泰爸爸

营业中

休息中

今晚同個朋友出咗奧海城果邊，原本都唔係好諗到食咩，但見到有間地舖食泰嘢嘅「泰爸爸」，就決定食佢～🛶泰式拼盤 $138拼盤包括咗炸蝦餅、炸魚餅、春卷同埋串燒雞。多人嚟食時好啱揀呢個拼盤做小食～佢份量都算多。蝦餅同春卷正常發揮嘅好食！炸魚餅我好耐無食過，點埋個甜甜辣辣嘅醬👍🏻而串燒雞肉好嫩，就咁食已經好正！連埋個甜甜地嘅沙嗲醬更加無得彈！鮮蝦炒金邊粉 $88食得泰嘢好多時都會叫返個炒金邊粉，而呢個金邊粉好足料！好多蝦～🦐🦐🦐泰式香茅燒雞（半隻） $98香茅燒雞肉質好juicy！唔會韌，而個醬汁都係微微辣。泰式炒通菜 $72食得多肉就點返碟菜，味道唔錯！通菜好入味，辣辣地，係油咗少少～最後再點咗兩杯嘢飲。椰汁沙冰 $30平時嘅椰汁沙冰多數都會好甜，但呢杯相對地唔會好甜，反而變得有清甜嘅感覺！值得推介！泰式凍奶茶 $28呢度環境同食物質素都好ok，有機會都要再嚟食過！

放工約朋友去奧海城行街，行到餓好自然去三期地下搵嘢食，呢晚就揀咗食泰國嘢，叫泰爸爸，舖頭細細但坐得舒服，服務亦殷勤，天氣涼涼地本想坐戶外，不過有啲風，怕食物容易凍，所以都係坐返室內。泰式拼盤 $138，兩件炸魚餅，兩件炸蝦餅，兩條炸春卷同埋兩串雞肉串燒，份量大件，講真賣相唔係太吸引，但食落件件都有特色，最鍾意個炸魚餅，亦係個樣最唔討好，炸到啡啡橙橙，形狀似小冬甩，一咬金不換及香茅嘅香味浸入味蕾，口感軟軟熟熟，帶點彈性，好好食👍🏼👍🏼海南雞撈檬粉 $68，其實餐牌無呢款，只有海南雞湯河粉，或雞絲撈檬粉，問下可唔可以二合為一，做成海南雞撈檬粉，侍應問咗廚房話得，不過出咗嚟就似比較粗身嘅雞絲多啲，因為用咗海南雞胸肉，配合生菜絲、蘿蔔絲、青瓜絲及炸乾蔥，與甜酸汁撈埋一齊食亦不錯。

行開奧運呢頭有d肚餓就叫左d小食。泰爸爸有露天亦有室內,我就坐左係室內睇街景。食泰菜,我例牌叫左6條牛肉串燒,每一串都好大塊牛肉,本身已有D汁係面,仲額外跟左SATAY SAUCE,味道相當好。88蚊6串都好抵食。另外叫左兩串泰式燒蝦,兩隻蝦都好大,蝦肉面上有D GARLIC SAUCE,好香,再點埋THAI SAUCE,味道更昇華,實在好好。見佢既椰青都好抵食,大個又多汁,忍唔任追加左一個,仲有花仲裝飾添呀!我黎既時候都仲幾個人係度食,真係好受歡迎咁。店員都好好。呢度既WALL係黃色,好SHARP令人好精神,仲有好多裝飾,真係唔錯!有D掛畫都好有泰色FEEL,直頭以為自己黎左泰國咁!下次會黎食茶餐!

