法式牛扒屋 (已結業)

set lunch有成七、八個選擇，百鬆Ｄ蚊有沙律或餐湯，主菜，甜品同餐飲。沙律超大碟，勁多生菜，食完都已經半飽，好彩自知胃口唔大，無食到放係上Ｄ法國飽咋，如果唔係，分分鐘連主菜都食唔落呀！主菜點左燒三文魚，燒得岩岩好，唔會老，配埋有香草既白汁（其實唔知係咩汁，不過幾好味），好快就食晒個魚排喇～原來呢度整得最靚既係甜品，即點即整，所以落單時就要叫定，呢度有多款home made dessert供應，好似黑森林蛋糕、cheese cake、napoleon、lemon tart等等，全部睇見都好想食呀！總括黎講好抵食！甜品超正！

9 June 2004, 9:30pm睇完7:30pm 先o黎食, 懶人如我一人一個set唔好諗. 另加兩杯house red.開o係霎東街之後第一次幫襯, 點知跌晒watt!!! 首先, 環境好o嘈, 塊鵝肝又細又薄, rib eye o的肉鞋口! shit! 係個甜品(件cheese cake) 同service keep 到lor, 唉~同埋超古怪, 兩個人叫兩個餐送一杯餐前酒! 一杯點分? 一人一啖? shooter 乎? 好心咪咁慳啦~慳就唔好送!

good i love it

先別說其他的, 那塊肉眼扒的確質數奇高! 整塊扒佈滿豐富而均勻的脂肪, 所以一口咬下, 肉汁非常豐富, 而且脂香四溢. 口感嘛... 由於是肉眼部份, 而且脂肪極豐, 扒身也頗薄, 咬落是比較淋身, 易嚼- 但此淋不同彼淋- 絕不可和那些港式濃味梳打牛同日而喻. 也和Outback那些原汁原味的劣質扒完全不同級數. 吃著吃著, 心想: 這才是真正的牛扒啊~很遺憾, 此店有兩大可惜.一. 份量太少! 始終此店提供的不是大大件的美國餐, 牛扒也一樣, 不能期望在這裡吃到美式餐廳的20, 24安士巨扒. 但他們牛扒的份量也真的細得驚人. 昨天去試他們的午餐, 套餐裡的肉眼扒只有4安士!! 而晚餐的亦只有6安士! 雖說是少食多滋味, 但也不用真的那麼少吧... 幸好, 他們有"加大"的牛扒. 每加兩安士加四十元正. 昨天唯有把午餐牛扒加至6安士, 否則真是兩啖就冇!二. 只有肉眼扒其實本人至愛絕不是肉眼扒, 不是鮮嫩的牛柳(filet), 我較愛較瘦卻味濃的西冷, 和西冷的"近親"striploin. 可惜W's 只是獨辜一味: 肉眼. 沒錯肉眼脂肪最多最均勻, 可惜稍欠口感, 而肉味也較淡.

之前未搬都想試，但直到而家搬左先有機會第一次試。見佢餐牌有個special dinner set，$248，有頭盤鵝肝、餐湯、主菜(肉眼扒、三文魚、羊三選一)、甜品(tiramisu)同餐飲。三個人，叫左肉眼扒同羊兩個set share，先黎d麵包，唔熱0既，唔算好味，所以就算有得refill都無要。頭盤個鵝肝好香，個西柚汁好好味，好快就食晒。湯係龍蝦湯，都好濃，好好味。到主菜喇，因為我唔食羊，所以只係食肉眼扒，5成，剛剛好，好好味，口感一流，正﹗仲有就係d薯條，勁香，勁脆，所以都叫佢refill左一轉。到甜品，個tiramisu好細件，而且唔凍，麻麻地…反而叫杯熱咖啡有d驚喜，好香好濃，唔錯﹗總括黎講，一個字，正﹗(題外話：終於第100個食評，好開心呀﹗)

新環境，樓低冇以前咁高，D排既質素都冇變過，都係咁好食，唯一係比較嘈，可能多人啦，以前地方大，位置闊，冇咁嘈啦!

