泰仔美食

营业中

休息中

今晚好想去吃燒雞翼，所以去九龍城泰國菜集中地尋找，看見一間泰菜有專人燒烤各種食物，就入去試一下，坐下來當然首選燒雞翼，結果變了一碟炸雞翼，之後問侍應，她還説因驚吾熟就要炸，入落口兩回事，簡直侮辱消費者的智慧，嬲到爆無下次

九龍城有好多間大大小小嘅泰國菜，我都試過十間八間，泰仔一定係我最喜歡的。先先就落咗條泰式鹽燒盲曹，同其他唔同，佢放咗好多香茅、香草起魚身內燒，所以食嘅時候你會聞到好香嘅香草味而又好夾D魚。魚肉又好滑。泰式粉絲雜菜煲...比起港式少D燙及濃味小小。柚子沙律，當中個沙律汁溝得幾好，酸酸甜甜少少辣，配搭上柚子及沙律菜又加上花生，好味。豆腐肉碎湯，用嘅係肉子豆腐再加上紫菜，好似港式的，味道都唔錯。燒雞翼，黎泰仔一定要食，即叫即燒...燒得好靚好均勻，又香，當然最重要係...又好味。芒果及西瓜沙冰，兩個都幾好味，不過，我會較喜歡芒果。最後係送嘅泰式甜品。煙煙靭靭。

今次係第二次光顧位於九龍城既泰仔美食，亦係今年既第二次光顧，因為好掛住佢既柚子沙律同鹽燒魚。星期五既晚上少不免要等一等位，好彩唔係等好耐。兩個人一坐底二話不說就先叫柚子沙律同燒魚，今日無晒盲曹，所以試下鰂魚，同埋上次見到好多人ORDER燒雞翼，上次隔離果檯一個人先嚟開檯一坐底就ORDER咗成打燒雞翼，我聽到都打個突，之後見到香噴噴既燒雞翼就決定下次嚟一定要ORDER ，所以今次先ORDER兩隻燒雞翼。柚子沙律既靈魂係個沙律汁，超正~  柚子好飽滿多汁又夠甜，加埋三隻大蝦，有脆花生，炸蒜...... 一定要撈埋D汁一齊食 ! 食晒後.....唔夠喉又再ORDER多一碟，這碟是ENCORE的依樹既沙冰都好好飲，西瓜沙冰同芒果沙冰，唔會淡茂茂，好夠原味!炒通菜，依然嫰綠，味道適中第一輪燒雞翼嚟啦  ，睇見已經流晒口水真係另舍不同，點解我去BBQ自己燒唔到咁靚咁香口?    真係皮脆肉嫰，食咗幾啖已經舉手再落單要多兩隻 !食到中段，店主奉送甜品 ... 椰子糕鹽燒鰂魚 這兒會用香料放入魚肚位擗鯹，又可以增添風味相對我較喜歡盲曹，覺得滑一點，但這個鰂魚也很不錯，完全唔會鞋烚烚第二輪的燒雞翼

今日同朋友係九龍食搵食九龍城泰國菜周圍都係..咁無要求下是但入左一間因為朋友都係陪我..佢就是但叫左個甜品食Mango sticky rice味道普通..我就叫左一個香葉肉碎飯(雞肉)真係... 覺得唔係好得同我平時食開既... 差好遠味道偏淡um.. 無下次了

黎過兩次，第一次同大肚老婆黎試下，本身諗住去對面果間，響門口睇左陣，都係入黎呢間，講返食物先，我地唔係叫左好多野食，只係叫左個泰式炒飯，馬拉"賺"通菜，同春卷三樣野，野食好快就到，可能太多人，老闆黎叫我地轉檯，冇所謂啦，可能老闆見我老婆大左肚，佢送左個椰青比我地飲，真係多謝佢！野食黎得都好快，食材都好新鮮。。。埋單兩百蚊多d....抵食！好喇，昨日我地一家三口，阿仔都出左世，就黎三個月。。。。我地又去試下坐底，叫左必食o 既 燒雞全翼，又係馬拉"賺"通菜。。。。。呢個通菜，又係必食。。。新鮮，d 菜唔老，至於係咪泰國黎就唔知了，唔理喇，好食就可以，又係叫左個炒飯，不過今次點左蝦膏炒飯，味道唔錯呀，鐘意味濃 o 既朋友，可以試試！食食下，老闆經過，佢竟然認得我地，真係打左個突，成三四個月前黎過，都重記得，不過今次冇椰青送。。。。但佢走左去比左封大利是阿仔多謝晒！

今日同老公不約而同念到過九龍城食泰國菜，天氣太熱唔想行太耐，泊完車見到餐廳感覺唔錯就直接入去，在今時今日大家樂吃個午餐跟飲品閒閒哋都要五十幾蚊，呢度算好抵食，而且味道唔錯。午餐跟杯凍龍眼冰價錢都係30幾40幾

