泉章居 (已結業)

有日放工，帶母親來試。散叫了幾款小菜，還有它馳名的雞，只可惜雞身太老了，其餘小菜也沒甚特別，令人失望，比較起在未搬前銅鑼灣正舖食的雞、炸蝦丸和汁煑元蹄，分店的質素真的差得太遠，要食好野還是要到正店食好。

超鹹, 又油膩唔會再泥食評都慳番

星期五同親友一齊去食晚飯，食品有一定水準。不過由訂位開始，就發現佢D 員工態度惡劣，可能真係唔憂做。無論知客、部長同待應都係(好在有幾個比較helpful)。劉德華話"今時今日呢D 服務態度點得嫁!"希望佢地聽到!

3月8日婦女節，我們幾個好朋友約出來晚飯，左揀右揀，都唔知去邊，我突然諗起去泉章居，因為上次我同屋企人去食過團年飯，大家都話幾好。今次，我幾個都食得好開心，鹽焗雞一定非叫不可，梅菜扣肉保持水準，炸大腸好脆、其它都OK。今次沒有預先訂，等20分有，都算快啦！下次記住要訂呀！

己有一排沒有到旺角逛街,昨天適逢幾位朋友都想食雞,當然首選泉章居啦,而且有個多月無食過,一行五人就衝上去食,當時是七時幾,因為人齊所以一到就有位,坐落即叫六人套餐,鹽焗雞一隻,依然很滑.叫了扣肉(例必叫的),味道很正.鼓汁正大鱔,好新鮮.滑蛋虾仁,蛋炒得很滑,而虾又有五、六隻.瑤柱豆苗,好食但小小多油.湯是送的所以無物要求,但覺得無物味精.無食一排覺得水準依然,其待下次再去幫襯.

選了六人及四人套餐，心想以為夠食，但個個都食不飽，小菜碟碟都細碟，芝士魚塊，魚塊只有五件，芝士汁好似泛濫到碟邊; 蒜香骨，極度炸透，骨都炸乾，肉質又乾又冇汁; 聞名的雞雖然大碟，但居然過火，肉質很老，還很黐牙，連愛吃雞的妹妹也不會爭食，還有剩。要數算最好的還是蒸魚，沒有過火，其他餸菜不是太油，就是太少，十一人(七女四男)也不夠飽。

打去訂左8點鐘10個人位, 但之後改為7位啦. 之前一日都巳經打去confirm張枱, 點知好串咁話...聽日會有人打黎confirm嫁喇, 就收左線... 到第二日, 真係有人打黎lor, 咁同佢講改7位啦, 佢居然話要我自己去等位,無得book, 年29, 而家叫我咁等點去搵枱... 一開始時又唔講.... 好好好過份....

見網友給予的評分甘高, 於是相約友人到此品嚐招牌菜- 海南雞果然名副其實╰(￣▽￣)╯yummy yummy ~~~~~肉質鮮美, 再加埋薑蓉, 簡直唔願停手呀~其次值得一讚的是...我幾滿意佢地既服務態度...雖然我地坐係偏房內, 但絕不會覺得無人理.因為以我眼見, 就是這間有5 張枱的房間已經有2 個專為這間房打點的侍應.酒樓位置雖稍為遠離人群集中的地方, 但我覺得值得一試呀!

本來諗住開開心心去食飯，打左去下個星期訂位食飯，本來訂左八點半，但突然因為可以早去，所以已經係同日再馬上打去銅鑼灣店改時間，點解比個唔知紅"伍"定係姓"吳"的女任一句話來話"小姐，我七點比張枱妳，八點要返，得唔得呀！"突然一句比佢寸過來，真係唔知點好！打去其它分店，想問下個投訴部電話，個個都話無！唉，唔通d舊飯店，就一定要受佢地d伙記氣？

由於住旺角, 貪方便, 去食過几次, 覺得油麻地, d雞好肥, 好大隻, 如果唔擔心健康, 又鐘色食肥野的話, 都ok, 好過大部份食肆d冰鮮雞貨色, 炸大腸、梅菜扣肉、例湯都ok, 其他無乜特別. 又唔係想像中咁抵食. 最近一次去係九條友, 每人平均都90元.

