泓一拉麵

营业中

休息中

離遠已經見到好多人喺門口排隊, 望入去舖頭裏面, 只有大約六個座位, 預咗要等一段時間。我哋排第五六個, 大約等咗半個鐘。 小店空間唔大, 好有日本拉麵店嘅感覺, 我叫左雞白湯沾麵, 見到師傅臨上菜前會筆一殼雞油入湯底沾麵本身附有溏心蛋一隻, 有慢煮叉燒同雞肉, 肉類口感好軟, 煮得唔錯麵條比較特別, 扁身帶有麥粒, 可惜唔夠煙韌, 口感比較似平時食嘅上海麵, 呢樣有d失望不過扁身嘅麵條可以更掛湯, 湯底濃郁, 唔會油膩, 係值得encore嘅雞白湯

雖然這間店喺開飯網評語只有十幾個，但原來係一間人氣拉麵店！特登揀weekday時候去，諗住12pm到 (開飯網寫營業時間係12:30pm)，12:30pm開門實冇死啦，一定會食到每日只供應10份嘅牡蠣沾麵 (HKD138)。點知.....去到已經見到有人龍😱😱，而店員準備開門俾食客進入店內😱由於限聚令嘅關係，每次只有最多6位客人可以進入店內。我好明顯排唔到第一轉啦，到最後等咗40分鐘先入去，心諗一定食唔到份限定沾麵😔點知我好好彩食到當日最後一份沾麵。沾麵製作需時，我咁啱坐喺對住廚房嘅位置，見到師傅們好用心去整沾麵 (除咗我，排我前面嗰對男女都係叫牡蠣沾麵)。當我聞到嗰陣好香嘅煎蠔味嘅時候就知道我就快有得食喇😋😋 碗沾麵終於送到我面前😆 牡蠣用來自日本嘅廣島蠔，每一隻大約好似我食指咁長，粒粒肥美。加上而家係食牡蠣最好嘅季節，一定夠晒新鮮美味！食完第一隻蠔之後...我想講...真係好味道到𠽌𠽌聲！雖然主角係日本廣島蠔，沾麵嘅美味程度亦都不能忽視！麵條做到掛湯效果，又夠彈牙👍🏻👍🏻聽到店員同其他食客講，牡蠣沾麵供應期至到今個月尾。想食就要快啲去喇😋 唔知下期期間限定係咩食物呢？🤔

剛剛工作完畢又沒有特訂食什麼，突然間想起拉麵，果然人氣店而且店內座位比較少，所以我們等了一會就入座了！店內裝修完全是日式拉麵店一樣，好似去咗日本咁，我們在排隊時已經想好食什麼，我們點了海老沾麵、雞白湯拉麵、日式餃子🥟三款味道都不錯呀！湯底好濃，唯獨沾麵食到中段就比較涼咗，口感有少少影響，整體仍然好好！

今日又嚟到黃埔啦 朋友話想食拉麵 就搵到呢間小店 入邊大約只有8個位度 所以都要等一陣位 另外餐廳好貼心 會提供口罩套俾我哋放口罩☺️~~🍜雞白湯沾麵 $98沾麵有三款味道 我就揀咗我至愛嘅雞白湯😬 🐔雞白湯味道好濃郁 味道鮮甜 成個湯都係雞嘅精華🤤 但食晒之後又唔會覺得太鹹👍🏻 一啲都唔口渴 湯仲加左啲紫洋蔥粒🧅 甜甜地中和返湯底嘅濃味😌麵條偏啡色 係用麥整出來🌾 質感食落唔算係好彈牙 比較黏身 但整體掛到湯😌叉燒有兩款 雞肉嗰款肉質軟冧 啖啖肉好好食😋另外第二款叉燒好粉嫩 比較薄切 肉質軟腍 入口即化😆溏心蛋好出色 醬油味唔會太濃👍🏻~~評分📈味道 7.5/10環境 7/10性價比 7/10

