泰爸爸

营业中

休息中

店鋪位於奧海城3期地下外圍，係裏面係入唔到去架！果到一列都食店，好易搵到！首先佢露天座位晚上既氣氛好好，上面吊住一粒粒既LED燈，可惜我咁岩去果日出面有客人食煙，所以都係坐番裏面既座位，會比較適合非吸煙人士～值得一讚佢食物既份量好多，叫左一碗豬頸肉檬粉，豬頸肉係可以鋪滿左面層！粉既份量多，相信男人食一碗可以夠飽！湯底本身唔辣，但已經好濃郁，食辣既朋友可以要求佢俾啲調味料。雞肉串燒一份6串，雞肉濃味又大舊，點埋佢既醬料實在一流！細份既冬陰公海鮮湯足夠2人飲用，每人都有2-3碗。配料都多，係真係有蝦、魷魚等既配料，可以話係真材實料！總括黎講佢價錢合理，食物質素同份量都令我相當滿意。