泰爸爸

营业中

休息中

好耐冇食過泰國野，不過我女朋友就唔係好食得辣，所以都冇乜點叫啲辣野。價錢都好實惠，野食都好好味。兩個人叫左三個餸就已經飽晒，初初好驚佢嘅份量太大食唔晒，但係兩個人真係啱啱好。海南雞飯好入味，份量都好大份，油份雞肉都都好夾。太耐冇食菜所以叫左份通菜食，一啲都唔鹹，加埋蒜好惹味。叫左份包豬頸肉，呢個辣辣地，不過因為夾埋啲生菜食，所以食落去唔係太辣不過啲豬頸肉好入味，又好軟熟，正。叫咗份三色冰，甜度適中，次次食親泰國嘢都會叫返一杯。

今日媽媽生日，一家人就嚟到奧海城覓食。餐廳位於奧海城3期地下外面，要行番出商場先見到。餐廳設有露天同室內座位，同一般嘅泰國餐廳好唔同，燈光下更有氣氛。冬蔭功大蝦湯 （$88/小）用魚形嘅鐵碗盛載住，雖然我哋只係叫咗細碗，但意外地都有4隻大蝦！味道夠辣夠入味，但略嫌上菜時唔夠熱。鮮菠蘿海鮮炒飯（$98）比預期中嘅size大，所以一上菜時有啲擔心會食唔晒，不過當然我太低估大家嘅食貨能力。炒飯用挖空咗嘅菠蘿裝住，入面有魷魚、蜆、蝦、腰果、肉鬆同菠蘿等，最特別係加咗臘腸作配料，成件事突然好有中菜feel，但又不失泰國風味。酸辣檸檬汁蒸鱸魚（$138）重頭戲嚟到蒸鱸魚！店員先上咗放有易燃啫喱嘅鐵盆，點着左之後就上新鮮滾熱辣嘅鱸魚，同時附上一碗湯，滾到差唔多可以再倒湯，好方便！ 酸辣汁好開胃亦都唔覺有腥味，連我唔中意食魚嘅家人都中意食！總括而言，餐廳質素唔差，環境都好舒服，適合一大班朋友一齊嚟食泰式美食！

在肺炎疫情影響幾個月，好耐好耐沒有出街食晚餐，所以今日想食自己最喜愛的泰國菜，就係選擇奧運港鐵站，奧海城三期地舖泰爸爸，從外面望向店舖內，好似去了泰國巴堤雅的路邊風情餐廳，坐落之後望向街境真係幾好感覺，點了餸菜好快就嚟咗頭盤，雞絲/撈檬粉酸酸甜甜檬粉爽口好醒胃，碎肉生菜包，用生菜卷入炒肉碎一口放入口腔內慢慢嘴嚼品嘗混合的味道，肉味好出，泰式海南雞，雞浸得啱啱恰當，所以雞的肉質和肉汁，都保持肉質嫩滑有雞肉的香味，再配合泰式醬汁，簡直就是黃金配搭，鮮蝦炒金邊粉，來到枱面的時候，已經睇住個賣相，好吸引好搶眼，我馬上揸住筷子，試了一試果然炒得好有鑊氣，蝦係彈牙爽口，一定是新鮮如果吾新鮮D蝦無噤彈牙爽口。

其實呢區都有其他泰菜餐廳, 不過就坐得唔舒服, 有日揸車經過見到奧海外圍有幾間餐廳, 好似幾舒服幾chill, 今次就揀左間最多人食既泰國菜!今餐食左好多肉, 海南雞/豬手/小食等等!! 我個人最recommend個泰式豬手, 因為炆得好入味, 又多肉, 骨膠原十足, 食完皮膚一定超好!!小食拼盤都有4款, 同朋友share一流, 可以每樣都食d, 重點係每樣即叫即炸,熱辣辣又無翻炸, 好脆好食!炒飯都炒得好好食, 粒粒分明, 仲有成個波羅, 不過唔記得影相

