泰爸爸

营业中

休息中

第一次黎，大排檔一般的菜牌，數量絕對不算多的菜品，但喺！酸辣鳳爪，超正！酸辣適中，一切恰到好處，豬頸肉正，肉質同醬汁都一流。炒ong菜加咗豆瓣醬，意外的匹配，味道增色唔少，其他菜未試過，但喺相信都唔會差，會再黎！！

奧海城樓下嘅泰爸爸，泰餐好唔錯。檸檬鱸魚味道獨特，好入味，魚肉鮮嫩。冬陰功湯酸辣開胃，海鮮新鮮。生蝦刺身口感超正，唯一就係蘸料薄荷味太重。海鮮粉絲沙律都唔錯。而且路邊有座位，夜晚坐喺度吹住風特別悠閒。店裡服務又周到，好值得去！

只有串燒好味Pad Thai零驚喜！得兩隻蝦🍜冬陰功海鮮湯粉：海鮮新鮮，但冬陰功湯底好似清水咁淡，嗰種小家係難以置信👎🏻👎🏻👎🏻🥩最過分係個泰式燒牛扒：落單前問佢會唔會偏乾身？個侍應話唔會啦！ 嚟到簡直想爆粗🤬🤬🤬！牛肉切到好薄，望落去好似冇燒過一樣，唔識整泰式燒牛就唔好整！咬落去簡直係嚡熠熠！！即使有少少紅都冇肉汁，而且肉本身冇任何味道，口感只係一堆無味嘅爛肉！不知所謂嘅一餐👎🏻👎🏻👎🏻

平時帶飯多，難得約舊同事出街食lunch，之前已經想試，但係太多人就食唔到，今次啱啱好有檯客走就滿心期望去試。望見個餐牌真係有少少選擇困難，同事就揀咗個生牛肉湯河，我就食泰國嘢就係想食辣肉碎飯。先剛剛同事碗生牛肉湯河，唔講真係以為佢普通嘅肥牛日式烏冬。試咗佢一塊牛肉，真係打邊爐啲肥牛嚟㗎。跟住我個流水炒飯最靚仔都係隻煎蛋，肉碎唔夠乾身亦都唔辣，另外啲飯水太多，大家有眼睇大概可以知道有幾淋。同事話$55一碗生牛肉湯河算係咁，我嗰個就$65，咁我冇嘢comment, 分數來反映一切。BTW,加$10轉龍眼冰係好飲㗎。

好鐘意呢間戶外泰國菜 唔需要去到偏遠地區 正正市區就有～餐廳分室內同戶外座位 我次次過嚟都係坐戶外座位因為出面開曬燈飾好靚😍 夜晚過嚟食飯好有feel ❤️ 雖然餐廳喺商場同私人樓樓下，但價錢一啲都唔貴，例好似我叫嘅菠蘿炒飯 金邊粉 海南雞飯都係一百蚊之內 而且仲幾好食又足料 性價比高！！👍👍👍 員工勁有禮貌，隱約聽到佢哋傾計用泰文，應該係泰國人。可能唔多人知道有呢個地方 平日過嚟人流唔多 未坐滿（張相無人純粹係因為我等啲人埋單走先影🤭）客人主要係後生一族 見佢地坐喺出面飲酒食嘢傾計 環境超適合情侶 屋企人 一班朋友傾計食嘢 難得市區有間咁舒服既戶外泰國餐廳 我都希望多啲人幫襯❤️

開心歡樂吹水聚餐：無論係環境 & 食物…都很好地點 (旺中帶静，傾計首選) 環境靚 (食泰菜一定係首選)食物正 (食材新鮮)員工友善，服務有禮，相信係香港好難搵到以上咁多優點

用openrice訂座，去到時安排坐戶外，因為比較熱，有點猶疑跟住同服務員講，我哋食完即刻走，唔會用好多時間，結果安排坐咗入面叫咗一碗檬粉，一碗河粉，同埋一個蟹肉炒飯。檬粉同河粉都叫人滿意， 佢個豬頸肉燒得香又入味， 我最鍾意食湯河，佢嘅湯底都做得唔錯， 食到尾都忍唔住潷咗少少嚟飲唯獨蟹肉炒飯差咗啲啲.........唔知係唔係六點半開始人多, 炒飯最後先到。炒飯出嚟嘅時候有啲黏住一舊舊並唔係一粒粒米，而且蟹肉比較少， 我哋好用心搵咗三粒 相比起河粉較為失色。不過下次會嚟再試其他

