泰爸爸

营业中

休息中

距離奧海城3期不消3分鐘便到達。下午茶的時間，人不算多，職員態度親切而友善。趁17:30前趕得切就食個下午茶。兩個人叫到成枱野食都吾洗250蚊，超級抵食。呢度既小食眾多，選擇亦都好多。冬陰公湯河有不同海鮮，又有青口，魷魚都係42蚊。吾會得個咸字，有冬陰公既香味，亦有海鮮既味道，非常開胃。香茅雞翼亦非常有香茅味道，皮炸至金黃色，外炸內軟。串燒夠曬大串，肉質新鮮。48蚊4串，真係吾貴。內裡環境舒適，用料上盛，下次一定再食過。非常好食而值得推薦既泰菜，係呢區食到，真係超值。

天氣開始熱啦, 突然又好掛住泰國, 食物有Fresh的,重口味的,好岩夏天的感覺。所以前排去左食泰菜。呢個餐廳係奧海城, 要出左個商場先搵到間餐廳, 第一次去有點難找。 雖然得2個人,但忍唔住咩都想試, 所以叫左幾碟, 食到勁飽。香芒軟殼蟹米紙卷呢個係Fresh 代表!! 因為有芒果﹑青瓜絲的關係, 食落好清新,口腔充滿住芒果天然的甜味, 如果點一點附上泰式甜酸醬就變得更重味。開頭食到芒果鮮味, 咀嚼多2下就食到軟殼蟹的蟹肉味, 帶點脆口, 令口感層次更多。泰式鹵水豬手我同男友都超鐘意呢個的!豬皮係好稔好稔, 好似用筷子一夾就斷咁, 而豬手肉都炆得好稔, 肥瘦適中, 食得多都唔似食德國咸豬手咁柴同乾, 肉質juicy, 但唔油。調味唔係好重手, 所以食多幾舊都唔膩。飛天通菜 呢個係下午茶的菜式,所以幾平下 $38佢唔新, 但調味偏重, 唔鐘意食菜的我都係咁食! 通菜爽口而且吸晒D汁鮮菠蘿海鮮炒飯呢款炒飯有好多海鮮, 有青口﹑魷魚同蝦, 蝦都幾大隻, 同埋好爽口。 而飯就帶少少濕潤, 唔會好乾, 而且食到菠蘿的甜味, 令人會一啖接一啖咁食。加埋肉鬆的絲絲咸味, 係perfect matc

餐廳有室內外座位，仲有燈飾，夜晚食飯氣氛唔錯。晚市8點左右，餐廳已經坐滿人。叫左泰式拼盤($138)，鮮菠蘿海鮮炒飯($98)，泰式海南雞半隻($98)，椰青($33)。拼盤既小食各有2件，岩哂心大心細既朋友，可以每款試d。醬汁一共有3款，沙嗲可以配串燒，甜辣醬及另一款帶甜既醬配炸物就最適合不過。因為冇哂春卷，所以拼左香茅雞翼。雞翼炸完金黃色，香茅味慢慢滲出，外皮猜脆，多一款肉食，jeng。串燒雞肉大大件，燒得夠香，而且肉嫩仲保留住肉汁。配埋帶微粒既花生沙嗲醬，一流。炸蝦餅彈牙結實，炸完都冇膩既感覺，香口。泰式炸魚餅好重香茅味，口感比蝦餅軟軟地，炒飯用菠蘿裝住，滿滿既堆起，非常多。面頭鋪有肉鬆、脆口腰果，而且炒飯配料好豐富，有粒粒提子乾、鮮菠蘿、紅蘿蔔粒等。啖啖都食到甜甜既菠蘿。海鮮份量都唔少，有原隻已剝殼既蝦、魷魚、貝殼類海鮮。半隻海南雞份量足，雞皮爽爽地，雞肉肥美嫩滑。配搭既醬汁辣辣地，醮完更開胃。椰青清甜，消暑一流。而且d椰青肉好易就刮到出黎，椰青甜而爽。整體，侍應服務好，一坐底就俾餐具及水。而且上菜速度亦快。可以慢慢嘆下泰國菜。

