泰爸爸

营业中

休息中

今日同屋企人去左奧海城到行街，行到攰就準備去食晚餐，我地好耐冇食泰國菜，所以我地就搵左一間泰國菜餐廳食dinner。呢間餐廳既防疫措施做得好好！打開餐牌，見到有好多唔同既泰國菜選擇，好吸引！我地比較細食，通常泰國菜都好大份，所以我地淨係點左一個主食，咁就可以留肚食啲甜品！主食方面，我地點左蟹肉芒果炒飯。炒飯好大碟，勁抵食！入面好足料，有好多帶有鮮味既蟹肉同埋鮮甜既芒果，炒飯炒到好香好惹味，勁好食！食完主食，點少得甜品呢，我地點左兩個甜品，其中一個係我每次食泰國菜都必點既芒果糯米飯！呢到既芒果勁甜，糯米飯要用左白糯米同埋紫米，煙煙韌韌，好正！另外，仲有呢個椰汁西米糕都好正！點少得新鮮大大個既椰青呢！

朋友知道我鐘意食泰國菜，放工後特登帶我黎哩間泰國餐廳度晚膳，餐廳地方唔大，外面有露天座位，燈火燦爛，可惜疫情關係，我地只好選擇在餐廳內用膳。我地叫左個新鮮波蘿海鮮炒飯、冬陰功海鮮湯金邊粉、椰汁三色冰、波蘿沙冰及甜品。食物黎得好快，冬陰功海鮮湯金邊粉賣相相當吸引，香噴噴，先飲口湯，味道超濃郁，好有冬陰功的味道，配料都好足，除左海鮮青口、蝦、魷魚之外，仲有些什菇、生菜、蕃茄、青辣椒及芫茜，朋友非常喜歡，最後連湯都飲哂。新鮮波蘿炒飯：係將炒好左既飯放入新鮮波蘿裡面再焗一焗先上枱，炒飯面仲配上肉鬆同腰果仁，至於炒飯就食到用左黃薑粉、蛋漿混合雜豆、海鮮、提子乾及臘腸炒成，味道十足我之前食開的傳統泰國菜館一樣。飲品三色冰：依家大部份泰國餐廳都好少有此飲品提供選擇了，當中所用的椰汁飲到同平時所飲到的不同，應該加了椰糖及鹽拌勻而製，提升了椰汁的味道更加香濃，底層的三色粒粒估計是馬蹄染成製造，因為外層煙韌、口感爽脆，色澤望落吸引。波蘿沙冰: 飲落酸酸地好fresh 。飲完又食完，到上甜品，店長好好人，比我地甜品可以同價錢的混合，於是我地叫左椰汁西米糕同椰汁千層糕哩兩款傳統泰國甜品，係我非常喜歡的甜品之列

行完奧海城見到好多人推介呢間泰菜，試完真係幾正，下次再食埋佢既晚餐!岩岩好2:30係下午茶時段，佢既海南雞飯特價40蚊左右就有，雞味超濃郁而且夠嫩滑又冇骨，雞油飯味道適中，飯粒分明唔會痴到一舊舊。最正係碗東瓜湯，落左少少蒜粒所以帶起咗鮮味又唔會好油膩!朋友就食雞絲撈濛，雞絲份量十足同埋都係好嫩滑既，加上佢既醋調味好開胃又唔會太酸，濛粉夠彈牙基本上已經冇得輸!另外見到餐牌寫蠔餅係必試，所以我地忍唔住叫咗碟。上碟個下隔離台都嘩咗聲，因為鐵板上會炸炸聲而且份量超多加上蠔仔鋪滿，超抵食!另外仲有雞豬沙嗲各兩串，肉質好彈牙同埋個沙嗲醬好正，有花生粒配合埋燒過既豬同雞，味道絕配!飲品方面我加咗8蚊要泰式凍咖啡，飲落咖啡味十足而且個奶味好香濃，好滿足!

