泰爸爸

营业中

休息中

今日行经奥海城，见到呢间泰国餐厅有露天座，感觉好似去左泰国咁，于是同老婆试下。饮品点了龙眼冰，味道好清甜，甜度岩岩好，仲有好多龙眼。首先来了串烧，猪肉鸡肉各三串，烧得好靓，本身已经茶左沙爹酱，唔会烧到好干，随碟再有沙爹酱可以点，沙爹酱好重花生同香茅味，非常夹，我同老婆都觉猪肉比鸡肉入味。之后有个烧牛柳沙律，牛柳非常多，烧到7成熟左右，配上青瓜、洋葱、椒丝，食落去好多口味，沙律愈食愈辣，怕辣就唔建议点。到了重点菜明炉乌头，用左唔辣既冬荫冬汤底，酸酸地又好重香料味，一路煮一路食，愈食愈入味，汤底唔会太咸，食到最后连汤都饮埋，老婆话多D椰菜就好，因为椰菜吸晒汤既精华。