今日喺奥海城三期搵到間平，靚，正的泰國菜餐廳。『泰式乾炒牛河』，78蚊。唔會太油，幾乾爽，又有緑色芥藍同白色椰菜，而唔係平時吃炒河的芽菜，有D新鮮感。『椰汁雞湯』，細份，每份78蚊，呢樣嘢成為我最呢半年的新寵，估唔到細份都好大碗吖，每人起碼飲成4碗咁多，酸酸哋又幾開胃，料又多，蘑菇，雞粒及香料配合到好好，可以話係香濃味美。『芒菓糯米飯』，50蚊，實在好抵吖，芒菓好甜又大件冇渣，唔會孤寒細細件，糯米有紫，白色，紫白配加埋黄色芒菓，好靚，成個人都醒神晒。『椰汁大菜糕』係我細細個就鍾意嘅甜品，椰汁够香滑，大菜糕够爽真係飯後超級甜品，冇得頂。成間餐廳環境幾有泰國風，戶内戶外都可用餐，各佔一半，怕熱的我哋揀咗室内，其實室外環境也不錯，見啲人好享受咁，下次都可一試。

受疫情影響我哋都好耐冇出街啦！其實呢，今日就係我女朋友嘅生日！但係佢就唔想大事慶祝，所以我哋都決定簡單而隆重咁食一餐泰國嘢啦雖然今日天氣就麻麻地都有少少微雨嘅不過我哋經過奧海城之後行到過嚟呢間餐廳呢都覺得呢度環境幾舒服因為佢有露天位置啦而且裏面嘅環境亦都係好寬敞舒服啦，所以我哋一坐低嘅時候都幾鍾意嘅，我哋就揀咗個位呢就係面向外邊！嘢食嘅時候呢我哋揀咗幾個自己好鍾意平時有多數會想食嘅餸菜咁店員都好有禮貌咁幫我哋落單落完單呢我就梗係即刻送禮物俾女朋友啦當然你收到都好開心啦我哋分別叫咗半隻嘅海南雞蒜蓉炒菜同埋菠蘿海鮮炒飯海南雞呢好有水準隻雞都好新鮮我哋食落覺得好正啊好唔錯蒜蓉炒菜呢味道都好出色食落去呢都好有泰國風味我哋覺得好正不過最正嘅呢就一定要講吓佢呢個半個嘅菠蘿海鮮炒飯啦因為呢佢係真材實料咁用個菠蘿擺係個底度當係別咁裝住個炒飯呀咁炒飯入邊嘅海鮮都好新鮮啦食到好開心呀最正呢系將佢嘅菠蘿用呢挖埋出嚟食！咁就最正啦！今餐真係食到我哋嘴舐舐啊嘢食又好食環境又好大滿足呀！真心推介俾各位朋友去試吓

是日還幸 天公作美😆初夏 沒帶來美腿 也未有雨水遠赴至三期 迷路 只帶點汗水🙈依舊 養豬的 還是被豬帶🤪被奧運取代的鐵路站 十分鐘 不多 也不少爸爸不知去向 泰香風韻猶存 依然小肥叫左至愛既燒豬頸肉撈檬🐷🤤🍜豬頸肉配以茅香醃製燒得夠香夠入味之餘🤤肉質嫩滑脂肪比例均勻食落唔會太油膩🤤🐷灑上烤蔥蒜增添增多口感之餘😋配合秘製撈醬汁拌以檬粉食落更有風味🤤而隻豬叫既炒金邊粉🤤🤤🍝炒得好香夠哂獲氣食落唔油膩😆🔥金邊粉炒到入味彈牙之餘🤤🍜配菜同大蝦好足料😋🦐而且份量滿滿的！😆加花生碎一齊食亦增添口感😋另外口痕的我倆既叫多兩款小食😆絲縷分明啖啖脆香既春卷內餡滿滿既芋香肉增添滋味之餘🤤炒到爽脆富有馬拉盞風味既飛天通菜🤤配上帶鹹香微辣既馬拉盞配料增添更多鮮味🤤🥦微微灑上炸蒜亦能增添口感😆

