泓一拉麵

营业中

休息中

背脂醬油拉麵💛🍜好多人覺得食背脂拉麵見到湯上面一層油脂一定會好肥膩，但其實唔一定嘅，泓一嘅背脂醬油就做得好好，完全無肥膩感，醬油味濃郁香醇，背脂香令醬油味更見突出，配合湯頭入面紫洋蔥碎完全飲出一份清爽感覺，喺香港食拉麵可以連湯都飲晒嘅舖頭唔多，自家制細麵條，麵質爽滑，掛湯力強，配料豬叉燒同雞叉燒名一塊，兩者都做得唔錯，尤其雞肉做得好嫩滑，調味適中，帶出雞肉鮮甜，當然仲有至愛嘅溏心蛋，夠味夠流心。店家開12點，當日11:15到店只能夠排到第三，又係排唔到第一，佢哋仲有個雞白湯亦係做得唔錯，完全對得起個價錢。小店只有6個位，想食有水準嘅拉麵就要有少少耐性。

小店係真·小店，目測只有八個座位，但不會坐滿，應該是要遵守防疫規定吧。因為座位比較少，唔想排隊12點開門11點半到埗會比較穩陣，到訪當日11:30排頭位不過好快後面就開始多人，差唔多開門嘅時候已經排左7-8枱人，好在有早少少起身🥴店內環境比較擠迫狹窄，坐得唔算舒適，屬於快食快走型～-🍜雞白湯拉麵 $88有一小片雞胸肉，一片薄薄的叉燒，口感唔算嫩滑，不過不失。溏心蛋ok，唔係好覺有調味不過做到溏心效果。拉麵係幼麵，眼望帶有小麥顆粒感食落又唔太覺同平時有咩大分別。湯底口感濃厚唔太鹹，食完會覺得有少少漿口，面層仲打左層泡沫。配料紫洋蔥、小豆苗比較搶味，我地覺得唔食好過食😂-🥟御好燒風味餃子 $36正常餃子加大阪燒醬，唔係脆身果種係半水餃半煎餃感覺～-總結：整體幾好食但未到印象深刻、念念不忘，比較出色嘅係湯底，配料、麵條等就感覺比較普通。雞白湯拉麵比較之下個人還是更喜歡座銀呢😛

之前成日都經過呢一間拉麵店有好多人排隊，今日啱啱好過咗lunch time嘅時間過到嚟見少咗好多人，終於都有機會可以食得到啦叫咗呢一個雞白湯沾麵！呢一度嘅Jimmy賣相真係好吸引，而且份量好多，望住一片片嘅雞肉喺度仲有一片豚肉，真係好吸引！呢一度嘅雞肉真係好滑，雖然係雞胸肉，但係真係食唔出！而且仲有一隻糖心蛋！全部加埋都係$98 ，都算係好抵食！

💛💛💛泓一拉麵💛💛💛排隊排到世界末日都要食😭。座位真係好少，得8個位左右，環境逼逼地，反而我地好鍾意，好有日本屋台feel🇯🇵。如果排隊時間短啲會開心啲😮‍💨。雞白湯拉麵 $88真係好正，個湯好似用奶打成既泡泡咁，好濃好滑，不過無可否認有少少鹹，食得拉麵都預左啦🤔。麵既粗幼度有得揀，我地揀左幼麵，佢雖然唔係沾麵，但掛湯掛到傻😂。叉燒得兩大塊薄薄地既，雞肉唔係好嫩，有啲可惜。溏心蛋正，原來好既溏水蛋係會入左味😍。海老沾麵 $98我地兩個為左試唔同既野，所以叫左碗海老沾麵。麵款我地揀左粗麵，又係因為為左揀啲唔同既野😂。粗麵有咬口，重麥味，我地都好鍾意🥰。海老湯好濃好濃，蝦味！海鮮味！不過我地都係鍾意雞白湯多啲🤔。埋單$186（無加一）

有吧枱位嘅拉麵店~裝潢上都真係好有日本嘅感覺🥰點解會話係狹窄版，事關成間鋪得三台，個袋大少少/個人肥少少都冇可能過到條走廊👉🏻👈🏻雖然個環境算唔上舒服，但啲拉麵好吸引❣️🧞‍♂️雞白湯拉麵硬度適中，算係好吸到個湯🥰湯底好香雞味～睇落好似有一層油咁，但食落其實唔會油膩，反而會覺得好補咁😂食完之後都飲咗唔少湯🧞‍♂️魚介沾麵麵嘅種類同拉麵唔同，偏硬身，口感好好🤤湯底就咁飲會偏濃，但唔會有好重味精嘅感覺！美中不足嘅係上菜嗰陣，湯底都唔係太熱👉🏻👈🏻覺得有少少失色

🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-見拉麵關注組極力推薦話性價比高，甚至比得上差唔多貴一倍嘅座銀，就決定去試下🤔。🥢 雞白湯拉麵 $88 🆗泓一由拉麵、湯頭到叉燒都係每日新鮮自家製，麵條因加咗小麥粒所以食落有些許麥香🌾，同埋比普通拉麵掛汁。同沾麵唔同係麵條比較幼身同埋湯底稀啲。但我自己就麻麻地個拉麵，食落無乜味咁🧐。叉燒同雞肉幾滑嫩，溏心蛋滷得幾入味。🥢 雞白湯沾麵 $98 🆗湯底都幾濃又Creamy，沾麵麵條比較粗身，食落彈牙有咬口，食落好掛汁。配料同拉麵基本上一樣，但好食好多🤣🤣。📌 舖頭都幾細，得大概8個Bar檯位，都幾唔好坐🤣。夜晚6點去到都排咗40分鐘先有位，條龍完全無短過😂。🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 4/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 6.5/10-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽

📍泓一拉麵 - 黃埔-泓一拉麵一直都係喺拉麵關注組好多人大推既拉麵舖頭聽講佢既雞白湯沾面係最出名既 但去到嗰日咁啱佢地停水 就無緣一試沾麵美味喇😣-🔸雞白湯拉麵 $98湯底濃稠黏口 但溫和而細滑 見到有層泡係面飲落有一陣好清香既雞湯味 絕對唔係令人好口渴既味精味入面有兩款慢煮既叉燒 分別係豬肉同雞肉 肉質一啲都唔鞋口 另外糖心蛋都幾有驚喜 生熟程度控制得好好麵條見到上面有粒粒小麥粉 扁身既質地好掛湯整體黎講係一碗值得一試既拉麵 🍜-🔸背脂醬油拉麵 $88背脂即係豬背脊既脂肪 🐖一黎到見到個湯底好油 心覺不妙但點知食落冇想像中咁油 湯底幾清爽下清甜不油膩既配搭比想像中有驚喜！

見今日冬至，獎勵一下自己去食拉麵，拉麵群組一睇，泓一久居首位，甘就緊係去試下，真係一試難忘，再試投降。鋪頭開12點，我11點半經過都見到入面未有人，甘我都有個疑惑既係甘早都未有人開工試問佢地係點煲湯🙈甘恕我孤陋寡聞，我未見過拉麵鋪要煲湯既甘早都未有人，甘可能我唔知佢哋既運作還是有獨特方法煲湯或者12號點先煲啦，但就甘諗總係奇奇怪怪。真係入去食已經係2點左右既時間(之前有野做加排左一少陣隊)，甘我就叫左大家係網上都推薦既拉麵，我叫左背脂醬油，我自己都鍾意食醬油，立體派、金色不如歸、蔦、富山全部都食過，而呢間我食落去味道同係donki 買既背脂醬油係一模一樣。如果係甘點解我唔去donki 買。以80幾銀既實力性價比絕對唔高。餃子一食落去就知唔係自家制，煎都煎得麻麻地，無煎餃子食落去果個香。認真呢間野，真係有今生無來世。(順帶一題，有人表明過佢係黃店，但mee、和理pay、黃店關注組都無出現過，我覺得有待相確，有人答到我點解會甘就最好🙏🏻)

今日想一嘗沾麵的味道，想起了不少網友推介的泓一拉麵，決定專程到黃埔一趟試一試這間討論度頗高的拉麵。店內座位不多，我6 點前已到店外排隊，店外已有5，6 人在排隊了，按道理應該做到第一批晚市的食客吧！果然，我是第一批晚市的食客，坐上了吧臺，我點了一碗招牌的雞白湯沾麵。坦白說，我是帶點期待的。雞白湯拉麵不久也送到我的面前。先飲一口湯，湯底是相當濃郁的，調味是相當足夠的，但味道卻略為單薄缺乏層次感，如果湯底能隨着在口腔停留的時間給予食客不同的味覺感受，相信會更加出色。然後就是拉麵的另一靈魂麵條。麵條相當有嚼勁，也看得出店家在麵方面下的心機，但麵條本身所帶的麥香略嫌不足，而這個問題在吃沾麵時會更突出。另外就是溏心蛋和叉燒了，兩樣都是達到標準的，但還未到驚喜的程度。肉質算是嫩滑，但由於肉質偏瘦，所以難以帶出肉香，調味上也未見驚喜。總體來說這碗雞白湯拉麵味道是可以的，但還未去到驚豔的程度，在細節上可能需要加入一些新元素，讓食客留下更深的印象。不過，食後數個小時，我都沒有口渴感，證明泓一用料算是真材實料，這是值得一讚的。期望下一次再來時，泓一在味道上能有一些新的驚喜出現。

🐓🍜雞白湯拉麵 $88🐓雞湯湯底濃厚杰身，有雞味，略厭咸味有點不足，吊唔起啲鮮味😅另外面頭打咗啲泡泡，可惜處理得一般，不及座銀綿密😐感覺似格硬放啲泡泡咁😅😅有進步空間….🥚溏心蛋好正！高質靚蛋，生熟程度剛好，非常出色😍😍😍🥢叉燒雞肉都嫩滑，自家幼拉麵彈牙都不錯👍🏻個人口味喜歡多一點紫洋蔥粒，可以令整碗麵更清新😅鋪仔細細，只有8個位，需要排隊入座。環境極度擠迫，張高櫈仲有啲搖下搖下😅😅😅

