影片
更多
2020-10-20
61 浏览
之前喺奧運食咗一間泰國菜，今日嚟食另一間。呢間舖頭大部份都係室外座位，不過室內環境都OK，室外比較多人食煙，所以都係坐室內比較好。首先叫一個泰式蝦餅。蝦餅一份四個，切開八件，炸得好香，口感幾彈牙，都有少少蝦味，配埋酸甜醬幾好食。之後叫咗一個泰式鹹魚炒芥蘭，芥蘭幾嫩，唔會有渣，鹹魚幾鹹香，唔會過鹹，整體OK。濕炒海鮮河粉我就麻麻哋識欣賞，一上枱我以為係炒雜菜。食慣港式乾炒牛河，呢個粉對我來講太濕，不過海鮮味道可以，蝦肉唔會霉爛。甜品叫咗千層椰汁糕，出乎我意料係熱嘅，好有椰汁味，口感煙煙韌韌，唔會過甜，幾好食。飲品叫咗椰青， $33唔貴喎，椰青係正常椰青味，符合預期。侍應幾友善，唔會太熱情但亦唔冷淡，滿意。
首先叫一個泰式蝦餅。蝦餅一份四個，切開八件，炸得好香，口感幾彈牙，都有少少蝦味，配埋酸甜醬幾好食。
之後叫咗一個泰式鹹魚炒芥蘭，芥蘭幾嫩，唔會有渣，鹹魚幾鹹香，唔會過鹹，整體OK。
濕炒海鮮河粉我就麻麻哋識欣賞，一上枱我以為係炒雜菜。食慣港式乾炒牛河，呢個粉對我來講太濕，不過海鮮味道可以，蝦肉唔會霉爛。
甜品叫咗千層椰汁糕，出乎我意料係熱嘅，好有椰汁味，口感煙煙韌韌，唔會過甜，幾好食。
飲品叫咗椰青， $33唔貴喎，椰青係正常椰青味，符合預期。
侍應幾友善，唔會太熱情但亦唔冷淡，滿意。
张贴
