泰象館

营业中

休息中

九龍城咁多泰菜，大牌嗰幾間都食過，去試試舖頭細細嘅泰象館！食物款式好多選擇，一嚟緊係唔少得嘅生蝦！肉質彈牙，個汁都唔錯，唔會太辣！蝦餅一碟8件好大件抵食！椰汁咖喱雞有驚喜，好香，可以撈幾碗飯食，我覺得平時咖喱雞啲雞肉通常都唔好食，一係就好嚡一係就好冧，但呢個唔會，會想食多幾舊！仲有好耐冇食過嘅木瓜沙律，賣相好靚紅卜卜，夠辣又大大碟我鍾意！仲有個招牌炒飯，果然係招牌，有個靚靚蛋皮有心思，炒得好香又好味！呢間仲有樣好就係上菜超快，唔驚餓親，值得再嚟😛