去奧運站做野 lunch time，突然諗起之前朋友推介過既泰國野，見一段時間無去泰國野，就即刻走去試一試😁見到menu 好多野食, 2個人唔小心叫多左... 😅鮮蝦炒金邊粉：好大份的金邊粉，唔算好辣，甜度適中，男士一定食得飽！豬頸肉撈檬：酸酸甜甜的，唔會好酸，好開胃，爽口的粉，加上肉嫩較厚切的燒豬頸肉，夾得岩岩好😁泰式奶茶：可以叫少甜/走甜，唔係間間泰國野都做到，依個位係唔錯 。珍多冰：好香椰汁味，唔多溝水，綠色的椰條很多，有咬口，煙煙韌韌幾好！😁泰式鴛鴦串燒： 雞串肉好嫩滑，五點醬的話，是沙嗲味，點醬的話，成了沙茶味，很特別！豬串竟然唔韌，唔講仲以為係豬頸肉😆自製肉碎生菜包： 辣肉加生菜的配搭，減去油膩感，肉碎不鹹，還有有濕紙巾提供，真係貼心！椰汁千層糕：賣相還好，勝在夠大件🤣上面有椰汁在面，減膩，味道正常叫咁多野都只係人均$160, 好抵食好大份!

有室內又有室外既泰菜店, 想帶埋寵物去食飯都非常方便, 可以坐露天位置, 等狗狗都可以陪主人用餐, 店內員工好多都係泰國人, 而且友善有禮.碎肉生菜包 $88肉碎炒得香辣惹味, 而且香料味十足, 香味完全滲入肉碎當中, 生菜亦都翠綠新鮮, 食完之後會更加開胃.泰式煎蠔餅 $108蠔仔份量十足, 蠔餅炸得香脆, 又唔會油膩, 而且入口蛋香十足泰式香茅燒雞 $98雖然我地係叫半隻雞, 但仍然啖啖肉, 雞肉燒得嫰滑,雞皮燒至金黃色, 而且入口好香香茅味, 味道非常特別, 點埋餐廳既燒雞醬更好味, 推介大家一家要試👍🏼鮮蝦金邊粉 $88金邊粉炒得夠乾身, 有鑊氣, 配料夠多, 而且酸甜味適中, 蝦肉亦夠大隻爽口.菠蘿沙冰 $35 龍眼沙 $33

大角咀出名多小店 ！撞正今日去開奧海城 就查吓附近 發現有間幾好評 價錢相宜 嘅泰菜😜食完覺得係幾正宗地道嘅味道 份量又大 cp值幾高⭐️ 。當曰平日連戶外都滿座了 而店內嘅姨姨們都係識講廣東話嘅泰國人🤭🥗碎肉生菜包 $88 生菜包非常出色 肉碎炒得好香 微辣又帶有少少酸酸哋 洋蔥加香茅 炒得非常惹味 包住生菜食調味剛剛好 😀🐔泰式香茅燒雞半隻 $98 見好多枱叫燒雞 賣相好吸引 燒得幾靚，我哋都跟住嗌。燒雞勁濃香茅味 肉質嫩滑 一啲都吾乾 而且搭配酸酸辣辣嘅醬汁 味道更昇華 。份量都好大好好肉 推薦👍🏻👍🏻👍🏻🦪🧇泰式煎蠔餅 $108 蠔餅好大份 仲用了鐵板上菜熱辣辣🔥 蠔餅炸得非常酥脆 好香蛋味 又唔會太油膩 🍝鮮蝦炒金邊粉 $88 粉炒得夠乾身 夠鑊氣 有蝦雞肉花生碎 幾足料 份量超大 兩人食勁飽 😙🍍菠蘿沙冰$35，🍨龍眼沙冰 $33沙冰最驚係勁假嘅糖醬味 好彩佢地嘅沙冰吾係🤭菠蘿冰有淡淡菠蘿香味 好清甜 加上小碎冰 熱天飲好爽 。龍眼冰都好多龍眼肉 吾會好死甜 幾特別🍧

今日睇完戲過來試一下, 沒有經openrice訂座, 所以也沒有享有特別優惠, 泰國野我都鍾意食, 不過今日就無下午茶餐, 見到好多選擇, 有d選擇困難同心多🤭 今日唔食辣, 試下佢的雜錦湯粉轉金邊粉, 包一杯飲品, 要左凍🍋茶, 叫左走甜少冰, 等左一陣, 飲品先到, 茶底唔錯, 同一般茶記d🍋茶有d唔同, 之後送來湯粉, 份量都唔少, 見到配菜也豐富🤭😋 飲啖湯先, 清甜唔肥夠熱👍😍食下金邊粉, 可能浸左d湯, 更加好味🤩 再食下魚蛋, 魚片, 扎肉, 豬頸肉和羅白, 都幾好味😛😚 見d店員都係泰國人, 真係夠晒正宗😄下次可以再試其他🤗

