泰屋

营业中

休息中

一行四人去食晚飯，walk in等位無問題，排半個鐘都無問題，等到第二十分鐘時有兩個女人加個呀婆，無book位，但似同員工認識，咁正常都係排我地後面(等位位置有櫈比呀婆坐，而佢自願選擇唔坐)，到有人離開台嘅時候竟然喺無合理解釋下比果三個人入坐先! 火都呢，個個識就唔洗排? 野食幾好都無用，咁嘅安排，叫人點食得開心

公司同事話旺角有間泰國食店好有泰式味道，所以訂好枱來一試。泰式冬蔭公海鮮湯：望落用上好多泰式香料煲製，有金不換，香茅，椒絲，所以飲落個身會有發熱感覺，但又唔會太辣，加上又有多種海鮮，青口，鮮蝦，帶子，所以海鮮味濃郁，食落都覺得新鮮。星洲咖哩蟹：用上原隻泰國肉蟹來炒製，加上黃咖哩，紅咖哩，令到蟹肉都吸晒唔哩既味道，加上蟹肉本身肉厚，所以食落啖啖肉，加上將蟹炸得香透，唔會太油，所以十分脆身。椰汁馬豆糕：用上泰式椰漿來整製，椰味比平時食落更加濃椰子既味道，加上黃豆浸得軟身，唔會太硬，十分惹味。今次，個人覺得這裡食物十分有質數，而食物份量又大又多，絕對係抵食既泰國食館。

睇雜誌話旺角有間好出色既泰式新開食店，所以放工就到來食下。辣椒膏炒大頭蝦：去泰國都會叫當地既大蝦黎食，今次都一樣叫了辣椒膏炒大頭蝦，食既時候發覺辣椒膏味道十分濃烈，但又唔會太辣，可以話係控制得十分適中，加上大頭蝦本身十分大隻，蝦頭既膏都十分多，淨係食膏都可以食飽，而且蝦肉結實，入口有咬口，絕對係用上上級貨色。泰屋珍寶拼盤：這個拼盤包括春卷，肉丸，雞翼。春卷炸得金黃香透，薄皮夠脆，唔會太硬身，而且內裡十分多材料，咬口十足。而肉丸本身用上人手打製，所以食落層次分明，肉味濃郁，加上甜酸醬，非常醒胃。蒜容法包：聽講依到既蒜容法包係必叫的，因為係師父自家製造，法包可以用來配上黃咖哩食用，令到麵包更加吸味，入口可減低辣味。最後，這裡食物同環境都非常吸引，又可以食到正宗泰國食物，唔怪得要排隊才可入座。

又係我大食妹為大家出去搵好野食既時候，今次就帶大家到一間位於旺角既泰式餐館，聽講佢地用上泰式廚師煮製食物，所以泰國水準十足。泰式菠蘿炒飯：用上原個菠蘿起肉後，再將菠蘿肉再放入飯中炒製，加上提子乾，鮮蝦，肉鬆，青豆，再用上泰式黃咖哩，絕對係泰式味十足既菠蘿炒飯，入口香甜，但不會太辣，大小朋友都岩。泰式燒雞：用上正宗泰式方法將雞燒製，所以雞肉非常乾身，食落同BBQ燒一樣，加上雞肉嫩滑，唔會太硬，加上泰式甜酸醬，食落非常開胃。馬拉盞炒通菜：去親泰國都會必叫通菜，因為菜菜葉幼嫩，加上馬拉醬十分惹味用來送飯一流，師父又唔會落太多油去炒，所以唔會太肥，絕對岩女性食用。今次，大食妹俾4個大食指數，因為食物質素本身有質素，廚師又有心去煮製，所以泰式菜朋友又多一個選擇。

