泰屋

营业中

休息中

好耐冇食泰國菜，經過呢度一於上去試下呢間！星期六既下午，入座率約九成，但都坐得好舒服，可能大部份都係梳化位的原因吧！午餐有成廿款選擇，粉麵飯任你揀！我兩人叫咗一碗泰式牛腩湯粉，連凍飲只係$49！大大碗配超多牛腩，平靚正！一碟泰式雜錦酸辣炒粉絲值得推介，粉絲炒得爽口之餘一點也不油膩！大家一定要試下！整多碟馬拉盞炒通菜，通菜爽脆也不太油，濃濃既蒜香味但又不太咸！配埋青檸梳打，好滿足！見到好多人食海南雞飯，下次一定要試下先！

中午時份與同事四出搵食，途中接過「泰屋」的傳單，結果成功做成一單生意！電梯門打開，最先見到的是數尊佛像。屏風背後是四正的用餐區，泰式風情不算濃烈。 午市餐單雖簡單，但大體包含常見的泰式美食。首先送上的是每人一碗是日例湯，湯色呈奶白，酸感重，並洋溢惹味的香茅風味。除了少了一份辣意，基本上很有冬蔭公湯的影子。 「青木瓜沙律」是追加的頭盤，只留酸爽食感，沒有帶來預期中的辛辣刺激。 「春卷拼蝦餅」屬香口小吃，蝦餅外觀金黃討好，外層脆香，只是中心部份不夠彈牙。「醃酸辣鳳爪」稍微乏味，評價中規中矩。「青咖哩雞」是小編的主菜，雞肉雖未有帶來特驚喜，但因青咖哩味道不俗，拌飯吃效果佳，評價亦不錯。 咖哩菜式除了可選配白飯外，「蒜蓉法包」也是另一個吸引的選擇！同事們的主菜...以人均消費六七十元的飯餐而言，「泰屋」能帶來好滋味。雖然頭盤小吃未算突出，但一眾主菜賣相味道勻算對辦，有機會會再來。 # 餐廳冷氣不足，需留意一下！

今日黎到泰屋，朋友一早點左菜，我去到淨係食，哈哈，環境寬敞，可能係星期一晚，人唔係好多，服務好好，食完都唔會趕我地走，上菜第一時間覺得原來唔係好大份，朋友話開頭仲擔心叫太多，細份勝在可以咩都試，滿足咩都想食嘅心理！生菜包係一個「是日驚喜」，個肉調味得非常好，好夠味，而且應該加左檸檬汁，有少少酸味，配埋生菜，真係好好食，五粒星推介，冬蔭公湯大蝦夠大隻，叫左個印度油酥餅，用黎配綠咖哩食，個酥餅有好重奶油味，個人唔太鍾意重奶油味，所以食左小小就冇食，而炸蝦餅同炸春卷夠足料！總結環境唔錯，生菜包非常好食，但份量偏小。

黎旺角食泰國菜，價錢比較平既餐廳通常都坐得唔係幾舒服。呢間泰屋價錢平得黎，仲裝修新淨舒適，而且地點距離旺角地鐵站左右幾分鍾路程，環境位置真係比極高分平日夜晚七點黎到，可能太早只有幾張台坐左人，早食飯就有呢個好處，唔洗同人逼餐牌選擇非常多，幾乎你諗到既泰式菜品都有。單單係泰式魚，已經有幾款選擇雖然單看價錢唔算好平，但出品份量足，計返好抵食！我地點菜之前唔知咁大碟，唔小心叫太多食唔曬落完單十分鐘之內全部上曬，速度快到令人驚訝！朋友好開心因為佢最鍾意一次過一齊食全部嘢醃肉碎生菜包$88我同朋友一致認為今晚最好食係呢樣！雖然好辣但係我地都停唔到口，邊叫辣邊繼續食肉碎加上香料炒得香濃惹味，加上爽口既生菜包住食，口感豐富最抵讚係生菜好新鮮，唔似某d餐廳會比發黃既生菜。冬陰功蝦湯$88泰屋既冬陰功湯椰奶味重，酸味同香茅味突出，反而感覺不到辣味。適合唔食得辣既香港人飲。泰式酸辣鳳爪$78份量非常大碟，應該起碼有十幾隻。無骨鳳爪爽口入味，酸甜辣既調味非常適合夏天做開胃菜！配上大量既洋蔥同小番茄，又係食到停唔到口。泰式濕炒雞河$78比起乾炒河，濕炒河的味道比較清淡。河粉上淋上濃稠的醬汁，配以大量材料例如各

