泓一拉麵

营业中

休息中

上次食左拉麵，今次早少少排隊試埋個沾麵(♡ω♡ ) ~♪一上菜已經聞到浸濃郁既雞味，飲少少沾麵汁試下，哇！濃得嚟非常有驚喜！！！佢就好似將一隻雞嘅精華榨乾咗落依碗汁度，我未食過咁濃郁嘅雞汁，咬開隻半熟既流心蛋，再將少少沾麵汁倒入去，一啖食哂佢，爽啊！成碗麵食完仲有浸雞油香味係個口度，令人回味無窮啊( ◜‿◝ )♡唯一遺憾係，沾麵一般都係可以加湯飲埋個汁，但泓一無得加… 重口味既我焗住慢慢少少地飲埋佢（好咸但真係好正！！）

今日去食黃埔排隊排最長嘅黃店，泓一拉麵，中午排都至少要半個鐘…… 入面坐位不多，開放式廚房令客人睇到廚師嘅製作過程，今日叫左好多人推薦嘅背脂豚骨拉麵，本身有d擔心背脂會唔會好肥好膩，因為始終係豬油，一控制唔好，成碗拉麵就變好洁好膩，結果我嘅擔心係多餘，一個清而鮮嘅醬油湯底，配上表面雪花般的背脂，既有油香又唔會over左，實在太正啦！♡(> ਊ <)♡隻溫泉蛋都做得好好，唔會太熟岩岩好，最後成碗湯都飲哂，大滿足！

《紅磡民泰街隱世拉麵小店》我雖然係住喺紅磡、但係一直都冇機會、同埋決心試吓依間長期排長龍嘅拉麵小店>>泓一拉麵🍜今日終於試到😉泓一拉麵主打自家製豚骨濃湯及雞白湯濃湯拉麵、而且拉麵梗係喺香港製造、老細親自主理💪小弟今次點咗佢哋嘅招牌雞白湯拉麵、首先拉麵湯底非常熱滾🔥湯底濃厚、雞味濃郁😋😋飲落去好似花膠雞湯咁、但冇花膠雞湯咁漿、但係仍然係有少少膠質漿着把口嘅感覺😋好飲👍而且唔油膩👍另外拉麵附帶一個糖心蛋、筍、黑豚肉及雞肉雞肉炆得非常之入味、食落去就知道係低溫慢煮雞豚肉老細選用黑豚肉、薄身但大大塊、唔會鞋口、亦係低溫慢煮👍糖心蛋如圖所見、老細選用日本蛋而且溫度非常適中好食好食😋😋😋最出奇就係平時我唔係點食筍嘅人、都覺得佢哋個筍非常新鮮、爽口😋全間舖頭一眼睇晒、只可以容納六個座位、所以形成經常要排隊入閘嘅情況⋯⋯美中不足嘅係此小店通風系統設施比較簡陋、而且冷氣不足、如果夏天入去食碗熱辣辣嘅拉麵應該都會比較辛苦🥲但你話值唔值得？我覺得絕對值得！！排半個鐘頭去享受一碗師傅學藝多年、親自用心製作、而且價錢相宜既濃湯拉麵、絕對值得撐、我真心覺得佢湯底嘅水準其實比跑馬地座銀可能有過之而無

雞白湯拉麵湯汁比較薄身 再加上淡淡嘅檸檬汁非常適合湯拉麵拉麵相對幼身 食落口完全冇鹼水味👍🏻但係質感比較硬雞白湯沾麵湯汁比較厚身 同雞白湯拉麵相比 檸檬汁嘅味再突出少少拉麵比較粗身一啲 最適合配上呢個湯汁一齊食日式餃子可以跟拉麵一齊跳叫，加$25等候時間較長店舖比較細小 只有7個座位如果想食嘅朋友就記得早啲去排隊店舖下午嘅話會6:00pm開門但係未到6:00pm已經有好多人喺出邊排緊隊我大約5:45pm到 6:30pm先有得入去

今日放工女友提出希望去試吓想試好耐嘅泓一，7點鐘去到前面大約排咗16人，而入面只得8個位的關係，預咗要等一場頗長時間。但當時心諗如果好食嘅話，都值得等吓嘅。結果得咗差唔多兩個鐘，終於安排到坐最入個兩個位。雖然有風扇，但因為近廚房關係，其實都幾熱下。兩個人叫咗一碗背脂醬油拉麵同一碗雞白湯沾麵。先講碗背脂醬油拉麵，水平只算是不過不失，唔可以話係驚為天人。至於碗雞白湯沾麵完全令人失望，啲雞白湯同座銀差好遠，完全唔覺得有雞味而得咸味，令人相當失望。價錢來說，算是過得去唔算貴，但連埋排隊同埋環境咗計，性價比完全輸晒，唔會再去

