泰濃麵 (樂道)

营业中

休息中

呢排行得多尖沙咀，好多The One附近既餐廳都試過，今晚就食下泰國野，見餐廳名咁搞笑，咁一定要食麵啦！雖然天氣熱有時唔想食湯麵，但餐廳勝在冷氣夠涼，食住熱麵都咁享受 😆好少食船麵，所以我同朋友都揀左，店員話船麵係加左豬紅，所以湯底會較深色。安格斯牛肉都切得好薄，所以唔太顯出安格斯肉質，但牛味都好重 👍🏻雞脾肉好新鮮嫩滑，本身肉味較淡，可以match到啲濃湯，正！見佢$68/$88一碗麵好似有啲貴，但想講佢超足料。除左一款肉做主菜外，每一碗麵都有- 彈牙魚蛋- 冇筋白蘿蔔- 俾我朋友當左做匙羹既秋葵 🤣- 新鮮炸豬皮- 超級濃湯真心正！環境又唔錯，下次要試下其他湯/料。

其實我幾鍾意食泰式麵,，不論冬陰功或泰國船麵都鍾意🤩經過樂道見到間泰濃麵，門面好似幾吸引咁，就入去食返個lunch😁餐牌上有好多唔同嘅麵類，應該係主打泰式粉麵，仲有泡飯等等。好耐冇食過冬陰功，叫咗和牛冬陰功金邊粉，呢個冬陰功嘅味道好適合我，因為佢唔算太辣，但係辣度剛剛好，有泰式香料味 ，酸酸地辣辣地好香☺️冬陰功味配金邊粉一流，下次可以試下配幼薯粉。和牛薄片唔會太老，和牛味好香，咬落夠林，好好食😋另外配料仲有蝦、菇、蟹柳、青口，都幾豐富。 呢個我覺得好食，推介👍另外叫咗豚肉泰式船麵，泰式船麵湯底我反而覺得唔夠濃，但係味道都唔錯。有魚蛋、炸豬皮係泰國signature 。小食叫咗蝦餅，蝦餅夠脆夠彈牙，幾好食😋仲配有三片蝦片🦐泰式炸腩仔，份量好多，切成小片，啱哂鍾意食腩肉同偏肥肉嘅朋友。但係啲邊就稍為炸得硬咗啲啲，中間部分就幾林，幾香吖😊尖沙咀區算係幾抵食。

17-04-2019謝謝朋友抽空同我食生日飯😊我地各自揀左頂級安格斯牛肉船湯 安格斯牛係幾靚既 不過配船湯係會蓋過味 下次我都係點普通野夠啦😆船湯比泰國既我覺得都8、9成似 味道唔錯 可能得辣粉可以加 個濃度可以濃多1度🤔反而麵底種類好少好唔地道 居然係揀油麵/薯粉/金邊粉。。米粉/粉絲呀果d完全冇🤷🏻‍♀️配料仲有炸豬皮、秋葵、魚蛋、豬膶、蘿蔔同少量菜。蘿蔔完全係冇浸入味既！但魚蛋都係大粒白魚蛋，好食！👍🏻炸腩仔睇賣相都好吸引！必點呀！仲好食過豬頸肉！好靚仔呀！個汁就可以再辣d囉！青木瓜沙律就個汁唔酸唔辣咁 唔夠刺激 有點失色！整體都唔錯 係成日有野飛過黎 🙈😋美味

碗麵@泰濃麵網址: https://s.openrice.com/QrbS0Wz6400地址: 尖沙咀樂道7號嘉樂大廈地下A舖呢期在傳媒報導下，興起了食泰國麵。價格都好抵食架，除了有些麵是跟上名貴食材，好似和牛龍蝦才要賣到近二百一碗，普通的只是6、70元。$68小食拼盤有雞翼蝦餅同炸雲吞，全都是我愛食，一定要點盤。蝦餅炸好表面帶脆，蝦餅打得彈牙。雞翼醃得好食唔難，同埋有芝士雲吞麵分船湯，冬陰同清湯架 $68起。可配河粉金邊粉共麵或飯都得。友人點了 濃味雞脾肉冬陰公，金邊粉就滑，湯好好飲呀，酸中帶辣勁惹味 ，仲有好多海鮮$48炸腩仔肉都係強烈推薦，皮好肥有d似火腩，因腩有脂肪層炸完唔會太乾身，大大碟$28 加返碟生菜，無食菜我會好唔自在。晚市會有加一服務費哦

