泰妃雞 (已結業)

做左成晚,成9時幾先放工,見收工餓餓地,就係附近食埋dinner先返屋企,聽過個同事講話有間叫"泰妃雞"既好食,於是去左叫左個紅咖哩牛腩飯,個咖哩真係幾得喎,唔算太辣,就好惹味,牛腩亦煮得好淋,值得一食。

突然想食海南雞, 係旺角行左一個圈就搵到間仲未收工既"泰妃雞". 一入去員工就話: 得番海南雞飯! 咁我想食就當然冇問題, 但男朋友就唔開心冇得揀等左都冇5分鐘就到. 隻雞望到就知滑就算胸肉位置都好食, 好有咬口又唔癡牙! 脾位當然就滑不留口好彩一人一份, 可以獨食唔洗分黃油飯就差d可能趕收工.... d 飯一舊舊好似糊仔咁男朋友大不滿但因為佢午餐都未食所以都照食左大部份既。下次試下早d 黎, 比多次機會，睇下有冇改善下啦

去到波鞋街附近唔知食咩好，見到新寶戲院隔離有間似係食海南雞飯既泰國野就入左去。喱間主打既係叫泰妃雞，同埋豬手飯，兩樣都嗌左黎試。我唔太清楚泰妃雞同海南雞既分別，啲雞食落都係好味既不過啲飯就唔得，落太多水，痴埋一大舊，喱樣真係扣左好多分希望只係一次半次既失誤啦豬手飯就有驚喜，豬手好淋又入味珍多冰同龍眼冰就無咩特別，甜啲會好啲～不過鋪頭就相對窄啲，多人既話可能都幾逼但佢門口既串燒幾吸引，下次可以黎試試

這泰式餐廳已經吃過很多很多回, 因為這家餐廳的泰國菜超級便宜又好吃!!! 而且廚房裡的廚師都是泰國人來的, 感覺很正宗似的一樣!!! 我最喜歡吃的是中間那一碗!!! 香茅豬扒湯金邊粉 @$25: 豬扒處處均沾上香茅味道!!! 又沒有咬不開的情況出現, 湯底加上泰式風味辣椒粉, 醋和魚露... 絕對是一級棒的味覺享受!!! 椰汁紅豆冰 @$5: 一整杯都充滿粒粒紅豆, 再配上濃濃香氣的椰汁, 那椰汁的濃厚程度好比椰漿一樣!!! 真材實料!!! 讚讚讚!!!

海南雞好滑既飯呀～個雞係脾黎，所以特別好味佢油飯都好入味，油飯起粒 好食！豬手飯又係爽滑既豬手 佢份量好ok佢配既汁都好野味 通菜正常馬拉盞通菜！最值得食 個價錢份量比其他泰式度，相對抵💜

泰妃雞是在香港食過的泰國餐廳中，好食指數排頭幾位的，因為這裡的性價比較高，價錢不貴，但味道很好👍🏻必食的一定是貴店的海南雞飯，無骨的，最岩我地呢類懶人了，雞肉質又夠滑，油飯夠香不過份，酸甜汁夠開胃；當然各路門派的海南雞都有所不同的，這裡沒有蔥油、甜是油、湯等等其他餐廳有的配料，但是已經足夠了！另外豬比飯都是另一上佳之選，豬比整得非常入味，又夠淋，啖啖骨膠原，正！仲有泰式炒飯、蝦膏炒飯等都推介，炒得夠香夠惹味，但不會過咸👍🏻雖然食物質素好，但地方比較逼，坐得唔舒服，店員都係急急趕趕，就算唔坐滿，都會收哂你d野企係係隔離，你懂的！

呢間食過幾次都覺得又平又好食。最鐘意食佢既豬頸肉飯，豬頸肉好香口又juicy，仲要佢份量又多，酸辣醬個味又岩岩好。另外，個生菜包都好好食，味道唔太辣又夠酸，份量多到兩個人都食唔晒。

