影片
更多
2016-03-18
1019 浏览
寫九龍城的食評都寫了三幾十篇, 仲未寫到去泰仔?? sorry~ 都係嗰啲原因: 本大小姐忙/懶/慢/又長氣, 寫咗咁多年都係得百多篇食評...趁2016新年一鼓作氣寫了十來篇, 趁勢'的起心肝'順手寫番一些2015漏網之魚, 因為有些店是一直想寫, 但沒有即時處理拖拖吓又懶了, "泰仔"就是其一. 價錢表都不知有否調整, 唯有合輯幾次的惠顧一次總評快快寫吧!一直都好想寫幾篇食評推介一吓"泰仔", 因為店開了在"添財記"的舊鋪, 我係呀~對添財記係有'情意結', 好唔好食話時話都真係幫趁咗十幾廿年! 佢摺埋之前那一/兩年食親炸兩/豬扒麵同鮮油奶多都唔太掂終於寫咗篇嘢俾咗個'喊面'同'BYE咗佢', 決心'堅BYE'的!! 點知無幾耐之後就見到生果報專題報導原來'要退休, 老店要散檔, 將個鋪租俾泰仔'...怪不得水準飄忽, 可能是無心戀戰?! --- 講返呢個淵源, 所以我對"個鋪"係好有感覺...無計~我的青春在那兒都留低了不少汗水...泰仔~ Let's Go, go go go~鋪大, 易搵位, 當然, 排到密麻麻, 想慢慢坐傾吓偈就好似我哋咁專找'非繁忙時段'去.Lu
一直都好想寫幾篇食評推介一吓"泰仔", 因為店開了在"添財記"的舊鋪, 我係呀~對添財記係有'情意結', 好唔好食話時話都真係幫趁咗十幾廿年! 佢摺埋之前那一/兩年食親炸兩/豬扒麵同鮮油奶多都唔太掂終於寫咗篇嘢俾咗個'喊面'同'BYE咗佢', 決心'堅BYE'的!! 點知無幾耐之後就見到生果報專題報導原來'要退休, 老店要散檔, 將個鋪租俾泰仔'...怪不得水準飄忽, 可能是無心戀戰?! --- 講返呢個淵源, 所以我對"個鋪"係好有感覺...無計~我的青春在那兒都留低了不少汗水...泰仔~ Let's Go, go go go~
鋪大, 易搵位, 當然, 排到密麻麻, 想慢慢坐傾吓偈就好似我哋咁專找'非繁忙時段'去.
Lunch: 大概四十元包龍眼水或汽水, 碟頭剛好, 假期無約飲茶又諗想不到食什麼就唔駛諗會偶爾幫趁, 抵食~
食過菠蘿炒飯, 唔油, 多料, 份量適中, $39元當然唔會用個菠蘿殼出餐俾你, 咁嘅價錢包埋餐飲, 食得過!
泰式炒金邊粉, 有鑊氣, 粉條彈彈, 又係$39元包飲品, 正!
晚市呢我們喜歡約六點正, 一來不用等位, 二來會見到泰仔好好笑容入廚房前繞場一周同大家打個招呼Say Hello至開工大吉, 好街坊feel 好開心! 泰式咖哩炒蜆, 肥大肉厚大大粒, 咖哩甜甜辣辣好好味道, 配埋香口脆卜卜的蒜蓉包, 真係好回味! 後來去有兩次想食都無賣, 店員話有時蜆唔靚無攞貨就唔賣, 所以睇彩數, 有就不妨叫番碟, 無失手勢的一道菜!
燒雞: $88, 皮脆肉嫩無燒到乾爭爭, (我略嫌醃料無咩特別, 但其實佢個名就係'燒雞'無寫咩泰式呀咩特別呀咁, 只是自己在期望如果做香草味我仲喜歡), 所以這碟其實是過關的!
青檸梳打$22/杯, 唔會好似有啲店舖唔捨得俾青檸汁搞到杯嘢淡戊戊, 呢杯大大杯又好味, 飲得過!
香芒蟹肉炒飯: $68, 味道OK, 略少蟹肉, 但睇番個價錢, 又係算過關了!
其實都食了好幾次, 但找不回相片, 其中只找到一張單但食物相片睇怕都是自以為save了出來所以delete晒, 食過串燒、 海鮮芋頭飯、 辣椒膏炒魷魚、西瓜冰, 都是好味抵食的; 最好味是生菜包、份量頗多, 必點!
招呼方面, 侍應都算好口面, 隨傳隨到, 尤其是收錢那個少女, 和善又有禮, Good! 來這兒吃飯, 餐牌超多選擇, 價錢適中, 功夫紥實, 全日無加一, 樣樣都想試呢! 最好約一大班親朋好友叫多幾碟不知幾爽! 泰仔, 下次見~
张贴
