泰爸爸

营业中

休息中

同好多人一樣，冇得去旅行嘅一年，有時都會特登揀啲好餐廳嚟食當自己去咗好彩香港都有唔少多國菜選擇。嚟到大角咀想食泰國嘢，就試下呢間泰爸爸!環境：除咗室內雅座，亦設有露天茶座，好有異國風情!服務：上菜速度都好快，唔係等咗好耐食物：款式較多，諗到嘅泰國菜都應有盡有，而且好足料泰式拼盤蝦餅、炸魚餅、春卷同串燒雞各2件，啱晒兩個人平均分香脆可口椰汁三色冰有椰奶甜味，夠香濃有三隻鮮艷顏色，睇住飲都開心!!菠蘿海鮮炒飯大大碟兩個人夠晒食，好豐富，有大大隻蝦，同埋好多菠蘿🍍泰式炒雜菜唔係落咗好多油，多款雜菜，感覺健康，而且啲蘿蔔切得好靚芒果沙冰好清新，唔會偏甜，個人覺得仲好飲過三色冰嘅，以為會好冰，飲落都OK雖然都仲係會好想去旅行，但係有得食住呢間啲夠正宗嘅泰國嘢頂下癮都好好架啦！

放工同屋企人到奧海城買野，就順便係個頭食埋餐晚飯，我見有間泰國餐廳望落都唔錯，有D泰國嘅特色，就坐低試下。我去個陣，人流唔太多，店面好闊落，有室內又有露天台，坐係出面吹住風咁食應該都舒服下，可惜我個日有小小感冒唔想吹風就坐咗入室內。點解話呢度有泰國特色，就係因為墻上好多泰國嘅掛飾，而且呢度店員好多都有泰國血統，服務態度都好唔錯，好好客，會介紹下有咩正。只可惜我個胃又裝唔曬，叫order咗杯椰汁沙冰，芒果蟹肉炒飯同冬陰功烏頭。😀😀😀杯椰汁沙冰甜甜地，冰都打碎得好幼細，飲落都好舒服，冰冰涼涼。跟住就到個芒果蟹肉炒飯，呢個炒飯都唔錯，可能因為有芒果，炒飯唔會話好乾，蟹肉帶海水味嘅鮮甜味其實同芒果嘅果甜味有個對比，一啖無芒果肉嘅炒飯，感覺好香，有鹹香嘅味道，一啖有芒果肉嘅炒飯嘅味道又會係另一回事，可以話芒果嘅香甜味好突出，好開胃，但最尾又會品嘗到淡淡嘅海水味，算係幾有層次，未等烏頭上黎，我都忍唔住食曬，所以可想言之呢個炒飯都幾得。😆😆😆😆最後就係烏頭，個烏頭係用明爐上，冬陰功湯浸住，下面有蠟燭熱住食。我一黎就梗係先試冬陰功湯，非常好飲，香料夠足而且湯底夠濃，口感醇厚，先飲兩小碗。烏頭真係幾好食

放咗工都想好好Relax吓，呢間餐廳有戶外位可以坐吓，乘住秋風，地方安靜，店員都冇不斷催我地，真係終於可以好好抖下。平時食開呢類有開放式座位geh餐廳，都係西餐為主，今次係食泰式，都幾特別嘗試，同埋偷聽到主料食物geh兩位店員，係用泰文傾計，就覺得會特別地道喇。我地首先試左「海鮮冬蔭功湯 (細)」，兩個人飲，都好夠飲，最正係我地輕輕一筆，就見到湯入面有各樣海鮮，非常足料，飲完湯打咗個底，之後就食吓小菜，我地食左一個蠔餅同鮮蝦金邊粉，蠔餅係熱辣辣送出嚟，同埋每一啖都有蠔肉，呢個天氣食就係特別暖。金邊粉都正常表現 ~ 3樣野，都好好食，好快就清哂3碟食物啦，個地方真係好舒服 (如果側邊冇人食煙就更好啦) ，會想再嚟~~

放工ot遲咗， 感恩呢間餐廳last order去到十點三， 所以即趕去食。環境非常舒適， 露天嘅茶座， 好適合我呢啲放工relax一下， 嘆番個晚餐， 不過夜晚有時返風 會吹得好勁， 所以建議去要帶多件衫。食物上菜速度都幾快。最欣賞佢個金邊粉 夠入味 唔會太乾身同太濕串燒不過不失比較硬但係夠入味， 點埋沙嗲汁食好野味生菜包， 生菜都係新鮮， 肉份量都好多， 兩者配搭埋一齊唔使就住就住食。反而個黃咖哩就麻麻地，唔似出街食嘅味， 但係就似屋企煮既味， 唔難食但 又唔係特別好食總體而言， 收工收得夜 又未食晚餐， 嚟呢度吹下風食下嘢沈殿下好relax, 值得推薦

