泉章居 (已結業)

3月19日中午5個人去食午市套餐,6人餐$188,有湯,加4個餸(可自己選,鹽焗雞太多肥膏),好抵食,另叫啤酒,另叫茶果好味,另叫芝麻檸檬蝦好味$80,但份量好少,男侍應好人,長頭髮女侍應心情欠佳上菜時黑面及大力放碟,搞到碟撞碟,會再去.

星期日訂好枱到泉章居食飯,訂了8點但早到左,登記後8:45分有枱了,都吳算太過份,一行8人叫了2個餐,有魚一條及霸王雞一隻及６個小菜,扣肉是必吃的---味道很好西檸芝麻蝦-----炸得不錯,個西檸汁幾好味瑤柱扒豆苗-----味道ok,油多了少許炸大腸---------非常之脆口及香煎炆豆腐-------也是一般啦菜心炒牛丸-----OK 不錯無糖水送,不過大家己經很飽了.總言之在這處吃過幾次飯都幾有水準,有時也有一個半個菜太咸,但都算係咁啦,所以都幾常來此處食飯.有時間可以一試,但要訂位比較好D.

前一日打電話去訂位....full哂~所以都係要walk-in排隊，7:30pm等到8:15p.m.先有位。之前0係CWB同D friends食過，都OK~ 所以唸住family nite帶埋屋企人0黎試0下!!7個人= 點了一個"四人餐"，再加了五碟小菜。食到2/3、我屋企人問:「呢到有乜特別、或者有乜菜式0係推介0家?」-_- 我話:「我叫呢D全部都係推介!!」佢0地話:「0下、唔係呀嗎?」金牌鹽焗雞--> ok梅菜扣肉--> 我公司canteen整得仲好食過佢-_-炸鮮奶--> 炸皮勁厚、失望! >.<其他小菜一係好油、唔係就好鹹!!仲有......服務「其」差!普通飯店都不如!所以我以後都未必會再幫襯泉章居!!!

(5/3/06)七點半黎到,嘩!勁多人,幸好朋友已坐落。六人餐$378,例湯(青紅蘿蔔味精湯),雞一隻/或海上鮮兩碟,及四個自選小菜。好快,蒜蓉豆苗到,油D,沒什特出。金牌鹽焗雞,好大隻,根本六人食唔晒,又唔係特別好味,揀海上鮮好過。酸甜生炒骨,以為係紅燒的一字排,來到,即咕嚕肉!奇怪是,佢另有一小菜叫菠蘿咕嚕肉o羅,唔知會係點既呢!?蒜蓉帶子豆腐,帶子薄到爭D食唔出,呢片係帶子黎o架?咁o羅!梅菜蒸銀鱈魚,銀鱈魚又係薄薄o地咁,梅菜咁多,當然蓋過魚味啦!壽包中size,好新鮮!皮好鬆軟,餡又唔太甜,正!環境清潔,光猛,是聚餐的好地方。但真係唔明,又唔係特別好食,點解長期咁多人o既呢.....

今晚(22/2)一行七人等了大半個鐘先有得食，叫了個餐，有兩條魚、四個小菜（扒三鮮、蟹肉扒豆苗、枝竹炆牛腩、炸大腸）、例湯，另外叫了半隻雞，七個白飯。食物味道實屬一般，與你去普通飯店無異，心想還要去等大半個鐘時，想真的，還是去太子鳳城還要好。原本我們叫了黃立倉，但來了其他，原本想換，始終倉魚好吃，但叫了幾次也沒有換，算吧。我認為銅鑼灣始終是好一點兒。

上星期同朋友食飯。七個人旺角區要坐得好少少的，於是最後選了這間。晚上九點鐘來到仍然要等位才能入座。食物除了最出名的鹽焗雞、梅菜扣肉被長輩們讚不絕口外，本人覺得芝麻蝦球都算幾好、中式牛柳味道就ok 啦。最差的是芝士斑片，完全冇芝士味；而竹笙燴上素亦好油膩。佢個西洋菜湯都算好屋企feel。總括而言，菜式味道有好有唔好，但一大班人去開旺角，這裡亦不失為一個可以的選擇。

年初四晚上，一家共12人到旺角泉章居食飯，這裹很有過年氣氛，人山人海等位，熱熱，加上店內有新年的裝飾佈置，我們一家人感到很有過年熱鬧的氣氛。我們點了12人新春套餐，每碟都很有份量，還要打包呢！這幾天都食新年菜，真有怕，但這圍菜就很好味，發菜蠔豉- 蠔豉很大隻，冇醒味蟹肉西蘭花- 很好味、唔油北菇扒豆苗- 好大碟鮑翅肚羹- 每人有1大碗鹽焗雞- 仍然很有水準，很嫩、夠味、很大隻其餘的菜都OK，還有我最愛的茶棵，夠熱、好香，好好味。旺角區很少有坐得舒服又乾淨的食店，加上食物又有水準，所以我們一家都是這裹的常客。

