泰爸爸

营业中

休息中

今日同女友人黎左奧海城行下, 發現呢度根本係yoho mall既創始版， 又係幾間甲級住宅同商場連埋一齊, 都幾好行但就連鎖店多囉.. 我地出左商場外圍行下發現有間Bar, 覺得係chill 走埋去望下原來係泰國餐廳黎, 女友人突然好有興趣..咁我地就入左去醫肚啦.. 野食我地就叫左椰奶雞湯，泰式鹵水豬手，泰式燒羊鞍，濕炒海鮮河粉同泰國式薄餅.. 我想講我個main course就係泰式豬手.. 真係好正佢有別於中式潮洲風味, 佢係香料味重同埋淆得超冧食落塊豬皮有入口即溶既感覺不得了, 女友人就食左濕炒河粉, 佢一貫既致愛, 我試左d就覺得 d河粉好滑溜， 個汁都幾鮮味, 可能因為好多海鮮料係入面. 跟住我地就飲埋個椰奶雞湯.. 好濃椰香 帶少少辣味不過接受到, 最後我食埋個羊鞍好肥美， 女友人就食多左個薄餅, 我地無叫甜品只係飲左個椰青做最後點綴好清甜 ... 成餐飯好chill好滿足

已經好耐冇去旅行啦，要靠搵唔同風味嘅餐廳搵返旅行嘅感覺，今次輪到泰國餐廳，估唔到又幾好食喎😆雖然係平日夜晚，但餐廳內外都坐滿人，果然多人支持。係餐廳外見到，外賣優惠都幾抵買，款色唔錯。食泰國野點可以唔叫鮮菠蘿海鮮炒飯，海鮮份量十足，賣相討好，唔似一般餐廳淨係炒飯上碟。食落粒粒飯同配料，有蝦、魷魚、臘腸粒、菠蘿粒、提子乾、肉鬆，鹹鹹甜甜，有口感之餘又非常惹味！之後叫咗沙嗲串燒，係牛肉同雞肉串，雞肉嫩滑，燒得好香口，牛肉燒得啱啱好，配埋沙嗲醬，好食！🥰重要大大串，啖啖肉，好滿足！最後重叫咗泰式豬手，炆得好冧好入味，值得一讚，份量重要頗大，可以幾個人share食。👍🏻最後嗌咗杯梛汁沙沙，唔太甜，又足料，夏日炎炎飲，好fresh，好飲！

Long weekend 最後一日過左黎奧海城行街，行到攰就去咗第三期嘅泰爸爸食個下午茶餐，上網見到評論唔錯就試下呢間。餐廳有分indoor同outdoor，如果天氣唔熱的話坐outdoor其實都幾舒服。本來以為下午茶份量應該會少d，但估唔到份量都幾多，應該都lunch差唔多。泰式海南雞飯就算係雞胸都唔會乾，下午茶的價錢但午餐的份量。生牛肉湯粉大概4-5片牛肉，上檯時已經熟左但味道ok唔係過熟。招牌炸蝦餅下午茶都依然有6舊所以真係幾抵食，炸得都ok。飛天通菜我鍾意呢個菜唔會好油，同埋唔會好鹹好辣。以商場既餐廳黎講性價比算幾高，價錢合理味道都ok。

一家裡附近的泰國菜，看到評論不錯，就中午想去試試，但是有一些失望，點了一個泰式金邊粉，只有兩顆蝦，味道略清淡，咖哩豬排，真的也就只有豬排，而且咖哩也都不是我想要的味道。泰式奶茶，不是正宗的泰式，林一杯飲品更是酸到跳腳！唯一ok的是泰式蝦餅

今日去左奧海城行，行到去第三期外圍，見到有幾間有户外+室內座位既餐廳，好似好chill咁，於是揀左食泰國菜2:30pm開始係下午茶時段，見到價錢覺得好抵食！男友叫左青咖喱雞柳飯+ 龍眼冰青咖喱好惹味！送飯一流！雞肉都無雪藏味👍🏻龍眼冰好滋潤，岩哂大熱天時飲我就叫左雞絲撈檬粉同熱檸茶，夠哂健康！😬另外仲叫左青木瓜沙律，份量比想像中大份，青木瓜幾爽口！我最鍾意肉碎生菜包，雖然係比一般既淡色，但我幾鍾意，因為個味道拿捏得幾好，清淡得黎又幾好味！仲叫左普扣炒芥蘭同泰式鴛鴦串燒(雞、豬各2串)，個醬係重點！串燒點完個醬味道都昇華左！侍應好有禮貌，仲自動有浸喺熱水既餐具奉上，殺菌👍🏻

