泰屋

营业中

休息中

和友人貪方便，比較喜歡到旺角726選餐廳吃飯，上回吃過雞煲，今次就到主打泰國菜的泰屋。一家餐廳佔地一層，所以一開電梯門就能看到餐廳全相。我倆都好餓，看到甚麼都想吃友人說想試湯類，我又不放棄串燒~再加個飯，迷你小食拼盤和一人一杯飲品，應該夠食不得不說這裡的食物選擇好豐富！友人說吃泰國菜必定要喝椰青！讓我喝了幾口後，我也頗同意的，這個椰青又大又多水，味道清新爽甜，喝著都覺得既下火又滋潤椰肉又可刮出來吃，又喝又吃~我呢，看到香茅茶就不加思索點了。曾經在一地方喝過超正的香茅茶，所以去到哪裡都會點。茶裡只有三條香茅好像很少，但製作是混一起煲的，香茅味好重，只加了點甜味，清新怡人又暖身迷你小食拼盤可選兩款，我倆都不約而同選了蝦餅和香葉雞，上菜看到大大件，口水直流。蝦餅肉超厚，即叫即炸所以香脆，外脆內爽口彈牙，也有蝦的鮮甜味道，足料之作。香葉雞連葉都是脆的，質感外脆內軟，嫩滑多汁，調味得宜，兩款都好吃不能不點的串燒，我們選了牛和雞的組合。串燒都燒得好香，每串都好多肉，再點香濃的沙嗲醬吃簡直是perfect每串的肉都又大粒又軟又多汁的啊！椰汁雞湯跟我們想像的不同，原以為是好creamy的湯，但原來是滑

旺角幢彌敦道726真係愈黎愈多野食，差唔多層層都有唔同國家既野食，今次去左呢間佔上左一層既泰式餐廳。入門口已經見到一大個泰佛像，再入少少就見到另一個小僧人既像，都幾有泰國餐廳既氣氛。地方都真係好大，成層都有好多位，如果多人既都可以坐圓枱，果日都有人坐低去團年都幾好。店內掛上左好多葉牆，仲可以望到外面都幾光猛。先叫呢個賣相滿分既《干炒泰式蛋包金邊粉》($82)，蛋煎到變左一格格好靚，包住哂啲金邊粉，炒得都幾乾身同唔濃味。再到左個《泰式生蝦刺身》($108)，用左格格杯裝好似飲酒咁，生蝦上面附左醬料，蝦夠大隻醬汁食落去幾辣下。芒果點少得《泰式香芒羊仔柳》($92)，成個汁都係黃色食落勁香芒果味，都放左幾舊芒果入去有得食，羊仔柳食落好似咕嚕肉既口感，仲有好鍾意食既腰果放埋落去。甜品點少得《鮮芒果糯米飯》($45)，用上左黑白糯米飯，一整開就會見到有兩隻色，不過伴住既芒果帶酸。店名：泰屋地址：旺角彌敦道726號2樓餐牌:

我成日都去九龍城食泰菜，質數不洗講一定高。但近日天氣凍凍地真心不想長途跋涉四圍覓食。見到樓下開了間泰屋不防試試它們水準。裝修高雅有泰國風情，感覺舒服，同朋友食飯不錯選擇。簡約木系檯面，地方都開揚，不係擠迫。首先 order我最愛的芒果沙冰,好夠芒果味道，可惜天氣冷，要慢慢飮先可以完成。這個真是必食原個椰盅海鮮焗飯，出煙椰汁漏出來，有好多椰子粒做炒飯底。有大蝦、魷魚、青口、帶子，仲有其他蔬菜配合做炒飯底。之後再原盅去焗，要二個人先食完。醃酸辣鳳爪味道酸辣適中，又無骨，又有酸辣菜一齊食十分開胃，也是泰國菜特色。但嫌細碟少少。這個又真的不錯，啖啖蝦肉，不多粉，炸嘢最緊要新鮮炸起熱烘烘不油膩。再點上泰式辣汁再配一支啤酒就一流😋食完肉要叫個菜平衡飲食金字塔。芥蘭出奇地爽甜, 配上咸肉是我之愛，二個人食完真的滿足。二個人埋單每人百幾元是好合理及抵食，下次再幫襯.