專登嚟呢間舖頭食雞白湯拉麵，叫咗碗雞白湯拉麵同雞白湯沾麵，同一客餃子。餃子係較為淋身，並唔係煎香脆果款。拉麵嘅湯底有濃濃嘅雞湯味，但因為面鋪左好多洋蔥，撈埋一齊飲就較為搶左湯嘅味道，拉麵屬幼身，好掛湯。沾面湯底再為鹹一啲，比較飲唔出係雞湯，但同樣好味。兩碗麵都有低溫煮叉燒同雞肉各塊，大大塊唔吝嗇，肉淋身好juicy。溏心蛋亦好流心入味。我食拉麵主要睇湯底，呢間湯底非常出色，好好味，我最後好味到飲晒個湯底。我亦會再黎試埋其他味道嘅拉麵，如魚介豚骨！

見到好多人讚，專程搭十幾個站地鐵去試。下午兩點幾，竟然仲有龍蝦拉麵，真好運。$138，湯、麵、疍、龍蝦尾都OK，但原隻殼龍蝦鉗點食呢？如果先扑碎隻鉗嘅殼上會好少少 (當然要留意啲碎唔好跌入碗麵入面)。最好係參考日本啲拉麵店點樣上有鉗龍蝦嘅拉麵，客人係唔使整污糟對手都食到嘅。支持小店，下次會去試佢啲醤油拉麵。

機緣巧合之下嚟咗呢間拉麵店食野🤣第一次喺冇openrice過之下食一間餐廳🤫因為喺隔離店買完漢堡包🍔食完唔夠飽 就入咗嚟食碗麵😎但係估唔到有驚喜 真平價高質拉麵🤩.雞白湯拉麵🐔 $88因為喺隔離食完漢堡包 所以就食碗清清地嘅雞湯拉麵😋拉麵係每日新鮮製造 好彈口🤤仲可以見到佢啲拉麵有一點點啡色 感覺好真材實料真係用麥整同出面嘅唔同 🌾不過就唔太爽口有少少黏🤏🏻呢度嘅叉燒同平時嗰啲唔同 佢係粉粉地嫩紅色🧐原來係用咗真空低溫烹調方式自家製叉燒✨肉質好嫩滑 有脂肪嘅位仲有少少入口即融嘅感覺😍除咗叉燒仲有塊雞肉😝雞肉都算滑 食落仲好似有少少香草味 幾特別🌿溏心蛋都好正 醬油味唔會太濃 味道同熟度都啱啱好 每次食拉麵都好期待👍🏻

今日試吓黃埔嘅拉麵小店～拉麵店細細一間，只有一張吧枱給及少量座位。可惜餐牌上有部份拉麵都沒有提供🙈.1️⃣ 特制醬油拉麵 $78平時都係食開豚肉湯底嘅，而醬油拉麵就比較清，食落味道唔會喊咸，岩岩好。呢度嘅重點應該係佢嘅豚肉，同外面嘅叉燒有好大分別，食落口滑身。聽說係慢煮嘅豚肉👍🏻👍🏻.2️⃣ 豚骨海老沾麵 $ 96海老沾麵比想像中更好食、更有驚喜！沾麵湯底有好香濃嘅蝦味，但食落唔會膩。面底同平時嘅沾面有啲唔同，而彈牙就當然啦！.總結來講呢間小店都幾有驚喜，可惜冷氣真係唔足夠，一路食就一路流汗，希望可以改善啦！.@fatpet_natalie

