泰濃麵 (蘭芳道) (已結業)

同同事去銅鑼灣開會, 順便食少少野醫下肚。經過蘭芳道, 就入左間泰式粉麵店。餐廳地方企理, 座位闊落麵食可自選湯底同埋粉麵類, 選擇自由度高, 岩哂唔同人口味【頂級安格斯牛肉 (船湯配河粉)】HK$88安格斯牛肉粉嫩, 肉質嫩滑, 很有肉香。魚蛋好彈牙,  船湯湯底味道濃郁, 其中有泰式炸豬皮, 跟河粉一樣, 索左個湯底食, 更能品嚐到湯底味道。 【海南雞飯】HK$68油飯富有油香味, 飯粒粒粒分明, 唔會太油, 海南雞肉質鮮嫩, 配上醬汁, 味道更加提升【泰式小食拼盤】HK$68蝦餅: 不是香脆, 表面油左少少, 但質地彈牙, 而且食到蝦既鮮甜味炸雞翼: 香脆帶焦香, keep到juicy炸芝士雲吞: 脆卜卜, 中心位有少少軟棉芝士, 唔會太漏

📍泰濃麵 (銅鑼灣) 🔍銅鑼灣蘭芳道13號地舖-----最近係屋企太耐 又好耐都冇去旅行 個人真係好抑鬱😩連發夢都諗起陽光與海灘 本來仲諗住今年夏天去泰國玩 而家睇情況都有排冇得去 為咗解下自己嘅思泰情緒 前晚就嚟咗呢間泰麵店度食飯😛-芫荽山 300g冬陰功湯薯粉 （$68）好耐之前食過呢間餐廳 對佢嘅冬陰功同薯粉都印象深刻 冬陰功酸酸甜甜 唔會太辣太嗆 薯粉彈牙而且好索味所以今次就叫返呢一個配搭呢個芫荽山係新出嘅上次黎都冇見到 芫荽味重到不得了鍾意芫荽嘅人食完一定會大叫讚好👍🏻-泰式海南雞半隻（$88）非常懷念泰國水門海南雞飯嘅我 今次就喺度叫咗半隻雞嚟試下 雞皮金黃亮麗得誘人 非常嫩滑 皮同肉之間仲有一層薄薄嘅上湯啫喱 而肉質亦濕潤有彈性🐥-泰式龍眼冰特飲（$28）滿滿嘅龍眼肉浸泡係龍眼冰嘅表層 粒粒都又圓又甜 由於個人中意無咁甜嘅味道 所以自行加左半杯水 加完水之後我覺得甜度啱啱好 😁-♥︎付款後收銀處有免費獨立包裝酒精搓手液供客人使用好貼心♥︎背景有泰文歌 -----👶🏻B仔整體評價：7.9/10個👍🏻👶🏻B仔抵食程度：7.5/10個👍🏻👶🏻B仔環境評分：8/10個👍🏻👶🏻B仔

「湯底果然係濃的泰濃麵」～～～上次來這間餐廳的時候 大舊跟朋友去了唱k 我是獨個兒來這裡的 吃完對他們的冬陰功薯粉印象好深刻 覺得很好吃 今天突然看到電話裡面的照片 感覺很懷念 所以就來來這裡吃 順便帶未吃過的大舊試試看😊～～～來到門口 店員又是量體溫 又是給我們酒精挫手液的 真的令人非常安心呢 坐下之後我們叫了三樣食物 有卜卜蜆船湯黃麵 黑豚肉冬陰功湯薯粉 泰式鳳爪 和唐山菜配秘製腐乳醬～～～泰式鳳爪 酸甜開胃 辣勁夠 好食 份量亦對得住價錢 我地兩個都好鍾意 除咗鳳爪 仲有少少青木瓜絲好健康😁～～～卜卜蜆船湯黃麵 蜆肉大大隻 船湯用大量泰國香料熬製而成 非常濃厚 同彈牙嘅黃面幾夾🍜～～～唐山菜配秘製腐乳醬 唐山菜好甜 腐乳醬味道好特別 有少少酒味 好正 如果有嘅話 想直接買一樽佢哋嘅腐乳返屋企～～～泰式炸蝦餅好彈牙 且紮實 點埋泰式辣醬食 冇咩好挑剔 仲另外送三塊泰式蝦片☺️兩個食份量差唔多～～～推薦度：🔥🔥🔥🔥🔥🔥🔥🔥（10）餐廳：泰濃麵 (銅鑼灣) 地址：銅鑼灣蘭芳道13號地舖