東南亞菜方面，最鍾意喺泰菜同馬拉菜，睇番自己嘅食評，原來都有一段長日子無食泰菜，可以講喺一時癮起，同老婆揀咗晚閒日食番餐泰國嘢。泰菜館唔喺咁多心水，不過，佢話出開始創入啲雜貨，網上搵搵就點中「泰屋」。726呢幢商廈都嚟過幾次食嘢，知道每層格局大概喺點，一出電梯就喺餐廳。不過，店家巧妙架起一道屏風，予人感覺分番用餐區區域，而內裡裝修摩登簡約，無傳統泰菜館滿天神佛般俗氣。深啡嘅木餐枱，配搭青綠色梳化椅，幾有種小叢林嘅氣息，而最喜歡喺近窗天花掛滿綠葉，雖然明知喺假嘅，但令餐廳睇起嚟更好睇，如果天花都掛多少少，整體感覺仲好。依家好多餐廳都提供免費wifi，大多數都需要密碼，既然又開放俾客人用，但絕大部分都唔會擺個密碼出嚟，吓吓要問店員就嘥佢哋時間啦，「泰屋」就好喇，索性印埋問張枱墊紙度，唔使多此一問！香港嘅泰菜館一向都提供好多款菜式，由頭盤、燒烤、湯類、沙律、蔬菜、咖喱、肉類、海鮮、飯品、粉麵、甜點都一應俱全，唔使點數，目測一次都睇出足足有過百款食物。飲品方面，除有慣常見到嘅泰式特飲，如椰青、珍多冰、三色冰……之外，仲有一系列特色沙冰，以及啤酒、餐酒。咖啡榴槤沙冰 $38咖啡、榴槤兩種皆喜愛嘅

今日同老婆都金魚街為我小狗購買糧食，知道附近多咗一啲全幢大廈的食肆，所以就來到這間泰國菜試一試，金魚街行過嚟都只係幾分鐘！一出𨋢就係餐廳，入到去位置都幾舒服，二人枱位置都夠大！上到去都有八成滿，好在我早到先來一個濕炒泰式河粉，每一條河粉都掛上麵汁，吵得10分不錯，用料都十足，啲菜都炒得好入味，特別係豬肉好新鮮這個是侍應推介嘅沙嗲串燒，我一般對沙嗲麻麻哋，不過佢哋推介即管試吓啦！原來好香口好好味，食完仲想再食嘅感覺，飲埋啤酒享受一流，沙嗲味好似同平時的有啲不同，唔知點講總之好好味有肉有面當然要帶返個菜啦！泰式炒椰菜苗，都係我泰國菜最喜歡的，泰式炒得特別好食，今次這個我都覺得炒得幾好，兩個人叫咗三碟餸差啲食唔晒，份量特別多，旺角這個價錢都算合理，仲有埋甜品，老婆最鍾意！

今日約咗老朋友去食飯，位置梗係揀方便大家啦！首選當然係太子旺角！想來搜尋搜尋找到這一間食泰國菜，位於彌敦道大街太子旺角中間，上樓的泰國菜，選擇上樓的諗住冇咁多人，點知上到去都好多人，好在等左10分鐘左右就有位啦！大家記得都係早啲定位餐廳四四方方都好多座位，我仲見到好多一班班啲人嚟食，裝修都令人覺得好舒服餐牌上都有幾多選擇，特別見到海鮮類有些都比出邊泰國菜多選擇首先來一個沙嗲串燒，牛豬雞可選兩樣，今次就選擇咗牛同埋雞，好好味燒得剛剛好，沙嗲味好香，特別係雞串勁正泰式椰菜苗，細細粒椰菜苗好嫩口酸辣海鮮沙律，一睇就見到用料十足，有魷魚青口蝦，酸酸甜甜10分開胃，一次過可以食晒幾個海鮮濕炒泰式河粉配豬肉，估唔到咁大碟，河粉都彈牙，豬肉同菜都係鋪滿成個碟整體來說，這個泰國菜值得推介，位置一流，食物水準都不錯，同埋真係夠大碟抵食

朋友介紹旺角彌敦道726號上樓有間不錯泰國餐廳，超值價錢吃到美味泰菜，性價比高！餐廳裝修有泰國風味，待應亦主動不停加水海鮮冬陰公 (細）＄88冬陰公海鲜足料好足料，大約可分成4碗，加入菇、蕃茄、蝦，湯底有鲜味，唔會過咸，惹味開胃，不會太酸或過辣，味道剛剛好 馬拉盞介蘭 $72每次食泰菜都鐘意叫馬拉盞炒菜，炒得不會太油，幾惹味 泰式小食拼盤 $128小食拼盤有炸蝦餅、炸魚餅、炸春卷和雞翼。特別喜歡蝦餅和魚餅蝦餅鮮嫩彈牙魚餅帶有香草味好惹味 椰汁芒果紫糯米 ＄45香甜芒果，配上暖黑白糯米飯，很有去了泰國感覺．Menu