今日同朋友黎到奧海城呢邊，見到裝修唔錯價錢唔貴就入去試下！外面座位氣氛好好，好岩三五知己係到吹水。首先同朋友一人一個湯粉，佢既湯底濃郁，鍾意辣嘅朋友可以另加魚露，令味道更加豐富！雞翼都炸得香香，保留到肉汁。另外叫左一份冬陰功海鮮湯，味道先甜後辣，配料亦都多，係我鍾意既口味。原個椰青既味道清甜，裏面既椰肉又甜又厚！椰汁冰既甜度都好適中，可以不時幫手解辣。員工態度親切，向佢點餐都感受到佢既友善，絕對可以係好好享受一個晚餐。而且間餐廳既上菜速度好快👍🏼 可以等到啲野食一齊影相大合照😂 又唔怕某位朋友既野食特別遲黎～

店鋪位於奧海城3期地下外圍，係裏面係入唔到去架！果到一列都食店，好易搵到！首先佢露天座位晚上既氣氛好好，上面吊住一粒粒既LED燈，可惜我咁岩去果日出面有客人食煙，所以都係坐番裏面既座位，會比較適合非吸煙人士～值得一讚佢食物既份量好多，叫左一碗豬頸肉檬粉，豬頸肉係可以鋪滿左面層！粉既份量多，相信男人食一碗可以夠飽！湯底本身唔辣，但已經好濃郁，食辣既朋友可以要求佢俾啲調味料。雞肉串燒一份6串，雞肉濃味又大舊，點埋佢既醬料實在一流！細份既冬陰公海鮮湯足夠2人飲用，每人都有2-3碗。配料都多，係真係有蝦、魷魚等既配料，可以話係真材實料！總括黎講佢價錢合理，食物質素同份量都令我相當滿意。

奧海城三期地下有成排嘅餐廳並列咁附設有露天嘅坐位，氣氛都唔錯，雖然面對馬路，但原來呢度車流量唔高，所以都算幾靜，知道呢度開咗間新嘅泰式餐廳，所以嚟enjoy一吓，嚟到見到周圍排咗一排排嘅小燈串，睇落去好靚，心情都好變得好啲同埋輕鬆啲。坐低之後就叫咗泰式煎蠔餅($88)，同埋青芒果絲炸魚沙律🥗($158)。煎蠔餅上枱時仲係熱辣辣，唔知道係唔係因為有啲牙菜仔放喺蠔餅底到幫手索左啲油，蠔餅食入口唔會話有好多油嘅肥膩感覺。想講個青芒果絲炸魚沙律🥗有驚喜，成條魚起肉之後炸，之後上枱時又將成條魚嘅形狀都砌返出嚟，食嘅時候每一舊炸好嘅魚肉加埋啲青芒果絲食，方便又好味道，每一件魚肉炸得啱啱好，唔會太乾身😋。

今日去咗澳海城行街，行行下見到有一間餐廳食泰國嘢，我鍾意食沙爹串燒，所以就入咗去食。沙爹雞串燒 $88啲串燒係即叫即刻整嘅，所以熱辣辣，雞肉燒到啱啱好，幾香口。另外，嗰啲沙爹醬，落左花生粒落去，所以比較香口。椰汁千層糕 $20呢個係必食推介，嗰個椰汁糕，系即叫即刻蒸，所以熱辣辣，食落去更加有口感。甜度又適中，食過返尋味啊，我1個人可以食曬成碟，一碟裏邊都有4嚿椰汁三色冰 $30呢間餐廳有分室外同埋室內，噉室外會有暖爐提供嘅。

大角咀其實都好小去，吾會突登去到禁遠！見佢最近新裝修完就諗住行下，睇下有咩新野食又去試新野🤣第一第二期都多咗好多新嘅鋪頭，有啲仲裝修緊！見到有間泰國餐廳，重口味嘅我地，好自然揀咗佢！哈哈！！！雖然今日好凍但係見到佢啲燈飾咁靚，就好想坐出面！好似置身係外國一樣！而且枱同枱之間都有一定嘅距離，坐得都好舒服😌侍應都不停幫我地倒水，又開個暖爐，服務一流！！！我哋叫咗一個椰青水，好清甜飲得出係無添加！！而且好多，又飲湯食到甜品都仲有得飲！！讚！！泰式拼盤🥰重點係佢個沙嗲汁！唔係好浠個類，係好潔而且有花生係入味！好正！我個人鍾意食佢個蝦餅！好彈牙同脆卜卜！馬拉盞鮮魷炒通菜😌我第一次見係啲鮮魷多過啲炒菜嘅🤣味道唔算辣，不過馬拉盞味好香！好大碟抵食！！椰汁雞湯好濃椰汁好補嘅感覺哈哈🤣啱哂坐室外嘅我地！佢好多配料㗎！都不錯！！不過美中不足係，如果有個火可以暖住佢就仲正喇！！！整體來講佢都性價比好！！又唔算貴又有令景！！哈哈會再黎！！！推介！