一連幾日假期 訓到自然醒都12點幾🤣好耐冇去過奧海城行吓奧海城比較大有好多餐廳選擇突然想食泰菜就揀咗 泰爸爸來做我哋嘅午餐餐廳屬於開放式 露天座位比較多 可以比都市人飲下野chill下 當天天氣比較熱所以我選擇了室內我哋去到餐廳嘅時候已經係下午茶時段下午茶時段食物選擇比較多價錢都比較相宜 🥢黃咖喱牛腩飯如果唔鍾意食太辣嘅話呢個咖喱牛腩飯就啱晒你食啦味道有咖喱嘅辣但係辣得黎帶有甜味而且充滿椰汁味好有泰國🇹🇭東南亞既感覺牛腩相對淋唔少得薯仔做配菜🥢生牛肉湯河湯頭不錯 蘿蔔入味 食湯河點少得辣椒魚露同埋酸汁 昇華咗成個湯底嘅味道牛肉就不過不失小食方面🥢炸蝦餅唔會太油膩 食到有蝦味🥢鴛鴦串燒有雞同豬 肉質絕對唔係霉 味道好好怕出面有啲餐廳既串燒肉質非常差🥢秘製酸辣鳳爪沙律秘製酸辣汁令成個鳳爪都好入味

奧海城新開泰國餐館，有露天座位，環境幾好，夜晚飲住椰青坐室外座位都似去咗泰國。今次叫咗三樣嘢，蒜蓉炒西蘭花、鮮菠蘿海鮮炒飯 同埋鮮蝦炒金邊粉。蒜蓉炒西蘭花份量適中，味道淡淡，但易入口，唔油膩，令人想一試再試。鮮菠蘿海鮮炒飯 原隻菠蘿開半邊上，份量比預期多。用腰果、肉鬆、番茄、青瓜片為配菜，另有蝦、青口、魷魚等海鮮材料，配上菠蘿的酸甜味道，感覺清新。整體炒飯的味道不會太濃郁，沒有油膩感。鮮蝦炒金邊粉炒金邊粉係泰國必吃菜式之一，每間泰國餐館都應該可以炒一碟好嘅金邊粉，如果唔係間餐館都係枉叫泰國餐館。泰爸爸鮮蝦炒金邊粉，甫上菜就會令人笑一笑先，食客只要數一數啲蝦，就會哈哈哈咁笑出聲。因為⋯⋯碟鮮蝦炒金邊粉，就係得三隻大蝦，哈哈哈哈哈。好搞完爛GAG 到重點 - 味道。金邊粉味道偏淡，但仍覺其酸甜味，質感彈牙，加埋花生粒，豐富咗成個層次。至於三隻蝦蝦蝦，我真係食三隻就夠，唔會想再食多啲。哈哈哈整體而言，三碟餸菜味道麵偏淡，幾健康。值得一試，美中不足係椰青當日冇貨！

