泰妃雞 (已結業)

晏就黎到旺角食LUNCH，咁岩行到新寶果邊，見到呢間門口有個牌午餐牌，粉麵一律$25，又幾抵WOR。雖然舖頭既裝修唔多，但係入面都有唔少人幫襯，應該都唔係伏黎掛，入去試下先。點左一個麵同埋一個飯食。香茅豬扒湯河熱辣辣黎到既湯河，湯底就濃味，連埋D芽菜冬菜一齊食好好味，我就好鐘意佢呢陣味，D河粉又夠滑。雖然夏天食麵有D熱，但係我食完又覺得幾開胃。可惜既係，D豬扒太乾，就算浸左湯食都麻麻地，呢個係碗麵既敗筆。如果佢可以做到D豬扒更嫩口，就會更加加分。海南雞飯配青檸梳打朋友就點左海南雞飯，果然係招牌菜！D雞肉好嫩滑，配埋佢地個秘製既醬汁，少少辣又少少酸，除左用黎點雞，用黎撈飯都好好味。 海南雞飯 +$5 仲可以配埋青檸梳打做餐飲，爽哂。

今日午餐揀泰妃雞，因為有人順便買埋，所以任人拍板了，最終買回的是香矛豬扒河和熱咖啡。值得一讚係他們會將湯和面分兩個外賣碗上，確保啲面唔會因為時間而發漲又淋哂。不過，當然好唔環保啦！食完最大印象係塊豬扒無骨，啖啖肉，又剪好成細小塊，即使女仕吃都不會失儀。味道就一般囉，覺得都係基本香矛豬扒味，但杯咖啡真係真係好好好好好難飲！衰過自己冲粉咖啡😣。總結，食物安排上夠細心，但味道上要下功夫。

今日，在旺角品嚐了一家海南雞飯的餐廳，雞肉很滑嫩，醬汁很開胃，跟普通餐廳的海南雞飯差很遠，這家做的非常有水準，雞肉的惺味一點點有沒有，就是餐廳的碗筷比較油，希望可以改進！

今次來食呢間食海南雞飯, 碟飯一上枱, 雞和飯的份量都頗多的, 而且件件雞都是去骨, 可以啖啖肉都不錯!! 但賣相就比較一般, 望落幾件雞都比較乾, 食落口不算是嫩滑既感覺, 雖未至於"鞋"口, 但個人覺得不是海南雞應有的質地, 好像和燒味那種切雞飯比較接近 今次海南雞和油飯是微暖的. 油飯的色水很夠黃色, 但味道卻沒有太濃的油飯香味, 不過油飯的質地還不錯的, 不會太稔身, 又不會太硬. 另外每碟海南雞飯都會配一碟醬料, 他們的醬料味道保持到水準, 我唯有多點醬料來吃 感覺會好吃一點. 醬料酸酸辣辣, 很惹味~  

可惡呀！😤我點了紅豆冰要少椰汁，男友點了椰汁冰，兩杯有咩分別呢請問？！😈😈😈咁我們向侍應查問清楚啦，同佢講話：係少椰汁，唔係小紅豆喎？！侍應：係呀，紅豆本身得咁小，係少左椰汁咋！😰我不禁覺得好失望，可能我太耐無在呢度飲紅豆冰了……以前一定唔係咁嘅！可能名氣大人流多，也不愁沒客人，品質愈來愈不是那回事！連馳名的海南雞雞腿(海南雞金邊粉$54,雞腿還要加5塊,泰式飲品：即是紅豆冰又要加5元，而最終我一啖都無飲過！)加了5元的雞腿，唔知係咪天氣凍的關係，簡直好似在雪櫃拎出來就俾客人食的感覺！所以儘管金邊粉其實都幾好味，但overall我覺得dislike呀！

心血來潮好想食泰國野 冬陰功味道唔太辣但依然夠濃味 酸味適中啱晒唔食得辣但又想食泰國野既朋友仔😁只係蝦既鮮味唔夠 雞皮唔算肥可以食埋佢😁😁 雞夠嫩滑個飯就乾左少少同唔夠雞油味 雞同豬都唔錯 唔會燒到韌但牛肉幾肥 幾舊都有肥膏味道唔錯 份量都幾夠配埋個汁就正晒！如果燒燶少少應該會香口d呢個係我地既摯愛！充滿蒜香！唔太咸4個人食左$305 每人一百蚊都唔洗

泰妃雞今日去睇張家輝新戲，係恐怖片，所以一窕食野先。 男朋友話去食泰妃雞 。叫左海南雞飯，水準同份量都OK，油香飯夠硬身又唔稔，雞肉又已經起骨，啖啖肉，正！另外又叫左雞亦河粉，可惜雞亦太硬。雞肉同豬肉串燒都唔錯，點埋個醬哂哂好!! 

