泰爸爸

营业中

休息中

泰國菜不嬲都是我出街食飯的選擇，今日去奧海城行街，行到食飯時間，就去左依間應該新開的小店，叫做泰爸爸。我見佢價錢幾抵，咪入去試下。我次次一定叫金邊粉，因為金邊粉係我最中意的一道菜，檸檬汁同花生碎撈埋d粉，好彈牙同香，仲有兩三隻蝦！都係好鮮味！貪食的我仲叫左炸魚餅，同樣都炸得好香。平時坊間的魚餅都會炸得好乾，但依間咬落去好有口感,仲有香料味添啊。食菜就少不免叫炒通菜，不過不失，主要都係平同份量大，依個價錢有咁的質素，好推介住附近的人黎食個小炒。另外我友人的冬陰功海鮮湯有好多海鮮，兩隻青口，兩塊墨魚，三隻蝦，真係食餸都食到飽。佢冬陰功湯係偏向重椰奶味，唔太辣，唔食得辣的朋友可以點，若果追求辣的朋友就唔太岩了。