泰屋森仔今星期想食下泰國野，特別係芒果糯米飯😍😍😍😍所以決定同朋友去旺角泰屋食餐好既🤓先講下個環境先。地理位置都算幾方便，係旺角站行5分鐘就到。而餐廳內的裝潢很新式，同時亦有淡淡的泰國風😀😀最重要係座位坐得很舒服，和隔離客人有一段小距離，不怕談天會讓人聽到。講反食物質素先。森仔同朋友今次都叫左5款食物，包括：泰式鮮蝦刺身，冬陰公，小食拼盤（細），泰式金邊粉和甜點🍮芒果糯米飯。泰式鮮蝦刺身：森仔覺得個外相值100分，和外面的蝦刺身有一點不同，此餐廳用左一個小杯盛載著鮮蝦刺身加上生菜，蒜頭，辣椒🌶️等配菜，再加上惹味的醬汁，一絕👍🏼👍🏼不過，不食辣的朋友留意，此菜式也蠻辣的😂😂冬陰公：這個是森仔覺得在當天最好味的。湯身不太辣，但有濃濃的椰味，再加上酸酸辣辣的，真係好正！而當中很貼心，配有開邊蝦，方便客人進食🤓讚👍🏼👍🏼小食拼盤（細）：這個拼盤中共有四款小食。泰式雞翼：雞翼奄得惹味，煎得香口，熱辣辣沾上泰式酸辣醬， 極為好食！炸魚餅：魚餅中調和了魚肉和各香料，森仔個人一般😂不過沾上醬汁，亦是很好食的。炸蝦餅:蝦🦐餅有很濃的蝦味和蝦肉，係幾好食的炸春捲：森仔個人馬馬這個，不過炸得夠熱！泰式金邊粉

今日想食辣嘢！第一時間諗起泰國嘢！去Openrice見到風評唔差，就walk in入去。見到好多泰國像，好有氣氛咁呀！一入到去已經放好哂餐具同餐牌！環境都好好呀！大部份都係sofa位,坐得好舒服喔！珍多冰～係我必點嘅！椰汁味濃，一睇個賣相就知佢落足料！黃咖哩雞～汁唔係杰身那種！但好夠味！除咗雞，仲可以選牛同豬，配菜有豆，西蘭花，椰菜花，蘿蔔……等等叫咗佢，似乎唔叫菜都得！因為好夠纖維喇！馬拉盞炒通菜～食炒菜一定要食鑊氣！除咗味道同鑊氣之外，當然要睇吓菜本身會唔會好老同難咬喇！好彩，呢個菜無令我失望！椰盅海鮮焗飯～喺menu見到呢個item簡直係叮一聲！相信佢嘅霸氣會吸引到唔少人！嚟到果然好勁吓！除咗佢嘅外表，內裡都裝到好多飯，份量係比我預期中大好多，而海鮮方面每種都有2件，兩個人share剛剛好，海鮮算係新鮮！同個汁都好夾！大推！蒜蓉包～叫得咖哩梗係要叫埋佢喇！個蒜蓉味都好出，其實唔點汁都好好味，我最怕食到焗到個包硬哂蒜蓉包，而呢度就唔會咁！外脆內軟！芒果糯米飯～甜品係一定一定要食㗎！芒果好甜呀！而個飯係兩色㗎！切開好靚呀！最鍾意見到啲又靚又好食嘅甜品！Remarks:隔離枱有個BB,

