泰象館

营业中

休息中

Blue Monday 最好調節心態嘅節目就係約朋友食飯。朋友都好想去九龍城試吓泰國🇹🇭菜。泰象館都算是中型泰國餐廳。都好容易搵到，城南道中間位置。位置都好容易搵到。兩個人入座時間都算早，不過，坐低一陣，已經好full 下。兩個人點左唔少。蒜蓉椰菜炸皮蛋青咖哩雞配薄餅冬陰公湯鴨肉生菜🥬包串燒值得一讚嘅有鴨肉生菜包，比豬更加香，而且無咁多油。鴨肉味跟香草🌿好夾。而好驚喜嘅有炸皮蛋，蝦肉包住整個皮蛋，外脆內軟又係另一個嘅滋味。爽口蝦肉加軟棉皮蛋，兩個唔同感覺，但一次過發生。仲有冬陰公湯，咁香濃，蝦味非常濃郁。大大只蝦，唔怪得有咁濃蝦味。椰香青咖喱🍛鐘意椰奶嘅朋友就一定要試下。配埋薄餅食就完成吸收晒啲咖喱汁，是食唔停。

九龍城多泰國嘢食唔係新鮮嘅事，但係好味嘅泰國菜大家又食幾多間呢？今次同朋友食呢間叫做泰象館泰國餐廳，外邊有個黃色嘅招牌好容易就搵到，餐廳都算多位所以店員好快就安排咗位置俾我哋。我哋總共帶咗六樣嘢，有馬拉盞炒通菜，海南雞，半打串燒，椰汁咖喱，薄餅同埋珍多冰。首先馬拉盞炒通菜，同出邊食到嘅差唔多，通菜唔會老有渣，而且好夠味,食得出落咗好多馬拉盞。我同朋友兩個食所以就叫咗半隻海南雞,海南雞份量都幾多，絕大部份都係無骨嘅,下面仲有青瓜伴碟，用黎點嗰醬就真係生色不少，兩個人食啱啱好。串燒我哋嗌左半打，牛豬雞每樣各兩串，串燒一串唔會話得兩三舊肉而且醃得啱啱好味，加埋個沙嗲醬簡直係正，我哋仲叫店員比多一兜我哋，佢完全冇托手踭，抵讚！朋友之前食過黃咖喱話唔錯，所以今次就試下椰汁咖喱，朋友話呢個咖喱同黃咖喱一樣咁正，而且仲多左椰汁嘅香味，肉片份量好多，仲有啲豆角連埋咖喱汁一齊食都好正，我哋仲叫咗個薄餅點埋啲咖喱汁一齊食唔好嘥。珍多冰同出邊嘅差唔多，下次可以試吓嗌少甜。呢間餐廳同朋友聚會食飯都唔錯，可以多個選擇。

朋友叫我去九龍城食泰國菜，我話泰國菜周圍都有，使唔使特登去九龍城食，朋友話你食完先講啦，咁我咁順得人，就即管去見識吓😆我哋叫咗幾樣嘢一齊食。半隻海南雞：非常有雞味，真正做到皮黃肉白（呢個係檢視靚雞質素其中一個標準），雞肉啱啱熟（火候控制得好），好嫩滑，仲配有微辣嘅醬汁，非常惹味；平時我唔食雞皮，今日都忍唔住食咗兩塊，實在好香好好味😋豬頸肉炒通菜：豬頸肉醃得入味，通菜非常新鮮，炒得好香青咖喱雞：香濃嘅椰汁青咖喱，少少辣，見到落足配料；雞肉幾滑蒜蓉包：真係有蒜粒喺麵包上，配牛油好香，表面脆脆地；就咁食好食， 沾青咖喱汁又好好食朋友叫咗「椰汁珍多冰」，我就叫咗「椰汁冰」，兩杯都好香椰奶味😋呢間係美味泰國菜館，朋友真係冇介紹錯，食得開心😋

疫情之後好耐都冇約朋友出嚟食飯，今日專誠去九龍城探朋友，佢介紹去食城南道泰象館。一坐低整返支泰國啤酒同魚餅拼蝦餅一路傾一路食😋😋，蝦餅爽口彈牙足料，魚餅炸到金黃色檸檬葉同魚味好balance, 冇得彈👍🏻食到咁上下再order 生蝦（呢樣係必食）唔係好食辣都要連埋辣椒一齊食先好味，真係三個字、好鮮甜🤪蛋包鮮蝦金邊粉大大碟，酸甜夾埋一齊再加花生D咸香味令我可以食曬成碟！我都覺得我好犀利😉馬拉盞炒介蘭炒到剛剛好唔會炒到淋曬！（因為我鍾意爽口feel)而且又香口最後就係我嘅最愛甜品...芒果糯米飯！要讚呢間店係用蒸嘅方法整熱啲糯米👍🏻，所以食到尾啲糯米都係好軟熟。 如果係用微波爐整熱、 你食到一半剩返嗰啲就會硬曬。

