泰濃麵 (蘭芳道) (已結業)

入來泰濃麵地方光猛，環境乾淨，坐得舒服感覺不錯！叫左個泰式海南雞飯，油飯入口好香，陣陣香味徘徊口腔非常吸引，再加8蚊要左雞脾位，雞件油潤肥美帶光澤感！入口質感嫩嫩的，再配上特製海南雞醬，味道更加惹味，蒜味幾突出，我非常欣賞，係我食過最好味既海南雞之一！性價比很高。再叫咗份炸蝦餅， 炸得非常香脆而唔會食到成口油， 蝦餅質感非常爽彈！ 還有食出蝦粒嘅質感！ 再配上泰式辣醬，感覺更有層次。叫咗杯泰式香茅班蘭梳打特飲， 班蘭，香茅嘅味道非常夾！陣陣嘅清香好爽身，解暑一流。

👧🏻😋👅🍽✨.🍜🐷🍚🍗🥠🧀🐖🧉.🍜🐷黑豚肉船湯河粉 $68✨泰濃麵個湯濃得黎好清甜✨勁足料除左豚肉仲有炸豬皮、魚蛋、超爆鮮甜冇筋既白蘿蔔！✨河粉勁索湯食到停唔到✨免費加湯：但我冇，留返個肚食椰青.🍚🍗海南雞飯 $68 轉雞髀+$8✨雞好滑✨滑到令我覺得就算冇加$8就咁雞胸都係咁滑🤣 有人食過可分享下係咪☁️略嫌個飯有少少唔夠熱✨免費加飯：岩晒大食仔：但我冇，留返個肚食椰青.🥠🧀炸芝士雲吞 $28✨心思野喎第一次食✨酒樓點甜酸醬果啲炸蝦雲吞既皮，包住mozzarella cheese✨皮炸好脆，入面漲卜卜.🐖泰式炸腩仔 $48✨好脆同好肥（😈）✨有軟骨✨份量都算多性價比高.🧉椰青 $48✨清甜✨啲肉係林嫁成個食晒☁️少厚皮（但無阻我欣賞佢）.加一服務費

I miss Thailand a lot, especially their food. Boat noodle is one of my flavourite food in Thailand =] We ordered Shrimp cake and cheese wonton as starter. I love both of them. The shrimp cake is so juicy inside. The filing of the wonton is excellent. You must try it next time. For the main, I ordered beef boat noodle and my friend ordered clam Tom yum soup noodle. The boat noodle is nice. If you like spicy, Tom yum one is the best choice for you.

好耐無食得咁滿意了，太贊了！突然好想食雞翼，點知加埋個麵麵食我哂！太好食了！1）叫了個黑豚肉船麵，船湯的意思係豬骨濃湯，除了黑豚肉，內有還有少許炸過既豬肥肉（超香）、魚蛋（超彈）、蘿蔔（超甜超淋）、秋葵（超估佢唔到），超高質素，低贊👍🏼！2）炸雞翼，即炸的，好鬆化，啲粉漿唔會太厚，上菜時還熱辣辣，啲泡泡還在跳動的！3）最後加罐可樂，真係太滿足了！價錢都覺得合理的，總數是$111，無加一，可以下次再幫襯，還會介紹給朋友來食！

泰國菜成日食，但好似呢間咁，主打食泰國船麵嘅比較少見。呢度嘅船麵除左可以揀三種不同湯底同配料，仲可以揀要麵、金邊粉定河粉呢度佈置都好有泰國特色，一入門口有泰國嘅tuk tuk車，好搶眼。我地叫左兩個船麵同小食拼盤卜卜蜆船湯麵蜆隻分量十分足，大大隻，有鮮味，海鮮愛好者可一試。湯底方面試左泰式船湯， 船湯味道濃郁，加上清清地的河粉，就更能試出泰式風味。頂級安格斯牛肉冬蔭功金邊粉冬蔭功湯底有菇、蝦等配料，味道唔算太辣，十分惹味。半熟嘅安格斯牛肉浸在冬蔭功湯之中，牛肉嘅鮮味夾雜冬蔭功湯嘅酸辣，肉嘅口感都好嫩滑。泰式小食拼盤拼盤有雞翼、炸蝦餅、炸芝士雲吞。雞翼同蝦餅都香脆可口，而炸芝士雲吞就比較特別，好少會食到，香脆嘅外皮包住融化嘅芝士，幾好食！

