲有唔少海鮮，成餐飯都好滿足。

今日嚟到泰象館食飯，雖然等佢時間長咗啲 但係係值得㗎！呢度嘅嘢食都好有質素，亦都好有泰國風味。主菜我哋叫咗芒果蟹肉炒飯，本來以為芒果同飯會唔夾，點知原來配合得天衣無縫，芒果唔會搶咗蟹肉嘅風頭，反而更加突顯蟹肉嘅鮮甜。我哋仲叫咗胡椒粉絲大蜆煲，蜆肉超級鮮甜，又大大粒。粉絲吸晒所有鮮味，食落夠乾身之餘，又食到精華嘅味道。呢個煲食到人回味無窮。串燒三拼雖然係好普通嘅泰國小食，但整得好食都係唔容易㗎。呢度嘅串燒燒得啱啱好，食完都唔會喉嚨痛，而且沙嗲醬非常之香。甜品方面我哋叫咗芒果糯米飯，可以話係為今晚嘅晚餐畫龍點睛，芒果200分甜，糯米飯香糯軟熟，芒果嘅鮮甜同椰奶嘅香甜相映成趣，就形成咗高質嘅芒果糯米飯！

早兩日同同事收工去左九龍城，去到九龍城就梗係要食泰國野啦！今次就揀左呢間泰象館！個人黎講食泰國野必叫泰式生蝦刺身！呢個生蝦夠大隻，啖啖肉。當然唔少得配左蒜頭同辣椒一齊食，又開胃，作為前菜真係岩哂！再黎食個酸酸辣辣既冬蔭功海鮮湯！落左鮮蝦，青口，魷魚既冬蔭功十分足料！冬蔭功係酸味比辣味重，食落唔搶喉之餘仲令你食唔停口，必點！今日同蝦有啲緣份，叫埋佢個咖哩炒大蝦配埋蒜蓉包！炒大蝦賣相一流，食落口感又滑又唔搶口，夾蒜蓉包真係絕配！結果叫左兩份蒜蓉包同一碗白飯，撈哂佢啲汁！我呢個人慣左每餐要食啲飯麵，所以叫左Pad Thai 飽肚！上檯夠哂熱，pad Thai 味道酸酸地甜甜地，最後一個人食左半碟！甜品係芒果糯米飯！名副其實係甜品！芒果夠哂甜 一啲酸都冇！夾埋糯米飯煙煙韌韌，好滿足！不得不提佢既椰汁冰！唔係用冰砂，又有一粒粒小小既椰子蓉，飲完中和返味蕾，令每道菜都更加食到佢既原味！

泰象館係我其中一間推介嘅泰國菜小店，除了性價比高外。佢每碟菜式都有些小心思。泰式生蝦係必點嘅開胃美食，生蝦新鮮從來無失望過，唔會好似某些店蝦已經雪到肉質梅哂。泰式生菜包，微辣既肉碎加上爽口嘅生菜真係口感一流。串燒我哋揀咗豬，牛，雞各兩串。串燒燒得表面乾身，肉汁完全鎖係肉裏面，配上沙嗲醬仍然感受本身嘅肉味，並唔會被沙嗲醬掩蓋。再嚟飛天通菜，辣度比起其他我食過嘅辣一倍有多，對我呢啲好辣之人簡直爽到飛起。泰式炒金邊粉一樣好基本嘅泰式菜式，但店舖用咗蛋包嘅方式，識落更有口感及蛋香。蝦醬炒飯米飯炒得粒粒分明，看出廚師既功力。黃咖喱炒大蜆，蜆嘅份量好多，蜆肉完全保留喺蜆殼。唔似好多店會好辛苦咁要係黃咖喱內搵返d蜆肉。最後飲品我地點了芒果沙冰同龍眼冰。五個人食完全飽到飛天。

疫情底下，難得約到幾個朋友出到黎食晚飯，大家講笑咁話本難打算今個月去旅行，但係而家就咩地方都無得去，仲好笑係香港而家熱到同泰國都無乜分別，於是就決定去食餐泰國野。食得泰國野，唔使問就一定係去有小泰國之稱既九龍城啦，不過太耐無去，好彩有朋友介紹呢間平靚正既泰象館。入到去坐低，地方唔大不過算坐得幾舒服，咁既格局先有泰國情懷呀。大熱天時唔使講野第一時間叫左杯龍眼冰，朋友就叫左椰汁冰，夏天飲真係無得輸，值得讚係好快就送上，可能見我地真係好熱。之後黎個生蝦刺身，水準之作，平時好怕有啲餐廳會將啲生蝦雪到凍哂，成舊冰咁，呢度無咁做之餘仲今到蝦既鮮味。再黎係生菜包，呢樣係可以睇得出餐廳有無心思既，因為肉碎調味好緊要，就算同樣係泰國菜，每間餐廳既味道都好大出入，呢一個我就非常滿意，而且生菜都好fresh！再黎係泰式炒通菜，簡單菜式泰國風味，合格有餘！之後一口氣上左一堆串燒，有豬肉、牛肉、雞肉，幾款肉都好入味，配埋個秘製既沙嗲醬，好出色！主菜之一係泰式炒飯，唔使多介紹，因為離遠已經聞到香味，炒飯最緊要粒粒分明，食落口感十足！其二係炒大蜆，一上菜已經嚇親，因為每隻蜆都份量十足，啖啖肉之餘椰香味十足，又抵食又