平時嚟旺角睇戲等入場嚟呢度買串燒都會比掛喺玻璃上嘅一隻隻嘅海南雞吸引，但呢度舖仔細細但真係好旺，今日終於可以試吓呢度嘅海南雞喇。雖然餐廳座位唔係舒適但職員做嘢手腳快又利落，食物方面我哋每人叫咗一個套餐加一個泰式小食拼盆，除咗海南雞，炒粉麵都唔錯，而且份量亦滿意。午餐有優惠，在場好多顧客係學生。泰式海南雞飯，雞肉嫩滑，飯充滿油香，好味。泰式豬脾飯，又淋又入味，入口鬆軟。泰式炒金邊粉，一啲都唔辣啱晒我，酸酸甜甜好惹味。乾炒牛肉河都唔錯，條條分明，唔會食到成口油。泰式小食拼盆，春卷最好味，蝦餅都可以，但香葉包雞唔熟。龍眼冰清潤唔太甜。

就算呢間鋪頭係坐得唔係太舒服而且仲有啲迫夾但我仍然好愛佢既海南雞飯同埋炒金邊粉 所以我通常會買外賣返公司食😬〰️海南雞飯〰️由於我唔食雞皮 所以就感受唔到佢既雞皮係咩味 雞肉係一如既往咁嫰滑 完全冇鞋口既感覺 仲有記得要點一點個汁 提升左雞既味 而且酸酸地咁 非常醒胃 至於呢個金黃色既飯呢 就真係好香 每一啖都食到有雞油既感覺 〰️泰式炒金邊粉〰️呢個係我既第二最愛 其實本來既色彩係再靚啲嘅 有啲綠色嘅韭菜係面 不過我就唔鍾意食韭菜嘅 佢呢個金邊粉係用左茄汁黎炒既 所以有d 酸酸甜甜 撈勻啲花生碎食更加好味㗎 二值得一題呢個金邊粉其實真係好大盒 分兩餐食或者兩個人share食都一定得呀

泰妃海南雞飯🐥($56)份量都算幾多, D雞好滑又香😊 而點海南雞個汁真係好正❤酸酸甜甜, 有小小辣❤, 食落好開胃😍 個汁真係一流😊食唔停, 海南雞點埋個汁真係好夾😍😍真係好食❤💙d油飯都唔錯😜豬頸肉湯河☺($25)豬頸肉一般, 唔算彈牙, 無之前係泰嘉雯食嘅豬頸肉咁好食😀, 不過一碗$25, 材料都好多, 價錢都好抵食😊, 而且仲有d冬菜, 食落好夾, 雖然味道唔算太特別, 但好抵食😋,下次可以試下其他湯河☺

買左戲票係旺角附近睇戲, 仲有一個鐘先開場，就近近地打算係番戲院附近食埋飯先入場。戲院對出條街街有幾間食肆, 比呢間門外一串串既泰式串燒同香味吸引左，食完又可以行過去睇戲夠方便。兩個人食，每人各點左一個飯，我見差唔多枱枱都點海南雞飯，於是例點埋一份，另外一個就點左泰式炒飯。兩個飯相比，個人喜愛炒飯多點，粒粒炒飯夠金黃同有口咬，混合肉鬆口味道更佳，味道夠香夠濃。海南雞飯都不錯, d飯真係用雞油烹煮亦有米香既金黃，海南雞入口即溶(已去晒骨)，配上附上既醬汁一起吃更見醒胃，所以好快清晒。(唯一美中不足係個飯唔夠熱好快就凍，相反個泰式肉鬆炒飯夠獲氣熱辣多)實在愛死了炸物，所以每次出街食飯都會例點間鋪既小食，今次點左個炸物小食拼盤，味道沒有想像中既濃香或肉塊亦不夠入味，味道很淡，味道沒有驚喜，水準很一般，全晚呢個餸係比分最低既一個，不過係見隔離枱點左份食得咁滋味，所以先忍唔住試下而已重頭戲當然放係串燒到，就係比門口串燒香吸引先入黎幫襯，唔點番3、5、7串都對自己唔住。全選牛肉串，味道香濃燒得均勻入味，奇香無比，肉串燒得唔乾身, 肉身頗嫩，每咬一口都有肉汁香滲，再點埋個醬食簡直係無敵，必點之選。食