今日去咗奧海城行街，下午茶時間想食泰國嘢，搵到呢間叫泰爸爸嘅餐廳。我好鍾意佢嘅環境，因為可以揀喺露天出邊坐，好適合而家秋天嘅天氣可以坐喺出邊chill下，但又唔會熱。泰爸爸平時午飯時間係坐滿人嘅，所以我揀2:30時段先去。我同朋友各自叫咗一個下午茶餐，另外我哋散叫咗一個泰式拼盤，拼盤有炸蝦餅、炸魚餅、春卷同埋串燒雞各兩串。呢個拼盤非常之好味，春卷嘅皮非常之脆，入面嘅餡料都好入味。串燒雞都值得一讚🤩🤩雞肉非常之嫩滑，肉質完全唔乾，好惹味～～炸蝦餅同炸魚餅都好好味，好新鮮，唔會有腥味。我非常推薦泰爸爸嘅下午茶餐！因為真係非常之咁抵食🤩🥰😍$40一個下午茶餐，仲會送飲品，凍檸茶凍檸水都唔使額外加錢。我同朋友分別叫咗香茅雞翼湯粉同埋生牛肉湯粉，我哋選擇加$8要泰式飲品-珍多冰。店員上菜速度好快，兩碗湯粉好快都送到黎。雖然呢個係下午茶餐，但係份量唔會好細，依然都係咁大碗！🤩所以真心推薦！！非常抵食。🙌🏻🙌🏻呢個下午茶餐唔止抵食，仲要係好好味🤤因為佢個湯底味道非常濃郁，鹹甜適中，所以令到湯粉非常入味。香茅雞翼都好好味，肉質非常嫩滑～～另外我朋友點嘅生牛肉湯河都非常足料，牛肉非常新鮮，肉質好滑，好易

琴日放工 走左去奧運食嘢行下行下有條街好多野食咁岩好耐冇食到泰國嘢 又見到有間泰爸爸價錢又ok就試吓啦鋪頭既燈飾氣氛都幾好我係好鍾意尼啲咁有氣氛既🌐海鮮冬陰公湯 $88每次食泰國嘢唔叫冬陰公飲尼硬係好似差緊啲野佢既湯好多料有好多海鮮食 有魷魚 有蝦 又有蕃茄仔 有菇 好豐富佢既湯好濃 唔會太稀🌐鮮蝦炒金邊粉 $88之前食唔知邊度佢地係就咁不出黎俾你食尼度係即叫即炒好有鑊氣好味如果加埋啲肉鬆就會多啲質感啦🌐泰式炸蝦餅 $78佢又係新鮮熱辣出爐掂埋個sauce食又幾好味😋叫左三樣野都有蝦而家寫先發覺原來今餐係蝦宴😂😂😂😂😂🌐泰式炒通菜 $72嗌翻個菜食下啦廢事幾肥仔個菜唔油幾好夠味！埋單都係359人均180還可以啦！

呀，無得去旅行，好掛住泰國。今次要食個泰菜止下癮先😎😎估唔到奧海城都有間咁抵嘅泰國餐廳，為咗要避開午餐嘅lunch hour，我地就早啲去食，點知又太早添，原來餐廳改左開11點半😂😂要食嘅留意番啦，不過見佢個午餐真係好抵食！！餐廳好多户外枱，而家坐出面又唔熱，空氣都流通啲啦，幾好坐。我諗夜晚食飯真係好有氣氛，傾吓偈，飲下酒，正啦。重點餐廳員工都係泰國人，連廚師都係，夠哂正宗。酸辣鳯爪沙律嘻，原來可以同店員講小辣㗎，因為每次都好想食，但真係太辣啦，小辣岩岩好😎一份好多，起碼有十幾隻鳳爪，又有沙律食，50蚊份量都好足！曼谷大蝦炒金邊粉我個人超中意食金邊粉，q彈好食。呢個落蕃茄醬去炒，夠乾身，唔會痴住濕哂一pat pat。大蝦有2隻，都好大隻，爽口彈牙。加上豆腐粒粒，好食😋生牛肉湯檬牛肉都好多片，有牛味，湯底望落好清但好夠味又夠熱，有蔥花冬菜同生菜做伴菜，簡單又好食。雞。豬串燒一份有雞豬各兩串。本身啲肉已幾醃好左先拎去燒，另外有一份沙嗲醬。我覺得就咁食唔沾醬已經好好食！有燒烤嘅香味，又食到醃製嘅味道，好夾！反而加左沙嗲醬甜甜地，就無左燒嘅風味。青檸梳打。珍多冰食泰國餐廳必定要飲下，可以解下辣