這晚約了朋友去尖沙咀買東西，買之前有點小肚餓，在樂道一帶看看有什麼好吃的！見到一間叫泰濃麵的小店，是主打湯河的！一說到湯河，自然會想起越式的，但其實泰國也有，這間店有船湯湯河！除了船湯，還有冬蔭功湯和清湯。我點了船湯頂級安格斯牛肉湯河，朋友點了冬蔭公湯頂級美國肥牛薯粉。這個船麵size比傳統泰式的份量多一點，較貼合我們需求XD船湯的湯底很深色，應該是用了豬紅淆成，口味比較甜，鮮味濃郁！另一特色是加了豬膶、魚蛋、炸豬皮等配料，感覺更豐富！很喜歡炸豬皮，脆卜卜，好香口！另外還有秋葵、蘿蔔和通菜！安格斯牛肉好嫩滑，每片都厚厚的，牛味濃！河粉夠滑，又不易斷！朋友的冬蔭公湯頂級美國肥牛薯粉也很不錯，辣辣地，幾開胃，湯底配料有蝦、蟹棒、青口和雜菌，增加了鮮味！薯粉少少煙韌又滑嘟嘟！另外也點了一份泰式拼盤，有炸蝦餅、炸芝士雲吞和炸雞翼。蝦餅非常之彈牙，沾泰食酸辣好夾；想不到泰國菜有炸芝士雲吞，外脆內軟，芝士腔的我表示滿足！

-今日本身一直都胃痛😔，唔係太舒服， 但晏晝又約咗個客係尖沙咀傾嘢。 直接放工諗住求其食啲嘢就返屋企休息😴。 行過見到對面馬路有間泰國🇨🇷嘢， 就清清地食碗粉喇。坐位幾舒服有卡位，亦都有圓枱。頂級美國肥牛🐂清湯金邊粉（$68）有肥牛、魚蛋、白蘿蔔、豬潤、秋葵、通菜，再加上好香嘅清湯， 金邊粉分量又夠多。 畀著平時嘅我一定會揀辣嘅湯底， 原來清湯都別有一番風味😋。黑豚肉🐖冬陰功湯河粉（$68）同事話冬陰功好有泰式嘅感覺，非常正宗。 有蝦🦐、蟹柳、青口、豬肉。小插曲： 侍應好細心咁，見我朋友仔碗湯畀佢飲哂，主動咁添咗一碗熱辣辣嘅冬陰功湯出嚟添加。 係愛呀！！泰式炸蝦餅（$38）原來唔止有蝦餅，仲有幾塊蝦片。泰式特色糕點拼盤（$38）［泰式椰汁糕（3件）+ 泰式千層糕（3件）］個人嚟講都幾鍾意泰式甜品，覺得甜而不膩， 煙煙靭靭，又有咬口。椰汁糕、千層糕， 呢2款我都好鍾意。 原來千層糕有熱食嘅，暖暖哋，更加煙靭。我諗🤔甜品應該可以為我嘅胃痛，帶嚟少少舒緩嘅作用嘅😜。泰國樽裝梳打水（$15）==========泰濃麵 尖沙咀樂道地7A鋪

早排成日出尖沙咀接朋友收工食飯，地膽兄帶我去試呢間泰式麵店，菜式有平有貴，下至雞肉、普通肥牛，上至飛驒和牛都有。但我覺得食湯麵、個湯底先係精髓。(飲湯怪😌）主打有三款．清湯．船湯．冬蔭公湯．🐮飛驒和牛船湯河粉🍜HKD178價錢上貴過安格斯成一倍，不過飛驒牛既肉味真係濃啲，而且呢度係比生牛肉，靠熱湯再浸返熟啲牛，浸到岩岩熟、唔會老唔會韌，地膽兄真係好識食，船湯好濃厚，配料仲有蘿蔔魚蛋同豬膶，都好豐富下。．🐮頂級安格斯牛肉冬蔭公湯黃麵🍜HKD88我呢款牛就比唔上佢飛驒牛架啦，不過都好好食，而且我愛吃辣🤩🤩冬蔭公湯底更合我心意。湯頭入口鮮美，唔係一黎就搶喉果種辣、反而後勁十足~my fav🤤而且配料仲有蝦、青口、蟹棒，勁足料😋·芝士雲吞🧀HKD28大大塊，炸到熱辣辣、芝士唔係好濃味果種，但可以拉絲、炸粉外脆芝士內軟，都唔錯哦🧀🧀

