泰濃麵 (蘭芳道) (已結業)

泰國菜成日食，但好似呢間咁，主打食泰國船麵嘅比較少見。呢度嘅船麵除左可以揀三種不同湯底同配料，仲可以揀要麵、金邊粉定河粉呢度佈置都好有泰國特色，一入門口有泰國嘅tuk tuk車，好搶眼。我地叫左兩個船麵同小食拼盤卜卜蜆船湯麵蜆隻分量十分足，大大隻，有鮮味，海鮮愛好者可一試。湯底方面試左泰式船湯， 船湯味道濃郁，加上清清地的河粉，就更能試出泰式風味。頂級安格斯牛肉冬蔭功金邊粉冬蔭功湯底有菇、蝦等配料，味道唔算太辣，十分惹味。半熟嘅安格斯牛肉浸在冬蔭功湯之中，牛肉嘅鮮味夾雜冬蔭功湯嘅酸辣，肉嘅口感都好嫩滑。泰式小食拼盤拼盤有雞翼、炸蝦餅、炸芝士雲吞。雞翼同蝦餅都香脆可口，而炸芝士雲吞就比較特別，好少會食到，香脆嘅外皮包住融化嘅芝士，幾好食！