泰國菜不嬲都是我出街食飯的選擇，今日去奧海城行街，行到食飯時間，就去左依間應該新開的小店，叫做泰爸爸。我見佢價錢幾抵，咪入去試下。我次次一定叫金邊粉，因為金邊粉係我最中意的一道菜，檸檬汁同花生碎撈埋d粉，好彈牙同香，仲有兩三隻蝦！都係好鮮味！貪食的我仲叫左炸魚餅，同樣都炸得好香。平時坊間的魚餅都會炸得好乾，但依間咬落去好有口感,仲有香料味添啊。食菜就少不免叫炒通菜，不過不失，主要都係平同份量大，依個價錢有咁的質素，好推介住附近的人黎食個小炒。另外我友人的冬陰功海鮮湯有好多海鮮，兩隻青口，兩塊墨魚，三隻蝦，真係食餸都食到飽。佢冬陰功湯係偏向重椰奶味，唔太辣，唔食得辣的朋友可以點，若果追求辣的朋友就唔太岩了。

奧海城最近開咗好多新餐廳，繼之前有上海菜，而家又有間泰國菜，裝修骨子，有室內外座位，又來試吓新野。 蝦肉紙米卷- 紙米卷好大份，總共有六件，每一件都俾粉絲、紅蘿蔔絲、芒果、生菜同蝦肉塞得滿滿的，芒果好甜，點上酸酸甜甜嘅汁，好一個餐前小吃！生牛肉湯河- 份量唔少，上枱時係剛熟嘅狀態，湯底清甜，一箸牛肉一啖河粉加少少湯一齊放入口，好味！泰式金邊粉- 金邊粉彈牙，蝦肉夠爽口又大隻，撈埋花生碎夠晒香口，吱少少青檸汁，清新又開胃，好快就成碟食晒！最尾叫埋個大大杯嘅青檸梳打，飲極都飲唔晒咁，飽飽又滿足咁返屋企。P.S. 呢度每個店員都好有禮貌，雖然只係一間小店，工作十分努力，不斷照顧客人是否有加水或其他需要。

路過奧海城，見到佢好多新開既餐廳🤣吃咗幾日中菜，就一於吃下其他！今晚就吃泰菜！！佢都幾靚，又好多燈飾，好浪漫下，好似係外國餐廳🤣雖然係有啲凍！！！但坐外面好舒服hehe椰汁雞湯，一開頭諗住係中菜味，點知又有酸酸辣辣地既味，又幾有泰國風味咼！而且好多香料同雞，都幾好飲！飲完暖粒粒！馬拉盞炒通菜鮮魷！好大碟！！係幼身個隻通菜，好吃！馬拉盞吾太辣，老小都咸宜！不過鮮魷就吾太鮮，但勝在性價比高！泰式拼盤有蝦餅，魚餅，春卷，仲有串燒！！都幾好吃！特別推薦蝦餅同串燒🤣蝦餅新鮮熱辣，脆卜卜😚串燒好入味再加沙嗲汁，一流！！！芒果蟹肉炒飯勁多蟹肉，每啖飯都一定有蟹肉！！啲芒果好甜！這個配搭好新鮮好好吃😚推薦！！！芒果糯米飯吃完咸野，泰國甜點一定要叫糯米飯！個椰漿熱辣辣配糯米飯，佢有紫米同普通白米！好吃！！有吾同咬口！！！啲芒果又好甜！！

