泰妃雞 (已結業)

放工去左旺角行街，諗黎諗去都唔知食咩好，行行下見到呢間泰妃雞，記得好耐之前係上環食過一次覺得幾好食，就決定再食多次啦！首先一定要點招牌菜海南雞飯，比我想像中大碟，雞肉又香又嫩滑，加埋佢個辣辣地的醬汁食真係一流，果然同我好多年前食時仲保持到水準馬拉盞通菜，又係好大碟炒得好香又唔會太咸，好食見到餐廳門口有檔串燒檔咁好似幾正，就決定食返幾串串燒，叫左豬牛雞各一，最正係牛肉串，香濃牛味又唔會'un'，值得一試！

中學時最愛嘅小店，已經好幾年無黎～過開呢頭就入黎回味下啦~******************************冬蔭公湯$62 魚露落得重手左，唔算好辣，但係好咸呀😖配料主要有菇同蝦，無番茄，有少少失望～主角：泰式海南雞飯$54，雞好滑，去骨方便食～無乜雪味。油飯咸度適中，唔會過油，我鐘意碟酸辣汁，撈飯好正！馬拉盞炒通菜$50，好有鑊氣，夠大碟，通菜嫩滑無渣除左酸辣湯失手，呢兩樣野仲keep到水準******************************

夜晚經開旺角一個人食飯，當然是快靚正，所以走咗去食海南雞飯，過往曾經試過好幾次，感覺好快好急速，今次去到己經無以前咁多人，可能還是早。今次叫海南雞飯加$5轉了脾，並且跟個湯。先講雞飯，正所謂食雞要有雞味，但佢無，不過都夠滑，一個人食一碟都夠飽肚。而湯是青紅蘿蔔雞腳湯，飲一口好濃的青紅蘿蔔味，但應該是味精湯，但都算好飲的。埋單$59蚊。不過不失，將來有時間的都會再來。

係附近做野，想搵啲平靚正既野食，諗起老友記之前推介我食依度既雞絲湯粉，咁就黎試試啦！豬頸肉檬粉但我揀左食豬頸肉 湯底好咸下，加埋上面有啲好似冬菜既野，咸上加咸，碗粉細細碗，男仔食實唔夠，豬頸肉普普通通，唔係好香冇咩特別。但係幾平既，店員又服務好，有個叔叔好有禮。

記得初初出黎做野，起灣仔果時同同事超鍾意食泰妃雞，每個星期必定食一餐佢個海南雞飯，仲要成個汁拎黎撈飯勁顛xD ..不經不過都無食好多年喇。今日突然想回味一下☺️第一次去旺角分店，二點幾去到無咩人，可以慢慢嘆。$54 泰妃海南雞飯配湯/飲品湯係紅蘿白煲東瓜雞腳湯，個湯幾清甜，但又唔會話好勁味精，唔錯我既最愛，雞皮色澤金黃😍雖然無加5蚊要脾，但係佢連雞胸都好滑，個汁酸酸地微辣好惹味，雖然每次食完都好頸渴，但都忍唔住撈飯，好彩有塊蕃茄青瓜中和下。不過唯一有點失望係個油飯，煮得太淋喇，d 飯痴埋一舊舊。不過都係咁好味

即興約食飯，收工前30分中左右，收到whatsapp既五個choices，有woft啦，lab 66，有老記，有泰妃雞，有amico,最後簡左泰妃雞。肯定肯定會再去試其餘4間。旺角果一帶美食好多入到餐廳：唔算好大間，不過坐得都算舒服，好多人食，多數係大同，中同gathering。一人叫左一個飯：青咖哩雞飯同埋海南雞飯同普通泰國菜館味道差5多，份量都適中，價錢俾起其他同行都平少少。椰汁冰同珍多冰都幾大杯（不過略嫌甜）。

今日心血來潮想食海南雞 ，仲要冇骨嗰隻 ，就出咗旺角食泰妃雞 ，差唔多兩年冇食喇 ，今次睇下水準有冇唔同到先，叫咗海南雞飯， 串燒雞翼，串燒雞軟骨，串燒牛，同埋串燒豬肉， 講咗個海南雞飯先，雞好嫩好滑 ， 每個部位都有啲，有肶有翼有胸，但係啲雞就少咗啲，油飯， 好夠味 ，唯一個問題， 就係啲飯爛到不得了， 令到個海南雞飯大打折扣， 跟餐仲有個粟米蘿蔔湯， 好甜， 甜到好似糖水咁， 串燒雞翼夠入味，但係個頭嗰度有啲唔熟， 雞軟骨燒得唔夠乾有啲油， 串燒豬肉都幾大串， 我覺得似串燒豬扒多啲囉， 整體嚟講水準跌咗，除咗淨係海南雞之外

「泰妃雞」呢間餐廳相信大家都唔會陌生，"海南雞飯"當然出色，但原來佢地嘅"豬手飯"亦相當唔錯。豬手入味，入口有種「即溶」嘅口感。水準算係中高水平，而且收費相宜，堅·值得試。

