泉章居 (已結業)

盬焗雞好大隻, 正確來說應該係盬浸雞, 雞胸幾鞋但入味. 炸蝦無味, 豉油皇蝦不太鮮香, 粟米斑塊肉唔爽口, 蒸魚不過不失, 其餘菜也是普通, 不過平平地算係咁....好似好耐都無精心咁安排及策劃外出去enjoy一頓晚飯, 唉.....生活艱難, 為食之過....

30/Jun跟一班大學同學到這裏聚一聚其實以前巳經來過幾次．．．總共七人點了：鹽焗雞一只--> 沒有雞味，肉太老，煮太久了，剩下四分之一只沒有人要吃冬瓜盅　-->　完全不值一提，像帶了點咸味的開水而巳(因為我媽很會熬湯，故對湯要求特別高)菠蘿咕嚕肉--> 沾麵粉太多，咬下去咀都被那厚厚的麵粉糊了．．．西檸蝦球--> 蝦球很大一個，因為蝦的味道淡淡的，西檸汁也是淡淡的，覺得沒什麼特別，改成西檸雞應該會好吃一點金銀蛋莧菜-->　整晚最好吃的菜！鮑片生菜--> 茨汁有點油，鮑片像是素鮑魚．．．豬頸板-->　像加了黃糖的饅頭，不太欣賞茶粿-->　在外面買的客家咸茶粿(有眉豆作餡)比較好吃評：不要以為名氣跟食物素質會成正比的

昨晚8個人去旺角泉章居食飯，因為要開O.T. 所以9點才去到食飯，我們叫鹽焗雞一只---每次都叫，好嫩滑，每次都有水準梅菜扣肉--- 依然咁好味冬瓜盅--- 夠清甜粟米石斑塊--- 好味又多汁蟹肉西蘭花-- 唔會太油西檸芝蝦球--- 蝦球夠大只，味道特別我們喜歡這地方乾淨又抵食，又大碟，很多時食飯都會諗起泉章居。

好耐已經無去泉章居食飯，因今晚同舊同學聚餐，所以先去食。真係好失望、好難食！菜單﹕荔芋香酥鴨- 炸得好乾身，麻麻地炸大腸- 有壓味椒鹽銀雪魚- 味道好咸炸蝦丸- 好咸，又無蝦味霸王雞- 無興趣食冬瓜盅- 一般蟹肉扒西蘭花- ok啦梅菜扣肉- 一般唉~~~失望啦！good luck！

星期一晚去, 點咗一個二人套餐, 收158, 有雞,例湯,還有兩個餸, 自己再加一個椒鹽珍肝, 例湯加廿元改成白果豬肚湯. 叫咁多, 當然因為有期望, 而且信得過佢係老字號.結果大失所望, 招牌霸王雞一入口, 咦?點解咁硬0既?連雞脾都可以用來打牙骹. 中式牛柳, 牛肉淡而無味, 果汁連李錦記一包包的中式牛柳汁都比不上, 白果豬肚湯有白果但冇白果味, 唔知係唔係用咗真空包裝的白果. 椒鹽珍肝切到超細粒, 炸完後入面變成乾柴,面頭又冇椒鹽, 要叫侍應另加一碟華鹽俾我地自己點.本來打算有些慶祝,結果當然非常掃興. 銅鑼灣那間好似好d, 我地平時都係去銅鑼灣果間.

星期五晚跟班舊同事食飯，他們選擇旺角區，左揀右揀，都唔合心意，又想經濟抵食，又想乾淨、坐得舒服，都冇乜好地方，後來我諗起旺角泉章居，因為之前去過好多次，都幾好。幸好我識得打電話訂位，我們6個等10分鐘就有位，否則有排等呀。我們叫個6人套餐，鹽焗雞仍保持水準--很嫩滑，與其它地方真的好唔同，梅菜扣肉好香--非常好送飯，豉汁釀涼瓜--肉唔會好實，好值得一試，冬瓜盅好清甜--很好味很夠份量，其它都OK。我們6個大男人全部食清，地方又乾淨，個個食得開心，他們覺得我今晚的提議很好，大家異上口同聲都話下次聚會一定會再來食鹽焗雞。