幾時先有得去旅行呀 🤷🏻‍♀️ 好彩香港係一個咩都有得食嘅地方咋，呢間地道得黎又有特色海南雞飯 📍$76 + $8加$8 可以要雞脾，梗係加啦，原全無骨添喎! 啲雞肉好嫩滑，黃油飯又帶有淡淡嘅黃薑粉味，好香 😋卜卜蜆船麵 📍$88船麵湯底好濃郁，唔會太稠得黎仲加咗豬血，好地道 👏 配料有勁彈牙嘅白魚蛋，傳統嘅炸豬皮同埋炆到淋哂嘅蘿蔔，仲有一定要提一提係今次叫咗卜卜蜆，唔係牛肉，多咗一份鮮味炸芝士雲吞 📍$28見openrice 推介，我又要試吓! 一食落口，超脆! 食到中間就係好香滑嘅芝士，幾煙韌，估唔到又幾夾個泰式醬喎

泰濃麵-濃厚泰式麵食門面突出的深藍色落地玻璃鐵框窗配上特色的花紋地磚，店內有泰國的Tuk Tuk作牆身的裝飾，加上黑雲石和銀色的金屬圓椅子，地道的泰式風情。 黑豚肉冬陰功湯金邊粉 非常足料的冬陰公湯底，加入大量的海鮮，有大蝦、青口，還有蟹柳、菇類，冬陰功湯椰奶味濃郁，辣度剛好，而且海鮮令湯底的鮮味提升，黑豚肉肉質腍身，而金邊粉吸收了湯汁的精華。頂級安格斯牛肉清湯黃麵清湯底清甜且底味十足，還有白魚蛋和蘿蔔，而安格斯牛肉牛味重，脂肪豐盈，入口溶化，配合清清的湯底更突出牛的味道，而麵底就選了非常少有的黃麵。泰式炸腩仔即叫即炸的的五花腩肉，肥瘦肉梅花間竹，油分十足，外皮又香口，再配上酸酸甜甜的醬汁。泰式蝶豆花特飲最後來一杯蝶豆花特飲，清新又解膩。

如果下午茶唔知去邊又唔想咁多人所以決定自己去試吓一個人都可以食到嘅泰濃面、點左安格斯牛肉算船河。入邊有整得好入味嘅蘿蔔，我勁鍾意食嘅豬皮而且安格斯牛肉嘅份量都幾多。湯底嘅味道非常唔錯，我仲飲到咁上下店員可能見我太鍾意飲湯佢整間會出嚟俾我費事啲面冇湯掛，好細心呀。另外仲有我最愛嘅椰青，menu上面嘅飲品都有各式各樣唔同，soft drink同埋特色飲品都有齊。另外一大驚喜就係佢嘅豬頸肉呢一份小食我以為一人份量都可以但係佢份量超多，兩個人食都岩。仲要即整的，熱熱的 。好味。

一向都好鍾意食泰國既船麵，但對我來說在香港暫時未有一間我覺得可以拍得住泰國正宗船麵下午茶時間剛巧經過這家泰濃麵，立刻入去試試龍與鳳我們分別點了頂級美國肥牛船麵和黑豚肉船麵，下午茶時間好抵食，還有小食一律半價點了雞奕試試麵來到，很驚喜的是有好多炸豬皮!正呀亦想不到下午茶時段都好大碗，湯底濃!拍得住正宗個隻!我和老公都覺得肥牛比較好吃至於雞奕就不過不失啦，沒有很特別食過咁多間，呢間係最似，一定會再幫襯!好味

無論任何時間，泰國菜已經成為我們經常食的菜色，海南雞飯就好比我們的切雞飯一樣，一段時間沒有食便會掛住。這間店舖的菜單其實是很簡單，沒有包羅萬有的泰國菜食，集中做船河和海南雞飯和豬脾，不過她有很多小食可以選擇，各自叫了主食之後，便可帶一些小食分享下。海南雞飯做得恰如其分，雞肉嫩滑，欣賞他的油飯不會過油，淡淡的雞油香慢慢滲出味蕾，而雞醬是比一般的辣一點，不過知是太肚餓還是太美味的關係， 10分鐘不夠便完成了這個飯。船河亦很好，喜歡濃味的朋友一定要選傳統船河湯底，湯底是十分濃郁可口的，配上我們點的安格斯牛肉和彈牙的蛋麵，又是一個差點連湯都清光的菜色。炸蝦餅就遲了一點點來，你吃下便知道為什麼了。炸得非常之香，吃的時候要小心，因為真的十分熱，而且蝦肉爽口，份量不小，這餐晚飯很抵食而且味蕾十分滿足。

