泰濃麵 (樂道)

营业中

休息中

今日本身約咗個客去iSquare，點知要遲三個鐘唯有自己同同事附近搵食！本身諗住行去後邊食車仔麵，咁行過就見到呢間泰國粉麵人幾多也很吸引，所以就入咗嚟！他們主要都係食泰國粉麵湯飯，有幾款湯底餸菜選擇配小食。價錢在尖沙咀來說都可以接受，但係當然都係要睇吓好唔好味啦！中午時間來到全場坐滿，一台食完一台就入嚟，少部份是遊客大部份都係附近做嘢嘅人！頂級美國肥牛冬陰公湯配薯粉 $68牛肉有牛味，脂肪比例均勻，牛肉的確不錯，冬陰公湯底，比起我哋平時小菜飲嘅冬陰公湯會略淡一點，佩面食就一流唔會太濃烈！但係仍然保持冬陰公的美味！黑豚肉冬陰公湯面$68豚肉有驚喜，豬味香濃，夠爽！同冬陰公湯底亦都很夾！兩個麵套餐就配汽水！我哋仲叫咗一份拼盤，$68，有雞翼蝦餅泰式雲吞每樣兩件！即叫即炸熱辣辣！

今日相約屋企人去尖沙咀行街～又唔想食大商場既連鎖餐廳-估唔到isquare地面一對開就係一間泰國餐廳咁就黎食碗泰國粉~餐廳成幅牆都係食物相真係愈睇愈肚餓！！😂😂-頂級安格斯牛肉船湯 $88見到安格斯緊係衝呀！！真係好香牛味😛唔係hea我貨真價實既靚牛黎🙈個船湯仲配上脆脆豬皮！好香口！第一次咁樣食湯底好香濃仲有唔少香料香草既泰式味道🙈超級推介船湯金邊粉😛😛😛-小食拼盤 $68 分別有炸蝦餅、芝士雲吞同雞翼雞翼炸得香脆可口，裡面肉質唔會覺得乾蝦餅點上甜酸醬好開胃，口感好彈牙，唔會食到成口粉感👍🏻👍🏻-不得不提既係大熱天時點可以少得消暑解渴既飲品👅餐廳既飲品好特別，都係自家製既龍眼冰好清甜飲完有種滋潤喉嚨既感覺，龍眼都好多粒！而呢杯好紫藍色既就係蝶豆花特飲，味道好清新，好少見餐廳會有呢種味道既飲品緊係要試下😍😍

好想食泰嘢。 行經見呢間，地方寬闊又唔洗排隊，於是入嚟食下～好誇張，有龍蝦麵, 又有鮑魚麵～ 隔離枱嘅外國人真係食緊龍蝦，食得津津有味 😆 但當然唔敢影佢相我都係平平地食返平常嘢～揀完湯底揀麵底。最後揀左黑豚肉冬陰公湯金邊粉。 真係估佢唔到，居然仲有隻大蝦同青口～ 冬蔭公湯香辣好惹味😋金邊粉量十足又爽滑～另外仲有食雞脾肉船河。湯底鮮甜濃郁，配滑嘟嘟河粉，同樣好食～ 配粉仲有魚蛋、秋葵同豬油炸～開心食仲叫左小食拼盆，有脆炸芝士雲吞、炸彈牙蝦餠、同嫩肉炸雞翼～最後食埋甜品～ 椰子糕超驚喜👀 椰味香濃不得了，超好食～ 以後行經，都會想外賣買幾件 😋😋😋

<跟女朋友吃飯系列•三十七>今日聽到政府公佈薪酬趨勢調查，大有驚喜，便立刻相約女朋友出來一起慶祝。坐落完i-square旁邊的泰濃麵，就吸引了我女朋友的眼球。地點方面十分容易找，坐落於i-square旁，不吃也要進去看一看。餐廳內外十分闊落，也有卡位，沒有多大泰國特色，但客人一定會坐得舒適。餐牌方面中英並重，且重點推介菜式及圖文並茂，令人很容易選到好吃的菜式。食物方面點了1）頂級安格斯牛肉船麵；2）雞脾肉冬陰功湯麵；3）泰式炸腩仔；4）炸雞翼。1）先來了頂級安格斯牛肉船麵，湯底很甜，也有豬油渣，很正宗的泰國菜，略嫌安格斯牛肉不是太多，如果你吃湯底，，如果吃安格斯牛肉就，看看你的標準如何。2）雞脾肉冬陰功湯麵這個很好，冬陰功味道很濃味，配上雞脾肉，很滑，再加上少量海鮮，大滿足。3）泰式炸楠仔，不知道泰式在哪，但豬楠肉是好吃的，炸得剛剛好，也很值得叫。3）女朋友覺得不夠，於是點了炸雞翼。這個反而炸得有點過火，但配上麥記的甜酸醬，蓋上了它的燶味，不過不失。帳單如下：

