泰仔美食

营业中

休息中

今日大顆兒行完山 ，朋友突然好想食泰菜 介紹咗我哋食呢間九龍城泰仔美食 佢話抵食而且有啲菜式仲做得特別出色， 於是就叫咗朋友話出名嘅咖喱炒蟹 $358 （星期一至五仲平成舊水$258）飛天通菜 $68 生蝦 $88 豬肉碎生菜包 $78 （星期一至五$58）但特價菜只能二選一🦀🍀🐷薄餅（冇睇價錢）泰啤大大支$30 個飛天通菜真係做得幾出色(必點）個菜好爽口 但係唔食得辣嘅朋友就未必掂得到呢個菜，事關呢個菜入邊除咗有蒜頭之外仲有泰國嗰隻小青椒同紅椒 ，食得辣嘅我唔特別整走啲青椒一齊食落肚 食多幾啖都覺得有啲料嚟，不過嗰隻辣係好快會散另外咖喱炒蟹都係（必點 ）個汁真係好味到不得了 佢唔辣嘅 好香帶甜 ，嗰啲有蛋汁有椰汁有洋蔥青紅黃椒杰杰哋嘅咖喱汁 送飯 送薄餅或者蒜蓉包 都一流 ，我哋今晚揀咗薄餅（小小必點）都好好味～（熱辣辣咁上碟）個豬肉碎生菜包就酸酸地 幾開胃另外叫左半隻海南雞 $88食左幾舊先記得影相 不過吾特別好食同吾夠滑另外佢斷人頭送一件甜品俾我哋椰汁大菜糕咁款嗰舊嘢又好好味喎 好香 好足料另外有段小插曲 話說間舖頭啲Menu可能係未全部轉得晒 咖喱炒蟹我哋有問店員今日係假期

同男朋友👩‍❤️‍👨做完成粒鐘婚前輔導，本來諗住去Cafe食lunch 醫肚點知啲Cafe勁多人排隊😟因為太肚餓，所以就入咗去呢間泰仔美食醫肚😜見到佢有啲set lunch都幾抵食叫咗一個青咖喱雞飯餐 $45佢啲青咖喱真係幾好食，對於食唔到辣嘅我來講係好好食😍辣辣地但係又唔夠勁嗰種😂😂我地仲叫咗個金邊粉餐 $42不過金邊粉就無青咖喱咁正，比較濕啲質地，但係都好味嘅😉佢餐送個杯龍眼冰都幾好味😋😋

今日eatmug9 #70眾所周知九龍城都可算係香港第二個泰國多泰國人聚集之餘通街都係泰國餐廳等我依個泰仔試下依間泰仔美食睇睇餐牌 款式都唔少 價錢亦都唔貴掂喇夠晒平民叫咗個肉碎蛋飯份量正常 味道比我想像中淡同埋比較油膩食完碟飯 個碟面仲有層油係度杯龍眼冰就夠足料但就都有啲甜

嗰日一行八人去泰仔食泰國菜，依間餐廳好再有好多長枱，啱晒多人嘅我哋！不過我覺得依間餐廳款式比其他餐廳少，原本一心諗住去食燒牛肉，點知呢間係冇嘅😭好傷心！不過值得一讚呢間餐廳員工好有善，好好人最後仲送咗甜品俾我哋，係大菜糕😜

有人介紹，就試吓la 椰青，雪碧青檸，芒果冰，食泰菜首選食泰國嘢梗係要食生菜包啦，不過豬肉辣辣到喉嚨都要咳嗽，我就麻麻哋like 啦,但係我屋企人like 泰式生蝦，又是必叫之選冬陰公湯，幾野味炒泰式菜苗，菜鮮嫩绿油油，好食。泰式拼盤，略嫌味道一般糯米雞翼，我覺得唔好食，糯米不夠軟，雞翼太炸，口感完全肥膩。蒜蓉包唔夠蒜蓉泰式河粉，河粉幾爽，幾滑，好食。送的甜品糕，都幾甜㗎

泰仔美食，是我每次想吃泰國菜的時候也會去的！地點方便，價錢相宜，大碟夾抵吃！餐廳位置位於泰國菜的盤根之地-九龍城寨，南角道，從來也十分方便！餐廳是由泰國人打理的，一聲cup poon cup餐牌方面正在做優惠，海南雞飯半只只需$58，十分抵吃！食物方面點了1）海南半雞(半只)；2）飛天通菜；3）青咖哩豬肉；4）金邊粉。先來了2）飛天通菜，新鮮通菜配合辣椒，惹味，辣辣地但十分好吃！可憐我身邊的朋友不愛吃辣，就覺得感覺一般。通菜的份量十分多，吃極還有，哈哈！先來了青咖哩豬肉，足料，材料包括有青椒，辣椒，濃味！如果點了一個白飯就更好了！齋吃略嫌有點不足。至於半只海南雞飯，不說我還以為是一隻，十分足料，啖啖肉，下面鋪了一堆生菜，味道不俗！比其他品牌的海南雞絕對好吃！最後來了泰式金邊粉！辣辣地，好吃！配合豬肉和topping，簡直是一配！