最近因為疫情無得去旅行，但又好掛住泰國，所以約左一班朋友黎食地道既泰國菜！首先就係一定要食既泰式生蝦！生蝦味道好鮮味，食完一隻又一隻，如果份量再多啲就更好啦。 跟住我地叫左必點既冬陰功海鮮湯，味道好濃郁，唔算勁辣，係辣得黎都帶點酸甜，但好開胃既，而海鮮既料都好足，有魷魚同青口，仲有啲菇。飲完湯就係我地既主菜 咖哩炒大蝦，餐廳仲係上面加左朵花 賣相一流😂 咖哩睇落勁惹味 流哂口水 咖哩係偏甜既但好好味 而蝦同curry 既配搭都好match 我地on side叫埋garlic bread 點，勁入味同香口，食完又食而麵食有Pad thai！同我想食既味道一樣！而且性價比好高 一大碟都係$65蚊 同樣地係酸酸甜甜既口感，值得一試。最後仲有個芒果糯米飯 有兩種唔同既糯米，飯既份量比想像中多 絕對夠飽 芒果feel到係新鮮芒果 因為好甜，個個食到好飽，有機會一定再黎食！

今次約個friend食飯，又食我最愛既泰菜！天時暑熱最岩食泰菜，咖哩配啤酒真係gur到爆！叫左幾款野食，全部都相當唔錯。Menu好多野揀，咖哩，串燒，海鮮，飯麵都有！我同朋友都覺得呢到既海鮮整得好好食! 呢個辣椒炒花甲都好入味, 個汁真係無得彈!最岩就係叫個蒜蓉包撈晒D汁黎食另外海南雞飯都唔錯, 雞肉無骨, 又滑! 個汁好辣好惹味!!燒魚都值得推介, 不過我唔記得呢條係咩魚, 好似係鰂魚, 入面魚肉好滑又多汁, 無泥味仲帶有香料味!正呀!

九龙城的泰国菜有一个算一个的正宗。泰象馆，去之前没有做过研究，开到哪里就吃到哪里了。尝试了两个招牌菜，鰂鱼沙拉 ：超级推荐，第一次吃到。鰂鱼炸的焦脆，新鲜，酸甜汁刚刚好。胡椒粉丝大蚬煲：名副其实，胡椒味突出，蚬子也真是大个，不牙碜（没有杀）不愧为招牌菜。另外两道常见的泰国菜，芒果糯米饭，两种米混合，新鲜软糯非常推荐。位置是小了点，但是服务亲切，物美价廉，要早点去才能尝试到如此美味。毕竟做下去半个钟就都已经满了。

今日心血來潮好想食泰國菜，所以約左朋友特登入9龍城食呢間泰象館。首先，餐牌方面，種類好多元化，除左一些常見既泰國菜menu之外，仲會有一些新穎啲既菜式，不過我地都中意傳統泰國菜所以無試。食物方面，點左青咖喱雜菜，咖喱味好濃郁，落左好夠既香料，叫左碗油飯黎撈咖喱汁食一流。另外點左鴨肉生菜包，平時出面好少有鴨肉，食落去味道都唔差，夠特別。香葉辣椒炒海鮮: 呢道又係心水推介，好入味，岩晒濃味控。燒豬頸肉: 烤得剛剛好，豬頸肉唔會太鞋口，2個人食晒成碟，正

今日有人請我食飯，揀咗間唔貴，又想試好耐又多好評嘅泰菜。泰菜之中，我最鍾意就係生菜包。分量都幾多，可以揀豬牛雞，我哋揀咗豬。生菜洗得幾乾淨，好新鮮脆口。蝦醬炒椰菜苗，呢種椰菜苗好似係泰菜獨有，呢個太辣，要係咁飲野。炸蝦餅同魚餅揀唔到，最好可以叫個雙拼！魚餅唔係度度有得食，佢好在整得唔太辣，好惹味！下次我會剩係叫魚餅食得更滿足。最後叫左個黃咖喱雞，相當足料，雞、薯仔、配菜都有，咖喱香濃，要叫個飯食晒啲咖喱汁。要推薦呢杯青檸沙冰，原汁原味超級清新，幫我解辣。最正係可以走甜！

屋企人話想食泰國野🙏🏻🙏🏻🙏🏻又想試下新餐廳睇過openrice 呢間好似幾好咁就入嚟試下首先最緊要一定係入口嘅Singha 啤酒味道真係好出色👍🏻👍🏻👍🏻椰菜苗係我最鐘意食嘅菜嚟！馬拉盞份量落得啱啱好👍🏻👍🏻👍🏻豬頸肉好脆口👍🏻份量亦都多泰色炒濕河海鮮份量多👍🏻👍🏻重點嚟到嘅明爐烏頭👍🏻👍🏻湯底好好味不過條魚有啲腥椰青水夠凍👍🏻👍🏻好解膩感下次叫多啲人可以試佢個燒雞，見隔離枱食好似好脆幾好食🤔