喺香港食泰國菜好方便， 商場內總有一間兩間喺附近， 有時甚至普遍過港式嘅吞麵， 當然好唔好食或者是否正宗有另一回事。這天下午來到奧海城三期覓食， 碰口碰面都係連鎖嘅餐廳， 喺地面層發見『泰爸爸』 好生面口真係正合心意。餐廳有一邊係戶外， 感覺好休閒， 近排天氣冇咁熱， 戶外都有一兩枱客人。下午茶套餐和小食套餐很多選擇。當然也可选午市套餐 ，份量係會比下午茶大啲。香葉肉碎煎蛋飯午市套餐 $62天氣炎熱或者冇咩胃口我就會揀這款泰式碟頭飯。肉碎配合辣椒和香葉爆炒， 夠曬惹味， 辣中帶鮮， 如果炒得較為乾身更理想，不過已經夠好吃送飯一流！ 不得不讚佢嘅米飯， 正宗泰國米， 有米香， 軟熟得來又唔會太濕， 我成碟KO 了！生牛肉湯粉下午茶套餐$40分量竟然都唔係迷你的骰， 也是一般午餐的份量！ 朋友話好吃， 湯唔會太多調味， 特別佢嘅銀牙好爽甜，牛肉片嫩滑！椰汁紅豆冰 （跟餐加 $8）椰汁香濃， 紅豆份量略嫌少而且仲未煲到好腍。青檸梳打（跟餐加 $8）朋友覺得比較普通。飛天通菜$38真心覺得抵，即叫即炒， 小食都可以咁有鑊氣！ 泰式豆醬濃香惹味，吃不停口！泰式炸春卷$25也是抵吃小食，即叫即炸，

放假去嘆個😍豐富嘅泰式下午茶，食到勁飽，都係每人一百蚊多啲，好抵食！🤩💕泰式鴛鴦串燒 🍢（豬、雞各兩串）$48豬及雞都燒得表面香口，內裡juicy! 💖點少少沙嗲醬，更滋味！🥰💕香茅雞中翼 $30雞翼皮炸至金黃香脆，雞肉保持嫩滑多汁，好正呀！👍🏻💕冬蔭功湯河粉 $42 酸酸辣辣嘅冬蔭功湯底，好開胃！海鮮及河粉嘅份量都唔細！😋💕芒果糯米飯 $50超級甜美嘅芒果🥭，加上有沾滿咗椰漿嘅白糯米飯及紫糯米飯，大滿足！🥰💕豬頸肉飯 $40豬頸肉點少少泰式辣醬，勁好送飯！💕泰式凍奶茶 （跟餐加$8/杯）又香又滑！

同老婆hea遊奧運貪呢度呢度好feel又夠chill, hea下hea下hea到可以歎個下午茶，試下呢間泰爸爸，懷緬過去同老婆去泰國食既好東西。黎泰爸爸食泰菜，首選飛天通菜。點解？香而帶辣，菜身爽脆入味，更重要係佢泰式調味，調完真係食到飛天！無錯係誇張左d,但真係炒得有鑊氣又好食。呢味喀比滷水豬手飯，英文叫thai stewed pork knuckles with rice，睇埋英文其實係因為我睇左中文但唔知喀比點解。 唔理佢點解，總之呢味餸啖啖肉，軟滑而入味，又有滷蛋配滷汁餸飯食，真係齒頰留香，回味無窮。呢度既泰式湯河亦都非常出眾，尤其係佢個湯底，清而入味，再配埋有嚼勁既豬頸肉， 一碗成功既豬頸肉湯河唔止呈現係你眼前，仲令你大快朵頤。小食方面，呢度既炸蝦餅係佢招牌黎，新鮮炸到外皮酥脆，內裏仲啖啖蝦肉，配埋甜酸醬，份都係令人忍唔住一啖接一啖咁食曬佢食得辣既朋友，不妨可以試試呢度既美味海鮮粉絲沙律，除左有足料海鮮，最重要係一試呢度既調味功夫，辣得好過癮。食到慶曬，當然飲返杯足料龍眼冰消消暑氣啦，大大粒龍眼，甜度又適中，無可挑剔，好感恩今時今日可以咁chill 咁relax咁係香港品嚐咁

