泰屋

营业中

休息中

琴晚唔知食咩好，唔想諗，一於就去返食過幾次嘅 #泰屋 食個便飯其實之前都嚟食過幾次，貪佢地點就腳 (彌敦道)，同埋食物質素keep住都唔錯今次就食咗個泰式濕炒雞肉河，同埋馬拉盞炒通菜睇圖都見到個河粉好足料，啲餸嘅份量係遠遠多過啲河粉，所以完全唔怕食到最後會無哂餸🤤 河粉係粗身嘅，份量比平時其它餐廳少，咁先好☺️ 唔駛食河粉食到飽，試唔到其它餸馬拉盞通菜炒得好入味，成碟菜都好嫩， 兩個人食，話咁快就清哂碟菜👍🏻

很久沒有吃泰國菜，跟朋友約在726 彌敦道的泰屋，試一下味道如何。726 彌敦道位置十分方便，只消幾分鐘，便可到達旺角地鐵站。餐廳提供的菜式種類很多，單單是前菜/小食便有20 多款選擇。而且店內座位都算多，跟多點朋友一起來應該也能安排座位。泰式生蝦刺身 ($108) 生蝦新鮮彈牙，配埋特制泰式辣汁，非常開胃！咖哩軟殼蟹 ($208) 軟殼蟹外脆內嫩，咖哩香濃帶甜味，剛好中和了生蝦刺身的辣味。農夫包配上咖哩汁，簡直一絕！青木瓜沙律 ($78)木瓜絲切得非常整齊, 粗幼一致。幼身的木瓜絲吸收了酸甜的dressing，令人更有胃口。鮮芒果糯米飯 ($ 48)黃澄澄的芒果新鮮香甜，配上黑白糯米飯及椰汁，令口感煙韌。

上次偶然食到泰式鹽燒魚，一直念念不忘，好想再食，今晚放工就近近地係附近揾間泰國菜館止下癮。餐廳裝修簡潔但都門口帶點泰國特色。上次叫鰂魚，今次則叫鹽燒盲曹，肉身一樣咁滑，吾洗用醬汁已經好有鮮味，但附上既醬係泰式酸辣醬，好醒胃，唯一係偏辣一點，不過可能咁先係正宗。另外叫左個椰菜苗，呢隻菜雖然係泰菜名物，但吾係好多香港泰國餐廳有，所以見到餐牌有一定要叫啦。菜炒得幾爽口，今次揀蒜蓉嚟炒，吾會好濃口味，唔係用嚟送飯都吾覺得喊。牛肉湯河的湯底夠清甜，而且幾大碗，好多片牛肉。最後一定要叫男友至愛既芒果糯米飯，芒果已經好熟所以已經好淋甜，糯米有黑白兩層，雖然味道一樣但賣相都算幾有誠意

旺角有好多好有特色的外國菜，每次去親旺角食飯都令到我選擇困難症發作，所以每一次都係由女朋友拍板食咩，我就通常冇咩所謂～呢間餐廳每次經過彌敦道都見到個招牌，由於我地都鐘情於泰國菜，所以打算今日來食個明白～餐廳裝潢的幾有泰式風格，放置左好多泰國的神像，好有特色～三色冰我其實都幾鐘意泰式飲品，呢杯三色冰以椰奶作主調，奶味香濃，飲落唔算好甜，讚呀👍泰式牛肉炒粉絲原碟上枱好大碟，用牛肉同唔同蔬菜一齊炒，呢度既炒粉絲有可以自由選擇肉類，我就揀左牛肉炒粉絲，食落好夠鑊氣，食過番尋味呀～