噚日2.30 倒 諗住係附近食個tea😌 見到佢有位就入左去試下 我order 左一個海南雞飯 同埋生菜包 個海南雞飯味道不過不失 跟住再食過生菜包 味道本身已經覺得好似怪怪地 跟住再食食下口嚨好似有啲野卡住咁 之後飲水 喉嚨好痛咁樣 離開咗間餐廳返屋企諗住休息下 跟住我覺得應該真係好似哽骨咁樣 之後唯有去醫院 醫生 一照照喉嚨 見到有條骨插住咗 之後用夾都夾唔到出嚟 再用麻醉藥瞓低先至夾到出嚟 望到好出奇地 😫 係一條 大約2cm長嘅魚骨 😰😰我相信正常人 食生菜包都會大啖大啖食 唔會預計到有條魚骨係啲肉碎入面 真係好恐怖 第一次哽骨嘅經歷經驗會係食一個生菜包😡😡😡

自從 COVID-19 喺呢個世界上橫行無忌之後，我哋兩公婆好耐都冇試過出去食好嘢，於是膽粗粗去到附近嘅餐廳, 今次我哋搵咗啲舒服得來又可以通風嘅環境，食物質素又要有返咁上下嘅，老婆話一定要近地鐵站，於是我哋就去咗奧運站，搵到一間正宗泰國嘅餐廳 “泰爸爸” , 先唔好講食物嘅質素，淨係餐廳嘅裝修都已經覺得唔錯，呢間餐廳有幾個特色一定要試吓，如果你飲走嘅話一定要嗌番杯泰國啤酒🍻，老婆因為唔飲酒所以就嗌左杯龍眼熱飲，呢杯龍眼熱飲真係好足料，至於泰國基本要有嘅食物，例如：無骨鳳爪、泰國菜、粉面米線丶咖喱串燒應有盡有，椰汁沙冰炸蝦餅我就唔講啦，重點係一句講晒，平靚正！細心位喺會俾埋濕紙巾，又有禮貌！嗰個芒果軟殼蟹咪卷，簡直將食物嘅層次完全升級，跟住再嚟多個說豬肉生菜包，簡直好食到唔使講嘢，由於趕時間返屋企嘅關係，甜品就嗌左個芒果糯米飯，成件事簡直可以用 “滿足” 黎形容. 最後梗係要俾返個CP值嘅評分啦，呢間餐廳起碼值86分以上，好有潛質值得大家去試吓，好啦今次報告係咁多係時候快啲返屋企啦，下次搵到筍野再同大家報告。

咁岩放假，黎奧海城同朋友食lunch。依間泰爸爸嘅午市套餐都幾抵食，而且款式好多， 總有一款啱你食😎由於我都比較肚餓，所以就叫咗個鮮蝦炒金邊粉😋 份量ok，味道亦係正宗嘅泰國風味！👍🏻 如果啲金邊粉可以再林啲就好😆朋友就叫左個雜錦湯河，比想像中更好，有好多配料，豬頸肉、扎肉、魚蛋同魚片，好滿足😜😜 我食咗少少，湯底好清甜，感覺唔會好肥膩😌本身我哋諗住叫多個小食，但朋友提議不如叫碟海南雞🤭🤭 哈哈兩個人食咁多野真係好飽😋 好彩食物都好味😜其實加錢可以轉兩杯特飲，我哋都叫咗椰汁珍多冰同三色冰，cool~呢邊嘅餐廳都有室外座位，見到有人一個人嚟食飯，吹下風咁，都幾chill☀️

今日行經奧海城，見到呢間泰國餐廳有露天座，感覺好似去左泰國咁，於是同老婆試下。飲品點了龍眼冰，味道好清甜，甜度岩岩好，仲有好多龍眼。首先來了串燒，豬肉雞肉各三串，燒得好靚，本身已經茶左沙爹醬，唔會燒到好乾，隨碟再有沙爹醬可以點，沙爹醬好重花生同香茅味，非常夾，我同老婆都覺豬肉比雞肉入味。之後有個燒牛柳沙律，牛柳非常多，燒到7成熟左右，配上青瓜、洋蔥、椒絲，食落去好多口味，沙律愈食愈辣，怕辣就唔建議點。到了重點菜明爐烏頭，用左唔辣既冬蔭冬湯底，酸酸地又好重香料味，一路煮一路食，愈食愈入味，湯底唔會太咸，食到最後連湯都飲埋，老婆話多D椰菜就好，因為椰菜吸晒湯既精華。

