泰濃麵 (樂道)

营业中

休息中

其實我幾鍾意食泰式麵,，不論冬陰功或泰國船麵都鍾意🤩經過樂道見到間泰濃麵，門面好似幾吸引咁，就入去食返個lunch😁餐牌上有好多唔同嘅麵類，應該係主打泰式粉麵，仲有泡飯等等。好耐冇食過冬陰功，叫咗和牛冬陰功金邊粉，呢個冬陰功嘅味道好適合我，因為佢唔算太辣，但係辣度剛剛好，有泰式香料味 ，酸酸地辣辣地好香☺️冬陰功味配金邊粉一流，下次可以試下配幼薯粉。和牛薄片唔會太老，和牛味好香，咬落夠林，好好食😋另外配料仲有蝦、菇、蟹柳、青口，都幾豐富。 呢個我覺得好食，推介👍另外叫咗豚肉泰式船麵，泰式船麵湯底我反而覺得唔夠濃，但係味道都唔錯。有魚蛋、炸豬皮係泰國signature 。小食叫咗蝦餅，蝦餅夠脆夠彈牙，幾好食😋仲配有三片蝦片🦐泰式炸腩仔，份量好多，切成小片，啱哂鍾意食腩肉同偏肥肉嘅朋友。但係啲邊就稍為炸得硬咗啲啲，中間部分就幾林，幾香吖😊尖沙咀區算係幾抵食。