睇啲網紅經常都介紹雞白湯拉麵，一直都心思思想去食，但位置又唔係話好就腳，所以遲遲都未食到。難得今期有機會路過，梗係要整一碗，睇吓咩料啦。因為入面座位好有限，計埋好似大約得8個位，所以都排咗45分鐘先有得食，好彩天氣唔算太熱。雞白湯拉麵 - 雞白湯配幼身麵條，自家製麵條加入了小麥，與平時食開既拉麵係完全不同，口感很好。湯頭濃厚，真係一滴都唔捨得留低，成碗飲哂。雞白湯沾麵 - 沾麵就配粗身麵條，和拉麵的麵條一樣，只係粗幼之分。有粗幼麵條之分係有原因的，因為粗身麵條配上濃厚度十足的沾麵湯頭，十分掛湯，非常匹配。日式餃子🥟- 呢個就正正常常啦。

在附近上班了整年　每次經過都會很多人排隊但是很好奇值得用半小時去排個拉麵嗎？結果是　還好　有時間就排吧雞白湯拉麵拉麵上桌後　碗裡已經飄香著雞濃香湯的表面浮了層奶泡　像咖啡的泡沫似質感很像浮浮的奶泡　和濃不油膩湯底沒有很油膩　相反雞味很濃郁　麵條是有小麥香　而且是扁扁的形狀溏心蛋質感很好　很濃的蛋香蛋黃呈現出橙黃的色澤　很流心的狀態讓我一個愛上其他的叉燒都是不過不失的配料背脂醬油拉麵想比較起店裡其他款的拉麵這款會比較偏油脂感重　但是也清爽的可能本身是醬油底的關係　所以能達到平衡拉麵和配料都不過不失也是個驚喜　清爽的拉麵但也有油脂香

今日放假有機會去到紅磡，見之前某雜誌推介雞白湯拉麵，話泓一湯頭味道都好好，所以一於去試試。去到第一件事係排隊😅嗰日成30度，我喺出邊排咗個半鐘(我12:30到), 真係差啲熱死我 🥵 係我餓到就嚟死嘅時候，終於有位比我入去。急不及待叫咗碗雞白湯拉麵。其實個賣相真係幾靚，第一下飲落去偏鹹，有少少雞味，飲得出冇落味精。但可惜調味比較單調，食咗一半會覺得有啲淡，所以自己加咗少少黑胡椒同醋。其實講到雞湯拉麵，泓一應該已經做得唔錯。但同日本銀座嗰間雞白湯拉麵比，仲有非常多嘅進步空間。兩間風格相同，但人哋個湯飲落仲濃過罐頭湯，而且唔口渴，仲要加咗唔同蔬菜點綴。對於而家來講，泓一可能真係名氣大個味道多少少 。希望店主繼續努力💪🏻

唔知同米紙去食過有冇關係？佢六點開，我6:30去到都要等足45分鐘😭😭😭。入到去當然點做我喜歡嘅沾麵。基本上我鍾意嘅，我鍾意佢麵嘅質地👍。但係我唔知佢點解比咁少湯？可能驚快變凍。.不過最差嘅就係環境。使唔使咁迫呀👎！？使唔使咁disorganised？舖頭細細都可以整到好Organize。不妨參考人哋‘’山系本舍‘’。人哋舖頭細過你都冇咁亂😡。不過最環境差，但就唔係污糟，希望唔好誤會。

最近好出名嘅拉麵小店，第二次到訪先食得到，因為佢舖頭比較細，入面只有六個位，基本上都要排30-45分鐘。weekend睇怕排得更耐了所以暫時未有機會二訪😫😫.‣ 雞白湯拉麵 ⋆ $88拉麵湯底好香濃而且做到好smooth.面頭仲打左泡泡落去，淨飲湯已感受到嗰份誠意。叉燒同雞肉都係慢煮，兩樣都好滑。再加上麵底係每日新鮮制、糖心蛋都醃得入味，基本上由湯底到拉麵再到每樣配料都可以話無野挑剔。唯一就係排太耐隊😂

終於試到近排非常熱門嘅拉麵 — 泓一。上星期日大概6:45到達，門外大概有35人排隊。店鋪上菜嘅速度唔算快，加上泓一鋪面非常狹窄，只得8個座位，食客用餐時間平均大概30分鐘，計返至少要排兩小時，於是就決定放棄。今次平日星期二再挑戰，同樣6:45到達，門外大概有10人排隊。排咗45分鐘終於可以入座。店面裝修較簡陋凌亂，座位亦較為迫狹。餐廳有提供冰水供客人飲用。今次點咗兩碗雞白湯拉麵同埋一客餃子。講到雞白湯拉麵，幾乎所有人都會將佢同座銀比較。之前唔少食評都話泓一嘅雞白湯同座銀嘅有得比，但我認為各配料嘅味道同質素都差一截。.1. 麵條泓一嘅拉麵加入咗小麥，有淡淡嘅麥味。質感介乎在細麵條同捲捲麵嘅中間，有少硬身爽唔，同時亦帶點嚼勁。座銀嘅麵條較粗，亦較煙韌，掛湯能力較強🏆座銀.2. 湯頭泓一嘅湯底雞味較淡，同時亦較咸。頭啖湯的確嚐到雞味，但食到中段，雞味變得冇咁顯著，最後亦未有太大衝動飲哂整碗湯。座銀嘅湯底層次更豐富，食到尾段依然有濃烈香甜嘅雞味，係令人情不自禁一滴不漏咁喝掉整碗湯。🏆座銀 .3. 叉燒泓一嘅叉燒令人非常失望，可能係前置工夫做得不夠好，未能除去豬臭味。相反，座銀嘅叉燒非常嫩滑，