來到奧海城行街shopping ，朋友知道有間泰國菜話好抵食，一定要來試下，原來係呢間－「泰爸爸」餐廳位置非常方便，就係奧海城三期地下，而且佢地有室內或者室外既坐位，室外既坐位仲特別有情調，好似去左泰國既露天茶座＜香芒軟殼蟹米紙卷 $82＞呢個米紙卷足足有6大件，卷入面既菜，芒果同軟殼蟹勁多，生菜新鮮爽口，芒果又甜又多汁，配合埋即炸軟殼蟹，作為前菜真係一流!!~＜泰式煎蠔餅 $88＞大大份既煎蠔餅用鐵板上，即叫即造，新鮮熱辣，蛋餅勁厚，蠔仔份量勁多，而且粒粒都又大隻又厚肉，蠔餅底下層仲鋪滿芽菜，食完相當滿足!!~＜泰式香茅燒雞(半隻) $98＞呢個泰式香茅燒雞，雖然我地衹係order左半隻，但上碟份量一點都不少，大大碟上枱，皮烤得又脆又香口，雞肉又嫰又滑，完全吾鞋口，肉多而不太肥膩，配合埋香茅味同泰式香料風味，真係非常惹味好食，絕對係非吃不可!!~＜泰式乾炒牛肉河粉 $78＞呢個炒河粉炒得勁有鑊氣，牛肉份量不少，牛肉件件都大大件，而且肉質又鮮又嫰，配料用得好足，用上好多菜一齊炒，炒得香口惹味，乾炒牛河搞絕對不能錯過!!~＜泰式凍奶茶 $28＞呢個泰式凍奶茶，用上正宗泰國茶葉來沖，茶味濃

A new Thai restaurant in Olympic, having very good service. I won’t regret to go with my friend.The waitresses here are super nice 👍🏻 and with polite manner.The starter begins with豬頸肉沙律🥗 it is a little bit spicy 🌶 but acceptable ~ decorated by flowerCustomers can eat with vegetables , yummy 😋 Another well-known Thai dish~!小食拼盤～many famous food~ they are crispy ~ must order龍眼冰～it won’t be too sweet三色冰This is the dessert~ It won’t be too expensive. You can seat outdoor~

一家人去奧海城到處逛，逛到第三期，見到佢地方唔算大，但椅子寬大，就坐下點餐。點了生蝦、冬陰功海鮮湯、烤魚、蟹肉芒果炒飯、蠔餅、炒椰菜苗、生牛肉湯河。上菜好快, 好快就放滿全枱，生蝦隻隻都好大隻，冬陰湯就偏酸，烤魚最好味同正宗（同係泰國吃的一樣味），生牛肉湯河正常，炒椰菜苗就略嫌太硬 如有老人家可能冇牙咬唔開呀但整體而言，佢係一間有誠意嘅小餐廳，無論裝修，職員制服，食物品質，價錢與份量相比起同區嘅泰國餐廳都尚算好恰當。我會再去

朋友介紹奧海城有間新開嘅泰國菜，聽講口碑幾好，食完發現名不虛傳！室內環境很舒服，又有泰國風情，而且有露天位，出面掛滿燈飾，淡黃的燈光下既浪漫又舒服。餐牌發現有好多選擇，令人有點三心兩意，樣樣都很想一試，幸好服務員落單時好熱情比意見我們，主動問洗唔洗小辣，服務好又夠晒貼心，講野仲有小小泰國accent 好得意！頭盤：生蝦刺身：presentation幾好大大隻，味道爽甜，好fresh，而且佢有跟兩款sauces，綠色嗰隻又開胃啱晒唔太食得辣嘅朋友！青木瓜沙律：木瓜絲好爽口，而且水吧即叫即整，唔係整好放係度林哂小食：泰式小食拼盤：有蝦餅，魚餅，串燒同埋春卷，蝦餅最好食又夠香，厚身又彈牙，串燒魚餅都幾好，食到少少泰式香料味，很惹味主食：鹽燒鱸魚：本身想試佢個招牌明爐魚可惜賣晒，咁就試吓泰國姐姐推介嘅鹽燒鱸魚，呢個好好食，魚肉好滑又juicy，跟埋泰式酸辣汁囗感一流後尾仲叫咗個炒金邊粉幾好食夠鑊氣，下次會帶屋企人過嚟再試下其他嘢，驚喜係賣單嗰陣仲有泰式甜品送，有西米糕同千層糕，我哋幾個人食到飽每人平均都唔使$200，性價比都幾高！