終於可以出街食飯，今日好想食泰國菜，當然出去最出名食泰國菜既九龍城🤣 我隨意入一間，見到環境簡簡單單，仲要招呼我既阿姐好熱情！～當然要叫冬蔭功（小）份量都大，兩個人好夠飲，飲口唔算太辣，好足料！～明爐青檸蒸烏頭魚 整條上，都幾大條，魚質好新鮮！～馬拉盞炒椰菜苗好香馬拉盞，椰菜苗好新鮮！～食完主菜當然叫一個甜品芒果糯米飯！芒果睇顏色好新鮮，入口酸酸甜甜，糯米飯口感岩岩，唔會太軟同太硬！～整體餐廳食野不錯！值得再去！

今日係九龍城工作，緊係唔放過食泰菜既機會九龍城泰菜餐廳超多，但今日食呢間「泰象館」真係稱得上平靚正！午市套餐超抵食，價錢重平過茶餐廳！午市套餐款式勁多，炒粉炒飯湯面都有，實揀到岩食價錢超經濟，$40蚊已經有個正宗泰式炒粉，重要包埋龍眼冰，就算飲沙冰，一個餐埋單都係$50，超經濟餐廳好貼心，點完餐就有熱水提供洗下餐具金不換菠蘿沙冰即係加左羅勒葉既菠蘿冰，感覺更加清新，好清涼午市咁抵食，所以獎勵自己加左個冬蔭功湯好足料，有一隻大頭蝦，好多菇菇同兩三粒原粒車厘茄微酸夠辣，超正蝦肉夠新鮮，落左湯依然彈牙泰式乾炒豬肉河一望就知正超夠鑊氣之餘，夠色又夠味，河粉口感綿滑，配料豐富，份量夠曬大碟，$40堅抵食

最近防疫工作要做好 呢間泰國餐廳都做得好好 入到門口會先探體溫同有搓手液之後仲會比一盆熱水你洗碗👍🏻乾淨！冇得去泰國唯有係去九龍城當去左一定要叫嘅生蝦刺身佢嘅醬汁再配埋苦瓜蒜頭 好爽！冬陰公海鮮湯細。口味同當地飲一樣可口而且足料 有蝦有硯 辣味十足 飲到唔停口！明爐青檸蒸烏頭魚 - 新鮮烏頭魚 熱辣辣鍋加上青檸配合好夾馬拉盞炒椰菜苗- 菜苗份量足夠 新鮮炒 夠火喉 野味加一杯青檸梳打龍眼冰 入口爽甜椰汁西米糕 好味 唔會太糊 西米不硬代表新鲜

九龍城一向泰菜餐廳都好多。今次行開經過見到泰象館未到七點已經坐滿晒。今次第一次試，好彩早嚟少少如果唔係都要等位。係傳統嘅泰國人開。Menu選擇好多有成10幾版，睇到花多眼亂。我點左個冬陰功，青芒沙律，明爐青檸蒸烏頭魚，見到烏頭魚係佢特別推介，仲有馬拉盞炒通菜。菜嘅份量全部都好大碟個.青芒沙律夠晒入味，酸酸甜甜，芒果好新鮮而且係即刻整，配上番茄，花生等等嘅配料，好開胃，食慾大增。馬拉盞炒通菜亦好香口，通菜夠晒新鮮 。我特別推介蒸烏頭魚，烏頭魚好大條，兩個人食都夠晒飽。烏頭魚嘅佐料，有好多，蕃茄仔，青檸，辣椒仔等。滾左差唔多10分鐘再食。條魚好新鮮一啲都無腥味。湯頭亦好鮮甜。另外冬陰公都好好飲，入邊有好多海鮮，海鮮嘅份量仲多個湯，蝦都有成三隻再加上冬菇仔蕃茄仔等。本身叫埋甜品，但由於飽得滯都試唔到。到走嘅時候見到外面仍然好多人等位，絕對會再返嚟食