每日番工最煩惱就係諗要食咩，今日同事提議來726，食泰國野，呢度有d 4X蚊起嘅lunch set，喺呢區價錢算貼地，我地兩個揀左每人一份午餐，再點多個拼盤，飽到夜晚果餐都食唔落。lunch有好多款炒粉麵啊、湯河等，我地點左燒雞扒飯、肉碎煎蛋飯，分別都係55蚊泰式燒雞扒飯 雞扒幾大塊，面頭煎到微焦，雖然入口未至於嫩滑，但味道十足，加左少少紅咖喱汁，更加惹味，送飯一流香葉肉碎煎蛋飯類似生菜包咁，裡面有肉碎、香葉、豆角咁，唔會炒得太乾身，有少少汁，送飯又係正。味道都幾重口味，啱哂我，而且份量足夠我食哂成個飯。辣度就冇乜，一般唔食辣嘅朋友都食到春卷拼蝦餅春卷兩條，蝦餅兩件，每樣剪開，45蚊都ok。蝦餅彈牙十足，幾香脆；春卷正正常常，點番少少泰式醬，正餐湯應該係椰子雞湯，但味道都幾特別，又有少少似冬蔭，因為裡面有香茅，都幾好飲。仲有秀珍菇，飯前開開胃凍檸茶 +3、青檸梳打 +6我地通常兩點零三點過來，就坐得幾舒服，但如果食晏時間來，會多d人啊，所以我地鐘意晏少少先食！

#彌敦道726 成棟真係好多野食，無論西式日式燒肉放題乜都有，價錢唔算貴更勝在環境舒適，基本上每間餐廳都有全片大玻璃可以飽覽人車來往頻繁的#彌敦道 😂😂😂-----今次就試下泰國菜💃🏻-----青木瓜沙律 $78青木瓜沙律係吃泰菜必點😋爽脆新鮮的青木瓜絲伴上微辛的酸辣汁，開胃又辣得過癮😍👍🏻.泰式蛋包金邊粉伴蝦 $82用蛋皮包的設計未食已覺吸引，金邊粉炒得夠朝身亦沒有碎散開，口感煙韌，味道帶甜夠惹味😋份量一點都不少，配料有三隻大蝦、豆干、芽菜、花生碎等，蝦肉爽口彈牙，正！.黃咖哩牛筋腩 $88咖哩偏甜帶椰香，絕對適合不嗜辣者，不過再食多幾口就覺得咖哩有點過份甜膩，欠微辛的香辣惹味😩牛腩份量非常多，係好多😂👍🏻炆得入味口感嫩腍，唔錯呀！仲有洋蔥、青紅椒同薯仔，份量同樣不少😋.咖哩點可以唔配薄餅？印度油酥餅 $35薄餅係用現成的出品而非手拉/自家製麵團，所以一吃下去已經覺得欠酥脆/煙韌口感，加上烤得不夠金黃，口感較腍亦偏油膩😩而且定價都過高呢🙈.馬拉盞通菜 $72即叫即炒，香氣十足夠惹味，通菜嫩又唔老，正！-----總括說，食品質素不過不失，價錢算是公道而且份量都不少，勝在環境舒適&選址便

前幾日同個好耐冇見既朋友聚會 大家各有各忙 要見一次面都可能要隔幾個月 難得約左出黎見到面 我地想去間舒適既餐廳小聚 食下晚餐 傾下計🤗呢間餐廳係朋友推薦既～一出lift 門就見到咁大個佛像 相信大家都估到係泰國菜🇹🇭！行多幾步又見到一個小和尚捧住個鉢 整間餐廳都充滿泰國風情 就連入面既枱同櫈都係充滿活力同埋熱帶風味既綠色 🌴餐牌好色彩繽紛 十分精緻 總共有四、五款不同既主題～ 食物方面 有頭盤小食、串燒、咖哩類、肉類、麵飯等等 每一道菜式都非常吸引 至於飲品方面 佢地有果汁、汽水、茶等等 應有盡有 😍事不宜遲 我地立即開始點餐 😝另外 枱面上一早已經放好碗筷 同埋兩杯清水 我同朋友已經準備就緒 預備開餐～ 😍干炒泰式蛋包金邊粉 $82蛋包金邊粉既賣相非常精緻 雞蛋形成一個網狀 包住整道金邊粉 要食就要先解開繩網 😛🍳金邊粉既材料好豐富 有原隻鮮蝦、香蔥、芽菜、豆腐干等等 味道口感都非常有特色 鮮蝦真係又鮮又彈牙🦐 金邊粉軟硬適中 拿捏得岩岩好 😋 雖然係干炒 但完全唔覺得乾 味道真係好好！👍🏼 佢側邊仲有泰式香料 沾少炒 金邊粉會變得更香辣惹味 😆🌶️蒜蓉炒什菌 $75朋友崇尚健康主

