影片
港铁太子站 D 出口, 步行约2分钟
继续阅读
营业时间
今日营业
12:00 - 16:00
18:00 - 21:00
星期一至日
12:00 - 16:00
18:00 - 21:00
*12:00 - 16:00（最后下单时间为15:30）
18:00 - 21:00（最后下单时间为20:30）
以上资料只供参考，请与餐厅确认详情
为食🐑同朋友一齐嚟太子嘅人气拉面店，本身系鸡白汤fans ，今次试咗佢哋嘅「W汤头」同唔同款面条，仲特登试咗地鸡盐味拉面，整体感觉不错！汤底同面条配搭有心思，以下同大家分享吓今次体验！🍜 地鸡酱油拉面 ($108)
汤底酱油色泽透亮，唔会太咸，带浓烈鸡油香，味道清而不淡。配上多加水熟成面，含水量高达38%，口感滑顺又有弹性，面条幼细，入口顺滑又细腻，挂汤能力不错。配料有慢煮豚肉叉烧同鸡胸叉烧，肉味浓郁，带点黑胡椒香气，仲有一只溏心蛋，流心程度啱啱好，糖心蛋味道好浓郁，味道一流！🍜 豚x鸡 白汤拉面 ($105)
白汤色泽奶白，以长时间熬制嘅猪骨汤底，加上鸡骨鸡壳熬制，难怪鸡味浓郁，仲有香浓嘅忌廉味，汤头稠厚浓郁，的确好出色！面底选用30%含水量嘅低加水全麦粒面，咬感扎实，带浓郁麦香，完美承托汤底嘅厚重感。配料有木耳同葱花，增加爽脆口感，层次丰富。🥤 饮品
🍋柚子梳打汽水 ($28)酸甜清爽，饮落好解腻，配浓汤一流。❤️无糖可乐 ($12）✨ 系一间用心嘅小店，汤底同面条各有特色：酱油清香顺口，盐味鲜甜清爽，白汤浓郁有层次。环境干净，价钱合理，钟意拉面嘅朋友值得一试，唯一缺点系有时候要排队等位！
继续阅读
乜嘢系高加水面条？🍜「W汤头」？🤔唔同汤配唔同面条？😮 食完呢碗拉面长知识了🤭🔸豚x鸡白汤拉面🐷🐥🍜 $105鸡白汤真系超浓郁😳 奶白色汤底结合豚同鸡嘅精华，入口浓厚顺滑，少少胶质但恰到好处唔浆口👍🏻豚x鸡白汤嘅拉面以含水量30%嘅低加水全麦粒面制成，令面条结构更紧致，有嚼感而更有弹性。猫奴喜欢拉面要有少少硬度，唔钟意咁腍嘅就啱晒喇😋面条食落仲有小麦香，配埋紫洋葱粒同浓汤一齐食味道好丰富👍🏻🥚酱油溏心蛋好入味～🐷好大块豚肉叉烧，微微黑椒香气，肉质细嫩柔软。🐥慢煮鸡胸肉未至于好嫩滑但算做得唔错👍🏻🔸地鸡酱油拉面🍜🤎 $108呢碗酱油拉面净系色泽已经好吸引🤩汤底较清澈但酱油味道好浓～表面睇落好似有啲油但食落唔觉得油腻。一路食一路睇后面拉面简介😆酱油拉面系自家制嘅「多加水熟成面」制作（全港第一间🤫）含水量高达38%💦 食落面质好顺滑，同酱油汤好夹🤤🔸鸡皮饺子 $36鸡皮外层烤到脆卜卜，外脆内软。点埋蛋黄酱正～🔸柚子/葡萄梳打汽水 $28两款特式梳打汽水好清新， 配炸物或拉面都好解腻～餐厅好细心地提供发圈俾客人扎起头发好好享受拉面🧏🏻♀️食到中途想转吓口味又可以落胡椒粉或生蒜调味。最后猫奴同男友清晒成碗，汤都饮到见底🤤🍜汤头：店家强调以「W汤头」做法，以日本地鸡、豚骨、昆布、煮干（小鱼干）、鲣鱼等等熬制成动物与海鲜结合嘅汤头。两款汤底各有特式😋🍜拉面：对面条嘅执著，唔同汤底配唔同含水量嘅面条，食落口感同风味都好唔同👍🏻整体嚟讲，由食材质素、准备及制作、餐厅环境，呢个价钱嘅拉面算唔错，难怪会平日夜晚去食都要排队😋🐾猫奴足迹🐾🌐泓一拉面 (太子)📍太子汝州街21号英来大厦地下E号舖
继续阅读