🍴農夫包咖哩焗海鮮🍴$148呢個黃咁咁既菜色要介紹番😂 未試過食2個人食農夫包可以finish the dish😱咖哩唔係辣果隻😛 加埋蛋白一齊炒 又香又有口感😋但海鮮唔夠多 2隻青口+2-3舊魷魚同蝦仁 🍤最後個汁係咁用黎點麵包食 飽到😂😂其實有諗過要慳錢🤔 2個人食左農夫包都可以喎🤣.🍴冬陰公鮮蝦湯🍴$108香濃冬陰公又有椰奶味👍🏼 好怕外面有d冬陰公湯飲到尾成層油😩😖 呢間既湯唔係好油膩 飲完重好暖笠笠 個胃舒服哂🤪👍🏼入面有2隻開邊大蝦 同菇 都叫足料😼👌🏻.🍴芒果羊仔柳🍴$92呢味極推介🤪👍🏼個汁好清新 芒果味汁唔假 唔會好甜 反面同炸過表面既羊仔柳好配🤤平時好鍾意芒果牛柳既朋友仔唔會失望呀😸👌🏻份量特別大 4個人分都重夠食 必嗌🤪.地址：泰屋 旺角彌敦道726號2樓幸福指數：7/10人均消費：$120-150

香港好食又坐得舒服的泰國菜館不多，而且出名了幾年後，水準都普遍下滑，為了發掘新的泰國聚餐地for新年大家gathering,今日自己先來了這間人氣較旺，地理位置又方便的餐廳小試一下。可能係星期五晚的關係，就算是已8點半，仍然很多人進餐，我們order 了酸辣鳳爪，炒椰菜苗，半打沙嗲，黃咖哩牛根腩，印度油酥餅，之後仲走左去附近一間中式涼茶鋪食大菜榚。醃酸辣鳳爪，作為前菜本身覺得小貴，但份量都幾大，可供4人食用，鳳爪爽口，伴碟的蘿蔔絲，洋蔥絲都有醃過，酸酸辣辣作為開胃菜ok自從上次食泰菜的通菜疑似唔合時，今次我轉食椰菜苗，同樣地，味道唔錯，但炒得略生，要咬耐d先食..沙嗲串燒雞牛非常好味，唔鞋，除番開一串都係十四蚊，比出面企街食的仲要平。 肉質鮮嫩 沙嗲醬好惹味，中途唔夠點仲叫佢俾多碟醬。黃咖哩牛筋腩真係有一半牛筋大概有六至八條， 咖哩係甜嘅咖哩， 帶椰香味 ，仲有我最鍾意食嘅薯仔， 同埋青紅椒，洋蔥等配料。 而且作為主菜88蚊其實相當抵。印度烤餅， 好香牛油味，但只有兩大塊， 慢慢搣開點黎食。總括嚟講地方方便,食完唔會好大陣油煙味 ，主菜的咖哩同沙嗲串燒都好抵食， 菜單多選擇，下次約齊多

泰屋嘅環境好適合三兩知己去食下飯 傾下計 沙發位好好坐 幾寬闊🤗假日lunch set最平嘅$46已經有成交 👏🏻👏🏻小編叫左一個乾炒泰國金邊粉 真系炒得好乾身👍🏻唔油 好大碟😊$46絕對抵食跟餐有一碗湯 好濃少少似冬蔭公嘅味道有椰香味😊友人叫左海南雞飯 $68上枱好靚 小編忍唔住食左少少👅👅雞一d都唔鞋口 幾好!!!!!!!!嫩滑嘅🤗🤗個油飯幾香 唔算油 友人都幾喜歡泰國鮮露筍炒雜菇 $45幾大碟 好多草菇同雞脾菇😍😍 正Lunch set 有餐茶飲 👏🏻👏🏻

今晚又岀去搵好野食，朋友想食泰國野，所以我地上openrice睇下旺角有邊幾間泰國野食。見到呢間泰屋食評同哈哈笑都ok,所以就去左呢間食由於星期六比較多人，所以我地大約等左10分鐘左右就入到去，算好快小食種類多，我地叫左個細迷你小食拼盤，蝦餅熱辣辣，好香！香葉雞唔‘鞋’，好香香茅味咖哩類有好多款，我地叫左黃咖哩牛根腩，牛腩同牛根算多，咖哩唔辣但好香，用來送飯一流！呢個海南雞飯d飯好香油味，而且夠2個人食，雞滑，個湯好特別，我覺得似肉骨茶味，幾好飲，但我唔知係咩湯 鹵水豬手煮得多淋，賣相好靚，食落去一d都唔肥，而且配菜多，超值呢間泰國野真係有好多野食，下一次一定會再來食，到最後叫返杯咖哩飲呢個價錢真係超值