又到咗收工時間 ，本來諗住一個人食飯， 點知老婆打電話嚟話突然間可以收早 ，叫我過去陪佢食飯。 無奈的我只好過去 佢帶咗我去旺角樓上一間泰國餐廳 ，可能提早收工冇乜人 ，環境都好舒適 ，服務員都好好禮貌好親切。 我哋叫咗啲串燒。， 有牛肉同埋雞肉 仲叫咗個青咖哩鮮蝦炒飯 泰國椰菜苗炒馬拉盞， 飲品方面叫咗一個芒果沙冰 ，仲有杯龍鳳果梳打 甜品方便 ，叫咗個芒果糯米飯 ，我個人推薦嗰杯龍鳳果梳打， 真係好飲賣相又好靚好吸引， 青咖哩鮮蝦炒飯同芒果糯米飯我都覺得好好味， 如果大家經過可以去試下。

今日突然有得收早😝，所以就叫老公出黎等我收工去食晚餐，因為好想食泰菜，所以我問朋友有咩好介紹，佢話佢食過呢一間，唔錯，叫我去試下，所以我就打電話去訂左枱先😝，上到去就可以入坐啦✌🏻，環境唔錯，服務員亦都好好禮貌，1）串燒沙爹（牛同雞），沙爹味好香👍🏻，而d牛肉同雞肉唔會燒到太干身，仲有肉汁，好食🤤，2）泰國椰菜苗炒馬拉盞，好野味，味道剛剛好，唔會太咸，3）青咖哩鮮虾炒飯，好重青咖哩同椰奶味，飯入面有少少菜，虾🦐非常爽口，4）芒果糯米飯，糯米飯上面淋上椰奶，好香甜，芒果好甜，好正😱，5）芒果沙冰，用新鮮芒果整既，唔會太甜👍🏻，龍鳳果梳打，入面有龍眼肉同波蘿，甜甜地，好好飲，整體來說值得一試👍🏻

星期六我老公出旺角食飯，見到有一棟大廈有好多嘢食，老公突然話想食泰國菜咁我哋就去試吓啦。一去到就有位啦，我哋叫咗四個餸，紅咖喱雞，炭燒豬頸肉，金柚有大蝦沙律，馬拉盞炒介蘭。仲叫咗兩杯嘢飲，椰青同芒果沙冰。啲餸菜我就覺得不過不失啦，而芒果沙冰就有少少失望覺得芒果味唔係好夠。不過呢度啲服務都幾好，雖然好忙但啲侍應都好有禮貌。

今日同三五知己去咗食我最鍾意食嘅泰國菜，地點極之方便，就正正喺地鐵站行過去幾分鐘就到嘅路程，雖然話係要上樓，唔係地舖，不過大堂有三架lift，上上落落都好快，都唔駛等好耐！ 上到去，由於一早已經book咗位，所以都即刻有得坐，環境衛生企理，每一張枱都有兩份大menu，就唔使怕同朋友爭黎睇啦！菜單上可以選擇嘅泰國菜比一般泰國餐廳種類都算多，最正係甜品都有好多款，真係樣樣都想試，哈哈！第一碟上菜嘅前菜就係好出名嘅泰國菜，生蝦沙律，蝦爽口新鮮，而且都好彈牙，用杯仔上碟真係十分之盞鬼，而且咁樣食亦都好衛生。醬汁亦都非常之夾，只係唔食辣嘅我，覺得有少少辣，不過都可以接受！第二道菜係冬陰公湯，隻蝦仲十分之大隻，我哋一行四人，每人都可以食到半邊蝦，從來都唔食辣嘅我，唔係間間嘅冬陰公湯我都頂得住，因為有啲真係辣到完全入唔到口，而今次呢一間嘅冬陰公湯我竟然飲咗兩大碗，真係好好味，用料亦都十分之足。佢嗰陣味道，同我去泰國飲嘅冬陰公湯真係好似，所以如果懷緬泰國嘅冬陰公湯嘅朋友真係值得一試，你會搵到好多味蕾嘅回憶！第三道菜係蒜蓉炒通菜，呢度才上左唔夠10分鐘就差唔多清左大半碟，蒜蓉炒得十分之香口，通菜亦都唔老