上月尾媽媽生日唔想次次都去個間酒樓, 今次轉下新意試下呢間. 一行十幾人點了個8-10人套餐, 另加幾個食送鹽焗雞- 尚算滑, 有雞味, 但我都係鍾意霸王雞多d, 因我喜歡上面個d蔥豬大腸拼沙拉骨- 豬大腸炸得香口, 唔油膩, 碟底酸蘿蔔味ok, 其實呢味食送整得幾好, 但因叫錯了兩碟, 所以最後都食剩了翅- 唔記得咩名, 料幾多冬菇菜- 無食椒鹽珍肝- 腎同肝各一半, 好香口, 呢個食送最多人贊三鮮骨髓- 骨髓入味, 唔錯芉頭扣肉- 麻麻, 都係梅菜扣肉好食好多蛋白炒飯- 飯粒粒分明, 料都係蝦, 肉絲個d, 味偏淡三鮮炒拉麵- 好大碟, 但無食蒸糕- 無食好似仲有但唔記得上菜, 收碟都好快, 侍應做野都係好快手, 味道同以往差唔多無咩驚喜, 但勝在價錢依然算平

今日同d 朋友仔去左呢間野度食，不多都幾多人，我地等左成個鐘先有得食，入到去叫左個四人餐，再另外叫多條魚。先飲左個湯先~雖則都有d味精，但都算唔錯~好過唔少酒樓既湯。試個霸王雞，估唔到半隻雞都咁大隻，但真係幾好食wo~然後叫左個花膠炒海參，我覺得d花膠麻麻地，但d 海參都ok~然後有個蜜汁蒜香骨，都唔錯~我覺得幾入味。仲有一個咸魚雞粒豆腐煲，但唔知係咪我太飽~已經唔係好食到~但ok la~無咩特別。然後有條細鱗，蒸得太耐啦~d 骨離曬~d 肉又有d 鞋~麻麻地啦~但隻雞真係幾得~4 個人真係好飽~~~環境都ok 既~普通酒樓~服務一個個啦~有個問我地要唔要飯之後又唔理我地~另一個就好快啦~係旺角來講~我幾reconmmend 呢間野~~

同家人來吃飯, 門口六點多已堆滿了人, 幸好有家人遇早攞位, 否則......我們叫了個套餐, 鹽焗雞, 粟米斑塊, 鹽魚雞粒豆腐煲及咖哩牛腩, 套餐送例湯!例湯味道算可以, 不見有太多味精, 喝下去也不見口渴!鹽焗雞一貫水準, 可能有朋友會覺得老了一點, 過熟等等, 但坦白說, 今時不同往日, 食物煮熟一點會更安心, 因此煮熟一點正合我意, 本身亦不覺得雞很老, 味道不錯!粟米斑塊很大碟, 足料, 粟米汁不會做到很「杰」, 算是有水準了, 豆腐煲本身我覺得一般, 較乾身, 配料與豆腐亦不算很夾!咖哩牛腩失色也是意料之內, 咖哩很「虾」人煮, 若非專做咖哩, 真的很難做出佳作來!飯店本身只有一層, 面積不算很大, 感覺很焗促, 而且每枱流轉得很快, 侍應經常跑來跑去, 感覺就是吃飽後應該即走一樣, 非一家吃飯傾計的好地方!之前來的那一次也沒這次的誇張。雖然多人, 但侍應服務尚算勤快!而且可能太多客, 職安健是足了, 出菜用三層手推車, 但湯卻和一些餸菜卻沒蓋好, 放在最底層的湯和菜, 難免令人擔心會鋪上地下的沙塵, 這點有必要改善!整體食物普通, 是鹽焗雞較為出色, 唯價錢大眾化, 大

與舊同學一聚,一行五人,選了六人套餐,另加鴛鴦炒飯,味道及份量不錯,惟服務貫徹老店作風,未到三點,全店燈光及空調已一併關掉.........

I hv dinner with my colleague in this resturant.We hv 6 ppl. We ordered the set dinner for six person. The taste is ok la. The chicken is also ok. But the service of waiter is so poor. We ordered the desert - steam cake but wait for long long time, the outcome is wrong order. We was so angry as we want to celebrate my colleague's birthday.