晏晝咁岩路過大角咀見到呢間泰爸爸Lunch set做得好平下，一於試下午餐選擇非常之多仲提供左好多特價小食我地叫左兩個小食，兩個主食同埋兩杯野飲海鮮粉絲沙律酸酸辣辣十分開胃整個小食配料十足，除咗蝦之外仲有好多魷魚配上有少少嘅肉碎口感一流自製肉碎生菜包真係極級推介神還原左泰國嘅風味肉碎非常之香辣野味，加上分量超多包晒啲生菜都仲有肉碎淨必食之選青檸梳打帶有少少鹹味，偏向泰國風格而凍泰式奶茶就迎合左香港人嘅口味，甜度大減事關我真係好驚飲到咁甜嘅奶茶，所以真係值得一讚海南雞金邊湯粉分量超多湯底清甜金屋乾炒牛河食得出好有鑊氣牛肉亦都炒得好嫩滑成碟牛河調味亦都做得啱啱好，餐廳侍應好有禮貌，會好主動提供服務聽得出佢口音應該係泰國人嚟嘅感覺CP值好高

奧海城三期地下原來開了一間新泰國餐廳，離家不遠，正好找天往試。餐廳地方不大，裝潢也只是普通，不算漂亮，勝在有戶外座位，可讓客人在店外的優美環境下用餐，不過這晚我與太太就只坐在室內的座位享受我們的晚餐。「青檸梳打」（$28）初喝時感到不太夠酸味，不過喝到最後，味道又「ok喎」！「泰式炒雜菜」（$72）夠熱，又夠味，雜菜種類也不少，及格。「香葉辣椒肉碎炒飯」（$78）色澤深濃，味道亦濃，辣度適中，十分開胃。飯炒得雖不太乾，卻十分惹味。姍姍來遲的「泰式燒牛扒」（$98）賣相一般，原來水準不差，牛扒肉味濃，肉質也可以，而且份量多，蘸以泰式酸辣汁，挺不錯。最後還點了甜品，今次少有地沒有叫「芒果糯米飯」，只是點了其實我同樣喜歡的「椰汁西米糕」（$20/4件）做飯後甜品。這「椰汁西米糕」面層的椰汁糕與底層的西米糕用筷子一夾便輕易分離，兩部分的黏合太過鬆散，椰汁糕也偏硬而不軟，雖然味道尚可，但不算出色。

疫情下都少左好多人出街，而自己都係一樣好少出街食飯，不過今日約左一個好耐無見嘅朋友，大家講講下都好想食泰國菜，於是就去左呢間到食，呢到係佢地頭，邊到有好野食一問佢就知。呢間餐廳有得揀想坐室內同室外，如果飲酒傾計就岩坐室外，我地就揀左坐室內，因為燈光比較光猛，我地揀左幾道菜食，全部都係我地去泰國必點嘅野食。鮮椰青侍應同我地講佢地呢到嘅椰青係新鮮，好靚，推介比我地試試，於是我地都叫左一個。椰青水份好多，好清甜又解渴，飲到咁上下仲可以食埋啲果肉，味道都係唔錯架。菠蘿沙冰我好鍾意飲沙冰，夠哂冰涼，估唔到個份量都幾大杯，菠蘿味都幾香，味道好自然清新，飲得出係用新鮮菠蘿製成，味道清甜中帶微酸，好醒胃，好有夏日的感覺。碎肉生菜包生菜包係次次食泰國菜必點，如果好似我地咁唔係好食得辣，可以order叫小辣。肉碎嘅份量係當相多，肉碎炒得好香，而且食落仲微微散發有好香嘅青檸味，加埋生菜包埋一齊食就係絕配。冬陰功海鮮湯(小)所用嘅材料係相當豐富，我地揀左海鮮冬陰功，入面就有魷魚、魚片、青口等等，食落好新鮮，特別食魚肉好滑好鮮而且仲要無魚骨，連我呢啲唔係好鍾意食魚嘅人都對佢充滿好感。冬陰功酸、辣、鮮、香味都好足