作為一名健身教練, 發現平靚正泰國菜一向都幾鍾意奧海城對出一排嘅戶外餐廳 , 今日經過見到一間新開嘅泰國菜, 以為喺呢個位置價錢應該要返咁上下, 喺門口望下餐牌, 見到價錢一啲都唔離地, 又因為係半開放式廚房, 見到煮緊嘢食嘅係貌似泰國人, 即刻就入去試下鍾意可以坐室內, 但係室外機環境更好更有氣氛, 而且呢啲天氣坐出面仲舒服, 可惜full左~香葉辣椒肉碎炒飯 $78夠香夠辣, 飯量極多! 兩個人share絕對冇問題。上面隻煎蛋亦都係泰式炒飯嘅靈魂, 確係有泰式風味。泰式煎蠔餅 $88蛋香重, 鍾意佢有芫茜香氣, 新鮮炸起表面仲係脆卜卜, 但食落又唔覺得好油膩, 最重要嘅蠔仔並唔係丁屎咁大粒, 食落有咬口有鮮味, 正芒果糯米飯 $50食泰菜必定要點芒果糯米飯做結尾, 黑白糯米加埋香濃椰漿, 無得輸。椰汁西米糕 $20椰汁西米糕喺餐廳食竟然可以食到20蚊四件, 咁抵忍唔住飽都要叫嚟試下~ cp值超高 , 超濃郁嘅椰汁味道, 西米糕有咬口唔鬆散, 一定要試下!

喺大角咀揾左一隻環境唔錯嘅泰菜， 佢有室外同室外嘅座位，全部座位都好闊落。侍應親切有禮。好似全部都係正宗泰國人甘😁我同朋友們，一行三人叫左四樣食物鮮蝦炒金邊粉88蚊椰汁三色冰30蚊咸魚炒芥蘭78蚊碎肉生菜包88蚊最令我驚喜嘅係碎肉生菜包。 碎肉小辣，炒到熱辣辣，調味幾好，包埋個生菜一齊食好惹味。 好大碟，性價比高👍👍👍鮮蝦炒金邊粉夠乾身。有好多隻蝦，彈牙大隻，下次會再叫👍👍咸魚炒芥蘭都幾多芥蘭，重咸魚味，攞嚟送飯100分😂😂😂總結： 餐廳嘅食物性價比高，價錢合理，份量夠大碟，坐位闊落，侍應親切。用餐 體驗良好，我爸爸媽媽好在意餐廳坐位舒適度同啲侍應有冇禮貌，我諗佢地會鐘意，可以再光顧！😁😁

最近食多左清淡嘅住家送，好想去食d酸酸辣辣嘅泰國野，於是search到呢間泰爸爸，近近地係奧海城。有露天茶座，隔離係食四川菜，好重辣味。相比起來，都係泰爸爸啱口味啲。6點半露天位已無位，我地坐入邊，點左4樣嘢:一個蝦餅，一個冬蔭公湯，一個牛仔骨，仲有一個泰式炒通菜。上菜速度好快，基本上十五分鐘內就上齊。食物質素都相當唔錯，朋友最鍾意食蝦餅，都幾彈牙同多肉。我最鍾意食碟通菜，好爽口，辣度亦剛剛好，啱我口味。冬蔭功湯入邊有兩隻大蝦，味道偏酸甜，用來送飯一流。仲有牛仔骨好大碟，味道都唔錯，好淋身，點醬汁食都好有肉質感。兩個人食到飽到傻，埋單400蚊。我哋走果陣出邊露天位佢然坐滿晒，估唔到係而家情況下仲有咁好生意。老闆服務態度都幾好，下次再來過。

這天星期六午餐時間，我們來到奧海城，幫襯一間泰國小店。餐廳在商場外邊，有室內及室外座位，感覺悠閒舒適。店內裝飾品也很特別，充滿泰國色彩餐牌上有set lunch，價錢合理，我們點了兩份餐，也加了兩個小吃。先來兩杯飲品。飲品都好香嘅椰汁味！珍多冰嘅口感我一直也很喜歡，椰汁加啫喱狀嘅東西好有泰式風情。紅豆配椰汁一向好夾，紅豆好林同埋好香甜。想不到這蝦餅的份量好多！蝦肉飽滿，新鮮炸起外皮香口好好味泰式乾炒牛河第一次試，材料同港式的唔同，佢會加入芥蘭、椰菜，不會有洋蔥及蔥。份量比我哋想像中嘅多好多。呢款黃咖喱好少好少辣，醬汁加埋椰奶好香，牛腩好入味好林，配飯一流蒜蓉包充滿牛油同埋香蔥香味，好食，點埋黃咖喱汁更好味🇹🇭🇹🇭🇹🇭🇹🇭🇹🇭🇹🇭總結而言這間店質素唔錯！如果涼啲嘅天氣或者夜晚嚟到，會嘗試下坐出邊露天位置，別具一番風味！