尋晚同朋友去太子行街，行到肚餓要搵食，見到有座BUILDING 好多野食, 一於試下2樓既泰國菜.一入到去都幾多人，好彩唔洗點等就入到。我地2個人點左好多野食，先有冬蔭公湯，夠辣，有好多配料，eg 蕃茄、菌類、什菜，好飲又滋味。呢個湯我地叫左２人份量，但都足夠每人飲2碗.另外叫左鳳爪，辣辣地，愈食愈開胃。通菜好翠綠健康，清炒都唔錯。至於主食方面我叫左手撕雞河粉，呢個超抵食，HKD 50 勁大碗，湯底又夠清，唔會太濃，岩哂我。而朋友叫左個乾河(牛)，份量同樣勁多，而且好多牛係入面，唔會好似出面咁得果幾片肉。OVERALL 都值得一黎, 環境食物都OK. 價錢都好合理!

最爱泰國美食見到太子呢到開左間新野，即刻拉老公黎試下佢我地夜晚7點幾黎到唔算話好多客人係到，可能時間尚早，末見滿座。我地1坐低就急不及待睇下menu有咩正野食樣樣都好吸引樣樣都想點黎食，最终我地兩個人點左4款菜式 4款都好好味。呢到又坐得夠舒服，環境又夠寧靜，最岩我呢D唔鐘意太嘈既人，可以慢慢享受晚餐。生蝦刺身 同出面其他鋪有D唔同 呢個係用杯上的 夠晒特別刺身亦都好新鲜，咬落去爽滑彈牙串燒燒得好惹味 肉質嫩滑呢個海鲜飯賣相同味道都1流

尋晚同朋友兩個去食呢間泰國菜gathering..地方細細但幾有泰國風情嘅味道。服務員姐姐同哥哥非常有禮，我哋兩個人開咗兩支白酒叫咗五個小菜，本身入嚟我哋坐兩座位，但姐姐好親切地主動幫我哋換枱，因為佢話驚我哋啲嘢食唔夠放，細心體貼，招呼周到，值得一讚食物亦好快上枱，我哋叫咗個紅咖喱，薄餅，馬拉盞炒椰菜苗，蝦餅，同埋一個酸辣鳳爪食物水準亦非常高，小妹本人最鍾意就係食咖喱點薄餅，仲有個炒椰菜苗，好好味，值得推介地方亦坐得非常舒適，適合朋友幾個一齊聚餐，價錢合理，我哋仲覺得開白酒好平，所以最後再叫多一支，真係飲飽食醉先至離開

因為今日喺附近工作，其實講到食飯，好多人覺得太子、旺角區好正，價錢又有兢爭性，選擇多，咁今日就黎左呢棟726，全棟都係食肆，包括有韓國野、中式、火鍋、日本野都有，總有一間啱食，咁我好多時都黎呢度。今日同同事黎到呢間泰屋，位於2樓，呢間餐廳之前有其他同事黎過，下午有啲5、60蚊嘅lunch set包埋飲品，都唔錯。而且今日晏左少少，黎到2點鐘，剛好有下午茶，更加抵食下午餐有啲炒飯、麵、湯粉，可加錢配小食，咁我地兩個就點左泰式豬手飯（午餐）、印尼海鮮炒貴刁（下午餐）泰式豬手飯 62：食過都知道佢已經起左骨，豬手會燜到好lum，而且有啲汁可以撈飯。呢度嘅豬手都一樣好軟熟，唯一就如果怕肥嘅客人，可能會介意面頭有肥脂，而且連埋皮，個人就冇所謂，一樣鐘意食。食落都好滑，亦冇豬蘇味。汁唔會好濃味，較為清淡，咁撈飯就更加健康，又冇咁高卡路里啊。印尼海鮮炒貴刁 42：下午茶關係，份量會較少，適合女士。裡面有隻蝦、魷魚、蔬菜等，貴刁切成一片片，加左d蛋炒埋，賣相都幾靚仔。味道唔會太辣，容易入口，少少惹味。由於有啲蛋，調味幾香口，都幾好食。馬拉盞炒通菜 45：呢個較重口味，不過我地諗住平日少食菜，咁點個菜送

