泰屋

营业中

休息中

今日想食辣嘢！第一時間諗起泰國嘢！去Openrice見到風評唔差，就walk in入去。見到好多泰國像，好有氣氛咁呀！一入到去已經放好哂餐具同餐牌！環境都好好呀！大部份都係sofa位,坐得好舒服喔！珍多冰～係我必點嘅！椰汁味濃，一睇個賣相就知佢落足料！黃咖哩雞～汁唔係杰身那種！但好夠味！除咗雞，仲可以選牛同豬，配菜有豆，西蘭花，椰菜花，蘿蔔……等等叫咗佢，似乎唔叫菜都得！因為好夠纖維喇！馬拉盞炒通菜～食炒菜一定要食鑊氣！除咗味道同鑊氣之外，當然要睇吓菜本身會唔會好老同難咬喇！好彩，呢個菜無令我失望！椰盅海鮮焗飯～喺menu見到呢個item簡直係叮一聲！相信佢嘅霸氣會吸引到唔少人！嚟到果然好勁吓！除咗佢嘅外表，內裡都裝到好多飯，份量係比我預期中大好多，而海鮮方面每種都有2件，兩個人share剛剛好，海鮮算係新鮮！同個汁都好夾！大推！蒜蓉包～叫得咖哩梗係要叫埋佢喇！個蒜蓉味都好出，其實唔點汁都好好味，我最怕食到焗到個包硬哂蒜蓉包，而呢度就唔會咁！外脆內軟！芒果糯米飯～甜品係一定一定要食㗎！芒果好甜呀！而個飯係兩色㗎！切開好靚呀！最鍾意見到啲又靚又好食嘅甜品！Remarks:隔離枱有個BB,