今日嚟開大角咀哩邊見客，工作完之後都差唔多2點半，見「泰爸爸」差唔多開始下午茶時段，又幾抵食咁就同同事入去醫一醫五臟腑。我同同事各自叫咗一個下午茶餐再加多2個小食一齊share😆 下午茶餐都係$40起、而午餐都係$4x-$6x ，係奧海城嚟講真係好抵食呀。重點係tea set 嘅份量同午餐係一樣嘅，抵上抵，CP值超好👍🏻泰式海南雞飯 💰$40- 海南雞件份量都唔少，而且啖啖肉，唔會因為係下午茶就將貨就價，大讚！ 海南雞件好滑，唔會嚡口。油飯香氣十足，唔會過份油膩。差唔多見每一台都有人食緊😂冬蔭公湯金邊粉 💰$42- 哩個已經係最貴嘅下午茶餐，都只係$42😙有齊哂蝦、魷魚🦑、青口、同埋勁多香菇👍🏻海鮮配料夠爽口，冬蔭公湯底酸度足夠，但小妹覺得可以再辣少少就更好泰式串燒 💰$48串燒有4大串，豬肉同雞肉各2串，大大串好抵呀海鮮粉絲沙律 💰$58其實哩個粉絲沙律嘅份量可以當一個主食😲海鮮配料絕對不少，仲有大量櫻花蝦，配以酸辣汁，作為前菜勁開胃食到最後先發現原來「泰爸爸」係有happy hour 喎，由2點開始到6點，啤酒有買一送一，下次真係可以再嚟試一試

今次係奧海城行到好攰 試咗間泰國嘢食😏😏一坐低就聽到廚房同水吧都係用泰文溝通 即刻就唔驚今日食嘅嘢唔正宗🤤坐低叫咗幾樣傳統泰國嘢食 包括米紙卷、海南雞同埋菠蘿海鮮炒飯😸😸食完就會知道究竟餐廳正唔正宗呢鮮蝦扎肉米紙卷除咗鮮蝦同扎肉 入面仲有芒果 芒果甜既唔係酸既芒果👍🏻👍🏻個米紙卷整得軟硬適中 唔會一咬落去就會脆 令到啲餡料爆曬出嚟 呢樣真係好睇師傅嘅功夫 果然呢個米紙卷整得唔錯👏🏻👏🏻👏🏻海南雞（半隻）雞件啲油份令到隻雞望落好新鮮令立立 食落隻雞好嫩滑 😋😋 菠蘿海鮮炒飯炒飯炒到粒粒分明 除咗海鮮仲有臘腸同臘味🥳🥳🥳一路食都食到一大堆新鮮嘅菠蘿 菠蘿海鮮炒飯嘅精髓就梗係要有新鮮嘅菠蘿 👏🏻👏🏻👍🏻👍🏻

難得疫情開始放緩 鍾意出街飲飲食食嘅我同女朋友又出嚟搵食 一睇餐廳名就知今次係食佢鍾意嘅泰國野🙊我地大概五點入咗去 諗住食個早啲嘅晚餐會冇咁多人 點知餐廳嘅流轉都幾快 而且都比我預期中多人食 五點仲有午餐同下午茶餐可以揀😺 下午茶餐真係好抵 四十蚊就有交易香葉辣椒肉碎煎蛋飯 呢個係lunch set嚟 煎蛋係半熟嘅 仲有蛋汁喺入面🤤 肉碎配埋辣椒好惹味 好好餸飯 肉碎又唔會太肥黃咖喱牛腩飯 咖喱唔係好辣 椰香味比較重 牛腩都幾林 好易咬 仲有細細舊嘅薯仔做配菜 幾好食招牌炸蝦餅 呢碟係每次食泰國菜都想食嘅蝦餅 蝦餅唔算太大舊 但勝在每件都好熱辣辣 彈牙嘅蝦餅配埋泰式醬真係好滿足呀🦐燒豬頸肉生菜包 燒豬頸肉同啲配菜酸酸辣辣 好開胃 配菜有芹菜 車厘茄 洋蔥同埋青瓜 加埋豬頸肉放入生菜入面 味道好清新🍃香茅雞中翼 雞翼大小適中 雞翼上面嘅香茅碎好脆 好香口 雞翼肉質都唔錯 係乾身咗少少咋Lunch set同tea set都有跟一杯野飲 我地嗌咗熱檸茶同埋熱咖啡☕️ 味道不過不失啦整體略嫌餐桌有啲細 嗌多兩碟就冇乜位放食物😬 食物質素唔錯 價錢相宜 絕對值得再幫襯😎

平時很少到奧海城那邊，總是覺得那邊地方有點吊腳。今天要到奧海城第三期辦點事，反而有了新的體驗。我從亞皆老街，經行人天橋就可以直達奧海城三期，很方便，那種吊腳的感覺頓時消失了。原來這裡飲食也很方便，在地下就有幾間環境和質素不錯的食肆。辦完事後，就走進一間叫泰爸爸的泰菜餐廳進餐。餐廳佈置簡約，環境舒適，門口還有露天雅座，真是別有洞天。這裡環境比較清幽，第日不用在旺角鬧市轉來轉去，過來偷偷閒也不錯。看看餐牌，食物價錢也很經濟抵食，下午茶餐四十蚊就有交易。就叫了下午茶餐黃咖喱牛腩飯和豬頸肉撈檬及幾個小食。黃咖哩牛腩飯，牛腩炆得又冧又滑，咖哩香濃帶椰香，好吃。豬頸肉撈檬，豬頸肉都算大塊，入口嫩滑，伴上檬粉、青瓜絲、紅蘿蔔絲、薄荷葉、花生碎和醬汁，酸溜溜，很開胃。泰式串燒(豬、雞各兩串)當然也是必吃之選，豬肉和雞肉都醃製入味，肉質嫩滑，而且燒烤時間掌握得恰好，再配上特製醬汁，口感不錯。特式炸魚餅，一碟有三件，廚師細心，上碟時已切成6小塊。魚餅炸得外皮微焦，內裡魚肉鬆化，入口香軟好味。普吉炒芥蘭，份量唔算大，勝在炒得夠鑊氣，菜炒得香甜，真是一道清胃小菜。三色冰和紅豆冰賣相不錯，而且冰涼解渴。這裡食物