一向都係去開九龍城食泰國野 貪佢夠正宗啊嘛 平時都好少去其他地方食泰國野💫但依間係旺角既泰國野質素竟然ok價錢只係50幾 晚市黎講 算唔錯見好多泰國姐姐叫左海南雞同埋金邊粉🎠朋友叫咗個海南雞套餐飯唔算太硬 而且雞幾滑 不過份量唔算太多合理冬陰公湯味道都合格 蝦都有幾多下🎐🎐🎐🎐

當果日番工好攰好肚餓，我就會諗起呢間泰國餐。。因為晚餐份量都好大份，十次有九次都食唔哂。有時繁忙時間都幾多人食，不過上菜速度都好快，啱晒我呢啲趕時間嘅人。$54一個餐，包凍熱飲品，特飲加$5。泰妃海南雞飯。 我見張張枱起碼有一碟，係呢間鋪頭的招牌菜。雞好滑，份量都好多，再配上油飯我每次去都只會點咖哩，大部份人會點青咖哩，我自己喜歡點紅咖哩，因為比較惹味。by the way, 呢間d咖哩都係偏向不辣。餸我通常揀豬頸肉，豬頸肉同茄子份量係非常之多，汁又多飯又大碟，如果細食啲兩個人都夠食。

話說自從上個星期五食左個唔好食既海南雞飯之後，我個朋友就話要帶我去試一間佢覺得好食既海南雞飯—泰妃雞我睇過食評，十個有八個半都係叫呢個海南雞飯海南雞飯 ($54)黃油飯有淡淡雞香味，但唔油又唔膩粒粒都係黃色，而且又唔爛雞件滿布油光，比人一種好滑身既感覺；不過實際唔係滑雞，係比較多雞汁、雞味同唔韌既雞，浸既時間岩岩好；重點係個雞皮仍然彈牙架，唔係果間”好X沙嗲”既爛雞皮!!不得不提下個汁，係海南雞飯既一部分，生色不少!! 個汁少少辣、酸酸甜甜，惹味又開胃，就咁加佢都可以食哂成碟飯香茅豬扒金邊粉 ($36)我本身諗住係炸豬扒靚靚放面，但原來係煎豬扒散哂係面，另外仲有少少芽菜同冬菜首先試左個湯先，有少少似牛腩湯味，但係鹹左少少；後黎我夾左朋友個飯既芫茜浸落個湯度，味道好夾更正至於豬扒，香茅味就食唔出啦，不過就一D都唔韌，又無雪藏味，ok啦金邊粉唔會煮得太爛，而且份量都唔少，滿滿一碗!! 總結，我同朋友都覺得個粉好食過個飯，睇黎下次有食粉麵既新選擇；至於最好食既海南雞飯，睇黎仍要繼續搜尋下先得。

近日係旺角活動所以成日都要諗呢頭有乜好食🤔加上呢期成日都想食海南雞飯朋友話呢邊有間唔錯既於是乎一行幾人就行過黎呢頭開餐啦一坐下就睇下餐牌先原來的粉麵餐都幾抵食不過原先一心想食海南雞於是就嗌啦由於好肚餓既關係我就唔客氣啦個賣相都幾好加上有芫茜青瓜蕃茄呢的配料加分而主角既雞好嫩滑多汁油飯有蒜香好有味道仲有要一讚個醬汁因為我鐘意食酸辣既夠哂酸辣個海南雞飯餐仲送杯野飲凍飲唔洗加錢正呀正呀總括黎講五十幾蚊有個飯同凍飲加上個雞的確唔錯可以再去