泰爸爸

营业中

休息中

呢幾日天氣都好熱，午飯嘅時候跟同事，希望可以喺商場，搵一間舒舒服服，又好味嘅泰式餐廳，就想起了泰爸爸。泰爸爸，午飯嘅時候，都有好多套餐選擇，既有飯類，又有粉面，而且性價比相當高，加埋嘢飲，平均都是50至70。 返工咁辛苦，食晏嘅時候，我哋就想試吓佢嘅招牌海鮮菠蘿炒飯，而其他的小食實在太多選擇，乾脆就來一個拼盤吧。呢度每一樣嘅食物，都給我好大嘅驚喜，就是每一樣上碟嘅時候都食熱騰騰的。拼盤中，春卷咬落爽脆，蝦餅煙韌有口感，串燒每人一條剛剛好，再加上魚餅；而菠蘿海鮮炒飯，一上枱熱騰騰的還冒煙呢，再加上兩杯龍眼冰，好一個午餐，真係令人大滿足！

平時放lunch經過泰爸爸都會見到好快已經坐滿人啦，證明真係好受歡迎😆 今次早咗放lunch就過嚟試吓啦，叫咗lunch Menu入面嘅兩個午市定食同兩款小食仲加左兩杯特飲😋-曼谷鮮蝦炒金邊粉 $62金邊粉份量十足好大碟，蝦肉份量都好足料。旁邊仲有花生粒可以令味道更惹味同口感更豐富🥜 金邊粉食落好有鑊氣，調味剛剛好，味道好正宗好有泰式風味，值得試試👍🏻-冬陰功海鮮湯粉 $58海鮮有大大隻青口、大蝦同魷魚，以呢個價錢來講真係好抵食。冬陰功湯底味道濃郁，味道亦都好正宗，又唔會太辣🌶-招牌炸蝦餅 $38蝦餅係熱辣辣炸起嘅，炸得香脆可口，唔會太油膩。蝦餅食得出好足料，蝦肉好彈牙幾鮮🦐-泰式鴛鴦串燒 $48串燒係豬肉同雞肉各兩串，配埋沙嗲醬汁可以點嚟食。串燒食落好juicy啖啖肉，肉質一啲都唔鞋，但個人比較鍾意雞肉因為食落真係非常嫩滑😍-青檸梳打午餐仲可以加$8轉特飲，見幾抵飲我地就叫咗兩杯青檸梳打。青檸味十足但味道又唔會太酸，飲落好開胃，推薦大家試下～

美味的一餐 無得去旅行 唯有選間泰國餐廳頂著先 食左當去左😅 餐廳已經開左一段時間 但仍然保持到水準 👍 今日好遲先食午餐 到晚上時仍然好飽 所以晚餐都只是點左3款食物已經足夠😬 我地點左個串燒6串 可以選2款肉 我地選左豬同雞 每款3條 個咖哩醬好野味 不辣仲甜甜哋 肉質可以 但如果可以再juicy 點會更好😋 仲點左個蒜蓉包 都是6件 個包好脆 淡淡的蒜蓉味 好有口感😋最後點左個鮮菠蘿海鮮炒飯 個面見到好多材料 有蝦 有青口 有肉鬆 有腰果 同魷魚 🦑 當然唔小得菠蘿🍍估唔到食到中間都仍有好多材料 唔似出面個些餐廳得個表面先有料 👍👍👍 又是推介之一！

5日復活節連假咁岩行過奧海城，諗住食個下午茶，見到佢呢間評價咁高就諗住試一試，點知伏到PK，去到個outdoor好似好chill，40蚊下午茶又幾平，但一入去啲waitress態度已經唔好，叫完野要等半個鐘先到，一黎到可以用’超級精品’下午茶黎形容，叫左個豬頸肉撈檬同豬頸肉飯，得4片豬頸肉，普通男仔起碼要食兩個，個豬頸肉飯啲飯又硬又凍，可能係咪尋日晚市食淨，一個字 - 伏嬲過嬲嬲返旺角食個燒賣皇后冇咁嬲

今日放假去開奧海城路過大角咀見到有間泰國嘢望吓佢個餐牌下午茶幾抵食喎等我一於入去試吓先！特別推介佢個招牌蝦餅又比我想像中好食喎～價錢公道得來味道又唔差我覺得值得推介