今天很早就来了，可惜前几天是台风，吃不到限定的拉面就吃了这两碗，还有饺子，当然是为了拉面而来的，比较早来，不用等太久，希望可以保持质素，整体是非常满意的！• 汤头：豚x鸡盐味拉面（$105）豚鸡盐味汤是清淡爱好者的心头好。鸡汤澄澈透亮，凑近便有温润的鲜香漫上来，没有厚重感，喝一口，鲜而不腻，暖意从喉咙一直顺到胃里，舒服得让人想一口接一口喝到见底。豚x鸡酱油拉面（$105）鲜甜的酱油汤底一样是人气，酱油味道较重，汤头一样是清甜有层次的，喜欢酱油拉面的不用想太多就算他。• 面条：高加水制成的面条是点睛之笔。通体泛著自然光泽，筷子挑起时能稳稳挂住汤汁，入口带著恰到好处的弹劲，吸溜一口，面条裹著盐汤的鲜，每一根都滋味十足，和清润的汤头堪称天作之合。• 配料：叉烧用黑椒腌制过，肉香里透著微微的辛香，不喧宾夺主却足够；味玉更是惊喜，蛋黄橙黄如琥珀，轻轻一戳就缓缓流心，混著面条和汤汁入口，蛋香与鲜味交织，这水准确实担得起“招牌”二字。鸡皮饺子 🥟 相信是自家制的鸡皮比较香脆可口 口味偏浓是日式饺子风格
继续阅读
听讲泓一拉面嘅汤底好出色，所以同老公一齐嚟试下。鸡白汤拉面愈来愈多人喜欢，香港亦开了不少拉面店，终于有机会一尝泓一拉面。星期日中午刚好等候时间不长，今次趁唔算太多人就即刻入去食返碗先，座位唔算太多，地方简而整洁，佢地系开放式厨房，可以睇到煮面过程，店员们年轻有礼。最贴心嘅就系枱面附有扎头发橡筋，方便长发嘅人士用。虽然舖面细但系好有心思位，仲有冰水提供同多种调味料提供。特别提醒各位想去试嘅朋友们，因为店舖属于小店，如果在繁忙时间你有机会要喺门口排队等位。手机下单后不稍一会拉面便奉上。豚X鸡白汤拉面鸡白汤底呈奶白色，味道清甜没有味精，面层带一层薄薄的泡沫，口感食落入口即化，汤底重鸡味浓度中等，唔属于好浓厚果种，豚肉和鸡肉肉质嫩滑，口感层次丰富，半熟溏心蛋满满酱油香但唔会抢拉面风头。拉面选用含水量30%的低加水全麦粒面体，口感富有弹性，并带有麦粒外壳，更加展现出小麦的香气和味道，再加上有爽口的笋片，层次变得丰富。地鸡酱油拉面地鸡酱油汤底的颜色相对地比较清澈，带有淡淡嘅鱼干香味，味道平均得刚刚好。这种清爽的汤底和口感烟韧的拉面相得益彰。拉面弹牙带有麦香味，口感顺滑，两款拉面嘅温泉蛋都好流心，呈橙黄色，够入味，口感充满惊喜。鸡皮饺子鸡皮饺子外皮香脆，热腾腾香气十足，每一只都涨卜卜，小小的一粒卖相好吸引，亦好创新，一口咬下去，内馅多汁而鲜嫩重油香，口感尤其丰富，点埋酱汁增添一层醇厚嘅风味，第一次食呢种配搭有惊喜。值得欣赏嘅系店家将两款拉面用唔同嘅面嚟配搭，真有心思。将浓厚嘅鸡白汤用麦味有咬感嘅面。而清淡嘅酱油汤就用滑身麦味无咁重嘅面，各自嘅配搭都相当出色，值得推荐。
继续阅读
❰泓一拉面❱ 豚X鸡白汤拉面🍜📍太子汝州街21号英来大厦地下E号舖太子泓一都好多捧场客，我虽然唔算常客，不过间唔中都会帮衬。之前有食过佢嘅《煮干🐟盐味拉面🍜》，《煮干🐟酱油拉面🍜》同《地鸡🐓盐味拉面🍜》，当时觉得煮干🐟酱油最合我口味。今次刻意试过另一大热门之选：《豚X鸡白汤拉面🍜》香味 (3/5)主要以鸡香味为主，豚骨味就冇乜。汤 (4/5)呢间店，计埋今次我试过4款拉面，佢地个汤嘅共通点系咸度较低，走清淡路线。不过咸度低唔代表佢唔够味，个汤系够鲜够香。因为我正正钟意淡丽风，佢正合我心意。豚骨同鸡骨嘅味道出奇地平衡，冇话边个抢左抢个，近乎系5:5之比。面条 (5/5)我第一次食佢嘅低加水面，我认为非常有惊喜。同高加水面完全唔同风格，面质爽弹有韧性，硬度刚好。可能因为加埋麦粒外壳，加添风味同口感。配料 (4/5)猪叉烧方面，调味比上次加重左d，黑椒嘅味道浓郁左，加上肉味都系更浓，又相当大块，我认为好正。鸡叉烧方面，鸡胸肉，未至于非常嫩口但还过得去。肉味同上次一样，都系麻麻地。溏心蛋方面，中上有余，有流心，生熟度控制得好好。葱同笋正常，不过笋稍为偏淋左d。正因为个汤比较清淡，食完面，饮晒d汤都冇难度，仲有少少唔够皮添！整体 - 值得推荐 👍👍👍👍
继续阅读