泰仔美食

营业中

休息中

經朋友介紹，第一次食泰仔，食完真心要推介給朋友，能在香港食到真正泰菜味道，加上即叫即整，保持新鮮。原來呢間泰仔是由細舖，做到而家咁大間。泰式生蝦：好大隻，肉質好厚，啖啖肉，必叫豬肉生菜包：肉碎味道香濃，配上生菜，一齊食味道恰當好。蒜蓉炒泰菜苗，好食，如果菜苗再細d會更心嫩。蝦餅好彈牙，好多蝦肉係裡面。木瓜沙律，好味，唔會有青味燒雞中翼，即叫即整，外脆內裡好多肉汁最後有個椰青糕食。總結：價錢便宜，食物水準高，新鮮，值得推介。

今日同兩個老友，本來諗住去九龍城街市上面打邊爐，可惜人山人海，最終去到這間泰仔美食食泰國菜。我們大約八點半去到，木柵當時只有三張枱，食食吓大約九點已經全場滿座。當日老細推介三種特價美食，我們缺了兩款，分別是海南雞半隻同埋炭燒豬頸肉，記憶中好似$58和$38，10分經濟實惠。海南雞未到我就覺得正正常常沒有什麼特別，反而豬頸肉有陣陣炭火的香味，會令人一試再試。另外我們也叫了一個雜菜煲，未到出乎意料之外嘢味。一路食一路食我哋再追加一個泰式生蝦刺身，可能新鮮的原因，好快就已經比我食晒。見到隔離枱燒雞翼我哋也點了一個，再次見證這裏燒烤師傅有水準再次見證這裏燒烤師傅有水準！　如果有機會我哋一定會再來，埋單$360有找

泰仔美食已經唔係第一次食 個日平日去到餐廳 入面都依舊坐滿 我地一家等左一陣好快有位安排埋入坐 員工都好熱情 有咩要求都會盡快做比你 一坐低叫左兩個椰青飲先味道幾清甜 椰肉都好軟容易整到黎食然後見到炭燒豬頸肉有特價就叫左份 好香炭燒味 豬肉都燒得岩岩好 係個汁有小小辣之後上左蠔仔煎蛋 每次都會點 蛋香好重 好脆口 蠔仔都無腥味依個好似係蝦餅就反而普普通通唔太特別最後仲有咖哩軟殻蟹 依個都好好味 送飯一流整體評分都幾好 最後老闆仲有問下d餸如何 感覺好有心做好餐廳而價錢都唔貴 十分推介

雖然話嚟九龍城一定要食泰國菜，但係其實都幾貴下！閑閑哋都要食成四百幾$500，咁其實我不如去加百零二百食自助餐仲好過。但係今次我知呢間泰仔美食就唔同，食到飽一飽一個人埋單都係$300左右。仲要大部份嘅食物都係好好食，依家為大家逐一介紹一下。第一碟上菜既係生菜包，生菜加埋碎肉辣辣地好好食，如果可以在那返少少嘅咁就一百分啦！ 呢個咖喱軟殼蟹就正正常常不過不失啦，冇話有好大驚喜。但係點起嘅蒜蓉包或者薄餅黎食都好唔錯㗎！但係我就唔推介冬陰公俾大家，因為呢個冬陰公係好酸但係唔夠辣。所以我哋一行五人飲咗一碗就停晒手無再飲啦。早知叫個細就得。建議大家可以將呢個慳返，將啲quota 留返去食其他好嘢。 但係生蝦刺身可以玩挽回對冬陰公既失望，因為個生蝦好彈牙，而且個醬汁絕對係亮點。我食咗半打都有！總括而言呢間泰仔美食我係會再嚟㗎，雖然坐係迫左少少。建議大家去之前要book定位，因為如果我哋嗰日冇不過話其實都要等得幾耐㗎。

今晚突然想去九龍城食泰菜，無預先上網搵餐廳。見到有咪錶，即刻泊好車，就係附近搵食，經過泰仔，6點幾都有幾枱客，一於試下。點咗3樣食物，炭燒豬頸肉，生菜包碎肉，青口粉絲煲(原來想點大蜆粉絲煲，可惜無大蜆)。推介炭燒豬頸肉，香味十足，肉嫩滑不乾，醬汁酸酸辣辣，好食。生菜包碎肉，比一般的辣，普通。青口粉絲煲，青紅黃好甜好食，但青口無味，可惜。補充，每枱都有碟炸蝦片，香脆，加杯冰凍泰國啤酒，一流配對。可以再幫襯，下次要搵多幾個老友去，可以試埋其他食物。