成日經過呢間泰國菜餐廳，第一次入去食咋，有驚喜喎！味道好，價錢合理，份量足，而且都好多嘢揀我哋兩個人嗌左三樣嘢，買單都唔使$300，我覺得都幾抵食！燒豬頸肉好厚身 肉質爽口而且燒得少少焦香，幾好食 跟住燒豬頸肉有一碟酸辣汁，點埋一齊食更加惹味！芒果蟹肉炒飯好大碟！呢碟炒飯好足料，好多芒果肉同埋好多蟹肉芒果酸酸甜甜令到成個飯都好開胃！呢個冬陰功海鮮湯粉真係好正！味道唔係好辣，少少酸辣咁樣，非常惹味 海鮮嘅配料亦都好多！呢度仲有啲泰式甜品，不過今次太飽食唔落。。。下次要來試吓！

朋友同我都好中意食泰菜朋友更加係會每隔一段時間就會周圍搜刮泰國餐廳 務求係香港試盡泰國風味今次有事尼到奧海城附近朋友就話不如試試尼間係地鋪既泰菜餐廳本身室內面積唔大可能因為有露天座位既關係可惜我地去既時候係中午而家天氣又仲係好熱如果唔係等遲啲秋天夜晚坐係出面既露天位置食飯應該幾chill入番正題 因為我地係食lunch既關係餐廳本身係有提供lunch set 包飲品menu選擇品項都好豐富只係我同朋友都想加啲小食試下於是我地就嗌左一個金邊粉set share再另外加啲小食share本身我地諗住係大menu個啲嗌啲正價串燒同埋泰式炒菜點知老板娘勁好 好貼心咁提醒我地lunch小食係有特別優惠既menu就好似我地想嗌既雞豬串燒雙併同飛天通菜足足比正價平左一半 抵啊尼得食泰菜當然要嗌番兩個椰青飲下我地仲另外嗌埋甜品 椰汁大菜糕HK$ 20有4塊 每塊都幾大舊 超抵至於食物既質素方面都相當唔錯金邊粉超有鑊氣 仲跟左幾隻爽甜大蝦 串燒燒得幾juicy 伴碟沙嗲醬亦唔會太鹹太油 味道香得剛好飛天通菜好大碟 唔會太辣我尼啲唔食辣既都食到 加埋黃豆豉香味四溢 食到lam lam 脷最後既甜品大菜糕 超

今日出開旺角，去左奧海城既一間泰菜小店食lunch。我不嬲都幾鐘意東南亞口味，夠酸夠辣重口味丫嘛～胃口唔大既我同朋友叫左一個lunch set雜錦撈檬，兩份小食，分別係串燒同青木瓜沙律，另外加左一個我道食好耐既芒果糯米飯。雜錦撈檬夏日炎炎最岩食呢啲清爽既麵食，撈檬既醬汁酸酸甜甜特別開胃，不過我略嫌佢唔夠多汁同酸，所以自己再另外加左啲醋落去。配菜有札肉，豬頸肉，魚片同魚蛋。魚蛋有種特別既香味，我覺得比平時食到既白魚蛋更好食。泰式串燒兩串豬兩串雞，沙爹醬我比較無感，平時唔太喜歡，但朋友話幾正。兩種肉都完全唔鞋，難得食到肉質唔錯既串燒。青木瓜沙律呢間既口味做得比我平時食既要重，特別咸同辣。雖然我都未真係去過當地食地道既青木瓜沙律，但我覺得都幾好食～青木瓜絲爽口，而且感覺仲可以幫手清下腸胃～芒果糯米飯我已經想食左好耐既甜品！當日既芒果有啲酸，不過加埋椰漿食都ok。糯米飯就十分軟熟黏口，半邊紫色半邊白色，白色既糯米甜少少，紫色既就相對有咬口。最後，我地叫左兩杯飲品，泰式凍咖啡同泰式凍奶茶。咖啡正正常常，但唔係特別喜歡～但奶茶就好好飲！甜度適中，茶味香濃，總知就溝得岩岩好～～～