係銅鑼灣返工，公司附近就有一間「泰濃麵」，主打泰式🇹🇭粉麵，之前同寶仔食過一次，覺得湯底都幾真材實料，價格算係幾合理，今次就再黎食過返尋味！之前食過雞髀肉，覺得肉質唔係好夠嫩滑，所以今次就試下豚肉啦！😏叫左碗黑豚肉冬陰功湯麵（$68）豚肉比我預期中嘅嫩滑，食落唔會好嚡，味道還好，配上酸辣惹味嘅冬陰功湯底和煙韌薯粉，不錯吃！不過略嫌湯底落得太多椰汁，冇左上次食嘅鮮香，薯粉亦都因為預先整好，所以癡埋一舊，好難先分得開，如果即叫即整會更好吧！🤔但整體來說算係不錯，冬陰功湯底配料都幾豐富，仲有多款海鮮如青口、蝦等。

尖沙咀嘅「泰濃麵」係以前小編係尖沙咀返工嘅lunch好選擇， 食過好幾次堂食同外賣， 都keep得住水準！ 見到佢係銅鑼灣開咗分店， 梗係要捧下場啦！😏 餐廳裝潢比尖沙咀用心，走懷舊路線， 環境感覺更乾淨企理～ 小編每次黎，都係食頂級安格斯牛肉船麵（$88）🌟推薦❗️ 湯底跟足傳統，加左少許豬血，味道濃稠正宗！ 金邊粉香滑，吸湯一流！ 牛肉有美國肥牛、安格斯牛肉、飛驒和牛三種選擇， 和牛小編就冇在「泰濃麵」食過， 不過確實食得出安格斯牛肉比美國肥牛更好， 肉質更香，更有嚼勁，值得一試！👍🏻 船麵配料仲有炸得香脆可口嘅豬油渣、白魚蛋、蘆荀、蘿蔔等，好豐富！☺️ 黑豚肉冬陰功湯麵（$68） 冬陰功湯底酸酸辣辣，幾開胃， 薯粉係比較幼個種，都幾煙韌， 仲有好多海鮮配料如青口、蝦、蟹柳、菇菌等，配料好足！👏🏻 黑豚肉一啲都唔嚡，不錯吃！ 如果唔夠味， 旁邊仲有個泰式醬料架可以調下味～ 想辣啲得，得左！😆 倆口子仲可以叫多個泰式小食拼盤（$68） 有泰式炸蝦餅、炸雞翼、炸芝士雲吞，每款兩件， 全部即叫即炸，保證夠新鮮熱辣！😏 其中泰式炸

上星期同朋友喺IKEA行街，之後順便食埋晚餐先返屋企。朋友好想食泰國船麵，但喺銅鑼灣搵間平少少又食到泰國小食嘅餐廳，真係唔易～最後喺蘭芳道搵到這間泰濃麵，一入門口就聞到好香船麵湯嘅味道👍🏼之前食過銅鑼灣另一間主打船麵的餐廳，但略嫌份量和配料不太足夠～～——————————🔹頂級安格斯牛肉船麵 (金邊粉) $88這個船麵的配料和金邊粉份量很足，湯底真的是我在香港食過最濃郁的船麵湯底，有炸蒜香和牛味👍🏼配料有炸豬皮、魚蛋、蘿蔔和安格斯牛肉，特別喜歡炸豬皮和安格斯牛肉，前者充分吸收了湯底和炸蒜的香味，好香口；後者脂肪比例平均，有很濃郁的牛味，無可挑剔👍🏼金邊粉份量比起之前食過的泰國餐廳，還要更多，大食的朋友就啱晒😚🔸海南雞飯 $68海南雞飯的質素也不錯，有粒粒分明的黃油飯☺️海南雞肉質嫩滑，完全沒有骨，再蘸上店家秘製泰式辣醬，食埋雞皮都唔覺得太膩😋🔹泰式小食拼盤 $68這個泰式小食拼盤雖然只有三款，但每樣都整得唔馬虎！三款食物分別是炸芝士雲吞、雞翼和炸蝦餅，最特別莫過於炸芝士雲吞，裏面的芝士超大塊，外脆內軟，芝士香而煙韌，芝士控唔好錯過🤩其餘兩款都係新鮮炸起，香口美味😊