每次嚟九龍城食泰國菜都想試下其他餐廳，但最終都會入左泰仔美食。只因為有水準兼價錢唔貴，份量又足夠。如果平日來吃還有每日特價菜式，更加抵食。今日都係食啲大路菜式泰式燒豬頸肉 $78唔太乾身又比較大塊，醬汁又唔太辣，適合唔食得太辣嘅人食。泰式拼盤 $138叫拼盤比較抵食因為可以試到唔同款式嘅菜，炸蝦餅夠彈牙，泰式春卷脆而材料豐富，炸札肉餅夠稔身，脆炸芋泥又唔太膩。青咖哩牛肉 $78青咖哩汁好味，牛肉超大塊。但略嫌選擇少只有雞，牛，豬而沒有牛腩。冬蔭功海鮮 $78海鮮多而蝦夠大隻，顏色好橙色仲擔心好辣之際又原來唔辣嘅，欣賞佢唔太酸，層次又豐富。薄餅 $28 不過不失，略嫌比較硬身唔係太鬆軟柚子沙律 $78花生夠多，柚子唔太Juicy 比較乾身，但蒜片好香口又滲出少少辣味燒雞翼 $68 4隻 完全無得輸，夠味之餘外脆內軟夠香口。

聽聞泰仔轉左幾次手，但味道仲係好得，不過，款式就少左d，比較複雜既菜式而家都唔做了。我次次食泰國野都會點蝦餅，而泰仔就有一道皮蛋蝦餅，好鬼正😍😍😍😍我勁中意！而個椰青冬陰公湯都唔錯，可以一試。另外，每次食泰國菜我仲有一道必點菜，就係 生菜包！！！但今次有朋友仔唔食辣，所以特別別左少辣比佢食，最後我地都覺得無辣添😂😂😂😂不過唔緊要，都係好食既，最後仲要加菜清曬佢添食泰國菜真係要多d人食先可以叫多d野食！

呢間位於九龍城嘅泰仔美食，其中我最欣賞嘅就係佢嘅生蝦夠凍夠新鮮夠厚肉夠爽脆，唔似有啲鋪頭嘅生蝦口感係霉霉地，吾新鮮！價錢$80來講都算合理 鋪頭就唔係話好大，如果坐爆人嘅話都會有少少迫迫地嘅感覺，但係整體都算OK嘅。呢度除咗生蝦之外，都有其他嘢食嘅，價錢都同一般泰國嘢差唔多，唔係話特別平又唔係話特別貴。呢間餐廳主要都係由泰國人打理，其他嘢食嘅味道都幾地道。服務員都好好人好有禮貌，會問你又唔冇嘢未到，又會幫你追單今次去就唔使等位，如果多人嘅話打電話book定位好啲

記得第一次去泰式按摩，老闆就介紹我地食泰仔，食過一次都幾鍾意，後尾有試其他餐廳，但都冇泰仔咁大碟咁抵，又好食，所以決定比個好評佢！呢度最出名最多人嗌一定係燒雞翼，$68 4隻，係咪好抵，佢燒得岩岩好，唔會燶，個皮堅脆，入面肉係嫩既，加d泰式辣醬食，一路打都一路流口水。泰式飛天椰菜苗，次次黎又係必叫，夠多蒜粒又少少辣，好入味，又平又大碟！仲叫左個黃咖哩豬，好足料架都，次次食唔晒，勁多豬肉片，配菜有黃椒、紅椒、洋蔥，用d咖哩汁黎撈飯食好正！另外，油飯都係好咪之選～我地仲叫左泰式奶茶同龍眼冰，其實都係每次必飲

呢間之前呀哥推介過~「泰仔」 都喺第一次試環境同一般嘅泰菜店差唔多，座位都幾多，不過就排得密咗啲。叫咗生蝦、燒雞翼、泰式炒粉絲、燒魚、泰式拼盤、蝦醬炒菜...生蝦好肥大，沾咗泰式辣醬真喺冇得頂呀!雞翼燒得好好，非常香脆，不過就調味不多，建議沾啲泰式辣醬一齊食仲惹味~泰式炒粉絲味道正常，料多過啲粉絲，如果粉絲比例多返啲 balance返會更好條魚都幾大條，以燒黎講唔算老，沾個辣汁幾開胃。拼盤就件件都好大件，好足料，所有炸物都好香脆!個菜幾新鮮，而且調味剛剛好，幾惹味飲返杯啤酒爽到爆~

九龍城一向有「小泰國」之稱，開咗好多泰國菜餐廳，當中不乏由泰國人經營及主理，而泰仔正正係其中一間店面裝修雖然唔算講究，但樓面算闊落，環境亦幾乾淨整潔，通常去幫襯嘅時間都唔係peak hour，所以都坐得幾舒服講到食泰菜，冬蔭功一定係必食菜式，食過好幾間泰式餐廳，都有試過冬蔭功，但總係食到中途就覺得好「漏」，唔想再飲，係得泰仔嘅冬蔭功我可以完全食晒！呢碗冬蔭功湯河，份量足，湯底酸度適中，更突顯出鮮味~河粉爽滑，再加上生菜及菌類，健康又好食更畫龍點睛嘅係自家製龍眼水唔會過甜，又有粒粒原粒爽口清甜龍眼肉，增加口感，夾埋冬蔭功，相得益彰喜歡泰菜嘅朋友，可以去泰仔一試！