最近，和友人忽然很想去嘗試泰國菜。於是友人便向我推介位於奧運的泰國菜一泰爸爸。不得不說，這間餐廳的環境格局確實是相當吸引，該餐廳能提供室內用餐或室外用餐。而室外用餐的枱櫈，我個人認為相當有泰式風味，整體格局讓我置身於泰國一樣。其次從食物方面我相當滿意該餐廳的美食。第一樣我認為值得推介的美食為雞絲撈檬粉，我相當滿意該餐廳製作檬粉的棉質相當彈牙可口配上店舖特製的醬汁，整體口感相當合配二樣我要推介的美食為泰式煎蠔餅。不得不說這間餐廳製作的蠔餅不會過度油膩。在鐵板下方放了一對芽菜托高蠔餅，大大減少蠔餅的油膩感。而第三項我要推介的美食為甜品椰汁西米糕，我個人相當滿意這項甜品，有機會必定再次來臨嘗試！！！

今日同朋友喺奧海城行街街，去到夜晚嘅時候大家都喺度搵食乜嘢，而我就提出不如食泰國嘢啦，因為都有一段時間冇食過泰國嘢啦！依間餐廳好容易搵到，因為就係奧海城嘅地下，招牌同埋裝修都好搶眼，經過一見到就知道佢係食泰國嘢！餐牌嘅價錢都唔貴，選擇都幾多，講得出嘅泰國嘢呢度都有！先來一個碎肉生菜包，一片大大塊嘅生菜包住碎肉，真係會食上癮㗎，佢嘅碎咗唔係全部都係脂肪所以可以放心食，而且唔會太乾，我覺得佢嘅比例控制得啱啱好！主食方面我自己就嗌咗個生牛肉湯河粉，估唔到份量都幾多，湯底真係好好味，味道唔會太鹹啱啱好！河粉嘅爽彈性控制得好好，而且$62就有一大碗，真係抵食㗎！佢嘅牛肉都幾大塊，份量都幾多，而且好香嘅牛肉味，好嫩滑！佢嘅蘿蔔吸曬湯汁，咬落去，真係一試難忘！甜品方面就食咗椰汁西米糕，白色嗰層應該係椰漿/汁，底層為西米糕，兩層一齊食層次會更豐富，椰漿嘅味道好香，加上兩層一齊食，真係為今餐畫上一個完美嘅句號！

最近一直都係家中煮食。今晚放工決定shopping美食兩不誤而泰國菜一向都係我嘅首選。所以今晚揀咗奧海城地舖呢間泰爸爸美食餐廳內小巧精緻座椅都頗舒服，外連露天嘅幾檯餐桌。可由食客自由選擇馬拉盞炒鮮魷通菜88元香味撲鼻令人食慾大增！炒鮮魷的味道很惹味，魷魚的份量比想像中多，口感爽彈！呢款都係我鍾意嘅鮮蝦扎肉米紙卷$68配上餐廳嘅酸辣汁，再加上顏色鮮艷個配菜！令人食指大動透薄的米紙卷，令人一試難忘！餡料很豐富，隻蝦都很大！鮮菠蘿海鮮炒飯$98淨係睇個賣相已經好吸引，菠蘿的味道很開胃，沒有肥膩的感覺炒飯，用料十足！再加上香味撲鼻嘅鮮菠蘿食起嚟真係滿心滿足㗎！芒果糯米飯$50香甜嘅芒果，配上軟淋嘅糯米飯。好正！

奧海城宜家多左好多餐廳, PARKING仲要好優惠, 所以都黎行下, 順便食飯~ 原來三期外圍好多餐廳, 有OUTDOOR同INDOOR, 都幾CHILL, 今次揀左間幾多人食既泰菜~小食拼盤有4款小食, 全部熱辣辣, 蝦餅好彈牙好正呀~春卷都好脆好好食!!泰式炒牛河其實有D似乾炒牛河, 不過好多牛肉好多料, 炒得乾身唔太油, 好食!不過最推介係冬蔭公烏頭魚!! 條魚超大條! 個湯又好濃好香椰香味, 唔會太咸, 辣度剛剛好!!!同埋魚肉好滑無泥味! VERY GOOD!!