經同事介紹後，今晚決定改去泰仔美食試吓，原本想同老公去試嘅另一間泰菜，而家唯有讓一讓路喇！入到去，餐廳都算寬敞，都尚算坐得舒服2個人只order咗3碟餸……｛蝦醬炒菜苗｝好惹味，味道夠香濃，亦算嫩口。｛黃咖哩牛肉｝味道一般，略嫌咖哩唔夠香濃希望可以再改進吓。｛蝦餅｝中規中舉，不過不失。但價錢真係好抵食，不妨一試。

今日放假 同女朋友行完九龍城都唔知有咩好食行行下我女友話識人做泰仔 所以第一次黎食個椰青($30)比我想像中多水 真係滿晒咁上佢有幾隻咖哩 一個係抄咖哩一個係普通咖哩我要抄咖哩雞($86)加PIZZA ($28)個咖哩好香椰汁 好滑唔算太辣 可能泰式係較希小小 唔似日式咁傑都幾足料 薯仔 雞肉 同3色椒我諗係抄過黎所以好香 PIZZA冇咩特別 香脆 但份量就小D得2塊 唔夠食咖哩用最最最期待就係條鹽焗鰂魚 ($120)上枱都嚇左下 咁大條既 有A4 SIZE咁大佢用鹽焗方式煮 用大量粗鹽放面 入面用香矛 蔥等等既香料抄香再放入出到黎條魚係好滑好香 120蚊值晒當初都驚要再叫野食 但係食完條魚都夠晒飽 2個人埋單都係$254 佢比起出面一D店會貴小小 但係都值尼個價 單單條魚同咖哩都回晒

寫九龍城的食評都寫了三幾十篇, 仲未寫到去泰仔??  sorry~ 都係嗰啲原因: 本大小姐忙/懶/慢/又長氣, 寫咗咁多年都係得百多篇食評...趁2016新年一鼓作氣寫了十來篇, 趁勢'的起心肝'順手寫番一些2015漏網之魚, 因為有些店是一直想寫, 但沒有即時處理拖拖吓又懶了, "泰仔"就是其一. 價錢表都不知有否調整, 唯有合輯幾次的惠顧一次總評快快寫吧!一直都好想寫幾篇食評推介一吓"泰仔", 因為店開了在"添財記"的舊鋪, 我係呀~對添財記係有'情意結', 好唔好食話時話都真係幫趁咗十幾廿年!  佢摺埋之前那一/兩年食親炸兩/豬扒麵同鮮油奶多都唔太掂終於寫咗篇嘢俾咗個'喊面'同'BYE咗佢', 決心'堅BYE'的!!   點知無幾耐之後就見到生果報專題報導原來'要退休, 老店要散檔, 將個鋪租俾泰仔'...怪不得水準飄忽, 可能是無心戀戰?!  --- 講返呢個淵源, 所以我對"個鋪"係好有感覺...無計~我的青春在那兒都留低了不少汗水...泰仔~ Let's Go, go go go~鋪大, 易搵位, 當然, 排到密麻麻, 想慢慢坐傾吓偈就好似我哋咁專找'非繁忙時段'去.Lu

今晚帶同兩位明日就會飛返加拿大的親戚到九龍城食晚飯，朋友推介去呢間泰仔美食，坦白講，門面有些大排檔feel, 希望食物好食搭夠啦。。。首先來一客辣肉碎生菜包，生菜幾新鮮，d 辣肉碎好惹味，如果生菜的份量多些就好了。碟肉碎後面係咸魚炒椰菜苗，咸魚咸味啱啱好，讚！ 因為今次係第一次來，所以點了雜錦小食拼盤，我們四人都覺得前面的春圈及後面的泰式蝦餅最出色，其他兩樣味道一般，所以下次一定唔會再叫拼盤，散叫就好了。泰色黃咖哩牛肉，好啱怕太辣的人士，d 咖哩汁放咗滑滑的蛋花，還有洋蔥，紅椒等配菜，用來餸飯或點薄餅食一流啊，我們四個將d 汁食晒，反而牛肉雖然淋但偏少，好似由主角變成配角咁。粉絲大蝦煲，係由兩隻大蝦開邊去煮的，粉絲吸收晒d 蝦嘅味道，淨食都好味，配菜也夠份量，可借相比起個咖哩，感覺有點比下去呢。。。我地都有叫一個飯，一個薄餅，仲有一大jar 龍眼冰，足夠每人飲兩大杯。食咗咁多野，埋單都只係$660 , 我諗好快就會返嚟再幫襯！ 👍👍👍

