泰妃雞 (已結業)

琴日同朋友去左旺角，佢就熱烈推介去食泰國野，佢話黎到旺角，點可以唔去食泰妃雞。咁就聽佢介紹，就去左食。入到去佢即刻推介話一定要試豬手飯。最後，我地叫左一碟豬手飯同埋一碗豬頸肉金邊線。等左一陣，香噴噴嘅豬手飯就送左上枱，聞到佢嘅香，口水都就快流曬出黎。夾開舊豬手，一陣陣煙係豬手入面慢慢地漂出黎。食落去，豬手嘅香再配上酸辣嘅酸菜味道，兩者簡直絕配，一鹹一辣，兩者完美的說。真係世界級。呢一餐真係好好食，如果有下一次黎到旺角佞泰國野，我一定會再黎幫襯！！