逛街逛累了又要看看吃什麼，看到這家有冬陰功湯底合我們心意。船麵有非常多的配料選擇，至於湯底也有三種選擇，包括船湯、冬陰功湯及清湯。頂級安格斯牛肉冬陰功湯麵 $88牛肉大概有六七塊，冬陰功湯底本身有鮮蝦、青口、秋葵、蟹棒及菇類，全部夠新鮮高質，河粉也夠滑。卜卜蜆冬陰公湯麵 $88蜆夠大隻，店員也有細心提供碗子放蜆殼。我要了金邊粉，比較幼身不會太軟，好吃。泰式鳳爪 $48鳳爪夠爽口，泰式醬料酸酸甜甜，非常清新惹味！泰式龍眼冰特飲 $28我們再來一杯龍眼冰，特飲跟餐只需$18，要了少甜，甜度尚算適中，最後也把龍眼吃清光！店員有禮，食物出品不俗，難怪客人也不少呢！

疫情下，多左考慮食外賣， 蘭芳道有間泰濃麵而家做緊超抵優惠外賣自取有88折， 但我見環境幾舒服，所以都決定坐低 食! 環境光猛又好衛生。叫咗雞髀肉船湯黃麵， 船湯湯底做得非常濃郁， 蘿蔔做得好淋! 黃麵吸收曬湯頭嘅味道，正~無得頂。 海南雞飯雞件好滑，配上特製醬汁令海南雞更加惹味無窮! 非常滋味， 另外海南雞油飯非常 香。炸芝士雲吞 好大塊金黃色脆卜卜， 內層嘅芝士做到拉絲效果， 芝士味幾香! 再配上甜酸醬 一齊食，味道層次更加豐富

今晚放假來到銅鑼灣逛街購物，見到有一家很特別的泰國船麵店，便進來食午餐。餐廳環境寬落光猛，座位舒適。頂級安格斯牛肉船麵 金邊粉湯底很濃郁，有多種香味調味料煮成，煮得入味。配料豐富，有炸蝦片和秋葵等，清爽嫩滑。安格斯牛肉嫩滑可口，牛肉味濃郁。卜卜蜆船麵 金邊粉一端上檯熱騰騰，香氣撲鼻。卜卜蜆大隻厚肉，鮮甜嫩滑，有淡淡的海水味。金邊粉爽滑彈牙，吸收湯底的精華。青檸梳打和龍眼冰冰凍可口，香甜清新，和船麵很配搭。

近排無得去旅行，唯有係香港搵下泰國美食過下癮先呢間係銅鑼灣嘅泰濃麵，主打泰國船麵，湯底就好似店名一樣，非常濃郁，配埋牛味非常突出嘅頂級安格斯牛味道相當唔錯而且金邊粉仲會吸哂湯同牛嘅香味，加埋炸豬皮嘅香脆，相當吸引😋😋除左麵食，小食拼盤都唔失禮，炸蝦餅夠哂彈牙，雞翼都岩岩好外脆內軟，而炸雲吞入面有濃濃嘅芝士，鍾意芝士嘅你唔好錯過👍👍野飲方面，都幾特別，有香茅斑蘭梳打，成支梳打比你慢慢加，加埋香茅斑蘭梳嘅香味，大熱天時消暑一流😆😆

前幾日上網見到泰式船河同海南雞飯， 今日心癢癢 就去咗銅鑼灣《泰濃麵》 揾依兩樣嘢食。六點多， 街上人流唔算太多，餐廳亦唔會好full.餐廳裝修都好有泰feel，幾型格。《泰濃麵》主打泰式地道船河和雞飯。海南雞飯$68加咗$8轉雞髀~ 啖啖肉雞味幾濃， 肉質嫩滑。油飯甘香，唔會有好重嘅黃薑味， 啱我口味！👍😋 雞飯嘅醬汁做得唔錯， 酸和辣都平衡！！青檸梳打$28濃縮嘅青檸汁再提供一支梳打， 如果有多幾片薄荷葉或青檸更perfect! 龍眼冰$28味道偏甜， 不過夏天飲特別適合。本想要椰青，不過當天沒有。 飲品用了即棄膠杯 ，似乎不太環保。卜卜蜆船河$88材料，麵食和湯底都可以自選。卜卜蜆大大隻 ，肥美鮮甜，冇沙。 表面有的炸豬皮脆卜卜 ，浸多一會索曬啲湯超入味。 魚蛋爽滑彈牙！ 仲有一條秋葵～ 以為係班蘭葉。船河湯底呈深竭色， 超濃郁味道， 唯有船河湯底 才可做到如此濃郁。 配爽滑嘅河粉更添美味！

