泉章居 (已結業)

上次在大埔試了不錯的客家鹽焗雞，近期亦心思思想再一嘗，適逢這段時間在旺角一帶辦事，順理成章幫襯這裡出名的鹽焗雞。點了鹽焗雞飯另外再加一個當天蓮藕眉豆例湯。這裡午市的鹽焗雞，飯及鹽焗雞是分開上檯，落單時要求走翼都能做到，但看見上檯的鹽焗雞，不明白為什麼盛碟內滿是雞油，加起來起碼有小半碗油，而其他食客的都是一樣，這點馬上扣掉不小分數；說回鹽焗雞，因是雞髀位置，肉質較滑，而雞皮沒多餘脂肪，不錯；食味方面這裡稍為咸一點，但雞味又不覺很濃，應為冰鮮貨色，說好味道還是不及。而例湯是正宗老火式，夠濃及味，但是稍為偏咸，五大洋的一小盅又好像不值，難怪其他食客無一點選。這裡沒有以取茶位費用，但所提供的普洱還是不錯，在這等老式酒家茶葉始終有其水準。總結若只看這裡頭牌的鹽焗雞又不是所說的出眾，起碼比大埔的東江差一截；環境因新裝修，光光猛猛；伙計招呼不俗，起碼算是斯斯文文；若下次過來，似乎不是為了這裡的鹽焗雞了。

昨天到泉章居吃飯, 嚴守一向出街吃飯的準則---「早吃」, 不用等嘛!!叫了一個四人套餐, 鹽焗雞+海參+西檸蝦球+椒鹽焗豬扒一個套餐(送例湯), 額外叫了一碟糯米飯!!海參很細碟, 食味嗎?很一般而已!西檸蝦球一樣很細碟, 每人只有2只, 西檸汁很開胃, 蝦亦新鮮, 有蝦味, 較西檸鴨等清新!椒鹽焗豬扒相對很大碟, 豬扒有肉味之餘, 亦唔乾身, 有肉汁及鬆化, 感覺相當不錯!鹽焗雞嗎?我想不用我多說了!質素很好, 有雞味!與沙薑很夾!例湯是老黃瓜煲豬肉, 味精放得不多, 算不錯的了!最要批評的是糯米飯, 料少, 黏性不足, 沒什麼香味, 而且有些鹽糖還未煮溶......!整體可以, 但糯米飯真的太令人失望, 會不會再去呢?應該會, 會吃鹽焗雞, 但一定不吃糯米飯了!!

今晚做節, 一行7大1小Order了6人餐再加3個餸:冬瓜盅：另加$80, OK啦! 入面都好多料.鹽焗雞：真係一般... 食了兩三件都好'鞋'芝士斑塊：個汁杰得嚟冇咩芝士味, D斑塊都好大件.粉絲什菜煲: 唔係好得! D粉絲碎濕濕.梅菜扣肉: 扣肉炆得好淋, 但梅菜有沙.豉汁蒸大鱔: 屋企人話都唔錯!煎炆豆腐: 有少少臭豆腐味, 可能心理作用啦!炸大腸拼炸鮮奶: 炸鮮奶好味! 但炸大腸我冇試...因為當晚D人大多數做節, 所以D枱較為緊張, 6點入坐8點要交枱.

一個套餐四一湯都只係二百幾，味道都算唔錯，好抵！

星期日3個人在旺角逛街，原本想在女人街食但最後去「泉章居」，去到已經接近兩點，有好多空檯。叫個套餐包括例湯、王雞、咕嚕肉、鴛鴦炒飯。例湯好普通，王雞很韌但有雞味，咕嚕肉碎濕濕兼個汁太杰，鴛鴦炒飯只收38元算係咁啦。以前都幫襯過，發覺水準唔係好穩定，有時幾好有時就好差，不過爛船都有三斤釘，總好過是但搵間好。

今日去咗旺角泉章居, 三個人叫四人套餐。例牌叫白切雞, 白切雞夠滑就肯定啦。今次叫咗梅菜扣肉, 一向唔多食肥肉, 都忍唔住爭食!! 梅菜咸味啱啱好, 肥肉又唔”溜”! 正!加20蚊改白果豬肚湯, OK啦! 感覺有少少似唔甜嘅糖水。唔比book位–等45分鐘都係扺嘅, 起碼唔會好似鳳城咁冇人理你。大家都係老牌食店, 泉章居就care D 客好多。.

尋日媽咪生日，幾經波折終於都係去泉章居食飯！8個大人2個BABY(兩個都係1歲幾咋喎)，竟然叫o左個6人餐+ 4人餐=10人餐！最恐怖係竟然食得晒~鹽焗雞：招牌貨雞夠滑肉夠彈牙，唔錯~瑤柱肉鬆蒸水蛋：咸o左d，但d瑤柱唔少，幾足料京都肉排：麻麻地，不過夠瘦粟米斑塊：件頭夠晒大，咸o左少少但都ok蟹肉扒西蘭花：好味，真係比蟹肉你仲唔少粉絲中蝦煲：唔係咁掂，粉絲好乾d蝦仲要係雪藏貨蒜蓉帶子蒸豆腐：都係咸，帶子細粒但豆腐滑花膠海参(菜芯墊底)：just soso，我只係"了"到少少蒸紅鮪：d鱗刮得唔太乾淨，but條魚都ok o架~冬瓜盅：另加80蚊轉個湯，我覺得同出面48蚊冇分別~老黃瓜煲豬肉：是日例湯....味精野~salty今餐係咸o左d，不過無損味道o既，下次輕手少少就好喇~雖然好多人食要等位，但我地一早訂o左所以唔洗等，仲要7點半坐底8點9先入單叫野食都冇怨言，最後我地食蛋糕仲主動幫我地清晒枱面同比碟我地分蛋糕，唔錯~今晚消費900蚊，唔係我找數o既，今餐食老豆o既~

多次來到泉章居食飯,每次水準都很平均,雖然人多但保持有這樣的水準也很不錯了,這晚叫了個６人餐,霸王雞依然很滑,梅菜扣肉都是很好味(怕肥都要叫的一個菜),蒜茸帶子豆腐也是可以的,菠蘿咕嚕肉也OK,最係是金銀蛋時菜也是有水準的.連飯埋單$473,六人每個都係$80吳洗,我覺得咁嘅地方同招呼都算可以啦,所以也是這處的常客.