最近好掛住泰國菜，於是收工突登過去食泰象館。每次食泰國野都一定會叫個木瓜沙律做前菜，不過成日都嫌唔夠地道唔夠辣，但今次呢碟終於夠辣，超開胃！木瓜絲又夠爽口，係極地道既味道。串燒雞肉豬肉：沙嗲醬好出色，勁多花生粒有咬口，配上即燒既雞同燒豬肉，係出色既小食。香葉肉碎撈飯：個飯炒得粒粒分明，味道香濃，肉碎好入味，小小辣食得好過癮。蛋包鮮蝦金邊粉：賣相好高質，蛋絲包住新鮮炒起既金邊粉，有好多隻鮮蝦好足料，彈牙新鮮。最後叫埋枝藍妹同加一埋單都唔洗三舊水，呢餐真係抵食。

來到九龍城當然要吃完泰國菜才算完美，因為九龍城就如一個小泰國，到處都是泰國餐廳，和賣泰國有關的食物和物件。隨意挑了泰象館，裡面是泰國風格裝修，離開時更有人排隊吃晚飯，而服務態度非常好，讚一個！泰東鴨肉生菜包：平時吃豬肉或者雞肉比較多，居然有鴨肉的，外表跟豬肉沒太大的分別，吃起來的確是鴨肉的味道，口感比豬肉細嫩，而且有很濃的泰國香草味。原隻菠蘿海鮮炒飯：有蝦，魷魚，雞蛋，臘腸，青口，果仁等等，少不了的菠蘿，米飯炒得粒粒分明，還吸收了菠蘿的香味，令口感更佳。而菠蘿肉更是那麼清香清甜，一味兩吃。泰式炒什菜：有紅蘿蔔，包菜，芥蘭，紅椒等等，對我來說有點辣，不過味道都夠咸香，也很惹味。菜炒得很脆口，青菜也夠翠綠。

真係有一段長時間冇食過泰國野雖然現在每區都會搵到泰菜既踪影 但係講起泰國野自然會同九龍城聯埋一齊 仿似九龍城為正宗泰菜既代名詞今日去呢間係朋友介紹 佢食過覺得質數唔錯既芒果沙冰大大杯 芒果味香甜 雖然應該落咗少少糖漿 但整體不錯 抵飲鳳爪沙律甜酸開胃 鳳爪爽脆 配菜亦恰到好處 只係偶爾會食咗辣椒籽而過辣味黃金炸皮旦外層為蝦餅 內裏一整隻皮旦 兩者皆為我喜愛食物 彈牙香口美味 而且大大粒 咖哩炒大蜆咖哩食泰國菜都係必點之物 炒得香 惹味又不會太辣 蜆肉新鮮而且大粒 係超出預算既大簿餅點咖哩必不可少 味道正常 略嫌唔夠鬆軟香芒蟹肉炒飯飯炒得乾身 加上蟹肉芒果 十分美味

讀書既時候最鍾意就係隔日去九龍城食泰國野出左黎之後 愈來愈少食泰國菜因為覺得除左九龍城既泰國菜 出到城既都又貴又唔好食今日突然好想食泰國菜 就入左去九龍城！試左一間好耐以前試過唔錯既鳳爪沙律係我去食泰國嘢必叫嘅因為好少會食到無骨鳳爪 而且泰式嘅沙律酸酸辣辣好開胃每間泰國嘢嘅沙律配菜都唔一樣呢間依家入咗檸檬葉感覺好新鮮仲有少少嘅檸檬味 唔錯炸皮蛋球係呢間舖頭多人推薦嘅菜式係炸蝦餅同皮蛋球之間 我哋揀咗炸皮蛋球呢碟菜一放低已經聞到好香而且佢啱啱炸起熱辣辣皮蛋球出邊嗰個正正就係用厚厚蝦餅包住抵食又好食椰菜苗唔係間間舖頭都有得食但通常九龍城嘅泰國嘢都一定會有所以又係必叫 唔食得辣既朋友都話好香 好食呢知炒飯 芒果就好多喇 但蟹肉就唔算好多 唔算好重蟹肉味 但炒飯都幾乾身食泰國野點炒得咖喱呢 呢個咖喱唔辣 好香大蜆隻隻都好大隻 好新鮮 正今次就叫左薄餅點咖喱 唔好哂哂咖喱既精華個薄餅熱辣辣 亦好有麵粉香呢兩杯沙冰就不過不失 唔甜 帶有陣陣既水果味 但唔算濃中和番泰國菜既濃味 岩岩好值得一讚既係 呢間餐廳上菜既速度神速一落完單 唔夠10分鐘就上菜值唔代表佢整定喎 因為碟碟菜都熱辣辣仲有d侍應個個都