今日朋友生日，知道奧海城有間泰國餐廳室外環境好好，上網睇嗰過d相覺得幾靚，所以就決定去嗰度慶祝。我地坐左出面，環境真係好chill，傾計好舒服。 我哋叫咗一個香芒軟殼蟹米紙卷、牛肉雞肉串燒同埋炒金邊粉。個串燒勁Juicy。同埋上面有啲沙嗲汁好好食，佢仲有一個甜甜酸酸嘅醬，同個沙嗲汁好夾，啲肉又唔會話好多肥，啖啖肉好正。（解釋返，因為我哋坐室外，所以啲燈光影到啲串燒有啲藍色一點點，其實肉眼望落去係係冇嘅，唔使擔心。）個米紙卷既皮雖然唔係話特別薄，但係入邊嘅餡料真係好豐富。佢啲芒果真係唔話得，超級甜多汁。軟殼蟹都好好食，食落去好多層次。個金邊粉炒得超好食。甜甜酸酸好醒胃，佢仲俾咗幾隻大蝦我哋，粉嘅份量都超多，好抵食。

因為疫情的關係，居家久了，想出去透透氣，所以今日到奧海城行下街，發現這裡有一間泰國菜"泰爸爸"，正好今日大家都想食泰菜，一於試試。餐廳裝潢有特色，而且有半開放的位置，更有室外位置，感覺很舒服。現在餐廳因疫情的關係，餐廳實施坐枱分隔，入餐廳前也要量體溫，桌與桌有充份的空間，讓客人食得放心，餐廳更每人送了一支酒精消毒噴霧添，真係細心又貼心呀。泰式明爐烏頭(條) $138最喜歡泰式的明爐烏頭，上桌時熱辣辣，再可不斷加入湯汁，整體更香更美味，泰式明爐烏頭份量足，魚肉嫩滑，打開後香氣撲鼻，魚肉質嫩滑，再蘸上泰式醬汁，風味十足。鮮菠蘿海鮮炒飯 $98原隻菠蘿上的，滿滿的海鮮炒飯，有鮮大蝦、魷魚、 菠蘿、腰果、青瓜、紅椒絲和肉鬆等材料，十分豐富，把邊上的菠蘿再刮一刮，菠蘿汁、果肉和飯拌勻，更美味。

同朋友係大角嘴藥房買咗野見肚餓行過黎奧海城睇下有咩食啦見到呢間泰爸爸幾吸引所以今次就試下呢間泰國菜啦餐牌選擇太多其實樣樣都好吸引但奈何兩個人真係食唔到咁多野惟有選擇d好想好想食㗎啦泰式拼盤入面有炸蝦餅炸魚餅春卷同串燒雞樣樣都想食d叫佢呢個泰式拼盤就啱哂啦炸蝦餅同串燒最為出色熱辣辣食係最好味炸蝦餅炸得剛好食完都唔覺太熱氣蝦味亦都好重三款串燒我一向最喜歡串燒雞所以呢個拼盤真係一次滿足我四個願望蟹肉芒果炒飯估唔到用芒果一齊黎配搭做炒飯竟然一d都唔奇怪！反而仲好夾最難得係芒果唔酸！芒果加蟹肉做炒飯都夠哂好味最後清清地要咗個燒豬頸肉包生菜沙律店員本來推介食碎肉生菜包但我鐘意食豬頸肉多dd豬頸肉好淋身一d都唔歪仲加少少辣味令豬頸肉更惹味包生菜食仲可以減少油膩感