生菜包全部都係肥膏...脂肪...完全唔正宗👎🏻👎🏻仲要味道麻麻...👎🏻👎🏻😑串燒方面好hea，D 牛肉全部都係脂肪😑😑唔掂咯～⋯整體黎講一般🤔

今日和同男朋友去了食晚餐，點了海南雞（$54）和雞絲金邊湯粉配冬蔭功湯底（$36+$8)還有8串串燒和椰汁冰。點完菜後，看到他們拿上黎的餐具全部都有層油，感覺不衛生。上一菜，試食雞，有一陣雪味，湯粉只酸不辣，椰汁冰的杯口凹凸不平，看來好像用左幾十年破掉都不換，飲下去感覺很有粉沖的感覺，很奇怪的味道。只能說和普通茶記無分別，見到之前的好評真的好失望。 另一方面，當時因為坐的位置很迫，見到對面搭抬的客人走了想轉坐對面，誰知他們的員工竟然大大聲由門口大叫要求我地坐回原位，還說因為我們是搭抬的！但眼見店面有至少有十幾個吉位，不論4人枱還是長枱都沒人坐，有需要這樣沒禮貌大聲吆喝自己的客人嗎，不久，又安排另一對情侶坐我們對面，其他位置依然空著。 這一餐我並沒有期待要有很好的服務，但連基本的都沒有才令我氣憤！安排坐位方面只想著坐爆賺錢，完全無視客人的需要。為什麼我們來食飯，味道差，衛生差都算，為什麼還要受你氣。這一餐我們總共吃了200幾元，但食完只有一肚氣。這樣的服務態度真的不能接受，可一不可再，絕對不會再去！太差了！

今日下午我們去咗旺角豉油街嘅「泰妃鷄」食下午茶！我們叫咗扎肉湯河嘅扎肉好爽口彈牙！鷄絲湯河嘅鷄絲肉質好軟滑，河粉嘅麵質相當滑身！香茅豬扒湯河嘅豬扒係無骨㗎，切得都幾幼身，啖啖肉，肉質都幾鬆化，香茅味亦都幾香濃！泰妃海南鷄飯嘅鷄肉肉質好鬆軟嫩滑，鷄油飯都幾乾身，唔會好油膩！泰式燒鷄全翼燒得都幾金黃香脆，肉質相當滑溜，醬汁嘅味道都幾惹味！泰式特飲：龍眼冰嘅味道好清甜滋潤！

今天happy friday約了一位舊同學食飯，不過想食平DD，所以朋友就說不如吃海南雞飯。餐牌的選擇不少，不過我都無忘今晚是吃海南雞的目的。等了一會就上枱了，是速食的好地方。*海南雞脾金邊粉($54+5)因為不太愛吃飯，所以就點了金邊粉。*金邊粉朋友說加$5就可以轉雞腿,而且是沒有骨的，＊海南雞脾(+$5)朋友形容得很好吃的，所以期望都有點大。雖然雞的確很滑，但是個人覺得雞的味道不太重，性價比比較低一點。差不多六十蚊吃一個海南雞金邊粉，有點貴。

午餐唔知食咩好，又唔想食飯，又睇睇公d外賣紙，見到佢有外賣，就叫左個我最鐘意食既生菜包喇，等左都唔算耐，64蚊，有一盒肉碎同一大包生菜，都算抵食，因為份量都幾大盒，但生菜唔夠多，食哂菜都仲有3/1盒肉剩，至於味道，生菜包既酸味同咸味都適當，由於我唔係好食得辣，係冇講小辣既情況，我就覺得辣左少少，肉汁比較多，有濕過頭，味道都算惹味既，打開盒時都幾香，但生菜就好一般，有d都黃左同爛左，但唔嚴重既，整體都算可以

今日夜晚7點左右黎到唔洗等位，見呢到個海南雞飯好似幾出名，就叫左個試一試。飯黎到，份量唔算好多，醬料比較稀身，飯食落幾香，雞就好入味，但以性格比黎講唔算抵食，因為我食過質素差唔多但價錢平啲嘅海南雞飯，但整體黎講係好食嘅

星期五 悶熱的天氣中令人開心的是「聽日放假啦啦啦」相約三五知己來吃個晚飯星期五吃晚飯一）不用早回家亦不用被家人催促回家二）不怕明天起不了床三）可以玩到天荒地老 吃完晚飯逛一逛消耗體力再吃甜品補充再來唱個通宵ktv等等優點物以類聚我跟朋友都是很難下決定的人 每次看到很多餐廳 每一間都想試 這次走「看見什麼吃什麼」路線就很快決定了這間泰國餐廳該有的都有我個人點了首先用具乾淨 不像某些餐廳的餐具帶有歲月的痕跡然後份量十足 相信也足夠男生吃雖叫油飯 但不油 粒粒飽滿且帶濃濃雞油味 飯質偏硬雞肉十分滑嫩濕潤 撘配酸辣醬很開胃 平常不吃雞皮的我（侮辱了雞的吃法哈哈）都連雞皮一口吃下 叫人回味無窮套餐奉送飲料 但我加了五塊錢改為椰汁冰本以為是沙冰 但原來是加了冰的椰汁而已 雖然它的味道很正常 但我覺得可以不用加錢喝它吃飽喝足後發現我們都老了？ 花了一天精力在工作上 超人也會累吧所以有時間聚在一起吃個晚餐已經很ok了 還是早點回家洗洗睡 明天再玩吧