之前喺奧運食咗一間泰國菜，今日嚟食另一間。呢間舖頭大部份都係室外座位，不過室內環境都OK，室外比較多人食煙，所以都係坐室內比較好。首先叫一個泰式蝦餅。蝦餅一份四個，切開八件，炸得好香，口感幾彈牙，都有少少蝦味，配埋酸甜醬幾好食。之後叫咗一個泰式鹹魚炒芥蘭，芥蘭幾嫩，唔會有渣，鹹魚幾鹹香，唔會過鹹，整體OK。濕炒海鮮河粉我就麻麻哋識欣賞，一上枱我以為係炒雜菜。食慣港式乾炒牛河，呢個粉對我來講太濕，不過海鮮味道可以，蝦肉唔會霉爛。甜品叫咗千層椰汁糕，出乎我意料係熱嘅，好有椰汁味，口感煙煙韌韌，唔會過甜，幾好食。飲品叫咗椰青， $33唔貴喎，椰青係正常椰青味，符合預期。侍應幾友善，唔會太熱情但亦唔冷淡，滿意。

奧海城不嬲出名多野行多野食，我之前都冇刻意尋覓過有咩食，今次難得有時間，所以特登行遠少少過去三期個邊。我一直以為係商場入面先多選擇，點知係商場外圍仲多！我就揀左間食泰國菜既餐廳。間舖其實幾細，不過好在可以係室外加位坐，呢排天氣又好又冇咁熱，坐出面都幾好，仲好有泰國坐係路邊攤食野既風味。餐廳入面所有侍應都係泰國人，態度超好👍 餐廳有set lunch可以叫，而且價錢相宜，不過今次想食d特別d既，所以散叫左。鮮蝦扎肉米紙卷（$68）：個米紙卷分量比我想象中大，超足料，大大隻蝦同芒果，有種好refreshing既感覺，而且層皮幾薄。如果你平時係食開濃味少少既，佢有個泰式雞醬比你點，惹味好多。不過唔知係我食得衰定包得唔夠實，我一食個卷就散開曬😹酸辣檸檬汁蒸鱸魚（$148）：呢個鱸魚真係好好食！本身諗住舖頭細細，對條魚既期望唔係太大，點知食完出乎意料。佢上菜時會比多碗酸辣汁你，以防煲太耐唔夠。個酸辣汁好正，唔太辣，但又夠酸，好開胃。佢周圍既配料好足，令成條魚都好入味，而且係魚一路煮都唔覺得太老。我建議大家等佢滾多陣先好開始食，咁樣d魚肉會入味好多，而且真係要配返個飯🤤始終就咁食會偏鹹。青檸蘇打（

比較少去奧海城附近吃飯。今天便去看海城附近的一間泰國餐廳晚飯。這間泰國餐廳位於奧海城三期地下其實都不難找，店舖有室內和室外兩邊座位選擇。沙嗲串燒豬肉+雞肉 $88/各3串沙嗲一碟可選擇兩款不同的肉類，今次便選擇了豬肉和雞肉，我比較喜歡吃雞肉逍遙過後的肉質仍然是亂帶肉汁有着驚加起沙嗲汁味道一流，簡直是啖啖肉。泰式炒通菜 $72這個炒通菜還有肉碎辣椒一起炒，辛辣味非常刺激。令我很有食慾。菠蘿炒飯 $98菠蘿炒飯非常足料，有鮮蝦，魷魚，菠蘿和青口等食材，飯炒得乾身，豐海鮮味， 菠蘿的微酸和海鮮味夾，腰果和肉鬆耍在菠蘿炒飯上製造了不同的口感。吃畢這頓飯，讓我想起了往年去泰國吃好東西的回憶

疫情既關係真是很久沒有外出用餐，近來疫情稍為放緩，便到附近開了不久的泰菜食晚餐！餐廳有分室外及室內，秋意正濃就算晚上坐室外也不會覺得熱，但愛拍食物照的我還是選擇室內吧店員都是泰國裔，但能說流利廣東話，食物價錢在奧海城之中不算貴。菠蘿海鮮炒飯$98真的是超澎湃的呢！薑黃炒飯內有肉鬆、腰果、臘肉、雜菜、青口、魷魚、蝦、蜆，以及食得出係鮮菠蘿粒！炒飯唔油膩，好足料，食到底仲可以刮到菠蘿肉出黎食，個菠蘿好甜好juicy 泰式明爐烏頭$148上碟時配上煮魚的湯一邊煮一邊加湯及泰式酸辣汁蘸魚之用，值得一提的是魚帶黃油，懂吃烏頭的朋友也知是肥美烏頭才會有黃油的！湯汁酸微微很開胃，魚肉連配菜同吃很滿足。最後以三色冰作結本來欲點芒果糯米飯，但真的太飽了！兩個人能試到的菜式較少，下回邀請朋友一齊來可以嘗試店家更多菜式！