魚介豚骨拉麵 $102 ⭐啲叉燒多到蓋過哂成碗麵，大啖咬落去發現有驚喜!!😍薄薄嘅叉燒肉紋路清晰，唇齒輕輕一抿即可將肉分離。整塊叉燒肉質滑嫩，明明非油脂部位，但每啖肉汁油香滿口，油脂帶卻意外清新爽口不油膩，口感神奇而協調。🥰湯底濃濃豬骨香，濃厚黏稠卻不會過油。飲湯時不覺魚香味，卻於品嚐麵條時發現魚香盡掛於此。玉子熟度適當，中間仍然係流心嘅狀態，即使湯頭濃郁都仲食到裏頭嘅醬油味。豚骨海老沾麵 $96紅紅嘅醬汁極濃蝦頭蝦殼味。沾麵比平常見到嘅更為扁身。見到店內設有製麵機就知道所有拉麵同沾麵都係自家製👍👍但發現麵嘅顏色有別其他店鋪，其麵色較啡而非一般近淺黃色。一問之下原來係因為用咗類似全麥粉去製造，可能因為咁所以麵質更為煙韌挺身🤔🤔平時男朋友要加底先夠，但今日就咁一個普通麵底已經好飽。御好燒風味餃子 $35餃子上面加咗大阪燒醬汁同蛋黃醬，食落酸酸地仲可以一解肉嘅油膩👍餃子唔會好乾，裏頭仍保留肉汁，加埋上面嘅木魚碎食落更有咬口。唯一美中不足係個底唔夠脆，脆啲嘅話口感更佳。美味度👅: 8.5/10性價比💕: 8/10環境🏠: 7/10服務🤵🏻: 7/10人均消費: 約$100-$120

今晚拍拖去到紅磡，咁細個區真係中日泰菜咩都有得食，真係啱晒平日鐘意周圍貢嘅我。但係太多選擇都係一個難題，不過地道香港人緊係搵啲小店尋寶啦～嚟到呢度唔係食啲周圍都係分店、擺明掠水嘅「名店」呀～捐窿捐罅去尋寶是常識吧！就在此時看到幾個紅色紙燈籠🏮，舖仔唔大但好有日本feel就貢入去啦。入到去師傅安排我地坐近冷氣位置（可能見我哋滿頭大汗都幾細心）打開餐牌，女友諗都唔諗就話食沾面，我就比較喜歡食幼嘅拉麵，點知打開餐牌沾面都有幾款👍🏻女友話估唔到。叫了一個豚骨沾面及辣味醬油拉麵（好似係咁上下名😅）望一望坐滿晒客人，應該無揀錯。有提供杯及水，而且枱面都放了多種調味料，很周到，筷子用一個有蓋的盒子裝好，感覺衛生。有得食啦，望落去唔係話好特別但係個湯底認真唔錯，仲要有我最鍾意嘅糖心蛋仲要係原隻都只係賣$78。女友嘅沾面到啦⋯⋯估唔到都有一隻糖心蛋，終於可以自己獨享一隻啦（因為大家都鐘意但永遠要讓佢）我平日好怕食粗面覺得好滯但呢度啲面唔知係咪師傅自己造呢，好特別，感覺係麥造嘅而且唔會做到好粗好厚（出面嘅沾面多數係四方形面條）有啲似寬條麵嘅感覺但係拉麵質地，真係好得，連我都忍唔住食咗佢半碗，仲有啲肉質地好

泓一拉麵2015年在大圍開舖，我總認為其餐牌麵食飯款太多，質素較難控制，加上店鋪昏昏暗喑，我光顧了一次便沒有再回到，但是這店奇蹟地做到2019年，同年搬舖到紅磡，店鋪縮小了，座位只剩六個，店鋪光猛了，餐牌也簡單了，人客也多了，我好幾次經過都不可入內光顧。泓一給我幾個鮮明的印象，第一個不得講的是某位師傅的紋身，泓一廚房細小只可容納兩人。其中一名師傅兩臂刻有紋身，我幾次經過都見到師傅工作時兩臂晃動，紋身亦跟着跳動，觀感十足亦很有吸引力，感覺好似很勁很有威勢。而另一個鮮明印象是放置在臨近門口的麵條製造機，泓一所有的麵條都是自家製造。三款拉麵所採用的是細麵，而另外兩款沾麵則用上極太麵，細麵麵條和極太麵麵條都沾上了頗多的小麥粒。我今次叫了一客豚骨辣味沾麵，適逢師傅馬上開動拉麵製造機制作極太麵麵條。麵條粗闊具有麥香，麵質帶有粗獷的咬感，爽口但沾汁力不算高，感覺獨特不錯，有想叫替玉的衝動。另一方面，餐牌簡化了很多，没有飯類供應。三款拉麵湯頭只用醬油及盬，放棄了常見的豚骨湯，三款拉麵分別是特製醬油拉麵($78)、特製盬味拉麵($78)及特製辣醬油拉麵($82)。而兩款沾麵卻與拉麵唱反調，只用豚骨作沾