父親節...兩老話想o黎飲豬肚湯...5 點10 分就o黎到呢度...點知已經開始好似打交咁...又話宜家坐就要7 點15 分還返張檯...有d 人又有得打電話訂檯...但係明明打電話話訂檯又話無得訂...真係唔知想點...攪o左一輪...5 點35 分終於可以坐低...有d 2 人餐/ 4 人餐/ 6 人餐咁..可以揀雞/ 魚+ 幾個小菜...小菜都係menu 入面o個d...可以任揀...點菜後....唔洗5 分鐘...d o野都已經送晒上o黎了...真係仲快過大家樂個即叫即煮...叫o左鹽焗雞/ 扣肉/ 炸大腸/ 西檸蝦球/ 雜菜粉絲煲..另再加20 蚊轉白果豬肚湯...豬肚湯味道唔錯...扣肉亦都幾好...送飯真係一流...炸大腸無乜味道...西檸蝦球得幾o舊...見menu 仲要80 蚊...勁唔抵...粉絲煲不過不失...加5 個飯再加埋一....50x 蚊...

星期一7點幾到，即有位，真好!霸王雞必叫，送飯一流。二人套餐都抵食，雞/海上鮮+兩款小菜，送例湯，$158。客家菜好似都幾鍾意用海鮮或雞窩，合我心意，因為我不好豬和牛呀!見好多人叫冬瓜盅，我都心郁郁想食呀，下次多d人才叫啦!不過呢度d菜式偏多油，最好洗洗先食。( >_<，比人鬧死!)

早幾日一家人出街食飯, 黎呢道係貪方便價錢又唔貴, 平時都知道要等位, 所以叫左細佬去扲定位先, 但原來唔齊人唔准入去, 結果都要等埋一齊先入得去。我地一行五個人叫左個六人餐食, 有老家人梗係叫多d好過唔夠食丫嘛。節瓜瘦肉湯(例湯) - 好夠味但飲得出有味精囉金牌鹽焗雞- 爸媽話最好食, 好嫩滑點埋d沙薑醬仲好味京都骨- 肉咁淋同埋d甜酸汁很惹味, 幾好鼓汁蒸鱔- 用陳皮蒸加上唔係咁新鮮, 我唔係鐘意陣陳皮味, 唔好味祝笙冬菇時菜- 比起其他"食送"較細碟, 但味道唔錯粉絲中蝦煲- 無汁既, 粉絲同中蝦完全係分開烚熟之後放埋一齊, 蝦又係雪蝦, 好難食!總括食物同服務都係一般

此乃舊同學聚會。週六黃昏六點三，我們十條佬聚首這食店，邊叫邊食，結果食足兩個鐘，八點十分才叫埋單。叫了一桌子餸，招牌菜都試了。當中，粟米班塊、炸大腸、霸王雞、京都肉排就來了兩個轉。講真，這兒只是一間偏傳統的廣東菜館，賣的都是小菜類。就菜式而言，個人認為跟深水埗大牌檔或各式小菜王的沒兩樣。攪到晚晚排隊排到出門口，又好似誇張D。不過，本地的中價名氣店，就是這樣被飲食雜誌吹捧……。不過，若家中老人家點名要來，我還是會奉陪。另：肥仔負責「吹雞」，各昔日同窗，共十條佬即刻集合。才花一個下午而已，似乎由肥仔當召集人都未嘗不可。（恭喜晒，肥仔！）我們食足兩個鐘，班伙計都無話特別催我地埋單。大概我們當中有四位政府紀律部隊成員，賣相特別些！？

搬咗嚟新舗第一次幫襯,但好失望,完全食唔番舊日的味道,d餸大部份都又肥,又油,隻鹽焗雞好大隻,全因層皮又肥又厚,好似著咗羽絨咁,梅菜扣肉,梅菜夠晒多,扣肉肥到不得了,完全唔合格,炸大腸仲唔掂,雪藏貨,完全無大腸香味,應肥就唔肥,口感就係..有件炸到乾晒嘅唔知乜嘢皮,味道甜甜酸酸...真係好大碟,但兩圍枱各一碟,結果食剩一又四分三碟!!!油菜就係認真的"油"菜,生炒骨都...連粟米羹都行貨到死,自己煲都有水準過佢,仲有幾個餸,但食咗都唔記得係乜,唔係自己揀擇,係兩圍枱二十幾人,又大又細,老中青都無個滿意! 呀!仲有種食得好趕的感覺,因為d伙計工作效率好高,執枱快過乜.雖然係平,但.....都唔知用乜形容佢好,總之個個都好失望唔係我埋單,所以唔知幾錢?