行過尖沙咀樂道附近，本身打算食澳門茶餐廳就算，經過見到呢間船面！鍾意食泰國嘢嘅我梗係諗都唔諗就衝入去試吓啦！一入到去就發現播晒泰文歌咁，又真係幾有泰國氣氛喎！首先叫咗個頂級安格斯牛船湯！乜都唔理一啖飲咗個湯底先！好味！佢唔似出邊某啲船面餐廳咁湯底得個咸字，反而飲落去係有一陣骨湯嘅濃味，唔會即刻想飲水！試咗一舊炸豬皮，好好味呀，好味到我直情想買一盒返屋企當零食食！講到主角安格斯牛，質地好軟綿綿，切得薄身咬落去好軟熟得來又有牛味！朋友就叫咗個黑豚肉船湯，頭先唔記得講埋佢粒魚蛋，我自己就好鍾意呢一種質地嘅魚蛋，爽口得來又軟綿綿！另外佢啲蘿蔔好甜喎！最後係小食拼盤！炸蝦餅炸雞翼同埋炸芝士雲吞！新鮮熱辣脆卜卜出籠！總括嚟講呢間野可以翻兜！

尖沙咀雖然好似有好多餐廳但係好多都冇乜特色今次就試吓K11附近嘅泰國船麵餐廳 星期四嘅晚上都唔算好多人朋友試咗頂級安格斯牛肉冬陰公金邊粉湯底好惹味 原來仲會包埋蝦 蟹柳 秋葵同菇如果食得辣嘅人我相信會好鍾意呢個湯底酸酸辣辣 金邊粉又煙韌不得不提 安格斯肥牛真係一流 肉質好 好有牛味 如果可以食多幾片就好喇至於唔食辣嘅我就食咗一樣嘅船麵佢個配料仲有魚蛋 炸豬皮 秋葵呢個湯底好濃 一啲都唔hea 如果你係追求湯底好足料好味嘅人 你一定會喜歡呢間餐廳小食方面我仲叫咗炸魚餅原來仲有蝦片送㗎 新鮮炸出嚟真係好好味而且佢口感一啲都唔油膩 嘢飲方面我地仲飲左 青檸梳打同香茅梳打你睇吓個香茅真係好重lemongrass 好足料架總括而言我覺得以咁嘅質素每個人都係百幾蚊 其實性價比都好高推介俾大家!!

泰濃麵係間幾好嘅餐廳，裝修充滿南亞風味，上菜又快，當然最重要嘅，就係佢地食物質素好好！今日想推介大家試下2碗湯麵，首先係頂級安格斯牛肉船湯金邊粉。佢地嘅牛肉份量適中，肉質豐富；其他配菜如魚蛋、秋葵、炸魷魚、通菜粒等等，為湯麵加上更多口感；配上香料十足嘅深啡色船湯同埋細滑嘅金邊粉，食每啖都刺激到我嘅味蕾！不過大家都知我無辣不歡，所以我亦叫左一碗雞脾肉冬蔭公薯粉試下。我一聞到個湯就知唔惹小！冬蔭公嘅辣味好香濃，隨湯嘅配菜，包括蝦、青口、香茅、菇、秋葵等等都非常新鮮！配上嫩滑嘅雞脾肉同掛湯一流嘅薯粉，真係令到我食唔停口！越食越辣，越辣越食！所以，真心，我建議大家都去泰濃麵食下佢地嘅拿手湯麵，食完會覺得自己好似真係去左越南泰國旅行咁架！！！一定要食呀！一定要食呀！

一入店，泰式既裝潢已映入眼廉， 輕鬆既泰文歌徐徐入耳，令人心情愉快。店員主動帶位，介紹菜式。———————-餐廳主打兩款湯麵，一係冬陰公，二係船湯。 而麵底有河粉，金邊粉，薯粉多款選擇。今日叫二薯粉， 同金邊粉， 呢到既薯粉好幼， 個人喜好金邊粉，比較爽口。冬陰公小辣， 唔係好食得辣都可以叫。 船湯就係摻豬血或牛血既湯底，所以睇上去黑蚊蚊，味道食落一d都唔腥， 係好獨特，有小小似日本豬骨湯， 總之係惹味！船湯頂級安格斯牛肉薯粉今日叫既安格斯牛肉船湯， 牛肉好嫩， 唔只有牛肉，竟然仲有魚蛋，豬瞤，秋葵同烤豬皮，料真係好豐富啊！ —————-頂級美國肥牛冬陰公湯麵冬陰公湯唔係好辣，但味道十分濃，甜甜酸酸好惹味。呢個美國肥牛冬陰公金邊粉，料又係超多，但呢個裡面有多重海鮮，有海蝦（新鮮到可啜蝦頭）， 秋葵，青口，蟹柳，料多到冇得輸！————————-好似酸梅湯味既泰式蝶豆花特飲，唔會太甜， 顏色好搶眼！————————-甜品都唔錯架。椰汁糕椰汁味濃，裡面餡超多，粒粒芋頭粒同西米，口感好豐富。另一款係師傅自家製既椰皇大菜糕。 平時麻麻地大菜糕，但係佢尼個大菜糕用椰皇水整，椰子肉餡，啖啖椰子香。超