呢間黃埔麵店，係拉麵關注組一直人氣高企，朋友食過都話好食，適逢經過附近就嚟試吓。當日星期日，我哋5:50分左右到，前面有大約6個人排隊等緊，原來佢哋營業時間分兩輪，分別係12:00-16:00同埋18:00-21:00。裡面座位唔多，大概只有6個位左右，所以就算排第一輪，都要等一陣，不過都係等咗二十分鐘左右就入到啦。鋪頭空間比較細，背對背加埋平排坐，會比較窄，唔算坐得好舒服，不過無論係裝修，位置同埋燈光都有啲日本街邊小麵店嘅風味💡。餐牌上嘅選擇有幾款，第一次嚟，我就揀咗佢哋好出名嘅「雞白湯拉麵」。坐近門口位置，見到佢哋有部麵條製造機，原來佢哋呢度嘅麵條係自家製造，分別有兩種麵，一種係粗身，係用嚟做沾麵嘅「極太麵」；另一種就係用嚟做湯麵嘅「細麵麵條」。兩種麵條一樣會見到一粒粒嘅黑點係上面，係全麥小麥粒，所以同一般嘅麵條質地係有啲唔同。🔹雞白湯拉麵($𝟖𝟖)：湯底濃郁又好香雞湯味，細滑之餘，厚薄度剛好，唔會有太漏嘅感覺，飲落幾舒服，味道同好幾間專做雞白湯嘅拉麵店相比之下係較為溫和👍🏻。細麵麵條唔錯，但覺得可以再煙韌小小。至於慢煮叉燒就幾出色，分別用咗豚肉同埋雞肉，兩款均煮得啱啱好，雞肉無粗

雞白湯拉麵 $88未食已經聞到好香既雞湯味😍湯底打左層泡，令到飲落口會再滑啲，雞味都算濃郁，而且有啲漿同稠身，飲得出好足料，一啲都唔馬虎👍🏻麵條有一點點小麥粒，同出面嘅拉麵唔同，食落會有多一陣麥香味😌碗麵除咗有兩片叉燒仲會有兩片雞胸，兩種肉都好嫩，食落唔會嚡口，仲會有一粒溏心蛋，係超流心嗰隻，建議第一啖唔好咬咁大啖，如果唔係個心會流走哂，除非你可以一啖啪入口😂😂😂日式餃子 $25(跟拉麵加配)正正常常，不過不失，老實講唔會俾到驚喜你，不過加配咗好似完滿啲咁囉😆P.S.建議大家可以嘅話就食頭輪，因為有好多人排隊而且店舖嘅座位唔多😌

📍黃埔𝚆𝚑𝚊𝚖𝚙𝚘𝚊❝拉麵關注組人氣熱捧🍜初嚐雞白湯🐓❞拉麵關注組個個都大讚佢 話係香港第一拉麵 一於試下佢🤣平日2:00黎到都仲要排隊等位😳因為店舖真係好細 得8個位 坐得好逼同有d焗🙈🍜🐓雞白湯拉麵 $88 (3.5/5)第一次食雞湯拉麵🤣湯底好濃稠厚身 飲得出係真雞湯無味精😌(我對味精好sensitive 就算少少都要飲大量水 但呢個食完冇口渴!)有少少酸酸地 應該係落左檸檬汁🍋我麻麻地👀值得一讚係食到最後湯底都係熱辣辣🔥幼身拉麵好掛湯 爽彈有咬口😚不過配料方面就少d 得一塊薄豚肉同雞肉🍖同埋一大隻溏心蛋🥚(個人中意豚骨湯同厚燒豚肉/豚角煮既拉麵蛋d🤣)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍泓一拉麵紅磡德民街29號德民大廈地下F4號舖

社交平台有個拉麵群組，個個都將泓一拉麵放上神枱，所以就專程過嚟試一試🤓上網做足功課，都知間鋪得幾個位，預咗要排隊，所以都早少少去，大約等咗半個鐘入得😅背脂醬油拉麵（$88）🍜個湯底係唔錯嘅，唔好睇張相好似好油咁，飲落來講都算清爽，同埋好重嘅醬油味叉燒還可以，冇咩太大特別啲麵唔錯，食得出唔係出面拉麵鋪啲普通面底，麵質彈牙不過可能坐得唔舒服，食完覺得係一碗中上嘅拉麵，但未去到一試難忘，必食不可

前牌同朋友行過見少少肚餓，就嚟試咗呢間拉麵🍜咁我叫咗雞白湯拉麵？？已經唔係好記得確實個名🤣不過亦都係呢間拉麵店數一數二嘅拉麵😋睇落簡單食落一啲都唔簡單嘅拉麵～識落好有層次感😋有驚喜😍