好耐冇食泰國野了，之前去開附近已經想試下見到好似幾好味，同朋友2個人叫左4個餸，泰式炸素菜春卷好香脆，因為春卷本身熱氣我自己唔係好中意肉碎餡，捲蔬菜就啱啱好了，豬頸肉湯河粉湯底味道濃郁，份量多，河粉夠滑嫩，豬頸肉口感同煙韌度剛好，煎過又特別惹味，如果中意撈檬粉都可以轉檬粉同樣價錢，泰式黃咖哩薯仔雞一大煲，一上枱已經聞到好香既咖哩味，職員介紹青咖哩較黃咖哩辣，如果中意食辣啲就可以揀青咖哩，雞肉好入味，搭配三色椒，洋蔥同薯仔就更多味道，用蒜蓉包沾咖哩汁非常好吃！飲品則揀左椰汁紅豆冰，賣相吸引有朵花花做擺設，好似真係好chill去左泰國旅行咁，椰奶味濃郁清甜又多紅豆，熱辣辣解暑又解渴，佢地有室外同室內揀，裏面就有冷氣涼啲，出面就有啲燈飾有feel啲，客人可以自由選擇👍

同朋友好鍾意食泰國菜，嚟到奧海城呢間餐廳食lunch～餐廳因為限聚令關係間開晒兩個兩個坐，亦都有派濕紙巾俾客人消毒餐具喺每張檯拉出嚟就有午餐時段有lunch set，我同朋友就分別叫咗pad thai同冬蔭公湯檬。平時食泰國嘢粉麵多數比飯細份，估唔到嚟到份量咁多，尤其湯檬我朋友本身唔細食都食唔晒呀🤣🤣另外就係餐廳食物都唔辣，啱晒鍾意食泰國嘢但唔太食得辣嘅我🙊由於本身以為粉麵唔會太大碟，仲叫咗兩款小食，食到超飽🤣生菜肉碎包係我每次食泰國菜必點嘅😚肉碎多汁、個味香得嚟，同樣都只係好少辣👍🏻另外都有足夠生菜提供～最後沙爹串燒（另有提供沙爹醬），雙併有豬同雞食😆豬肉本身唔點醬都好夠味。串燒都係熱辣辣。呢餐食得好飽好滿足😋😋

終於有得出下街啦🤣計計下都成半年冇嚟mk，夜晚決左早啲去奧海城度食泰國嘢，仲食到下午茶價添😊.叫左個豬頸肉飯($40)😋都燒得幾香口，又唔會太肥，配嘅醬係酸甜解膩的💪🏻.另外叫左冬陰公湯河($42)😻湯都夠酸！河粉份量足，入面仲有d蝦仁、蜆肉同魷魚😋 .加多左份串燒！雞肉juicy~豬肉亦剛好唔會乾🤩上面已經有d芥末醬，點埋沙爹醬食更惹味☺️.馬拉盞炒通菜($88)🥳 菜炒得嫩嘅、唔會太油。仲有好多魷魚添，撈飯一流😍.加左8蚊要lime soda 🥤 解渴消暑🥰

成日係屋企煮飯，食到口寡寡。今日難得出街做嘢，當然要把握機會出街食！！！餐廳有露天茶座，但見天陰陰，所以都係坐入去。我地嗌左午市套餐嘅泰式海南雞飯、曼谷鮮蝦炒金邊粉加泰式凍奶茶同椰汁三色冰。等左無耐就好快上菜！首先要講嘅係，午餐真係好大碟！海南雞飯有香茅味，但唔會好油！啲雞普遍都幾滑，個汁調得好夠味，點雞/拌飯食都好惹味☺️跟海南雞飯嘅豬肉冬瓜湯夠清淡，亦唔會越飲越口渴。炒金邊粉又係好大碟🤣🤣🤣一個女仔未必食得曬有齊花生碎同青檸，味道唔錯😋不過如果可以多少少蝦就perfect！三色冰味道可以再濃啲啲，泰式凍奶茶飲落幾地道，唔會死甜👍🏻坐下傾下又肚餓，所以就嗌左下午茶嘅泰式鴛鴦串燒。⭐️⭐️⭐️雞肉好軟熟！大推！！！！！豬肉就好濃味！點埋沙爹醬完全係可以食多幾碗飯嘅節奏🤣今次難得發現奧海城有咁平民化價錢又好味嘅泰式餐廳，下次經過一定會再食😋😋😋