紅磡拉麵之小店經過紅磡，想搵間拉麵舖食嘢，之後見到一間叫泓一嘅拉麵，出面望入去，見到坐位真係好少，得7-8個位咁。但外面見到醬油拉麵嘅相，真係十分之吸引，所以入店試一試。拉麵店麻雀細小，但實在五臓俱全。六個坐位後面有比人放袋嘅地方。而依間拉麵店有少許特別，店中播嘅歌喺一些國語流行歌曲，唔係日文歌，唔知係唔係想迎合，本土文化。坐低後，店員先有比咗2杯清水我哋，之後就落單，叫咗一碗魚介豚骨拉麵$102同一碗特製醬油拉麵 $78。特製醬油拉麵碗拉麵份量都幾大，色澤鮮艷，掛湯醬油濃郁甘醇，麵條偏幼身，不過彈牙有勁，能吸收醬油嘅美味，耐浸泡都唔會變淋身。而最為美味係隻糖心蛋，流心程度為高，還帶點香甜，而糖心蛋嘅蛋黃，耀著亮眼嘅金黃，咬下去果時仲食得到軟滑嫰口感覺。魚介豚骨拉麵聽講豚骨湯係每日煮近十個小時，而叉燒慢煮6小時，望住碗拉麵，再望住啲成碗拉麵都係叉燒，有更多嘅滿足感。湯底嘅豚骨味很重，麵食落有質感，仲可以沾湯掛上！而慢煮叉燒肉，脂肪比例非常分明，色澤自然，叉燒帶點爽口，但不過太過難咬。因為慢煮嘅原因，食到濃郁豚肉味，令拉麵味道更加升華。係一間不錯嘅拉麵小店，但位置唔多。食物質素相當不錯。

呢間係一間好細嘅拉麵鋪，但唔好睇佢細細間，老老闆嘅用心真係唔可以睇小。鋪頭雖然細，但好處就係，你可以睇到老闆用心烹調嘅一點一滴。今日試左佢地嘅豚骨沾麵（$92）真係真材實料。先睇睇佢個沾麵汁係濃濃嘅湯再配上筍、豬肉粒等等嘅配料，用料十足，睇住老闆係我地面前一步一步準備，唔係做好左嘅沾麵汁，係你即叫即整嘅，睇佢嘅步驟真係多到不得了，真係值得一讚！佢個麵都落足心機，係佢地自己制家，麵條食起黎好有彈力，絕對唔會過軟，而且，仔細d睇佢嘅麵條係有一點點嘅，證明佢做麵都落足心機，唔係用普通嘅粉。

當日排隊吾多人， 等左一陣就入得， 舖真係好細， 得好少位兩個人叫左兩個麵加一客餃子， 薄豚肉， 湯頭味道吾係太特出， 蝦沾麵湯頭真的出色， 如果沾麵有得好似係日本咁， 揀凍或熱就完美了， 但我會再去

近期發生的事件，令我有機會在家工作，今天午飯時間和太太來到鄰近這間新開只有兩個月的拉麵店，點了豚骨墨魚汁黑蒜拉麵和豚骨海老沾麵，叉燒是慢煮的，質地軟滑，絕無雪味，拉麵湯底濃郁，但不太油膩，沾麵的麵質非常彈牙，湯底濃郁得來不鹹，我敢說是在香港吃過最好味的沾麵，絕對推介給街坊，甚至值得區外朋友來朝聖一番！