今日嚟到澳海城搵食，食泰國菜叫咗1個蟹肉芒果炒飯，因為我好鍾意食蟹肉同芒果，佢用呢兩樣嘢嚟炒飯所以我覺得好好食。芒果甜甜地，蟹肉又有鮮味，啲炒飯炒到粒粒分明，88元燒大蝦~呢碟燒大蝦有兩隻，因為佢冇汁，我覺得有啲乾身，所以我叫佢畀咗啲沙爹醬我哋點，會好食啲沙爹豬串燒，每碟有6串，味道吾錯呢度環境勝在夠寬敞，所以可以隨你選擇坐咩位置都可以呢度啲午餐都幾抵，50元左右，包埋嘢飲，下次可以嚟試下呢度啲午餐

其實香港地要食到正宗泰菜一D都唔難，九龍城同大角咀一帶有好多泰國菜餐廳，今晚同友人相約在奧海城睇番場戲，所以就近近地係商場內揾埋食飯餐廳，我地都係無辣不歡既人，泰國菜自自然然就係我地既首選。係商場水牌內發現呢間叫泰爸爸既泰國菜餐廳，於是我倆就走到去商場三期，那邊地下層有很多半開放式餐廳，客人可以選擇坐室內或者室外，我坐在室外餐枱，有暖暖既暖爐係旁邊，可以呼吸清新空氣既同時又唔太覺得凍。佢地既餐牌還有午市及下午茶set, 價錢經濟實惠，下次再過來一試靚靚餐具香葉辣椒肉碎炒飯，好夠份量，飯炒得好乾身泰式煎蠔餅，蠔仔新鮮肥美，餅身好有蛋味泰式拼盤，跟配咖喱醬，甜酸醬，酸辣醬酸辣鳯爪沙律，我至愛，佐酒一流冬蔭公海鮮湯河，湯底湯郁，有好多配菜

自農曆年開始，受到新病毒影響下，大家都不敢出門啦，又何來有心情出外聚餐食飯呢😣不過，我同老公二人實在已經很久沒有出外拍拖食飯啦，趁今晚天氣好，放工後就相約食飯！今次我地選擇了奧海城為地點，再係網上搵下有咩餐廳選擇，最後決定左幫襯下呢間半新未試過既泰國菜餐廳。一去到餐廳門口，侍應生即時上前招呼安排座位，佢地有室外同室內座位選擇，室外環境舒服有情調，有暖爐供應，不過今晚有D大風，所以就揀左進入室內坐一坐下，返開menu睇下先，大家認識既泰菜菜式全部有齊，有小食，湯，明爐魚，咖哩，飯，湯河等等餐具幾有中國特色泰式拼盤，有咖哩雞肉串，魚餅，蝦餅，春卷，侍應生會指導你不同食物跟配不同醬汁，夠細心泰式冬蔭公河，酸辣適中，份量都唔細泰式酸辣鳳爪沙律，好醒胃，有D辣，但唔怕辣既我就覺得好好味

聽聞餐廳由泰國人主理，一於試下係咪有泰國風味先。天氣涼涼地，本身想坐室外，不過落雨，雖然有野遮頭，但感覺無咁爽，都係坐入面。常見泰國菜都有，價錢合理。樣樣小食都想試，一於黎個泰式拼盤，有炸蝦餅、炸魚餅、春卷、串燒雞各兩件，配埋甜辣醬（上）、沙嗲醬（中）、甜酸醬（下），店員建議蝦餅可點甜辣醬，魚餅就點甜酸醬，其他餐廳通常得一款甜辣醬，呢度就較講究。三款炸物大大件，香脆唔油膩，而串燒雞好嫩滑，唔柴皮，全部都好食。食通菜最怕就係炒到腍晒，好彩呢碟夠鑊氣，鹹香爽脆。燒雞表面燒得剛好，皮香肉嫩，有肉汁，雖然香茅味唔突出，但配埋酸辣汁夠晒惹味。金邊粉賣相幾靚，又大碟，蝦雖然得三隻唔算大隻，但金邊粉先係主角，味道同泰國食到ge差唔多，每條粉都岩岩好掛到汁唔會過多，夠乾身，正啊。茶香夠，唔會甜到漏，平衡得唔錯。好清新，椰香夠濃，又唔會死甜。