平時夏天點都會飛一轉泰國, 今年無得飛,所以成日去搵泰菜食, 今次黎到奧海城, 發覺多左好多餐廳, lunch就試一試呢間泰爸爸~lunch set 幾十蚊, 好抵食!!特別係個冬蔭功海鮮湯粉,夠酸又唔會太辣, 幾岩我口味, 金邊粉仲要好彈牙好食!配料都幾多, 唔錯!椰汁冰好飲, 雖然好肥哈哈!!串燒有4串, 2款, 唔會太乾, 重點係沙爹汁好味!lunch仲可以加配小食, 泰式蝦餅好彈牙, 推介!!!另外香茅豬排咖哩飯都幾大份, 咖喱好香!豬排唔鞋口~

To begin with, it is very worth to eat, especially for the tea!!!We go there for tea. The price is not expensive but the quality is good! 👍🏻😋Coconut 🥥 water , very fresh. Cost $33Special drink~ 龍眼冰！sweet and yummy 😋 just add $8 for the setTraditional Thai food ~ a little bit spicy but acceptable, must give it a try !!!! Tea set~ 豬頸肉湯檬, just cost $40 Pork and chicken 🍗 串燒～ 沙嗲醬好食😋 Thai snack~ 炸蝦餅～ my favourite dish, crispy and delicious 😋 Overall, it is recommended!!!!

傳說中好食既泰菜又出現了！今次黎到依間泰爸爸，個名好特別，應該都係主打街坊生意，今日行開奧海城，就揀間平平地既餐廳食下。午市套餐唔算貴，叫左條大蝦pad thai。撈埋側邊d花生碎，直頭將成個層次升華哂！而且面質好彈牙，仲有幾隻蝦，好鮮味！仲叫咗炸魚餅同炸蝦餅，兩樣炸得好香，唔會太乾，亦都唔係好重味精。試過食第二間既蝦餅都好彈牙，依間都唔例外，好有口感,仲有少少香料味，每樣三十幾蚊有三大件，都幾值得！之後仲叫左個冬陰功湯河，都係好香香料味，唔太辣，河粉就吸晒辣味，超香！最後仲食埋個炸香茅雞翼！炸得好脆，個皮唔會太厚🥰🥰🥰好香。最後飲埋杯泰式奶茶，叫左少甜，都好正宗似去左泰國飲咁😭😭😭就飽哂咁走🌝

下午茶menu泰式海南雞飯($40)個海南雞肉質嫩滑,唔太肥比較特別係個sauce平時食開有幾款醬點,蔥油,甜豉油呀 薑蓉咁佢呢到得一個醬,比較辣食得出有落薑蓉,辣得嚟有少少酸冬蔭公湯粉($42)海鮮就有常見嘅青口、鮮魷、鮮蝦等等，非常足料冬陰公湯非常香,酸酸辣辣(比起出面嘅冬蔭公湯,我個人認為冇咁辣,比較smooth,香口)亦有唔少海鮮料,青口,魷魚,蝦,各種菇另外叫左個海鮮粉絲沙律($58)第一次試食粉絲沙律,幾正超大碟!! 海鮮料都係多,個汁似係同鳳爪沙律個種汁一樣好辣撈粉絲凍食好正,可以當主食recommendation rating (out of five):

疫情期間好難先至約到朋友食飯。知道他work from home, 下午冇乜野做就約佢黎呢間泰爸爸食個下午茶先！四點鐘去到，喺門口最吸引眼球嘅係前面兩把風扇，令坐外面要呼吸嘅客人都感到涼快🙂🙂坐低左之後發覺間舖裝飾有好多掛牆公仔好得意😎好啦到揀野食，竟然仲可以有午餐叫，變相多左選擇！我地先叫左個紫菜豆腐肉碎湯、生牛肉湯河、鮮蝦炒金邊粉。由於午餐關係，杯特飲青檸梳打仲特左價添！上菜前，侍應好送上熱水，已浸了餐具（細心1）個生牛肉湯河賣相唔錯！很少餐廳會配上蘿蔔的，而舊蘿蔔係超諗！（細心2）至於個湯呢......好清甜，夏天啱晒😍配料除紫菜肉碎外還有少量西芹及玉子豆腐！呢個都係好少有，又幾啱味幾colorful! （細心3）碟金邊粉都炒得唔錯！埋單都係一人百二蚊，呢區黎講算抵！臨走前留意到三樣野：1）門口竟然坐無虛席2）20蚊包嘅蝦片好似幾吸引3）晚市外賣自取都有總評：一對朋友，三個細心，百零蚊一位，唔錯唔錯！