位於奧運奧海城三期地鋪環境乾淨整潔，亦有bar枱有格調牆上面掛滿畫，增添泰風味今日帶咗朋友去大角咀附近食泰國菜，有戶外嘅位置，有暖爐喺隔離 冬天其實都幾舒服😌餐牌上有好多選擇基本上泰國菜要有嘢食呢度都有，岩哂一班大細開心share！泰式生蝦幾新鮮，擺得相當有心思配上秘制醬汁，酸酸辣辣作為前菜相當惹味，豬肉生菜包唔會太辣，肉碎不會太鬆散保持口感。最欣賞生菜洗得好乾淨之餘爽脆十足，正！冬陰功湯香味撲鼻，辣同酸恰到好處，配料足夠可以填肚，如果有個熱爐一路煮住就佢更加好，味道都好濃郁同正宗👍🏻 仲有泰國奶茶🥤味道都好好足茶香味龍眼冰清甜解渴，龍眼都好大粒人均消費大約150，如果午餐或者下午茶仲更加抵。

今日同老公嚟奧海城食泰國菜，覺得呢間泰國餐廳幾唔錯，仲有室外嘅座位，好chill，令我哋會想起去泰國旅行的日子首先，我哋叫咗一個泰式煎蠔餅，蠔仔嘅份量非常多，炸粉份量亦適中，炸得非常香脆，整體很高質然後，我哋叫咗泰式黃咖喱薯仔牛腩，咖喱微辣，有少許椰汁味，配上泰式薄餅，大大塊點落咖喱汁，很滋味椰汁雞湯亦唔錯，香料味重，少許辣，湯內有很多蔬菜，尤其是蘑菇食泰國嘢點可以唔飲泰象啤酒呢？泰象啤酒味道清甜，冇咁苦，最啱女仔飲另外，龍眼冰亦唔錯，甜甜的，食完咖喱後可用來解渴食咗咁多嘢，買單只係三百幾蚊，性價比幾高。而且值得一讚嘅係，呢間餐廳真係由泰國人開，服務態度非常好，很有禮貌

平時尼開呢邊 間唔中都會係呢間泰國菜食飯禁堂食之前 尼番呢間有氣氛既戶外餐廳好好享受最後一晚香茅雞中翼 雞翼算大隻 面頭灑滿脆脆香茅碎 連埋剛剛炸好既雞翼一齊食好香口 雞翼肉質嫩滑 入口滿滿香茅味 又唔會濃味到口渴既程度泰式串燒串燒只可以雙拼 我地揀左牛同雞 兩款肉都燒得幾香 肉質都仲好滑個沙爹醬甜甜地幾好味 又唔會搶左肉味 沙嗲同串燒真係絕配芒果蟹肉炒飯雖然賣相平平無奇 但其實好足料又大份芒果粒好甜 蟹肉都好多 每啖飯都食到份量差唔多有4碗飯咁多 真係大碟都好誇張辣椒膏炒蜆男朋友唔食得辣 落order個陣叫左少辣 入口甜甜地+少少辣味都好開胃 用尼撈飯唔錯 蜆有好多隻 $88都抵食~食完個炒飯已經好飽 但聽到隔離枱叫芒果糯米飯就忍唔住外賣埋番去食 芒果幾甜 $50尼講算抵食 好多餐廳都賣到$7-80~奧海城呢幾間戶外餐廳真係好舒服好chill 可以幻想下自己番左去泰國可惜應該有排都無得再出街食喇