九龍城泰菜林立，令人不其然患上選擇恐懼症。但從今以後，我都不需要再揀，因為我終於遇上一間，我打算食一世的泰國菜-泰仔。好朋友幫襯泰仔已經超過6年，佢話幾年前已經決定，每年生日都要食泰仔。朋友係常客，當日佢發板，食左生蝦沙律、燒牛仔骨、泰式炒椰菜苗、燒鰂魚、生菜包，全部都好好食，因為當晚遲食飯太肚餓，我一輪狂風掃落葉，不停食食食，完全忘記影相全部都好好食，不過偏辣，如果唔太食得辣，記住叫小辣。輪到我今次要重點推介的-爆炸蟹，世上有如此美食，而我竟然而家先知和避風塘炒蟹唔同，上面炒香的除左蒜頭和乾蔥，仲有香茅，多了一種清新香味。未食蟹已經比面上炸得香脆的蒜蔥香茅吸引，直接用香夾在生菜包的生菜食，好食到忘記了蟹才是主角蟹煮得好香，肉質鮮甜，一食就知係新鮮。全晚最開心，係埋單嘅數字，以為咁食法，飲左幾支啤酒，最少$1500啦！9百幾蚊咋!隻蟹300百蚊都唔洗，呢個價錢，實在性價比太太太高啦！

去完九龍城揼完骨，梗係落去食埋泰國嘢啦。有個朋友介紹去泰仔美食，咪試吓囉。外面真係排晒隊，入去好多人食，聽到隔離左右都講話好好食。推介下次都會食，老闆仲送小甜品。讚讚👍🏽👍🏽👍🏽飛天通才唔會炒到好老炒金邊粉又夠乾身。唔記得影個冬陰公，好飲過其他嘅試過咁多次好餅真心多豪仔，唔會好油膩，配魚露簡直正🤤三個人食＄400 ,抵到爛。下次多啲人食可以叫多啲餸。 食完仲有小甜品送，老闆好禮貌又Nice。

心血來潮想去九龍城搵食，隨便行就就咗入呢到。2個人點咗生菜包，炒椰菜苗，燒豬頸肉&燒鷄亦。食物味道唔錯，份量都幾大，因為太肚餓所以唔記得影相...生菜包：味道好好，可以再辣多少少炒椰菜苗：夠蒜香味，唔太油又唔會太咸燒豬頸肉： 味道幾好，肉質都好林，唔太乾燒雞翼: 唔似一般泰式雞翼甜甜地，味道似鹽燒雞翼多啲，個皮脆脆地，入面都有肉汁，不過係有少少油係個面到。成餐飯最直得讚既係老闆嘅友善服務態度，因為我地坐係櫃臺隔離，不時問下d食物ok 唔ok, 又提我地一定要試個甜品。佢聽到我話食唔哂d嘢（當時點雞翼仲未到）就問不如上2隻，唔洗要哂4隻太飽。真係好細心一定會再噃黎!!!

燒雞翼，我自細鐘意食~ 聽朋友講左好耐呢度既燒雞翼好食，今次專程黎到九龍城試下。見門外人群聚集、師傅係入口旁既開放式廚房即場燒緊雞翼同魚，真係好大期望，點知最後會失望而回......泰式冬陰公 ($78) 細冬陰公完全冇遷就香港人口味，夠酸辣開胃，椰奶味濃、幼滑濃稠，同行朋友食到流哂汗，我就好過癮。湯內有一隻啖啖肉既開邊大蝦同大量秀珍菇，幾足料。 略嫌以呢個價錢黎講份量偏細，兩個人分岩岩好。泰式燒雞翼 ($68) 4隻期待以久既燒雞翼即叫即燒，上台時未如預期中既金黃，反而係有少少窿。 第一啖首先有一大滴油流至我下巴，咀嚼下發現理應香脆既雞皮硬如柴，雞肉亦幾鞋。雞翼可以話係冇味，只有油味，連香料都欠奉，同大陸街邊檔比真係不值一提，完全唔明白出名係邊度。黎之前以為係逐隻叫，但原來一份4隻，店員話開左爐燒開其他單都可以叫2隻。 為佢而黎，所以決定叫一份，但講真食盒脆香雞翼開心好多。泰式燒烏頭 ($138)鰂魚同烏頭之間揀左感覺上滑d既烏頭，但最後發現都係燒過火左幾鞋下。鹽燒烏頭既魚肉再次係冇咸味或魚味，要靠叫個泰式酸辣醬先食得落。 其實魚肚係塞滿左香茅粒，但食埋魚肚位就知道成條魚都絲毫冇沾上