疫情之下減少左好多外出食飯，今日難得去左奧海城行街，就一於試下呢間泰爸爸啦餐廳位於商場外圍，仲有室內露天坐位可以選擇，難得今日又涼涼地，就簡左露天坐位露天坐位十分寛落好坐，一邊傾計一邊食野十分享受午市套餐選擇十分多，而且價錢合理，令我呢個選擇困難既人好頭痛除左午餐之外，仲有下午茶可以選擇先黎曼谷鮮蝦抄金邊粉，食之前我一定會加少少靑檸汁，令到味道再提升。一上枱已經聞到好香，食一啖已經食到好正宗既泰式感覺，鮮蝦好彈牙而且有蝦味，金邊粉抄既時間剛好，粉既質感軟硬度適中泰式海南雞飯係我至愛，油飯香噴噴，海南雞滑溜而且入味，點少少醬汁再配飯一齊食，好快就可以食晒成個飯豬頸肉生菜包係比較少見，所以就點黎試下，一試之下有驚喜，豬頸肉十分爽口，配上酸辣汁好惹味，夾埋生菜口感十分清新，岩晒夏天食呢到既飲品會有朵花插係杯到，真係好有渡假既感覺，望到心情都會變得更好呢間泰爸爸果然冇令人失望，環境好食物質素高，下次會再幫襯

以前晚上回家經過時會被這裡人流環境氣氛總會探究一下。而疫情期間晚上仍有多人門外買外賣 ！ 這裡由泰國人主理味道就加有信心lol～基本探熱、職員帶口罩、坐位隔板也做足👏🏻地點位於奧海城第三期地下，提供有室內、戶外坐位，天氣涼快條件下，戶外是不錯選擇！ 午餐、下午茶、小食套餐抵食，由HKD 4x 起，還要沒有馬夫👏🏻 豬頸肉湯金邊粉 HKD 48 午餐時段餐牌也可以點菜。豬頸肉邊位輕輕煎帶小許脆脆地口感，而中間口感柔滑，而伴菜使恰好去油感冬陰公海鮮湯 (小）HKD 88 足夠2人份量！用魚型碗盛著滿滿海鮮如青口、魷魚、蝦、蜆、草菇等等，鮮甜美味。湯底也不會像外邊的被酸蓋著辣味道。波蘿雞粒炒飯 HKD 62 色香味俱全！ 酸酸甜甜波蘿開胃又醒神～ 粒粒黃金色的炒飯顯得乾身又香氣撲鼻。 所加配料的味道好夾～推薦！凍/熱泰式奶茶 HKD 8 套餐特飲有數款指定選擇。 奶茶入口細滑，奶跟茶比例恰當。 食物、服務、環境、價錢都很滿意

今次黎到呢間泰爸爸既泰國餐廳,食落都幾唔錯,性價比高,而且各種既泰式野都有,味道都幾唔錯。環境方面,有開放式餐廳,空氣就夠曬流通,所以都唔係好擔心同人有太近距離既接觸~食物方面水準都非常之唔錯, 奧海城我印象中都好似冇乜泰國餐廳, 要食都要行到去大角咀個邊都有D 遠, 同埋連鎖餐廳比較多~ 呢間泰爸爸都姆方便易去~!我地兩個人都唔係叫左好多野食, 我地叫左個生菜包, 黃咖哩牛,同埋蒜蓉包點咖哩食!先講下個生菜包, 真係勁正, 豬肉炒到勁香辣,又有適量既肥肉係入面, 香得黎又唔會太利, 用生菜包住黎食真係可以食到好多肉, 同埋感覺都夠哂健康! 至於黃咖哩牛呢, 個咖哩就唔辣既~ 但好香咖哩味同埋有椰奶香味…牛腩都有好多舊, 超抵食! 我仲中意佢個咖哩入面有好多菜, 索哂D 咖哩既汁, 食落去夠哂入味! 兩個字超正!用蒜蓉包點黎食真係超超超夾, 同埋佢個蒜蓉包真係焗到勁香口, 又脆…放入咖哩度索哂D 汁都唔會失左佢脆口既口感……!!! 真係超滿足!! 同埋佢半露天既關係食起上黎都份外安心~