泰象館

营业中

休息中

難得嚟到九龍城泰國菜，喺眾多選擇裏面揀咗呢間泰象館，第一次試但好有驚喜。首先入邊見到個排行榜，於是我哋就跟住嗌個係熱門嘅生菜包，同平時食嘅唔同，有得揀豬肉牛肉或者雞肉，但係我哋都係跟傳統叫咗豬肉。初初先食咗一啖肉，覺得有啲鹹，點知加埋生菜食就非常夾，愈食愈惹味，不愧喺排行榜入面。飛天通菜好入味，水準之上。烤羊架，表皮烤到好香，入面肉質仲係好軟，好多肉汁，仲附上一個帶酸味嘅汁，可以解漏。椰青大大個，入邊好多汁，而且椰肉好嫩，好似食緊啫喱咁。最後個特色炒飯份量好多，而且入面仲有唔少海鮮，成餐飯都好滿足。