今次呢間泰菜館係第一次食，友人食過話唔錯，咁就試下啦，訂好位但去到都要等一陣 泰式酸辣鳯爪 - 酸辣度比例唔錯，配上大量洋蔥，芹菜，鳯爪爽口彈牙! 串燒 - 鷄豬各2串，即叫即燒，所配醬汁並唔係沙爹花生粒醬，而係甜甜地嘅醬汁，食起黎無咁膩; 唯豬肉帶點脂肪，自己唔係太歡喜，鷄肉就不過不失啦! 馬拉盞炒芥蘭 - 惹味之餘帶點香辣度，份量比起其他可謂一開二，芥蘭炒得軟硬度適中，幾好味道! 鹽燒盲鰽 - 本來想食燒鰂魚但無貨，改為食呢條，都唔細條呀! 外皮搽滿鹽粒先去燒，食時就揭開外皮，入面D肉充滿水份，一D都唔乾身，而係魚肚內再塞滿香芧粒，增加香味，無咩細骨，啖啖肉味，另有醬汁點架! 本來想食芒果糯米飯，但又賣晒..................店員送上呢客椰汁糕，滿滿椰子水香甜味，口感有D似大菜糕般爽口，唯唔凍，若然雪至凍D，入口會仲好味! 呢度客似雲來，侍應見你食完就會叫你埋埋張單，想傾耐D計就要另覓地方啦!

追月飯，今日吃得好不高興！！！！其實呢間店我地成日幫襯開，次次都會叫蒜子胡椒雞，佢個menu只有蒜子胡椒魷魚，我地之前吃左幾次都有，改雞無得減，我地知道也沒有問題。好啦，佢竟然來左一個西椒有汁的炒雞，我地叫佢換番。個店員好似唔明，又話係呢個。之後，佢入去廚房再出來都話係呢個。我地話唔係，之前吃過乾身有一堆炸蒜香茅等再炒炸雞塊，佢話無呢個送，個大廚（老板) 出來話無，唔要就退。重同我地講左正次無呢個菜。行來同我地講左三次！！！我地同佢講完，隔離台果個都同大廚（老板) 個話點解次次炒D味唔同，今日好咸定唔知唔同味，係咪換左廚.....吃完走前，我已經搵到果張（蒜子胡椒蟹），同下單同收錢果個講係呢款轉雞！ 大廚（老板) 即衝埋來睇，跟住佢話呢隻有做，唔係叫蒜子胡椒雞...叫爆炸蟹，羅本menu同我家人講，但佢搵唔到個名同個圖，我無理佢去找數。收錢果個女仔，俾1000佢找，佢找少左100HKD俾我，我未放$銀包，叫佢即刻再計，佢先俾番100HKD!!!!!好在有留意，唔係又俾佢厄左100!!! 加10%服務費佢無服務，好嬲嬲豬。態度差重要收錯錢，好在我發現，已經好到一肚氣，重要找錯錢。我有幫襯

週末的晚上到九龍城吃晚餐，每次呢間都要排隊。首先每次泥都一定要叫碟生蝦，呢間生蝦又大隻又有鮮味，爽口彈牙，配埋佢自家製醬汁冇得頂燒烤方面非常推介燒雞翼，又係每次泥到必食！雞翼皮脆肉嫩，又大隻魚的最喜歡燒鰂魚，魚肉嫩滑，又大條👍🏻青口粉絲煲，不過不失，惹味。鹹魚炒椰菜苗😋呢個又係每次都會食，好惹味。最後一定要飲佢地杯芒果冰，滿到瀉曬，好足料。甜度就一時時，睇下果陣芒果當品當做，但夏天飲一杯真係好正。

母親節飯又一大棚人，book到位已經好難得，一黎就狂風掃落葉咁叫野食成餐飯好差參半，有啲好好食，但有啲就無味～～柚子沙律好好味柚子酸甜，有少少肉鬆加埋黎食好惹味～泰式爐魚平日黎到係滾住條魚嫁嘛，但哩個係無乜火水，唔太熱，條魚亦唔咸唔酸，唔知想點串燒唔錯～豬同全翼係我食完再食～當然大家都可以幫襯九龍城其他串燒舖冬陰公我無飲，家人話唔算特別～馬拉盞通菜是正正常常，有少少偏咸，蝦餅熱食脆口，個醬汁又好味椰青好一般，其他飲品亦不見特別好味～生蝦大大隻又厚肉海南雞好敗筆無味嘅.....菠蘿炒飯啲菠蘿係真嘅但份量較少～我覺得總括黎講唔特別好味～佢較好味嘅食物好多餐廳都好味，相信試一次便夠了～