星期五晚同好姊妹聚舊食生日飯，揀左地點方便大家既旺角，第一次黎呢幢大廈，原來有咁多餐廳。朋友推介呢間泰屋，餐牌同其他泰國餐廳無乜分別，我地都係揀d大路野。泰式生蝦 - 生蝦夠新鮮無臭味，食落仲會彈牙，配埋泰式辣汁、生蒜同辣椒，非常惹味開胃！咖哩軟殼蟹 - 軟殼蟹新鮮炸起，脆卜卜，好香口，咖哩好香唔太辣，同埋軟殼蟹一齊食好夾，好味到食唔停口。下面既農夫包外脆內軟，索晒咖哩汁，正！蒜茸包 - 因爲唔知咖哩軟殼蟹係連農夫包，所以叫多左個蒜茸包諗住蘸咖哩。個包烘到脆卜卜，蒜茸好多又好香。明爐蒸鱸魚 - 食泰國菜又點少得食明爐蒸魚，條魚有d大，配料好多，好難夾到魚肉，魚有少少腥，湯汁算鮮甜，可以遮到魚腥味。泰式小食拼盤 - 都係d大路野，春卷、蝦餅、魚餅同雞翼，正常，無乜特別。旺角區泰國菜唔算多，呢間算係中規中矩，可以一試！星期五晚一定要早d book位，如果唔係就要攞飛等位。

雖然旺角有很多好東西吃，餐廳也很多，但要找一間好吃的泰國菜，也不容易呢。今晚試這間泰菜，本抱著一試無妨的心態，最終竟有驚喜呢！沙嗲串燒 (牛肉和雞肉） $85串燒熱辣辣，而且肉的表面燒得脆脆的，很香口，肉類本身已有調味，不過沾上沙嗲醬後更加惹味。原隻椰青焗海鮮飯 $88 賣相很吸引！ 椰漿多到滿瀉，視覺效果滿分。除了表面有椰漿外，其實中間的飯每粒也沾滿椰汁，椰子味很突出，整個飯都很清甜！ 泰式青檸鱸魚 $178 鱸魚上面鋪滿蒜蓉辣椒，還有不少青檸片，味道酸酸辣辣，很開胃。因為鱸魚有爐熱著，所以餐廳還附上一碗湯底，當鱸魚的湯底差不多蒸發乾，就可以添上湯底，防止黏底，很窩心。

今個週末，由於我和寶寶有事要到旺角一趟，因此我們便順道在這區午膳～回想起來也有段時間沒有在這裡午餐了...所以還是openrice 了一下😆 近期吃西餐及日式較多，今天我們挑選了間泰式餐廳～可能因為是樓上鋪的關係，因此價錢一點也不貴，絕對是平民價。👍🏻我們今天點了「乾炒泰國金邊粉」、「青咖喱牛肉配法包」，令加了個小食「春卷拼蝦餅」🤤，而飲品則選了個「椰汁冰」及熱檸水。上菜還挺快的，我們點菜後10分鐘左右，已經來了第一個菜—乾炒泰國金邊粉。色澤豐富，很足料，不過就算不上是一個干炒金邊粉了，因為水份挺多的，但我個人來說也挺喜歡這個「濕炒」金邊粉，因為味道不錯，不算太酸，很合我口味。店員隨即給我們兩個餐湯，其實午餐Menu上是沒有提及過有餐湯的，所以對我們來說這個餐湯是個bonus😎想不到這個餐湯也蠻不錯的，雖然是白色但味道跟泰式冬陰公湯很相似，酸酸辣辣的，惹味又開胃。法包上面有牛油及蒜蓉，直接食用也經已非常美味，令我有點捨不得把這個蒜蓉牛油法包沾到青咖喱裏🙈，但沾上青咖喱一併食用，又是另一種泰式食法，但只有三片法包份量略嫌少。青咖喱牛肉份量很多，碗入有不少蔬菜及牛肉，我們把碗入面的所有東西

好食但服務態度超差！揀左呢間地點方便 餐廳內環境也不錯 。前2日book枱 book 7點30 然後話要9點交枱 咁我都答應ok 點知當晚7點35入座 8點30突然被要求埋單同埋話要交枱 但當時仲要未食完野 去到8點45分 有一個亞姐走埋黎 兇惡加猙寧既樣 對住我地講 「d客等緊張枱架」迫我地走 結果大好心情被破壞！本來食物好食 其他員工一直好有禮貌 就係埋單之後要受氣被人鬧！！！係好食 但唔係得你呢1間好食 以後一定唔會再幫襯！（為左留呢個comment 我仲即時特登開返個account）