經過樂道覓食時，看到這家吃泰式粉麵的「泰濃麵」。剛巧天有不測風雲，眼見這間餐廳定價合理就走進去了。因為未到午飯黃金時間，客量不多。冬蔭功湯底重椰奶香，雖有辣椒標示，吃下去不感太辣，同行不太吃辣的友人也吃得津津有味。麵底配了金邊粉，麵量蠻多，索了湯汁後甚惹味。雞髀肉肉質未算嫩滑，勝在份量足夠。非常意外，除了雞髀肉外，還有菇菌跟海鮮作配料，青口鮮蝦質素不差。清湯又另有一番風味，湯底清甜充滿鮮味。配了餐牌推薦的薯粉，「泰濃麵」的薯粉十分幼身，質感未有平時吃的酸辣薯粉煙韌，反而更似粉絲。薄片黑豚肉滿滿豬肉香，另還有豬潤、魚蛋，當中蘿蔔煮得腍身入味。蝦餅有3件，炸得香口惹味，入口啖啖起膠蝦肉。蝦餅以外，也有數塊卜卜脆蝦片。以往吃過的炸雲吞都是豬肉蝦肉餡料，這一隻雲吞卻是配芝士。炸雲吞外皮炸得薄脆，裡面包著忌廉芝士：咸香外皮跟奶香芝士異常的配。

尖沙咀覓食，shopping完想食粉麵，咁啱經過小巷的一間泰國船麵店，一於試試😜-🔸美國肥牛船湯店內粉麵的湯底有3個選擇: 船湯 冬陰公湯 清湯今次自己先試下船湯底 叫咗美國肥牛船湯河粉深啡色嘅船湯非常濃郁 隱約滲發少許藥材香草味份量適中 有肥牛 魚蛋 秋葵同蘿蔔上面仲有少許泰國炸豬皮 幾有特色 肥牛半生不熟 幾嫩口 份量OK 整體配搭唔錯 個人覺得同泰國地道粉麵味道差不多！湯底用心製作 推薦👍🏼🔸美國肥牛清湯朋友就試吓原汁原味嘅清肥牛金邊粉清湯簡單得來清甜 隱約飲到清湯蒜味喜歡清淡嘅朋友可以試吓清湯選擇 味道整體非常不錯👌🏼🔸泰式無骨鳳爪泰式鳳爪係最愛小食之一😋欣賞佢冇骨得來唔會太辣 朋友唔食得太辣都食到👍🏼個汁調得恰到好處 份量都OK 可以一試😜🔸泰式小食拼盤小食拼盤有: 泰式蝦餅 雞翼 芝士雲吞蝦餅厚實肉質彈牙 雞翼香脆 芝士雲呑較特別裏面芝士香濃 質地煙煙銀銀 鍾意食芝士嘅朋友要試吓💛

星期六晚，做瑜伽之前，同個朋友去醫個肚先！ 呢期天氣，落雨絲濕，就好想食泰國菜，開胃啲。 朋友上網搵到呢一間餐廳話想去試下，一於就試試啦😋。晚上七點半入座，個場都八成滿，唔洗等位就可以入座啦。麵有三款湯底：船湯，冬陰功同埋清湯。我同朋友揀左船湯同冬陰功，想兩個湯都試下。佢好特別，麵有得揀薯粉。 薯粉係幼身嘅，好彈牙，唔會難咬，朋友激讚。湯底十分濃香，配上魚蛋同炸豬皮。我就叫左冬陰功，有一隻青口同一隻蝦，都好鮮味。冬陰功唔算太辣，酸味重d，但又唔會太搶，好平衡，金邊粉吸晒冬陰功湯，正！兩碗都叫左肥牛，都係有咬口果種，朋友覺得ok，我就覺得麻麻地，下次我會配雞肉😁。配埋梳打水，有去左泰國既感覺！haha如果配埋粒青檸就更好啦😋。炸腩仔好香口，唔會好肥膩，值得一讚係個沾醬，調教得好好味。總括黎講係好味既！坐位夠闊落，位置方便，係有少少偏貴但都ok la，尖沙咀租貴！😋 <完>