奶奶係泰國人，同佢出街食飯唔食泰國野佢就會寧願屋企煮飯，食泰國野緊係揀九龍城，今日佢就揀左呢間泰仔美食，2個人撐枱腳。 時間尚早，未有太多顧客，店內座位都唔少。 飲返杯龍眼冰先，唔會太甜，大大杯幾解渴，龍眼肉好爽口。 青木瓜沙律甜甜辣辣好惹味，花生好大粒好多，木瓜絲亦新鮮，配有生菜可以包黎食。 鹽燒鰂魚$128好大條魚，超巨型，鹽味好香濃，魚肉嫩滑，配上泰式辣汁好吃。 泰式炒雞肉河粉夠擭氣，炒得夠乾身，河粉好好食，唯雞肉不夠嫩滑。到最後我都搵唔到泰仔在哪？泰妹就大把😂😂😂

是日平安夜嚟到九龍城，今日嘅九龍城比平時靜左少少，但都屬正常，相信好多人都出晒去市中心一帶慶祝，咁未嘗唔係件好事，咪唔使同人哋迫囉。又嚟到泰仔，店內人都唔少喎⋯等左五分鐘終於可以入座。先來兩杯好香甜嘅芒果沙冰，冰粒磨到好碎，芒果好香！原汁原味！ 再嚟一碟充滿蒜香嘅椰菜苗，真係好新鮮，熱辣辣炒起～菜苗好嫩，火候又啱啱好，正呀！ 泰式生蝦沙律，生蝦好新鮮，大大隻，肉質好彈牙，加上秘製嘅沙律辣醬，真係好好味。 越式春卷，材料非常新鮮、鮮豔！春卷皮做到紙咁薄，入口酸酸甜甜，非常開胃。 豬肉生菜包，生菜多汁新鮮，豬肉碎好入味、好辣！ 所以話嚟到九龍城一定要搵泰仔，係正確嘅選擇。

終於有機會來泰仔一試，好味道，好好吃。原本叫了三個菜，生蝦沙律，香葉肉碎炒飯和越南春卷。春卷皮薄又滑，生菜爽脆，很清新！炒飯很香，味足，看著有點油，吃起來卻不覺油膩。生蝦沙律，料足，有9隻蝦，酸辣口味，越吃越辣，很惹味，好吃，太辣就叫了杯椰汁冰，不錯，很解辣。吃到一半看見隔壁桌來了燒雞翼，看到外皮金黃，肉很飽滿，馬上忍不住叫了兩隻。果然，沒讓人失望。燒得剛剛好，外皮香脆，肉質飽滿，肉汁香甜，不用點甜辣醬，原汁原味才好吃！很好吃的一餐！值得一試！

每隔一段時間總會想食泰國菜 朋友介紹呢間嘅䄂子沙律佢啲䄂子肉冇剝絲 原舊啖啖肉呈上加埋花生同炸紅蔥頭 酸甜辣食到晒 好香口又開胃 裡面仲收埋三隻大蝦 哈哈哈一睇相就知材料豐富上面鋪滿咗酸甜醬炒海鮮同大量肉鬆果仁下面啲飯粒粒金黃雖然加咗臘腸好香口 但食唔出菠蘿味 食晒啲飯仲可以刮埋底下啲菠蘿肉食 好甜㗎！（朋友教路 但就唔見隔離枱啲人咁食）

「泰仔」已經成為我嚟到九龍城必去嘅飯堂！因為每一次嘅食物都俾到我驚喜, 所以暫時都唔會停止。九龍城真係好多泰國美食, 但要搵到一間啱自己口味其實係好難! 之前有幾間都曾加入我的最愛之列, 可惜日子久了, 食物質素已不再,自自然然會由我的最愛欄中被刪除。「泰仔」好正宗嘅泰國口味! 食物選擇多, 一兩次係試唔曬嘅。今次首先要介紹嘅係「泰式生蝦沙律」!食泰國嘢生蝦刺身係必食嘅！而呢個生蝦仲配埋沙律堅係我第一次見!!恕我孤陋寡聞啦~~生蝦刺身撈埋啲沙律, 超級野味, 超重口味! 但好辣…係愈食愈辣! 食開泰式沙律都知愈食愈辣嘅係配菜, 如紅蔥頭﹑洋蔥……如果怕辣, 就建議改食普通嘅生蝦刺身, 因為可以用沾辣汁方式嚟自我調教到啱嘅辣度。但呢個生蝦沙律我會極力推介!!唔怕辣嘅朋友,可以食完生蝦再食埋啲沙律,真係好好味嫁！「咖喱大虎蝦」名副其實大大隻虎蝦, 誠意之作! 咖喱好大碟, 大得有啲誇! 虎蝦好重手, 原隻一開二, 一共有兩隻! 蝦肉新鮮,有彈牙口感, 吸收埋咖喱精華!每一啖都好滋味!而咖喱質地就比較杰身, 咖喱味唔夠濃, 但蛋香重! 特意叫多一個薄餅嚟沾咖喱食， 美味而不浪費！美德也~「泰