27-7-06 8:00pm 3個女人聽朋友講過話呢度d雞幾好食,但又上黎openrice睇過d人話好一般,間中經過..見到好多人等位,都會有d心CC想黎試下,半個月前同媽咪家姐黎到,等左好耐,見唔對路,等得太久,轉左去(上樓)食,但媽咪仍想黎呢度試下d雞,今日決定早d黎...7:00pm黎到,等到7:55pm...叫左個2人餐\..$1583個飯...$183個茶位...$18加一=$213鹽焗雞..好肥,有d滑,有d鞋,夠晒味,夠咸(唔洗點沙畺醬都夠咸),有雞味,同一般出面d雞差唔多...梅菜扣肉..ok,都算好味,梅菜算多,肥瘦適中,唔會太咸,唔算(漏),有8片...西O煎軟鴨..太甜,夠脆,我唔太鍾意呢味,家姐揀ge...紅蘿蔔例湯..唔好飲,冇咩蘿蔔味...(後悔冇加$$轉其他湯)如果要等咁耐,應該唔會再黎,如果唔洗等,都會考慮下,價錢收費算合理,好大碟,2人餐\夠晒3個人食,我地仲食剩少少拎走tim,d食物黎得幾夠快,服務都ok~

星期三晚到泉章居食飯，七點半到等位，人頭湧湧，不過，旺角區冇乜地方乾淨又好食，始終都會選擇泉章居。當晚叫個４人餐，今次食霸王雞，好夠味、又大隻。梅菜扣肉保持水準，每次都叫。栗米斑塊唔會太漿。花膠炆海參都幾好，但多油少少。總之我大胃王咁鍾意食，每次來到都一定唔會失望。

食店搬新鋪之後新不如舊呢個定律係咪真係無得改變呢?? 今次泉章居又幫我印證左...話說老闆某位好友生日, 諗左一輪都唔知食咩好... 幾條友行行下去到旺角睇相機, 之後就決定去泉章居. 7點鐘居然重有檯, 坐低左就見得張套餐紙, 連menu都唔用, 諗住散叫D呀姐又好似唔係好like, 算!!!叫左個4人餐, 霸王雞半隻, 梅菜扣肉, 炸大腸, 梅菜鯇魚, 再加黑椒骨, 鹽焗雞同椒鹽珍肝, 4個人男人, 差唔多啦... 結果, 失望既一餐... 霸王雞同鹽焗雞, 有D o鞋口, 明顯地煮得太耐, 而且得個咸字... 梅菜扣肉, 不如叫梅菜瘦肉算啦, 成碟扣肉得一塊類似五花腩, 其餘塊塊都係似瘦肉多D, 梅菜得個甜字, 一D咸味都無... 炸大腸非常之行貨... 梅菜鯇魚D梅菜唔夠, 魚又腥... 黑椒骨不提也吧, 一個字- 差... 椒鹽珍肝又係得個咸字...好怕D食店出左名, 之後搬新鋪... 古有妹記魚粥, 鑽石山詠黎園等, 今有泉章居... 唔好以為出左名, 新鋪裝修好左, 質素就可以交行貨; 新客或者食唔出, 舊客比你欺騙得一兩次就唔會中計...

今日第一次黎食...兩個人唔接受預訂...六點去到...仲有位, 但遲少少就無啦, 食緊既時候...好多人等緊! 叫左個二人套餐...加左$20轉左白果豬肚湯...幾好飲又無乜味精! 沙薑雞再加埋兩樣餸...有啲似大榮華! 我地叫左京都骨同油鹽浸菜心...! 沙薑雞幾新鮮, 幾滑, 菜心都幾好...! 京都骨最特別係...唔用菠蘿...用左酸蘿蔔...又幾好食...不過...京都骨淋淋地...麻麻啦! 個套餐$158, 轉湯, 連一碗白飯同茶...就要$220! 仲有好多野想試...見到枱枱都叫梅菜扣肉...下次要試下, 另外炸大腸都係!

來得泉章居當然想食霸王雞啦,可是. . 現今的霸王雞大不如前, 食唔出有雞味, 又無特別, 不過始終勝在夠平, 一個二人餐$158, 可以選二個小菜, 加一個霸王雞, 加一個例湯, 小菜一定選炸大腸, 好味又香脆, 糖醋排骨味道一般啦, 我們三人都吃得飽, overall ok, 但等位耐, 等了大半小時。

星期一又同暖暖去食，都仲okay呀，霸王雞今次o鞋口o左o的。因為同埋暖暖家姐去食，所以例湯改埋冬瓜盅，嘩，真不得了，好大個，好多冬瓜肉。我個人獨哽10碗，都仲有好多，結果食o左兩個多小時，才把檯面食物吃完。

黎過食好多次, 次次都係想黎食佢既雞, 因為真係好味~唔知係咪太多人既緣故, 質素開始有d參差叫左個4人餐3個人食, 霸王雞就保持水準, 但係d 小菜就真係有d 求其..