行經蘭芳道，見到有架泰國普遍的tuk-tuk放置於餐廳門口，另外還有些tuk-tuk的小擺設置於門口櫥窗，充滿泰國風情，一向鍾情泰國的另一半自然對餐廳甚感興趣！餐廳是以泰國船麵為主，裝修感覺懷舊有特色，一邊牆身裝修成賽道，另一邊牆身掛滿食物相片。船湯黑豚肉薯粉船湯頂級安格斯牛肉金邊粉餐廳有三款湯底可供選擇，但船湯是餐廳的推介湯底，所以我倆分別點了船湯黑豚肉薯粉及船湯頂級安格斯牛肉金邊粉。船湯香濃惹味，除了主角黑豚肉及安格斯牛肉外，還有不少配料，由其是蘿蔔，燜得很入味；安格斯牛肉不經烹煮，只放於船麵内以熱湯灼熟，所以能保持肉質軟嫩，而黑豚肉則較為普通、不過不失；泰式炸蝦餅蝦餅新鮮熱辣炸起，外表香脆，口感彈牙，還配有香脆的炸蝦片，讚👍🏻泰式龍眼冰特意要求少冰，味道不會太甜，最適合喜歡味道清淡的我！食物質素不錯，但正值武漢肺炎肆虐，不論街道人流或餐廳食客數量均不多，希望疫情快過，回復昔日景況！

之前去過尖沙咀間分店，今次又再嚟幫襯啦😁一直都回味緊佢個湯麵，所以今次都係繼續食湯麵🍜仲同朋友極力推薦😋我就揀咗 黑豚肉船湯配金邊粉 $68唔使多講都知，湯底名符其實一定係夠濃，好香胡椒嘅味道。重點係，越食越濃味！而且鍾意食船湯其中一個原因係迷上麵上的配菜，豬油渣，脆卜卜超正👍🏻頂級美國肥牛冬陰功湯配泰式河粉 $68材料十足，有晒海鮮配菜，青口，蝦真係唔少得，非常抵食，酸酸辣辣好開胃啊，麵嘅分量亦好多，真係捧住個肚走㗎！炸芝士雲吞 $28呢個一定一定要趁熱食，先會食到拉絲嘅感覺。泰式小食拼盤 $68有炸蝦餅、炸芝士雲吞、雞翼新鮮熱辣炸起嘅蝦餅好彈牙！

位置銅鑼灣泰濃麵嘅野食幾特別，唔係非一般嘅泰國餐廳🤨🤨船面配料除咗有平時食開嘅豬牛雞之外，佢仲有安格斯牛肉、飛驒牛、龍蝦等等🤪🤪⁣⁣我地叫咗個頂級美國肥牛船麵🇺🇸($68)同海南雞飯($68)🐔船麵個湯底幾濃幾好味😚😚見佢推介跟薯粉個配搭都幾新鮮🤗不過肥牛🐮就普通左少少🙈，下次試吓個龍蝦先🤣🤣海南雞都幾新鮮，份量啱啱夠🐔油飯顏色均勻，口感唔錯，唔係啲隔夜飯🍚 跟餐+5跟罐裝飲品🥤⁣⁣見openrice好多人推介，我哋仲叫咗個炸芝士雲吞($28/4隻)薄簿地嘅炸雲吞皮包住芝士，咬落去仲可以拉絲添 記得趁熱食呀😝😝⁣⁣依間主打泰國野既餐廳有啲菜有fushion feel，值得再去試埋其他野食先😁😁⁣⁣Momo&Boo指數 (5分最高)⁣⁣⁣⁣⁣⁣味道: 😋😋😋😋⁣價錢: 💰💰⁣⁣環境: 🤩🤩🤩⁣性價比:👍🏻👍🏻👍🏻⁣⁣⁣⁣⁣⁣⁣📍 泰濃麵 ⁣銅鑼灣蘭芳道13號地舖⁣⁣分類🍴⁣⁣⁣⁣⁣⁣地點: #MomoBoo銅鑼灣⁣食品: #MomoBoo泰菜⁣⁣⁣

Passed by this place so many times and purposely made a trip here today; ordered 2 noodles in the 'boat soup' base which the flavor wasn't strong but it's tasty enough to my liking; the portion is a bit small that we had to order an extra pig knuckles with rice to hit the spot; another thing i like about this restaurant is that food are reasonably priced.