經過尖沙咀見到有間泰國野，又聞到佢浸好香嘅船河味，加上之前電視有介紹過，所以入去試吓。Menu簡單清晰一張過，望到隔離檯D野好似好吸引咁，搞到樣樣都想試下。黑豚肉船湯 （金邊粉）濃香船湯味，同金邊粉超夾，黑豚肉份量岩岩好，另外，仲有魚蛋，其他丸食。頂級美國肥牛冬陰公湯 （金邊粉）冬陰公一上嚟，我哋都好驚訝，佢冬陰公除咗湯，菇，仲會有蝦，青口，認真夠哂份量，味道非常好，個湯都唔錯，夠哂濃夠哂香，肥牛好食，俾多D我就更開心。泰式炸蝦餅 炸得啱啱好唔會好油，蝦餅仲好彈牙好味，最緊要冇油益味,正呀。甜品拼盤 有椰汁糕，椰汁千層糕唔錯之選，不過有少少甜，但椰香味夠總括總括來講行開尖沙咀想食平嘢其實呢間都算唔錯之選六十零蚊有個粉仲要味到好，唔使成日都要去到九龍城嗰頭先有得食。同埋個有個肥姐姐服務態度超好又細心，我哋叫咗個甜品佢細心走過來問我地食完粉面先至上過嚟俾我哋好唔好，跟住攞咗兩個碟俾我哋食甜品用，同我地跌咗張紙巾佢即刻拎個新嘅紙巾過嚟俾我哋用。敬業樂業，值得十讚

好耐未食過泰國野今日約左友人係尖沙咀食飯見到呢野間的名叫泰濃麵見餐牌又好多選擇 價錢又唔貴 裝潢又唔錯 所以決定入去試下😋😋😋我們叫左一個黑豚肉船湯，一個雞脾肉冬蔭功，一個青木瓜沙律，同一個泰色糕點拼盤🤤第一次食船麵 麵底都好多選擇 我們選左餐牌推介的薯粉 開初以為係清湯🤪 一上來見到原來唔係!!!係黑色湯底的 問左職員 原來船麵泰國好出名船麵的湯底由豬血，同不少香料， 如金不換等熬數小時而成的。黑色湯底味道好濃郁鮮甜，完全喝不出有血腥味。薯粉煙韌又掛湯。配料則有黑豚肉片、彈牙魚旦、內臟甚至豬干。第一次嘗試😋😋 味道唔錯!!!至於雞脾肉冬蔭功湯，我們就選了金邊粉，個冬蔭功湯不同的香料味道已經好吸引，湯味濃郁，集合了酸、辣、甜、鮮和香的味道 好不吸引!!岩曬重口味的我們😋不過食食下覺得有點辣 食得辣的朋友一定好喜歡😂👍🏻 雞脾肉絲好入味，吸收了個冬蔭功湯味，還有其他配料：鮮甜的蝦、青口、蟹柳，令湯底更鮮味，很正😋😋青木瓜沙律係我必點的菜 呢個的酸甜味調教得適中 感覺清新 喜歡食辣的朋友會喜歡 令胃口大開😋😋最後來個甜品拼盤：千層糕同椰汁糕原先以為甜品全是凍的，但原來千層糕是熱的，食時不

近年來，香港出現了不少船麵專賣店，但製品質素往往有所參差。對我來說，湯是一碗船麵的靈魂所在，也是判別船麵高下的重要指標。船湯一般都以牛肉熬成，再加入豬血和其他香料，因此色澤和味道都特別深濃，但要在坊間找到濃而不膩的船湯卻非易事。·這天我與友人剛巧路經尖沙咀樂道，在台式奶茶店旁發現了一家小小的船麵專賣店。被它明亮又企理的裝潢佈局吸引，我們決定入內嚐鮮。沒想到「這一嚐」卻讓我們發現了鮮甜味美卻不膩口的船湯。這碗船湯來自於「泰濃麵」。「泰濃麵」的規模雖小，但格局明亮又企理乾淨，予人份外舒適的感覺。店家一早已把餐牌平放在餐桌上，讓人甫坐下即可一目了然。餐牌上的食物選擇十分多元化，單是船麵，便有三款湯底供客人選擇，分別為船湯、清湯和冬蔭公湯。除了招牌船麵，店內亦有供應各種泰式小食和飲品。·由於船湯為船麵的典型標記，我們想也不想便選擇了它，點了一碗黑豚肉船湯薯粉和一碗頂級安格斯牛肉船湯黃麵。兩碗船麵的配料都非常豐富，有白魚蛋、蘿蔔、秋葵、豬肝和炸豬皮，極盡多元化，而且味道亦很到位。白魚蛋煙韌彈牙，十分可口；蘿蔔香甜又無渣；秋葵清爽味美，剛好平衡了船湯的濃度；豬肝軟嫩又無不討喜的味道；豬皮炸得金黃香