今日同朋友去九龍城食泰國菜呢間餐廳唔係第一黎，喺九龍城區算係有水準嘅一間泰國菜，比起大型食肆，小店氣氛隨意更加啱我哋心水😊環境食物乾淨衞生👍🏻👍🏻 疫情關係，餐廳好細心咁準備咗一大碗熱水比客人自己再淥一次碗碟，自己親手洗一次更安心，好貼心嘅安排👍🏻食物方面，水準依然非常之好柚子沙律柚子肉多量，清新健康，開胃青咖喱牛肉$70有椰香味，唔會太辣，啱晒一啲唔係食得好辣又想食咖喱嘅朋友，最欣賞佢入面啲蔬菜新鮮爽口，絕唔係嗰啲煲住咗好耐嘅咖喱蒜蓉包$25每次嚟呢間餐廳必嗌麵包焗起鬆軟，上面仲見到一粒粒蒜蓉粒，好味包身可以吸到好多咖喱汁，配咖喱食一流！泰式金邊粉最欣賞佢加入左櫻花蝦，有鹹香味椰青 $36 - 食泰國菜必然配搭，清甜多汁😊見隔離枱嗌左沙冰睇落都唔錯，下次要試吓！留意到呢間餐廳都有提供泰啤，絕對係朋友相聚嘅好地方👍🏻👍🏻👍🏻

收工約了朋友到九龍城食泰菜約了七時半，剛好九龍塘有小巴🚌開出準時來到餐廳✌🏻餐廳內店員主動提供熱水給我們清洗碗碟用，食起來也安心點我們兩個也很久沒有吃泰菜，點了好幾個菜柚子沙律 ︱ $70好多柚子，柚子不會太散，吃起來好juicy，甜甜的不苦澀生菜新鮮，還有幾隻蝦及多花生粒。柚子沙律不辣，幾開胃及清新。青咖哩牛 ︱ $75青咖哩有香葉的味，很多牛肉片，配菜煮的時間剛好，仍然水份充足，豆角嫩身。咖哩配合蒜蓉包，真係停不了口蒜蓉包 ︱ $25食泰菜，當然要配蒜蓉包一客蒜蓉包有四塊，兩個人分剛剛好，厚切蒜蓉包焗得好香好脆，牛油蒜蓉搽滿整塊包，味道均勻。有些蒜蓉粒，愛吃蒜蓉的我想把朋友的一份也吃掉蛋包鮮蝦金邊粉 ︱ $72蛋皮煎得薄及脆邊，包著金邊粉外型不錯拆開蛋包，有豆乾、芽菜等，伴碟的花生碎，少少酸甜辣，份量十足。椰青 ︱ $36椰青好多水，清甜，而且肉可以刮出來吃，感覺椰青新鮮，我們一人叫了一個飲，清熱氣餐廳侍應由落單、上菜到收碟都好爽手。有很多電子付款方式，好方便下次再來九龍城食泰菜都會揀這間

椰青 $36大大個 夠凍、 超級清甜多汁芒果沙冰 $30好濃郁新鮮芒果味 足料柚子沙律 $70個汁得個甜字、唔酸又唔辣😆一啲都唔泰式味但勝在柚子夠多 夠新鮮 甜嘅冇苦澀味細東陰功 $74夠兩個人飲勁多菇 成碗都係菇😂有一隻開邊蝦味道係厚嘅 但冇乜酸味 同唔夠香一般般啦！蛋包鮮蝦金邊粉 $72個樣超級靚仔😋睇佢包到細細舊 其實份量好多架鍾意佢夠多蛋絲乾濕程度非常好👍🏻味道剛剛好 甜酸味都夠 幾香加埋花生碎同青檸汁無得頂 芒果蟹肉炒飯$72蟹肉都唔少 雖然冇乜味😆芒果反而目測得兩粒冇乜鑊氣味道清清地 食得太多濃味嘢 ，食吓都唔錯嘅腰果淋咗 有陣味 可惜啊！總括嚟講食物質素都幾好價錢唔貴之餘份量又多店員嘅態度都幾好成條街啲舖都冇乜人得佢一間排晒隊係有原因嘅🤩留意番只收現金/支付寶/Payme唔收信用卡架