朋友介紹，第一次來泰屋用晚餐冬陰功湯 叫咗個大嘅 ，三個人可一人有一碗。裏面材料都豐富，有三隻蝦 ，味道都幾好， 唔會太過 辣。龍眼冰唔太甜， 不過龍眼唔夠多 ， 飲嘅時候龍眼 既味道 唔太濃郁。叫左一個併盤，可以自己揀要咩併，我就揀左春捲拼蝦餅， 蝦餅熱辣辣好有蝦味 ，似即叫即做。春卷裏面嘅材料豐富唔太油膩，點上醬汁好好味。雞肉炒粉絲，雞肉嫩滑 加上用啲 黃芽白同埋啲 菇 一齊炒好味😚馬拉盞炒雜菜，裏面竟然有唔同種類嘅雜菜，例如有 粟米仔 紅蘿蔔 加埋幾款唔同嘅菜 ，炒起上嚟非常豐富好味😋又唔太辣又唔太鹹😝甜品叫左芒果糯米飯，味道幾好食，芒果唔酸，都幾甜。 不過份量就少咗啲。。 可能係畀一個人 享用😆

泰國菜，是其中一類，香港人喜歡的菜式，我亦不例外。女朋友在旺角行完街後，便跟兩位朋友會合，一起去了這間，位於旺角的泰屋。旺角的泰式餐廳不少，要立足，一定要有一定的水準。泰屋，位於彌敦道726號，交通方便，由旺角站行去，只需要數分鐘。一行四人，六點半到達，可能因為星期天，客人的數目不多。環境不細，坐得亦相當舒服。由於太肚餓，很快便選好食物，選了一個湯，五個菜，四杯飲品。飲品，分別是原隻椰青，青檸梳打，香矛茶及榴槤咖啡沙冰。香矛茶，茶中有薑，檸檬，蜜糖，十分滋潤。不得不提，咖啡榴槤沙冰，入口先嘗到榴槤味，再嘗到咖啡，相當有趣。湯，當然是冬陰公鮮蝦湯，由於只有兩個人飲，所以要了一個細的，88元，份量只有一碗，材料不少，以且因為湯中有不少蕃茄，味道清甜，不算辣。五個餸，分别是海南雞，椰盎海鲜焗飯，泰式濕妙，串燒，及農夫包咖喱軟殼蟹。當中以椰盎海鲜焗饭，印象最深，椰子的清甜跟飯香混合得很好，以且每一口飯都有幾粒椰子肉。農夫包咖喱軟殼蟹也不错，軟殼蟹香脆，带胡椒味，咖喱香甜，可惜包不夠鬆軟。四個人，九百多元埋單，不貴不便，但菜式適合香港人的口味。泰屋地址: 旺角彌敦道726號2樓緣份天成，初心為本

餐牌種類幾多，小食，飯類，粉類，肉類。。。冬蔭公海鮮湯-細size濃度十足，配合蝦，酸辣帶點鮮味。海南雞半隻雞都多，但略嫌唔夠滑。串燒（豬同雞）依度串燒比起其他地方做得較好，因為平時食好嚡口，好乾。依度就啖啖肉，加埋個汁，好jucy。濕炒肉片河河粉粗身，粉既分量唔多。但配料同肉分量好多，食餸多過食粉，幾好。原個椰盅海鮮焗飯飯面有椰漿，焗飯好香椰香味，飯內有椰子肉，配合雜豆同海鮮，清新。農夫包咖哩軟殼蟹咖哩唔辣，絕對適合唔食得辣既朋友仔。軟殼蟹夠脆身，可以加埋麵包一齊食，配白飯亦可。榴槤咖啡沙冰飲品特別，一入口榴槤味好重，之後咖啡味湧出口腔，有趣。