<下午茶時段食個泰國野都唔錯>肺炎下晚餐冇得食 經過開大角咀試下呢間奥海城三期既泰爸爸 下午茶餐有各式泰菜同小食 食物質素唔錯 😃🍴泰式海南雞飯 40 蚊🐥🍚有芥蘭 蕃茄 青瓜墊底 🥒雞肉皮夠爽彈係比較煙韌彈牙嗰 d雞肉味 雞味夠 黃飯亦夠香 我幾鍾意佢 d辣醬 酸辣後黎唔會蓋過雞味 撈埋飯🌶️夠哂惹味🍴招牌炸蝦餅 38 蚊🔥🦐蝦餅炸得外層夠香脆 熱辣辣 入面既蝦膠彈牙 😃點 d甜酸汁都好好味🍴泰式鴛鴦串燒 48 蚊🐷🐤2串雞同豬 雞肉整得好彈牙嫩滑 豬肉就比較煙韌 juicy 🐽而佢個醬汁好正 好香濃既沙嗲醬 花生味香 正🍴生牛肉金邊粉 40 蚊🐂🍜牛肉足料 幼身帶 d肥膏邊位 口感爽滑 仲有好淋既白蘿蔔 湯底好香牛味 濃度適中 金邊粉比較粗身 夠爽口👍🏻 連埋牛湯好味🍴燒豬頸肉生菜包 50 蚊🥬🐷平時生菜包包豬肉 呢個包豬頸肉仲正 豬頸肉厚切 夠口感 燒得好香口 醬汁似泰式鳳爪既凍醬汁 辣得黎 加 d大葱 蕃茄仔🍅 洋葱 蘿蔔絲等等 醬所有料用新鮮生菜包住 🥬好有層次感😍#沙律 #豬頸肉 #生菜包 #泰國菜 #海南雞 #海南雞飯 #金邊粉 #牛肉 #串燒 #蝦餅

今日去奧海城睇戲，之後搵嘢食發現有一間泰國嘢而且有露天位置，感覺而家冬天坐喺出邊都幾舒服，於是二話不說就入去食啦。1.菠蘿炒飯（平時去食泰國嘢一定要叫菠蘿炒飯，今次我哋都係一樣試吓菠蘿炒飯🤣，味道十足，海鮮好多，而且飯嘅份量好多）2.沙律鳳爪（酸酸辣辣好惹味，一樣份量很多，結果食唔晒🤣🤣但真係每次食泰國嘢都一定會叫）3.咖喱雞（味道濃郁還不錯）4.海鮮通菜（馬拉盞炒嘅通菜都真係好好味😋）5.嘢飲方面（椰汁🥥珍多冰💛）6.椰青😆好清甜嘅感覺好好味😋最後我哋兩個叫得太多嘢食，有啲食唔晒，下次都係要控制下份量

今日放工和朋友有交收係奧運 之後諗住搵間餐廳坐低食少少野記得三期地下有一堆食店 比較靜 又有室外同室內的位置 應該空氣流通一些行左入間泰國野 朋友同我都幾肚餓就決定叫兩個主食 另外加左個米子卷係等上菜期間都睇下餐廳環境以黃色為主調 有少少裝飾點綴下鮮蝦扎肉米子卷 一碟有六舊每舊份量足夠 點返個甜酸辣醬幾開胃生牛肉河粉 同朋友每人都可以分到3 細碗牛肉咬口唔錯 個湯幾入味最後的菠蘿海鮮炒飯 份量有驚喜唔失禮基本上兩個人咁食法 係非常之飽 每人食左百鬆d 的晚餐 可以一試

今晚冇煮飯，於是同屋企人走去奧海城3期試下間泰爸爸餐廳，聽個名就知食泰國菜啦~餐廳有露天座位，屋企人話坐出面感覺有D feel, 但又好大風，有D凍，最後都係坐入面。我地叫左4樣野，有炸蝦餅，泰式海南雞，鹹魚炒芥蘭和生菜包。炸蝦餅一碟有4件，不過就一開二，感覺又好似多左，蝦餅外層炸得十分香脆，又不油膩，蝦肉十分彈牙，熱辣辣十分好吃。海南雞味道不錯，點埋個醬汁更好吃，肉質嫩滑又冇骨，岩曬我屋企人，鍾意啖啖肉。生菜包，碎肉同生菜分開兩個碟上，生菜很新鮮，入口爽脆，豬肉碎混合洋蔥，二者一齊吃很match。鹹魚炒芥蘭，這碟炒得夠鑊氣，但吃不出有鹹魚味，而且芥蘭莖沒有削去外皮，入口有點硬，可能年紀大，牙齒吾夠力咬。吃飽飽，慢慢行返屋企。