好耐冇黎過, 今次去左新地址, 試左$248 set dinner, 頭盤鵝肝一般啦, 因我唔係特別鍾意食, 而個扒要六成熟, 肉質嫩滑,肉味都很新鮮, 不過略為漏了少少, 最驚喜係個甜品Tiramisu, 個size 係一件standard size dessert, 賣相又靚, 而唔係細細件求其甜品仔, 味道亦十分不錯, overall 食完成個餐, 覺得真係好抵食, 值得一試!

本人覺得這間餐廳環境不錯,又不太迫, 不似一般餐廳, 而食物貴就貴d, 一個set dinner 都要二百幾蚊,但食物真的很好味, 牛扒也很有味,我一向不是什麼食家,但都覺得很好味, 不錯不錯......, 另外, 這裡的侍應也很有禮貌,佢地見我地咁快食哂d餐包, 就走過來問我地, 要唔要黏多些, 真的很客人就到, 感覺很好

This rest. had been moved? Anyone know the new address? As it's one of my favorite "steak house". Tks

其實我想問x'mas有冇d咩set dinner架..我諗住25號同我dfd去慶祝朋友生日同渡過x'mas...但係又唔想好貴...大約100-250度啦..有d冇好介紹呀?....呢間貴唔貴架?..比d意見我...好冇呀..

見這裡的牛扒得到不錯的評語﹐今晚專程前往一試﹐我亦係幫襯$248 的“特價”晚餐。頭盤的煎鵝肝很軟滑﹐入口即化﹐伴汁亦做得不錯﹐滿意。龍蝦湯的確如下面的朋友所言﹐不夠香濃﹐只算一般貨色﹐麵包亦完全無驚喜﹐甚至可說略為“粗”﹐跟餐廳的級數不符。肉眼扒要了medium rare﹐賣相不錯﹐燒成的網紋交錯於牛扒表面﹐增加了食慾。味道的確好﹐“淋”得黎完全無任何添加品的味道﹐生熟的程度控制得準確﹐跟我要求的相符。分量亦算足﹐沒有因為是特價而將貨就價﹐女孩子食﹐有機會食完扒就吃不下甜品。問過侍應﹐套餐中的甜品可以改的。我改了焦糖芝士蛋糕﹐賣相及味道都不錯﹐散叫的話要$40﹐但一般咖啡室賣的切件芝士餅也要20多30元吧﹐相比之下﹐這裡賣$40﹐算抵食。餐飲的咖啡也令我滿意。整體上﹐這個$248套餐可以說是抵食的。如果環境做得好一點(的確有點舊﹐又暗﹐而地板又磚又木﹐感覺較怪)﹐也算是理想的一頓晚餐。

男友生日,問過friend同openrice一班食家朋友意見,終於決定黎呢度試下佢既牛扒有幾到家.order左兩個set dinner(家下仲減價到$248)兩杯house wine 再加多個凍露筍(with紅酒白醋汁)鵝肝做頭盤,再上龍蝦湯(淡左d),牛扒軟熟鬆化,剛剛係medium,伴菜明顯有煮過,但個露筍就唔多掂,應該係個汁唔掂先岩,最唔明白點解要加d炸蒜係面既Desert都幾好(但略甜). 好耐都未食過咁prefect既steak,入口個種感覺好似食神駕到咁滯.埋單都係$6xx,仲要2hrs car park,抵食啦!美中不足之處, 環顧四周佢地好似冇翻新過咁,天花d牆紙大部份都剝落.係時候要執下啦!

J'aime beaucoup les desserts. * You may get 30% off discount for the main course.

之前有人寫得好差，但係我又吾覺得差到咁。不過我明白口味係一樣野，但係其他方面都客觀地好。<br>我自己去過三次，兩次同屋企人，一次同朋友。價錢屬中上，我同朋友去個次三個人，埋單$600，都覺得有少少肉赤，不過都值得。<br>我三次去都係食steak，肉質吾錯，肉汁亦很美味。至於個薯條就ok啦，吾係話好正個種。

但係我講既真係事實黎架...