次次去到九龍塘都會食泰仔，已經係第三次幫襯，發覺同朋友夾錢食先抵，因為咁樣先可以叫多幾個餸，試吓唔同嘅嘢食。個老闆好好人見到我哋四個人就送咗四杯龍眼冰比俾我地，夏日炎炎，真係暑中送冰之情。佢哋都比較熱情，泰國人老闆已經唔係第一次送嘢飲lol次次黎泰仔我都一定會叫馬拉盞炒芥蘭，同埋咖喱，呢兩樣真係好好食。呢次就叫咗個泰式生蝦，真係冇令我失望，所以次次乜嘢聚會啊，中同聚，山友聚，都會帶佢哋嚟呢度食，越多人越抵呀。

泰仔一向都俾人平靚正嘅印象，係九龍城區都算係CP值高嘅家庭式泰國菜餐廳。今次都係點左啲例牌野，有細冬蔭功、食泰國菜必點嘅飛天通菜、泰式串燒 (豬同雞)同埋泰式濕炒河粉。冬蔭功配料都算足，可惜味道唔夠酸同辣，反而椰奶味十分濃，唔太啱我同朋友口味。飛天通菜好惹味，啲通菜都好爽脆，係泰國菜餐廳先會食到嘅味道，都係我地全晚最鐘意嘅菜式🥰。泰式串燒中規中矩，本身醃料似乎唔算濃，都係靠伴碟上個醬去令佢更惹味。豬串燒用左類似五花腩嘅肉，我自己就怕肥，唔係太好依種肉。泰式濕炒河無乜特別，啲芥蘭仲有少少草青味😅，可以處理好啲就更好啦。😬

想放飯去食餐好 等一陣工作更順利 誰知食了餐可怕的午飯我叫左一個應該會好食的飯 海南雞飯+熱龍眼水我原本一早都俾手機食先 影好哂相食落口 雞皮都唔脆口 感覺同街邊燒味店差不多油飯都無油香 醬汁只有一碟甜酸醬湯又好油 俾你都唔敢飲誰知食到一半 見到碟邊有隻死左的小強BB嚇到我 即係叫人換另一個餐好怕飯入面都有**細心睇相 就在油飯旁邊再來我要講更令人失望的一邊等新的餐 一邊飲龍眼水天呀 好多螞蟻🐜 雖然知道龍眼多蟲難清洗但我一杯都有3隻蟻仔 設想下一 成煲咁煮 佢地等同煲緊螞蟻水？！ 不敢飲不敢食了最後埋單$48 食左一餐蟲仔飯真的沒有下次

同朋友聚一聚揀左食泰國嘢出曬名既九龍城。今日搵左openrice一間算幾多good comment ge泰國餐，「泰仔美食」。3個人食左700到，算抵食。首先推介牛仔骨，燒得好惹味，偏向甜香既味道，送酒都幾一流。重有泰式生蝦，例牌食泰國菜都會叫，呢度既生蝦算中規中矩，整體來講都算新鮮，咬落口感彈珍，醬汁都開胃。另外我哋叫咗一條沙律魚，條魚炸到好香口，啲伴汁酸酸甜甜幾好味，唯一係唔太分到入面嗰啲係芒果絲定係木瓜絲。上次試完鹽燒魚麻麻所以今次轉食呢條，算幾好！

泰仔美食相信呢間餐廳嚟講好多人都認識，因為由細舖搬咗去大舖， 細鋪時做得非常之出色，而大部又點呢今晚等我去報導一下。泰式木瓜沙律鳳爪， 一般喜歡食泰菜嘅都會叫這道菜，因為是特色菜，酸辣得嚟又有有滋味，再加埋白雲鳳爪，包你 食過返尋味。泰式炸蝦餅不是間間做得好，似呢一個就非同凡響，大件又抵食又多虾，彈口得嚟又唔多魚膠粉。泰式炭燒豬頸肉，燒得唔乾身，保持豬頸肉裏面嘅肉汁，醃豬頸肉又大彈牙非常可口，微微帶有炭燒香味。泰式雞肉炒粉絲，我好少叫呢個菜式，但朋友話想試下，做得不過不失，我覺得就比較一般。炒飛天通菜，今日呢個菜大失水準，味道冇乜特別，但條菜非常之老又多渣。搬了大埔之後菜式一般般要考慮嚟唔嚟。