與一班久未相逢的朋友相約食飯聚會，預左會傾好耐計，幾經辛苦搵到一間冇限時嘅餐廳。呢間餐廳都算唔錯，服務態度非常好，而且上菜速度亦都好快。我哋一共叫咗四個餸一個炒飯同埋一個炒河。下單後5分鐘左右就可以上菜了。由於太肚餓嘅關係有啲都唔記得影相。小食拼盤方面，質素正常，蝦餅非常爽脆，配以泰式辣醬簡直錦上添花。雞翼質素就一般，唔夠香口，而且中間有少少唔熟。成餐最好食就係條鱸魚，好香滑，湯底都好鮮甜，而且唔多骨，啱晒我啲懶人。食完之後，我哋都一路傾左好耐計，但餐廳侍應好好，一路都冇趕得我哋走。又搵到一團體聚會好去處了❤️

東南亞菜系中，草根好中意食泰菜😋上網見到呢間旺角泰國餐廳好似幾多人去咁，所以呢晚去旺角行街，特登揀呢間餐廳試一試~餐廳係彌敦道726號大廈，地點好易搵，成座大廈都係唔同嘅餐廳，草根己經係呢座大廈試過好多餐廳啦去到差唔多滿座，果然好多人呢餐牌有好多選擇，最終揀左一個海鮮，一個麵同甜品。星州咖喱大蝦頭（$248）Singapore Style Curry Prawn 大蝦頭一共有2隻🦐應該係先開邊，再走過油👀最後調好咗個星州咖喱汁再炒炒佢，咖喱汁其實就少少辣都無，呢點有d小失望💁🏼（但係唔食辣嘅草根姐姐就食得好開心😋 ）價錢唔平，不過咖哩汁加左蛋去炒，味道好香好好食👍🏻蝦都好大隻好彈牙🦐個汁咁正，用嚟配白飯🍚或者麵包一齊食就一流啦😆泰式蛋包金邊粉伴蝦（$82）Pad Thai以賣相嚟講👀比之前草根係 cafesiam 食到嘅差d，雖然草根對佢地個蛋包金邊粉嘅蛋網🍳有少少失望🤨，不過呢個金邊粉味道係幾好食嘅!!! (味道上較Cafe Siam優勝👅）金邊粉炒完口感仍然彈牙，唔會腍腍的，配料嘅蝦肉同樣有口感，重點係成個金邊粉調味做得夠好👍🏻，加上青檸嘅果酸🍋，酸酸甜甜地更令人開胃，絕對係泰式金

泰式沙嗲（雞／牛／豬）可選2款（$82）Thai’s Satay (chicken/beef/pork)串燒有6串，肉類可以揀兩款，草根揀咗沙嗲雞肉🐓同牛肉 🐂兩款燒得外脆內嫩真係無誇張，最難得係雞肉依然仲好juicy 又滑又嫩，每粒肉都算大嚿，絕對滿足到食肉獸🦁🦁🦁泰式炸蝦餅（$78）Thai’s Deep Fried Shrimp Cakes 4 pcs炸蝦餅一客有4件🍤，外面炸到脆卜卜，裹面仲係熱辣辣🙌🏻不過蝦嘅鮮味冇乜，調味都唔突出，好彩蝦餅肉質彈牙✌🏻呢味泰菜係草根妹妹去泰國餐廳必叫之選！原個椰盅海鮮焗飯（$82）Baked Seafood Rice in Coconut Shell椰盅海鮮焗飯都算係泰國菜其中一個特色，賣相幾吸引，加左椰肉落去炒，可惜食落唔夠椰香味🥥，始終好似差少少咁🤔好彩海鮮唔少，有青口、魷魚🦑等，用料都幾新鮮，肉質彈牙。只係係 cafesiam食過個太好食嘅椰青飯🍚呢個顯得失色d🙈

Last month, we went to a restaurant which serves Thai food and was very nice!!Ummm the location was very convenient and it was quite close to the Mong Kwok MTR station so it was very easy to spot. When we sat in the atmosphere was very good and it was well decorated. First I have ordered fried squid and the squid was well marinated and well flavoured, it was served hot and very tasty. What I like The most about this quids was that they had added some pepper and spice which made it spicy and deli