近年尖沙咀多了好多泰國菜，周圍都是餐館，可是人多自然車多，本來想揸車來，可是每次都會看到抄牌，我怕了，今天我坐巴士，有人在遊行表現，又是塞了一回。好不容易來到了泰濃麵，之前都食過一次，因為朋友的關係。他們家有好多特色的泰國東西，椰青不小得啦，地板都是舊色的，地方好大，位置比較像茶餐廳，水杯都是用泰式的鐡杯，保溫好好。餐牌選擇不算多，就是精簡最好的，樣樣都是特別的。今天我男朋友選擇了雞髀肉冬陰功湯配河粉，冬陰功湯底非常正宗，酸酸的好開胃，一點點辣辣的，兩者不會搶劫對方的味道，配上淡淡的河粉，超好食的。在來就是我的頂級安格斯牛肉船湯配薯粉，我本來不清楚船湯是什麼所以試一下，原來是濃濃的味道，一點點甜甜的，配上好多白魚蛋，青菜，蘿蔔，炸魚皮等等，還有薯粉彈牙不硬，超級推薦，一定要來食一下。最後叫多一份泰式小食拼盤，包括了2件泰式炸蝦餅，2件炸雞翼，2件炸芝士雲吞，樣樣都是新鮮炸，全部都好脆，最特別的是雲吞裡面有芝士，非常配。食飽了，每個人只要一百多塊，不貴呀。

今日同朋友行尖沙咀，見到新開嘅泰國餐廳幾靚，就入左去食。一睇menu,泰濃麵大部分都係牛做主打，另有雞髀肉同海鮮。有2個係特別貴嘅高級野食——鮑魚同龍蝦麵，其他價錢都幾合理。我叫左雞髀肉冬陰功湯配薯粉。送到黎先知，原來佢附送🦐青口同🍄。味道好好，薯粉係幼身嘅，出面比較少食到，雖然個湯比我想像中辣（食開譚仔10小）但都食得曬。朋友點嘅頂級安格斯牛肉清湯配金邊粉都唔錯，價錢貴少少，不過牛真係靚好多，呢碗都會送d丸，都好彈牙，雖然湯唔濃，但都幾入味。呢碗我淨係試左少少，覺得下次可以一試。但如果兩碗比較，我覺得冬陰功正d。😚小食就點左雞奕，熱辣辣的，好好食，醬料就比較普通，同出面辣醬差唔多，我就無乜特別點黎食，原味已經好食。 😝如果黎食辣野，推介一定要叫椰青，佢好大個好多汁，夠食曬成碗辣麵，而且汁真係清甜的，反而椰子肉就唔算多，薄薄一層。朋友嘅嘢飲無試過，就唔評論了，佢話都ok的🤣我地7.30入座，7.45前已經可以開始食，上菜速度好快的。我地食左大半個鐘，整體好滿意呢！

一向都鐘情泰式船麵！係泰國食完一碗又一碗，今次係尖沙咀行街，順便經過入去食船麵。因為星期六冇下午茶餐，所以68蚊一碗，如果唔係就48蚊碗。豚肉揀咗金邊粉，但牛肉配河粉好食啲！配料方面有炸豬皮，秋葵等，仲有兩粒魚蛋！湯底真係一啖又一啖。木瓜沙律就細份咗啲。而且夠哂辣！怕辣就諗諗啦！會再黎幫襯！

下午同姊姊喺尖沙咀逛街經過呢間(泰濃麵)諗返起曾經喺泰國都食過當地既船湯麵就一於入去回味下啦2:30pm撞正下午茶時段，比晚上價錢平十幾廿蚊雞脾肉船湯河粉 $48可揀米粉/金邊粉...等湯底也可選冬陰公湯底一上枱，已聞到陣陣濃濃香味！除左雞脾肉，仲有白蘿蔔，秋葵，魚蛋，豬潤喺湯麵裡，炸豬皮湯底超濃郁，用好多料製成岀湯底完全夠哂味道雞脾肉份量好足想讚一讚 炸豬皮超級好味！好惹味，浸住濃湯食一流！加 *+$3 就可以跟罐裝汽水

餐廳一直播放著泰文歌曲，我們發現原來泰文歌都幾好聽，雖然聽不明白。有冬蔭功湯，還有船湯、清湯選擇。雞脾肉冬蔭功湯金邊粉 $68這碗冬蔭功湯麵🍜十分抵食雞脾肉、麵的份量多，肉嫩，還有很多其他配料，例如菇、青口、蝦等等而且冬蔭功湯底出眾，濃味，夠辣，微酸泰式小食拼盤 $68泰式炸蝦餅炸蝦餅的形狀像donut如果只看，也不知道這是蝦餅炸雞翼香脆可口炸芝士雲吞看起來像張餐巾，實際上是一塊脆脆皮包裹著芝士，喜歡吃芝士的你一定要嘗試。烚生菜🥬配秘制腐乳醬 $28健康之選，醬料跟生菜是分開的，喜歡吃多少醬料任你選擇！