My friends and I didn't have to wait for a table despite arriving at the restaurant with no booking, not to mention it was a Saturday night and around 7:30pm. After sitting down, we were promptly given water and a menu. Our waiter's English was good, took our orders down without any trouble and was a polite server. To our surprise, our first dish arrived within about 6 minutes of us ordering it.We ordered the following dishes: duck in green curry, spicy salt squid, pork fried rice, water spinach

星期日同老公去左旺角買嘢，一路買到太子，覺得有㸃攰又餓，找間食店食晚餐，記得附近有間樓上店泰屋，之前食過吾錯，難得今日來到，就去回味一下吧！每次來泰屋都座無虛席，就知食物吾錯。泰式濕炒河(豬) ：用料都豐富，已經蓋過河粉，豬肉片林滑、菇類爽口，個獻汁調較得吾錯，河粉滑溜。海南雞半隻 ：雞已去骨，皮滑肉嫩，配薑蓉帶咸味，配泰式酸辣醬就惹味些。油飯：軟硬適中帶香味。泰式沙嗲串燒 (豬、雞)：串燒火喉控制得好好，燒到金黃色但仍保持肉質鮮嫩有汁，豬肉和雞肉都好入味，點些自家製沙嗲更惹味！象啤 ：食泰菜老公和飲

放假天與友人於非繁忙時間來到726樓上，試試這間泰國菜 - 《泰屋》，地方非常寬敞，是4人/6人位為主，適合情侶、朋友、大夥兒來聚餐。醃酸辣鳳爪$78泰國菜必點的酸辣鳳爪，不過不失，味道方面可以再酸一點醃肉碎生菜包$85是晚最喜歡是這道生菜包，辣度剛剛好，食到尾越食越辣，好過癮冬陰公鮮蝦湯(小)$88味道偏向較酸，海鮮量亦十分足夠，配有新鮮大蝦，二至三人的話，點小份都可以了泰式濕炒河$78河粉是闊邊河粉炒的，與友人都認為河粉的量有點過少，配菜與雞肉可以減些少。整體來說，在鬧市中是性價比高的一間泰國菜

今次黎左旺角嘅泰屋食飯。 一出𨋢全層都係佢既,地方算幾闊落整潔。佢哋個餐牌好多種類。一般大路泰國菜。例如:冬陰公湯,串燒,菠蘿炒飯之類都應有盡有。我哋就揀左 d 特別少少既食喇。炭燒金沙骨$82平時見多數係炭燒豬頸肉, 見到有金沙骨所以就試一試。 因為金沙骨有骨頭既關係,所以燒完之後特別香,金沙骨部位有肥有瘦,唔會太鞋。不過用炭燒嘅方法略嫌會乾身左d~~~炭燒肉就係要到有少少燶邊先至好食~~♥泰式香芒軟殼蟹$148軟殼蟹炸到脆卜卜,咬開入去就有軟綿綿嘅蟹肉,加埋香芒酸酸甜甜,好食 👍除咗新鮮芒果之外,佢再用咗芒果醬去炒, 所以唔怕啲芒果會酸。 一碟裏面有好多隻軟殼蟹架~~不過食嘅時候要小心啲。😅佢碟餸入面有d指天椒扮軟殼蟹腳😂😂我就係食錯咗,辣到我係咁飲咗水🙈🙈見到有個好特別嘅麵食-泰式兩面黃$78兩面黃明明好似係上海嘢架~~唔知泰式係點呢?有得揀豬牛雞,海鮮另+$10。我哋就揀咗牛肉兩面黃本身就係將啲麵知道煎到兩邊都脆。佢就係用幼麵煎香兩邊到脆身,什菜牛肉炒埋加埋芡汁倒落去。 感覺都幾得意, 唔使次次食泰國嘢都食炒金邊粉或者菠蘿炒飯 👍 整體嚟講 份量足 味道都唔錯 👌👌