天氣又開始悶熱，又系時候出動食泰菜，今次同朋友黎到大角咀，二訪價錢親民又扺食，由正宗泰國人主理既泰菜 一 泰爸爸@phatpapahk🌟青木瓜沙律 $75青木瓜、辣椒、青檸檬、花生粒配上酸辣汁，酸酸辣辣好開胃🤤👍🏻🌟蟹肉芒果炒飯 $88蟹肉同芒果都比得吾少，炒飯亦好大碟好足料，誠意十足🌟泰式煎蠔餅 $108真系睇相都睇得到個蠔餅真系好大份好足料，誠意十足🌟泰式盬燒鱸魚 $148魚肉鮮甜之餘配上泰式酸辣汁🤤👍🏻🌟芒果糯米飯 $55香甜既芒果配上軟糯既椰汁糯米飯🤤👍🏻🌟椰汁西米糕 $30椰汁既香甜配上西米，經典泰式甜品🤤👍🏻飲品：西瓜沙冰 $35 椰汁紅豆冰 $33 📍泰爸爸地址：大角咀海泓道1號奧海城3期地下G26號舖#大角咀 #泰菜 #泰爸爸 #留港消費 #支持小店 #西瓜沙冰 #為食關注組 #覓食大角咀 #食在大角咀 #青木瓜沙律 #泰式煎蠔餅 #芒果糯米飯 #椰汁西米糕 #椰汁紅豆冰 #蟹肉芒果炒飯 #大角咀食乜好 #泰式盬燒鱸魚 #香港美食地圖 #九十後行到邊食到邊#HKIG #HKIGER #PHATPAPAHK #HONGKONGFOODIE

平時揸車經過奧海城三期都見到有幾間餐廳，放工同朋友嚟到泰爸爸食泰菜。餐廳設有室外同室內座位，坐外邊都幾chill 。員工友善有禮，支持小店，好味道，價錢又相宜。碎肉生菜包餡料炒得夠香，香料味唔會過重，肉碎保持到夠口感，唔會食唔到。配嘅生菜份量足夠包哂一碟。好味唔太辣泰式炒椰菜苗椰菜苗好爽脆，泰式雖然簡單，但都炒得唔hea。椰菜苗真係好好食。泰式香茅燒雞呢個真係要大力讚賞下，首先食嘅底味好足夠，燒雞啱啱好皮脆肉滑，小小焦香嘅雞皮，但裡面嘅肉係勁juicy 。兩個人食半隻已經夠哂。泰式黃咖喱薯仔牛腩泰國嘢就一定要叫個泰式咖喱，咖喱同椰奶嘅味道好平衡，牛腩炆到一啲都唔韌，而且大大舊，十分抵食。香蔥蒜蓉包十分足料，一客有好多舊，叫一個大家share 嚟點咖喱食係最好嘅選擇。

位於大角咀奥海城三期< 𝐏𝐡𝐚𝐭 𝐏𝐚𝐩𝐚 >, 一間優閒泰國菜餐廳, 設有室內及室外, 亦有多款茶式選擇, 而且性價比高。ᴛʜᴀɪ ʀᴏᴀꜱᴛᴇᴅ ʟᴀᴍʙ ᴄʜᴏᴘ $⁹⁸/² ᴘᴄ泰式燒羊鞍, 肉質幼嫩, 混合各種泰國香料及調味料, 帶點羊羶味道。ᴘɪɴᴇᴀᴘᴘʟᴇ ꜱᴍᴏᴏᴛʜɪᴇꜱ $³⁵菠蘿沙冰, 帶點酸甜味道, 冰爽涼快。ᴛʜᴀɪ ɪᴄᴇᴅ ᴍɪʟᴋ ᴛᴇᴀ $³⁰泰式凍奶茶, 額外加了珍珠⁽⁺$⁵⁾ , 茶味濃重。ᴛʜᴀɪ ᴅᴇꜱꜱᴇʀᴛ ᴘʟᴀᴛᴛᴇʀ $⁷⁵芒果糯米飯拼盤, 一次滿足所有願望, 暖笠笠糯米飯蓋滿椰漿, 軟糯咬口, 放有幾款千層糕, 層次分明, 各有千秋。泰爸爸 (大角咀)📍大角咀海泓道1號奧海城3期地下G26號舖

系奧海城行到餓餓地見到依間餐廳店員好似都係外籍人一定夠曬正宗啦入夜天氣唔熱，坐戶外位夠曬chillPhat Papa!! CP值爆表!!值得支持Pork with Cold Vermicelli $68豬頸肉撈檬粉, 肉質爽彈, 米粉口感爽滑, 散上自製酸甜醬汁, 非常開胃。Beef Satay + Chicken Satay $88/6 pc叫了雙拼, 分別是沙爹串燒牛肉及沙爹串燒雞肉, 每款各有特色, 濃郁牛味和雞味, 與沙嗲醬可為絕配。Thai Stir Fried Eggplant with Thai Basil and Minced Pork $88金不換肉碎茄子煲, 茄子保持鮮艷嫩紫, 以碎雞肉炒成打拋雞, 油香滿瀉。