今晚同朋友嚟到奧海城呢邊食飯， 朋友推介食泰爸爸，食泰國嘢， 都好似好吸引咁！ 可以選擇坐室內或者室外， 我哋揀咗坐室內！要先量咗體溫先可以入去，店內都有夾板攔住， 增加食客嘅安心。餐牌上嘅食物都好唔錯， 樣樣都想食， 最後商量之後 ，就叫咗四個菜。芒果糯米飯， 真係好吸引， 配飾好一朵鮮紅嘅花， 賣相好靚 ，佢嘅糯米飯好煙韌， 一半係白糯米飯，一半米黑糯米飯，配埋香濃嘅椰汁，超級好味！ 芒果又鮮甜同糯米飯嘅味道好夾， 一啖芒果，一啖糯米， 滋味之選呀！原個鮮椰青， 椰青汁好鮮甜， 椰肉又滑，我飲完d汁之後，連椰肉都唔放過， 一次食曬！香芒軟殼蟹米紙捲 ，呢個菜都好特別， 好好味， 佢呢度嘅米紙卷好薄， 煙韌有彈性，口感十分好， 配埋香芒軟殼蟹加啲蔬果， 味道好夾， 仲有佢有嘅酸酸泰汁 ，點住食 ，滋味無窮！海南雞湯河粉， 海南雞好嫩滑 ，湯底梗係冇得彈， 成個河粉都好好味！我哋share食都要搶住搶住咁！ 可以睇得出呢碗麵十分啲唔錯！

平時男朋友都會響櫻桃街附近跑步佢之前跑步成日經過過呢間泰國菜成日都話搵日嚟食佢話見到人哋坐喺出邊好chill嘆住支泰國啤酒 好有響泰國嘅感覺今日收工我哋終於嚟試吓呢間泰爸爸不過今日有啲大風所以我哋都係坐入邊好有泰國風味環境都坐得舒適店主/店員都好殷勤 可能因為係泰國人/泰國華僑？😂好多野都想食不過冇椰青🥺大家想食可能要早一日打去留蒜蓉包都賣哂🥺炸蝦餅佢個炸粉好薄 蝦肉好實 真材實料！個醬帶啲桂花味 比一般泰式辣醬清新好多生菜包豬肉同生菜同樣重要先講豬肉，味道醃得啱啱好姐姐仲好細心提我地使唔使揀小辣佢話嗌小辣炒出嚟係中辣不過我覺得可以辣少少然後就係生菜，佢逐塊洗過而且生菜好脆口 好翠綠 夠新鮮炭燒豬頸肉切得好夠薄可以再燒得耐啲令佢香口啲個醬汁都可以再濃啲泰式炒通菜呢個同平時馬拉盞炒通菜有啲唔同偏向醬油味多 好夠味同帶點辣但略為濕左啲 炒金邊粉酸甜度剛好 再加啲花生碎拌勻嚟食麵質軟硬適中蝦好大隻而且爽口不錯👍🏻好多人食泰國菜都第一時間諗起九龍城但香港仲有好多選擇有機會可以黎奧海城試下泰爸爸環境好 服務好 食物質素都好晚市食飯仲可以免費泊車5小時呢！

今日放工同老公去咗奧海城食飯去咗三期嗰邊見到燈箱介紹泰爸爸 咁就去咗 但原來個位置都有啲偏僻 要出商場出邊先見到佢 都搵咗一陣最近食得太多街食肥咗好多 所以選擇方面都揀咗啲少油嘅但其實唔肥唔代表唔好食㗎最後我同老公都食到好飽但係樣樣都好食😋首先上菜嘅係生牛肉湯金邊粉 唔炒已經慳好多油啦 好大碗啊 我同我老公一人分咗三碗仔（用佢啲細碗計）燒魷魚都等咗一陣 燒得啱啱好 唔會好軔好似食橡筋咁 另外叫咗個紫菜肉碎豆腐湯 玉子豆腐配紫菜 有水準嘅豆腐湯 又係欣賞佢唔油嗌咗泰式燒雞 其實海南雞都得嘅不過成日食有啲悶 侍應都提左我哋要等一陣嘅 咁都冇所謂啦終於佢的確係最遲上嘅一味餸 但係好有驚喜喎 雖然燒雞但係一啲都唔乾 啲肉好滑 仲好有肉汁 起初以為佢嗰醬只係普通泰式辣醬 點知又唔係喎 同燒雞好夾👍🏼食咗四樣嘢三百幾蚊我覺得都好抵食 👍🏼