不大喜歡食中菜, 亦甚少寫中菜食評. 可能因為同家人每次出外多是中菜, 對雞魚鴨鵝都有點盲目. 不過今天假期的第1日, 平時出來飯聚的次數可能仲多過食評的我, 點都要做番少少功課. 今晚食完飯就乖乖上來寫食評.家人眼闊肚窄,4人叫6人套餐已是等閒事. 平常8人食12人餐, 也司空見慣. 套餐加$20轉了白果豬肚湯, 加埋鹽焗雞, 而4個菜分別點了豉汁蒸龍利, 炆釀煎豆腐, 蝦仁炒蛋和蟹肉扒豆苗. 媽咪同姐夫都愛飲這個湯, 不過我覺得除白果幾好味之外, 湯只屬一般. 雖然成個湯好白, 但其實我覺得冇乜腐竹味的. 鹽焗雞幾香, 第一件吃的是雞脾肉, 所以幾滑, 再吃其他, 就覺得肉質太"鞋". 拿最近OR團年吃的太爺雞比, 已經被比下去. 反而我覺得屋企附近"金來"的成隻鹽焗雞, 整得幾滑幾香的. 豆腐其實可以不叫, 真係好普通. 蝦仁炒蛋略咸, 而豆苗算係我全晚最喜歡的菜色, 不太油, 都幾香. 因為飽, 只嚐了一口媽媽的魚湯米線, 味道唔錯. 雖然我覺得呢度食物真係幾普通, 不過價錢真係十分經濟. 難怪幾時都咁旺場.

1月1日一行八人來這裏食飯,六時已來到排隊,等了一小時才入坐,認真犀利.要了六人餐:-青紅蘿白湯—唔錯,紅蘿白好靚,比同行的小妹仃食清光.鹽焗雞---份量足夠,不過雞肉很韌,最後都食剩了梅菜扣肉---正,撈飯一流菠蘿咕嚕肉---一般,感覺銅鑼灣泉章居較好椒鹽九肚魚---炸粉薄,鹹鹹地,都幾香口什菜粉絲煲---味道一般,是為了妹仃才叫總括:服務一般,人手太小了.而食物水準雖不高,不過有湯有雞,八個人食到飽飽都是四百幾元,叫做十分抵食.難怪九點幾走時還有一大班人在等.

一直以來,我都好支持佢,但今日打去訂位,真係一肚氣,我知會滿,我再問可唔可以waiting,都未講就cup線,再打再cup直頭唔聽.唉.......失望!!

係我未揀定去邊度食飯之前，已上網睇過好多間酒樓評語，見網上咁多人話旺角泉章居好味、抵食，自己有時揸車經過，見到咁多人排隊，於是就決定去試下，點知跌晒眼鏡，我哋6個人叫咗8款小菜，除咗鹽焗雞ok之外，其餘7款小菜都好鹹，上菜時間又太快，基本上每隔幾分鐘就上第2款菜，d侍應唔會理你張枱夠唔夠位擺，佢哋甚至乎話比張〝茶機仔〞我哋擺小菜，喂！你估我哋而家打邊爐咩，所以我以後都唔會再幫襯泉章居。

旺角區想食中菜,又想坐得舒服少少,就諗起呢度了因為又有自選二人餐,合晒心水^_^今次等一兩張檯就有位了,例湯:西洋菜陳腎湯,好味又大兜例牌鹽焗雞: 呢度d鹽焗雞有時會失準的,不過今次好好,唔韌,又唔會唔夠熟梅菜蒸桂魚:條魚好滑啊,梅菜好好味!(我每次黎都會叫梅菜蒸鯇魚的)o者o者排骨煲:呢個就麻麻地了,d排骨好肥,個煲都好肥,油太多每人白飯一碗(另叫的),飽晒,好滿足呢!

今日一行十一人去食午飯，叫咗個十二人套餐，份量都算岩岩好！套餐D餸唔係fixed ge, 有個list 可以揀！我哋叫咗：炸大腸拼炸牛奶—炸大腸幾好，唔太肥膩；我無食炸牛奶，所以不予評論鮑參翅肚羹—好味，有好多料，味道適中招牌鹽焗雞—好好味，咸淡適中西檸蝦球—一般啦，酸酸地，OK la瑤柱豆苗—一般菜式，無特別紅燒豆腐—唔係好掂，咸到食唔到咁滯梅菜扣肉—好好味，連我呢個平時唔食肥膩嘅人都食咗好多舊清蒸海斑—幾新鮮甜品：茶粿—我覺得好難食，好黏口又唔夠甜，但同台有人話好食；所以呢個甜品，不同人有不同feel!計埋加一，$1350 埋單，OK la!

他們的眾所週知招牌菜鹽焗雞就真的令我們大失所望啦，不但未熟還有紅血滲出！！近來畜流感咁廣，真是有點擔心. . .

其實係我地有四個人+1 個BB, 五人一齊食, 抵,例湯ok la小菜可選三種, 我們要了西芹花枝片> 好味炆海參> ok, 炸大腸> 真係勁好味> 最正係佢, 好香脆.主角係霸王雞, 無我想像的好味, 但夠熱新鮮.overall 來說真係抵, 但一食完D waiter 就好快收哂D野, 仲洗問咩, 係想你快D走, 因為真係好旺, full 場, 如果想同三五知己慢慢嘆就不要來這裡.