早一兩年去泰國試過當地船麵就一直記住個份正宗地道味道，依家疫情關係去唔到旅行，唯有係香港尋找他鄉既味道! 港島呢間泰濃麵成個裝修同環境都幾有泰國特色，環境影響味道架嘛！先黎美國肥牛濃麵配黃麵底～最正既當然係個船麵湯底! 濃濃既香料味, 配上蘿蔔, 脆卜卜既炸豬皮, 索哂湯既精華, 正! 美國肥牛亦都幾靚, 同埋有墨丸配菜, 十分豐富再黎黑豚肉冬陰公湯麵～呢個麵上到黎最surprise 既係配搭足料海鮮! 大大隻蝦同青口😋  豚肉亦很十分有肉味～  至於冬陰公湯底則辣味比酸味突出, 適合好辣人士！另外我地仲叫左份泰式小食拼盤，有炸雞翼,炸芝士雲吞同炸蝦餅～芝士雲吞好有特色, 入口係外脆內軟既感覺～炸蝦餅蝦味十足，炸得酥脆，唔知入面擺左幾多蝦呢計埋野飲加一埋單$241  咁足料既食物, 性價比一流!

第四次拜訪，今次黎銅鑼灣分店，比尖沙咀店天更大。🌝👍咁岩去到係六點前，仲食到下午茶，$48 真係好抵。👍照舊叫左美國肥牛船湯薯粉，🍲配料豐富，有佔左半碗咁多既炸豬皮，蔥，芽菜，蘿蔔，秋葵同魚蛋。佢下午茶完全唔會比正價少👍薯粉係我最中意既幼條，😍😍😍船湯好濃郁，唔會覺得好多味精或油，食完碗麵都差不多飲晒成碗湯。見牛有四片，片片都好有鮮味。平時唔中意食炸野既我，都會食晒佢啲炸豬皮仔，因為炸得好香。

上星期剛好在銅鑼灣突然想起泰國菜，上網留意到這一間口碑不錯的船麵店，於是便走過去一試先來泰式小食拼盤，有芝士雲吞蝦餅和雞翼，芝士雲吞驚喜十足，即叫即炸的雲吞包着半溶的芝士，惹味非常，另外蝦餅彈牙香口，雞翼亦充滿肉汁，頗有驚喜再來主菜是雞髀肉船面，先說湯底，香料味道濃厚有層次，另外配搭炸豬皮，和在泰國是吃的毫無分別，配搭清甜的蘿蔔魚丸和金邊粉，這是一碗絕對正宗的泰國船麵泰國糕點拼盤，內裏有椰青糕和椰汁糕，椰青糕清甜，並且內裏有椰子肉，口感十足，椰汁糕同樣配搭香甜椰汁及西米，滿足感十足

悶悶地就同老公去銅鑼灣行下，之後佢帶我去食泰國菜，店名泰濃麵，主打各款新派泰國菜，全部都是由泰國廚師主理。黑豚肉冬陰功湯麵配泰式河粉：湯底有三款選擇，船湯、冬陰功湯、清湯。我選了冬蔭功湯，用泰國虎蝦、香茅、南薑、红辣椒、泰國檸檬和魚露熬煮而成，湯底香濃，帶有陣陣酸辣味。一片片的黑豚肉細嫩，還有彈牙的鮮蝦、青口、蟹柳、秀珍菇。河粉幼滑，吸收冬陰功湯十分惹味！提提麵底也有其他選擇，如金邊粉、黃麵、薯粉、湯飯。泰式豬手飯：豬手炆得林滑又入味，豬皮入口即化，骨膠原豐富。伴隨一些酸菜解解膩。海南雞半隻，已經去骨，雞皮爽口，雞肉鮮嫩啖啖肉，點些酸辣醬汁，味道提升不少。

放假同好姊妹係銅鑼灣行街街，見下午四點幾肚餓想食野，見呢間野未食過同埋比佢門口架（篤篤）吸引左入左黎食，我地都未食過呢間野，入到去只有我地一台客，可能下午茶時間啦，店鋪老闆即刻開返冷氣比我地，因為太熱啦！咁我地叫左船面、炸蝦餅、泰式鳳爪，都係下午茶黎先飲佢一啖湯，哇！我同朋友都叫左出黎，好濃味好正呀！湯底簡直係完美！好耐無係香港食到咁好食的船面真心推薦你地去試食，間餐廳裝修都好特別，個人覺得係懷舊感我鐘意同推介