朋友介紹食呢間泰國菜 一入去好多人要等位 好在等位嘅地方都有得坐 唔至於要企住等入到入面啲冷氣好凍 叫完野食之後都算上菜上得快 我地兩個人 叫咗兩個小食 1. 海鮮冬陰公湯 2. 串燒 我地揀咗雞同牛 每款都有3串一個主食 1. 蛋包金邊粉 好好食 啲材料好足食物唔算辣 我本身係一啲辣都唔食得 但呢間啲野食我都接受到 所以怕辣嘅朋友都可以試下呢間泰國菜整體來說 環境除咗凍得濟 啲座位都幾舒服同乾淨 食物質素都唔錯 幾好食 啲侍應都係有求必應下次會再去

約左朋友放飯時間見個面 佢帶路黎呢間食平價泰菜平市套餐款式幾多 包埋湯同飲品平均$50/款 市價黎講絕對吾算貴餐湯係冬蔭公湯 酸辣度一流細細碗真係飲到lam lam脷黑洞叫左泰式煙鴨胸伴飯估吾到鴨胸份量會咁多 足足一行值得一讚伴碟有菜 吾止一條喎感覺上平衡d比較健康有菜食朋友仔泰式乾海鮮河 有大蝦 魷魚 青口河粉味道同炒牛河有點似整體吾太油膩 吾錯我地另外再加個小食-炭燒豬頸肉薄切豬頸肉夠冧 而且又係好大份餐飲飲左好耐無飲既阿華田整體呢間CP值好高 只係幾十蚊個餐但用料同份量都交足功課

今日慶祝朋友生日，一早就約左預約埋泰屋平時食開泰國野，都會係諗起九龍城 但今次試呢間 又吾菜wor 真心🤤🤤🤤不過可惜呀 一去到已經諗住即刻落兩碟生蝦😩點知已經賣哂，果陣只係8點咋😭😭😭其他食物真係平靚正👍🏻泰菜黎講差吾多～ 佢個芒果糯米飯真係十萬個推薦🤟芒果又夠甜🤤不過最後因為大家都食得太飽 所以就4個女仔share 一碟 ，而我係最冇用的一個😂只係.....食左一舊芒果 咁就為我既晚餐落幕😂

平時食lunch，嚟嚟去去都係個幾間，今日就走到嚟726號呢橦嘢試一試d餐廳，幾個朋友想食泰國菜，喺樓下拎咗張傳單，見到都幾平就試一試叫完嘢食冇耐嘢飲就到，叫咗杯泰式嘢飲，青檸梳打，成杯嘢都好甜，唔係好飲到青檸嘅味，建議下次可以問下有冇得叫少甜跟住就係冬陰功湯，個湯味道偏向咸同酸，雖然成碗都紅紅橙橙咁，但飲唔出辣味最後就係主菜--豬頸肉炒公仔麵。豬頸肉份量唔算少，而且每片都好大同好厚，半肥瘦嘅豬頸肉咬落去有口感，唔會太油或者太乾。個公仔麵就有d失望，太多汁搞到成個炒公仔麵好腍，而且個汁有d咸，食完一定要飲野

我唔係一個食家，本身食野要求係唔高。但係真係唔好食，5個人叫左泰式生蝦，泰式柚子沙津，燒豬頸肉，串燒，燒大頭蝦，泰式炒粉絲，烏頭魚。 全部都係泰式餐廳的大路野。生蝦 ok, 柚子沙津真係一碟柚子咁，唔辣又無咩味，燒豬頸肉唔係炭燒不過肉尚算係嫩，串燒好普通醬汁唔出式，燒大頭蝦先伏，78蚊一隻，唔好食唔彈牙，泰式粉絲衰過我自己煮，粉絲好淋而且完全唔泰式，烏頭魚一樣係普通貨式。。。由叫菜加上菜加食完一個鐘已完成，上菜快到好似趕你走咁，而且每碟都好少，5個女仔都唔夠飽已經要成260一個，唔抵食重要加唔好食。