泉章居口碑街知巷聞。親身試過，果然名不虛傳。o個次同家人食飯。叫左幾味例如冬瓜盅，同招牌菜『霸王雞』。侍應上菜好快。各款菜式都相當好味。隻雞又大隻。四一湯五個人食，好飽。埋單$350。都算物有所值。遺憾的是﹕『食得好急、好辛苦』。完全享受唔到嘆餐樂趣。每次o岩o岩食完一碟，侍應就立刻收野。碗筷都差唔多想收埋你咁。有少少『送客』feel。全程用餐到埋單，前後不過一句鐘。整體食品就完全ok，不過服務同侍應態度就比下去。

即興俾老豆媽媽call去食飯，星期二竟然有勁多人等位。六個人當然叫6人套餐啦。是日例湯係花生雞腳湯-好夠味，好老火，雖然味精一定有。唔要鹽焗雞改叫霸王雞，味道同鹽焗雞差不多，肉質幾滑、亦有雞味。連老豆出街食唔食雞，都讚好，不過我覺得味道鹹少少。生炒骨-唔錯，炸得夠脆，而且件件都係排骨，墊底的甜酸蘿蔔好好食。豉汁蒸龍脷-好大條魚，不過肉質唔老亦唔會霉，蒸得剛好，而豉汁好野味。金銀蛋莧菜同蟹肉扒西蘭花都ok，唔會好多油及多茨，搞到一pat pat。雖然個套餐$37X，加埋茶芥、飯粥，埋單都要近500。不過都好抵食。

3 April 2006 (Mon) - 晚飯好朋友派帖，眨時間諗唔到去邊度食，唯有黎比較經濟實惠既泉章居，一行九人叫咗個2+6套餐，我都唔知係咩，有朋友做點菜．．．淨係知道有：例湯，檸鷄，椒鹽九肚魚，京都肉排，扒雙蔬，魚，一隻招牌鷄(沙薑)，素菇．．．應該仲有一樣，不過唔記得了！己經好耐冇黎食，覺得水準差咗，招牌鷄居然滯消，魚就老得滯，以前明明有糖水送，而家都冇，可能銅鑼灣嗰間會好啲．．．

噚晚係旺角遇到朋友仔, 即係約埋食飯, 企係旺角諗o左好耐, 都諗唔到邊一間餐廳或酒樓坐得舒服而又價錢合理, 當我男友提起泉章居, 我即刻諗起樓下坐滿食客等位的情景, 已想打退堂鼓, 但見男友很想一試, 就行去望望, 點不知又出奇地少人, 我o地只係等o左10分鐘左右就有, 真好彩!我o地叫o左個4人套餐, 送例湯, 點了招牌鹽焗雞, 瑤柱豆曲, 京都骨, 鼓汁蒸大鱔! 例湯係普通青紅蘿白湯, 但分不清有沒有味精! 鹽焗雞非常嫩口及入味, 沒有蒸過籠, 剛剛好!好味!京都骨的甜酸汁很野味, 但可惜係肉底比較厚及"鞋", 裏頭的肉仍然係雪白色! 食落麻麻! 最驚喜係鼓汁蒸鱔, 好耐無係街上叫鱔食, 因為怕了前排的新聞的"孔雀石綠"事件, 但經過時間洗禮, 什麼也忘記了, 呢味他們蒸得很入味, 魚肉夠滑, 又夠大碟頭, 值得推介! 但估不到最失望係碟荳曲, 份量太少, 像茶餐廳套餐的一人份量, 極為失望, 我們嫌蔬菜不夠, 最後加點了"南乳齋什菜煲", 但仍頗失望, 因為汁得不夠濃, 似一汪水, 得一兩舊蘭花, 其餘多係係茄子,鮮菇及東菇, 好像沒有粉絲! 另外汽水一罐$10頗昂貴! 但照