今晚同朋友shopping完 就喺附近諗住搵啲嘢食 見到呢間泰國野係食船面 我就好掛住喺泰國食船面嘅味道🤤 所以就拉咗朋友一齊去食啦😝店舖嘅裝修都偏木系 有圓枱同少量卡位 但八點嚟食都滿場咁濟 幾旺下！😯我哋叫咗一個頂級安格斯牛肉船麵同雞脾肉冬陰公湯麵 廚房好快手 好快就有得食啦👍頂級安格斯牛肉船麵喺餐牌上見到係推介之一🙏 送到上嚟嘅時候望到湯底嘅顏色夠哂深夠晒濃郁 仲好多餸 份量好足料😍 最估唔到嘅係有秋葵wo😲 不過朋友唔鍾意食 所以我可以食晒 haha😝先飲一啖個湯底 牛味都幾濃郁 可能因為安格斯牛肉嘅關係 仲聞到陣陣嘅牛肉香味🤤 安格斯牛肉仲係好粉嫩嘅紅色 好似半生熟咁超正😝 想熟啲嘅就浸落湯度 自己揀😝 另外好欣賞個炸豬皮 炸得好脆 一啲都唔油膩 連埋金邊粉一齊食 口感煙韌😋冬陰公湯麵就要咗薯粉 因為河粉同黃麵都已經賣晒啦😭 冬陰公湯未食都聞到好香 食落有少少辣好過癮😛 薯粉就唔係我哋米線舖食開嗰啲 係幼而扁身既😯 質地我都幾鍾意食😝 雞脾肉仲要勁多 蝦都有少少膏 幾爽口 $68係幾抵😛香茅斑蘭梳打香茅味都幾重 幾解辣幾解渴泰式炸蝦餅都係水準之作 炸粉一啲都唔厚 蝦膠好彈牙

見到網上介紹 所以就過左黎試間鋪位於尖沙咀易搵既位置 對路痴黎講要加分鋪入面播住泰文歌 好有風味下午茶時段平d 小食又半價食左個船麵 不過不失半價小食叫左個青木瓜沙律有點辣 但味道都幾好

尖沙咀咁多野食，今次揀左呢間食lunch不過好可惜既係唔好味，食完超口渴，連水都無得飲，想飲水要買枝水，5蚊枝，所以超唔抵。點了：雞脾肉清湯飯。雞脾肉清湯飯，份量算一般，都可以食得飽但味道對於我絕對是負評。雞脾肉肉質唔算滑而且都好碎所以口感食唔出滑。湯方面，味道係幾清同甜不過發覺越食越飲湯之後就越口渴，所以之後都係要飲番好多水。。。配料味道都係一般唔吸引，但豬潤既味道係好差，食落去有d既味道。唔好味。坐低之後問阿姐每人比杯水，之後佢話比枝水每人一個杯飲，不過唔問唔講，問左先話枝水要5蚊，係要收錢所以無叫了。差點中計。呢碗野68蚊，感覺完全唔值，而且水都無杯，唔問都唔講要錢。總結差，無下次。

同女友在尖沙咀i-square（國際廣場）睇完戲，有點餓，找個地方食下午茶店主打泰式湯粉湯底有船湯，冬陰功，清湯；麵就可選河粉、金邊粉、薯粉、黃麵或者湯飯船麵/船湯源自泰國的水上市場，黑色船湯湯底味道極為濃郁，一般摻入了豬或牛血，估計此店以豬紅來代豬血，不過湯喝不出任何血腥味，香甜味美，飲落有陣陣甜味頂級安格斯牛肉船湯金邊粉-根據傳統泰國船麵配料以牛肉為主，所以我亦揀左頂級安格斯牛肉，湯底飲落有相當濃郁，而且食到有泰式香料味道，口感偏重，重口味啱我，無加味精所以濃得嚟飲完唔會口渴，加埋配料有新鮮金不換、炸蒜粒同炸豬皮，非常香口，配合爽囗金邊粉，好夾雞脾肉冬陰功湯薯粉-冬陰功湯底蝦味很重，酸辣醒胃，而且酸得嚟清新，不過都頗辣，不過配以薯粉食，友人話都幾夾左是撈檬汁，中是魚露，右是辣椒粉！按個人喜好加點調味，更有層次感小食拼盤：有蝦餅，雞翼，芝士雲吞各兩件蝦餅-爽口彈牙雞翼-醃得入味芝士雲吞-芝士香得嚟煙韌，外皮香脆，口感一流一次過食齊三樣嘢泰式香茅斑蘭梳打特飲-香茅味清新，配合原支singha 梳打水，非常解渴