🍹芒果沙冰 $38好濃好重既真芒果味 好飲👍🏻--🍸泰國椰青 $40好清甜不在話下 肉仲好嫩 飲得岀係靚椰青😋--🍛冬蔭功鮮蝦炒飯 $82好香冬蔭功味 味道係幾好食 略嫌飯太濕🤔--🍞農夫包咖哩焗海鮮 $148有兩粒青口 三隻蝦 兩條魷魚 咖哩汁應該溝左蛋花 好易掛上麵包咖哩偏甜 幾好味😘--🦐冬蔭功鮮蝦湯(細) $88有一隻大蝦分開兩邊飲落有勁勁勁勁重既奶味 係勁重鍾意奶味重可能會覺得好正 男友都話ok但我唔鍾意 我鍾意好酸好辣稀啲個啲😅

放工諗食咩，得到朋友推介，就嚟咗呢間位於旺區嘅泰國菜餐廳。雖然冇影內部裝潢相，但係呢度嘅感覺俾人真係坐得幾舒服，好闊落，有別於一般泰國餐館。勁口乾，一坐低即刻要叫野飲，食泰菜唔使諗一定係叫椰青，個friend叫咗杯香茅茶。個椰青好甜，杯香茅茶一聞落去心諗咁似平時做Spa嗰啲味嘅，個刻先發覺原來平時做完Spa飲個杯野就係香茅茶。所以飲落寧捨唔同舒服好relaxed。食泰菜十居其九我都要嗌生蝦。佢呢度啲生蝦水準都好正常，不過我最欣賞嘅，係佢上呢味菜係用6個小酒杯裝住啲生蝦。每一Shot都有一隻蝦連蒜片，辣椒，同少少沙律，睇落去好精緻同好特別。馬拉盞通菜好入味點左個黃咖喱牛腩，啲咖喱汁甜甜地有啲辣，味道啱啱好，如果個牛腩再淋多少少就會更好啦。食咖喱梗係要叫埋烤餅一齊食，個烤餅好香，點埋啲咖哩真係好正！

Happy Friday，約左N年冇見的舊同事出來聚舊吹水。我地一個住東一個住西，所以約食都係中間位，揀左旺角最實際。朋友Book 左枱食泰國餐，上到去都要等一等，因為張枱未埋單。全場full house ，勁好生意。期間我地坐外面一邊等，一邊硏究食乜好。睇返餐牌，包括全部泰國特色食品，生蝦啦、串燒啦、鳳爪啦、柚子沙律啦、菠蘿飯啦、明爐魚啦、甜品及飲品，應有盡有。幾乎諗得出嘅泰國食品都有，我發現唔到有咩遺漏。呢方面真係值得一讚，因為一般嘅泰國餐廳個Menu都唔會咁齊全。 等左5-10 分鐘左右，就有枱了。有位靚太帶枱 (可能係老闆娘），一邊講左好多次唔好意思，一邊幫我地手set 枱，招呼好好服務又親切，其實都係等左一陣啫。面對個厚厚的餐牌， 真係花多眼亂，唔知叫乜好。突然聞到有碟魚餅經過，好香呀！仲熱辣辣好似好吸引喎，就叫佢。轉個頭又聞到超香馬拉盞味, 原來係炒什菜， 正！WoW !!!!! 燒魷魚呀！好香呀，流口水了。仲有隔離枱碟豬頸肉，似乎同我地 say hi 咁。於是，我地就點曬呢D香口野啦！隔左一陣，D食物就陸續登場。首先係蝦餅拼魚餅。每款有四件， 蝦餅有蝦味，魚餅就充滿香葉

咁岩係太子做完野就想係附近搵d正d既晚餐食下 休息下呢間餐廳雖然係樓上,但1d都唔難搵!因為成座大廈都係餐廳,身2過就見到,夠晒易搵一出lift 門就見到呢到既裝修都幾雅致 , 睇落似食緊高級泰菜我首先叫左個馬拉盞通菜菜既份量夠晒多，有椒絲同馬拉盞醬，食落辣度岩岩好跟住仲有雞肉加豬肉串燒,串燒燒得好嫩,咬落口感唔會好老,加埋個沙嗲醬食落好惹味泰式炸蝦餅一碟八件，2個人share就岩晒蝦餅炸得好香口，食落彈牙有蝦味，呢個價錢黎講認真抵食最後仲有個泰式海鮮炒飯,佢既份量都幾多嫁,我同朋友2個都食唔晒,而且材料十足,有蝦,魷魚,青口等等,抵食!