星期六晚來到旺角諗左好耐唔知食乜先好，行過泰妃雞見佢門口話自己嘅海南雞好出名好好食而且價錢又唔貴就試下啦，一行4人等左成20分鐘先有位。 坐底之前，都幾逼下...好似快餐店咁 叫左個泰式豬脾飯，海南雞飯，炒金邊河同串燒拼盤 原本以為係平時食開嘅泰式豬手飯，所以叫左，上到先發現唔係果種口味，似係淡滷水豬脾，冇咁香 炒金邊粉都還可以嘅係蝦比較重雪藏味朋友話哩個最好食 海南雞飯個飯係雞油飯都幾香但雞就差啲，冇乜雞味可能香港嘅雞始終都係雪藏冇新鮮好難食到星馬泰嘅雞飯味 串燒...有豬牛雞司華力腸雞軟骨同雞腎....雞腎得果3粒仔唔知以為係比人食完嘅好奇怪 佢地嘅醬汁都係偏開香港口味，唔知係咪要就返香港人口味，整體上黎講唔算好差但唔係特別好食，似係港式泰國茶記 價錢都中中等等，旺角黎講都係咁上下

今天同男朋友在旺角逛完街，就去了附近的(泰妃雞)吃晚飯，平時經過常常看到很多人等位，但今次沒有人等位，當然要來試試。雖然餐廳內裡不大，但座位也很多，環境也很乾淨，一坐下就立即看餐牌，食物種類好多，有飯有炒粉麵有湯麵還有二人餐和四人餐，滿足不同需要的客人，真的很好。今次我們只就只了干炒牛肉河,墨魚丸米線和泰式串燒﹐兩個人吃已經非常飽非常足夠了。首先來的是我點的墨魚丸米線，這墨魚丸米線的湯底濃濃的不會像外面吃到像水一樣的湯底，墨魚丸連同湯底一起吃非常美味，吃到最後湯竟然給我喝了一大半。然後來的是干炒牛肉河，本來我還以為會很油，但吃下去一點都不油，牛肉味道有點濃但何粉味道就較淡，一起吃好好味，但牛肉就小了一點，不過味道真的很好。最後就點了半打的泰式串燒，分別叫了雞肉,豬肉和司華力腸各兩串，剛好我們每一每種各吃一串，雞肉很滑很彈牙，豬肉就硬了一點但味道也不錯，最鐘意就這個司華力腸很貼心都已經切開方便進食，加上配上的沙嗲汁一起吃真係好好味，下次一定要再帶朋友來吃串燒。

小妹是海南雞怪我真的很愛海南雞飯那個醬汁美味無窮 無次都讓我不停吃…今次小妹又試了不同家的海南雞位於旺角的泰妃雞小妹還是第一次吃呢點了一客海南雞 還點了小菜不過當中最愛還是海南雞飯那個飯不會太油膩 而且軟硬適中最棒的是雞肉沒有半點粗糙 十分細嫩價錢也很親民 只需50大元呢!最重要是的那個汁真的棒 酸酸辣辣 食完很開胃下次再為大家介紹別家的海南雞飯吧

My favourite place to have Hainanese Chicken! The rice was so tasty, it was not too oily. The chicken had no bone at all, they were very smooth, tender and easy to chew. The chicken skin was so tasty, you don't really need to dip the chicken into the sauce, it was full of flavour! The pork thigh was very yummy as well. It was very tender and full of flavour. The skin was so yummy, it was very easy to tear off.

聽到餐廳個名都知招牌菜係海南雞飯啦！每次一心都試下呢間餐廳，所以就尊程黎食。中午12點幾黎到，可能係平日，店內的人唔多，所以一入去就有位。大部份人唔係食海南雞飯就係食金邊粉，我就叫左海南雞飯。海南雞飯連野飲一共要$52，同其他餐廳比唔算太貴，因為一般既海南雞飯都要$50以上。落單10分鐘左右就有得食，果然夠效率！飯既份量相當多，一個女仔既未必食得晒，雞的數量亦剛剛好，不過味道方面就麻麻。首先佢既雞飯只有一個醬汁，醬汁甜甜辣辣幾野味，不過如果多d選擇就更好。平時既海南雞飯通常都有兩至三個醬汁，比較適合我呢個鍾意試唔同味道既人。油香飯幾香濃，不過太爛太腍，而我又特別唔鍾意爛飯，所以扣左好多分。雞既賣相唔錯，拆晒骨好方便食。雞皮同肉一夾就分開，我怕肥冇食到皮，d肉就唔太肥，而且尚算嫩滑，配飯食都易入口，不過就冇咩雞味。奶茶唔錯，一般餐廳黎講合格有餘。總結：海南雞飯以呢個價錢黎講可以一試，不過就絕對唔係我食過最好既

海南雞飯＄52本身諗住佢啲飯份量好少，所以加咗底$5，原來都唔細，食到我勁飽。講番啲飯，賣相好得，食落好有雞油味，唔會好似其他鋪頭啲雞油飯，得個樣。啲雞都好亂滑，雞胸都唔鞋，但嫌d雞皮厚咗啲同多咗啲！

星期六，一早食晚飯，仲有茶餐叫，所以叫左個香矛豬扒湯河$23+$10涼粉冰，雖然只係$23但份量亦不少，我鐘意佢個河粉嫩同夠滑，湯亦好夠味，係豬扒有少少乾，亦涼粉冰亦大大杯，解渴！之後我叫左半隻海南雞$120，佢有去骨同唔去骨揀，我當然係鐘意啖啖肉嘅去骨啦！雞色水夠黃，肉亦夠滑，依然保持水準！好食！

琴日同朋友去左旺角，佢就熱烈推介去食泰國野，佢話黎到旺角，點可以唔去食泰妃雞。咁就聽佢介紹，就去左食。入到去佢即刻推介話一定要試豬手飯。最後，我地叫左一碟豬手飯同埋一碗豬頸肉金邊線。等左一陣，香噴噴嘅豬手飯就送左上枱，聞到佢嘅香，口水都就快流曬出黎。夾開舊豬手，一陣陣煙係豬手入面慢慢地漂出黎。食落去，豬手嘅香再配上酸辣嘅酸菜味道，兩者簡直絕配，一鹹一辣，兩者完美的說。真係世界級。呢一餐真係好好食，如果有下一次黎到旺角佞泰國野，我一定會再黎幫襯！！