依間小店真係好小 得八個位左右 一入到去就聞到有浸腥腥臊臊嘅味 🤔不過有時有啲拉麵店都有嘅可能係煮肉嘅味道😶‍🌫️//我自己叫左圖一嘅($98)聞落碗湯又係腥腥臊臊不過入口就冇問題 雞油味香濃 但由佢熱辣辣食到變暖就會感覺有啲膩 😌而麵質幾好 彈口幾好咬 掛到湯 不過唔凍 豬肉同雞肉不過不失 都算嫩滑醬油蛋冇乜味 不過有流心 🫡//另外我都試左朋友嘅($88)湯底冇咁稠 雞油味少好多 但面頭嘅豆苗味都滲左入湯 我唔太鍾意 🫤煎餃都好普通 +$25又唔會推薦 就是這樣 🫢//分數: 6.5/10✨除左麵質 我覺得冇太大優點之後再試一次 發現醬油拉麵好食過雞白湯沾麵不過份量都係較少~伏味: 5/10💩沾麵湯底太油 我有幾啖係寧願直接食淨麵舖面太窄 比人出入用patpat撞左幾次枱面都窄 食嘢隨時驚倒瀉舖頭有腥味 冰水太勁水喉味 🤢冷氣不足 店員態度麻麻地限定拉麵消失了 🫥//📌 泓一拉麵 Wonyi Ramen紅磡德民街29號德民大廈地下F4號舖

bookmarked咗好耐好想試難得唔洗點排就入咗去但唔知係咪成間舖濕水定點我坐最近廚師位 好大陣up臭味係真心臭 而且冷氣係滴水😶不過環境係點不是重點 食物好食就得唉 唔知係咪期望過高定失準我食蝦湯沾麵（平時都有食其他蝦沾）朋友食雞白湯拉麵（平時譚仔清湯）大家都一致覺得係冇味而且肉係臭嘅 咬咗幾啖完全唔得我懷疑間舖咁臭係濕毛巾＋肉嘅味真係唔新鮮 唔ok但麵質我覺得係ok嘅小食食咗個煎餃 不過不失普通嘢而且員工都ok嘅 冇乜特別唉冇食過咁難食嘅沾麵 真係失望可能真係今日咁啱唔ok但佢排隊嘅原因 可能因為真係太細入面只係坐到7至8個人唔會再返去 諗起陣味都唔太舒服

食開拉麵既話, 應該都會知邊間係泓一有時有限定出, 蠔拉麵, 同鴨湯.... (但一次都食唔到) 我都终於夾岩時間去排隊等位食嗯, 都等左一個幾鐘, 前面都有十幾個人第一次去食, 冇得比較, 但已經決定左食背脂醬油拉麵 話說當日, 都講得係late lunch, 應該都會有的肚餓如果呢一碗拉麵係我肚餓既時候都唔係覺得好食既話..... 拉麵黎到, 我只能夠用清清地同淡淡地黎形容 拉麵同湯完全係分開.... 食唔到有的咩特式.... 如果我要用一個幾鐘黎排隊食, 好唔值.... 滿心歡喜, 諗住呢間係頭三拉麵, 失望而回其實係咪要食雞白湯? 但個塊雞同蛋..... (只怕失望而回) 個人拉麵ranking 座銀/ 麵處一家 (佢真係好穩定) 同唔肚餓食完都有好大既滿足感 / 熊拉麵 當然... 你可以話口味唔同, 湯底都唔同 ....

愈試愈多雞白湯拉麵呢間拉麵店外牆幾有日本feel 內裡十個位都冇平日中午時間預左要等位雞白湯拉麵$88湯：面頭打到起泡🤤唔油膩唔稠身唔heavy, 飲落似老火湯重點係飲左好多湯, 一 啲 都 唔 口 渴！（而家食拉麵要求好高🤣）叉燒: 薄切, 好滑慢煮雞胸：有幾塊, 細細塊, 唔算好腍, 不過不失糖心蛋：岩岩好半熟, 鹹甜度適中, 好入味麵條：自家製幼麵條, 但唔太掛湯 拉麵有少量紫洋蔥, 幾夾, 令成碗麵昇華咗總括性價比唔錯, 拉麵師傅好有禮貌 下次想試吓醬油拉麵