泉章居 (已結業)

昨晚與一大班朋友本想開開心心地食餐晚飯於是便book 了旺角的泉章居由於我地有7女3男，於是便叫了一個4人餐同一個2人餐所以我地就有1隻雞同6款小菜其中一款小菜我地就點了"醬爆豬頸肉"當這個餸上枱的時候，我地成班朋友都呆了因為這個"醬爆豬頸肉"內有半碟都係西芹由於所有朋友都係唔食西芹，而且更有一個朋友對西芹有敏感所以我地便叫了李副經理，希望可以改另一個餸但李副經理望了碟"醬爆豬頸肉"後，便同我地講d西芹係配菜(有半碟都叫配菜????)而且更認為我地係點菜的時候冇問清楚每個餸內的所使用的配菜係我地的問題加上佢話呢碟"醬爆豬頸肉"一路以來都係咁整，同埋佢覺得個餸係冇問題所以堅持唔同我地換另一個餸!!!但我地就同佢講，餐牌上的 "醬爆豬頸肉"由頭到尾都冇寫到入面有西芹如果佢個餐牌上係寫住"西芹醬爆豬頸肉"的話，我地係一定唔會叫呢個餸跟住李副經理都係堅持唔換另一碟餸，於是我地就同佢講不如你比另一碟"醬爆豬頸肉"，但就走西芹or用其他蔬菜代替西芹但佢仍堅持將內有半碟西芹的"醬爆豬頸肉"放在我地桌上，更不停同我地講個餸冇問題，一定唔會轉餸或換過另一碟其間佢地態度以經很差，於是我地便叫佢搵另一個可以

和屋企人一行十一人到訪泉章居旺角總店聽屋企人佢地講, 話d鹽焗雞同小菜都好正可能我地人人其望太大, 所以都算有d失望. 有好的, 有不滿的. 都係果句, 一出左名之後就總沒有以前的那麼好.我地book左7點, 去到已經兩層滿晒, 出面有好多人等位我地叫左:例湯 -- 冬瓜湯，吾多似一般的味精湯 , 煲得幾好飲 , 味道好清。招牌鹽焗雞 -- 真係好大隻雞 , 仲有只能在香港先食得到的雞味, 鹽味滲入晒d雞肉梅菜扣肉 -- 腩肉肥得黎真係好正, 久不久先食一次就豁出去啦。加埋d梅菜同個汁真係好正，可惜真係實在太飽, 不能送白飯炸鮮奶 -- 又是一樣泉章居的招牌菜, 一定會搵黎食. 但係依度既同我相像中有d分別 , 鮮奶味道唔係好夠濃 , 不過外層炸得金黃色又脆口 , 尚算滿意. 不過相比之下我會推介滔香的蜜瓜味炸鮮奶中式牛柳 -- 賣相一般, 個汁好紅, 味道都係一般咕嚕肉 -- 個汁同中式牛柳一樣炸大腸 -- 味道沒有大俳檔的那麼好, 臭味就一流最後評價: 整體味道尚算一般, 去到一定要叫招牌菜, 否則其他小菜味道就麻麻，加上不便宜.

之前去過 Causeway Bay 那間 , 味道不是太好 , 客人也不多 , 旺角這間也是第一次來 , 又遲到了 , 沒有辦法 , 搵食艱難 , 朋友 7 點就已經到 , 我 8 點去到的時候 , 樓下還有好多人在等 , 厲害 ! 5 個人叫了一個 4 人套餐 , $300 多元再加一個蘿米飯 , 有一條魚 , 半隻雞 , 菜和一個湯 . 雞果然是主打 , 好鮮甜 , 又大件 , 煮得剛剛好 , 不韌 , 最重要是沒有我討厭的血 , 無得頂 , 好好味 . 其他的菜也 ok , 只是蘿米飯不好吃 , 一點黏也沒有 , 比較像豉油炒飯 . 如果再有朋友願意等的話 , 一定會再來 .

星期一晚約了一些舊同事來這裏食晚飯,本來是訂了6:30的,但因為遲了所以就等位,這裏要過半數才可以入坐,我等了一陣,朋友來了夠半數就可以立刻安排人座,都很快.我們五個大人一個小童叫了一個四人餐,一隻鹽焗雞,芝士石班塊,梅菜蒸鯮魚,蟹肉扒西蘭花,五個白飯,例湯,這裏的食物很有水準,份量亦很大,雞很滑,芝士石班很多芝士汁亦很大塊,蟹肉西蘭花很多蟹肉汁,鯮魚亦很入味,很好味,例湯亦很足料.整體很好味.

昨晚與友人聚舊, 相約到這裡吃晚飯. 到達時才六時多, 人很少, 點了霸王雞, 油浸荀殼魚, 和腰果西芹肉丁, 白飯和例湯. 點了約五分鐘後, 例湯已經送上, 不知是甚麼湯, 入口還可以, 只是不太暖. 之後再來其他的菜餚, 前後不夠十分鐘! 所有的菜都不熱的, 只是微暖而已, 友人說應該是一早做好的, 否則怎可能那麼快煮好但又不熱呢! 當時只是六時多, 人又不多, 為何要一早煮好? 就算立即煮也不用太久!! 說回菜餚, 霸王雞上面的蔥沒有煮過, 霸王雞有點肥, 但雞味不錯; 見到油浸荀殼魚在上枱時, 實在嚇了一跳, 因為魚居然是炸的!! 沒想到丁點"油浸" 也看不到. 魚應該不是新鮮的, 否則根本不會炸, 而是蒸的!! 魚也煮得過火, 有點" 鞋". 況且上一次在另一間泉章居也吃過此菜, 當時是蒸的, 而且煮得很好, 想不到不同店的烹煮方法是完全不同!! 腰果西芹肉丁也相當難吃, 菜餚連丁點暖也沒有, 肉丁沒有調味, 大概是烚熟後, 切丁然後放上碟, 連炒一炒也沒有!與銅鑼灣的總店相比, 水準實在相距甚遠!! 這間分店的水準那麼差, 卻依然大排長龍, 實在過分, 也難以理解!! 以後

尋晚係第1次去食, 叫左10 樣野左右, overall 樣樣都ok!我地叫左半隻霸王雞' & 半隻鹽焗雞, 點知黎左2碟一樣o既野! 我地問點解2碟一樣? 果個阿姐勁爆笑, 竟然話比我地知一碟係霸王雞'. 另一碟, 只要叻"走 面d 蔥就係鹽焗雞!!!!!! 真係唔知佢係白癡定當我地係白癡!!! 之後叫另1個waiter 幫我地換番!不過果2隻雞都幾好咪, 都幾滑, 又唔會好肥, 就算我本身唔係咁好食雞都食左5,6舊! 果然係招牌菜!個糯米飯都好味!價錢方面, 真係貴左 d, 唔係太抵!

星期二晚落大雨, 好耐無同屋企人去泉章居到食超唔得...超難食...價錢又貴...大家唔信試下...之後一定唔會再想食...收你$468 d 野食頂到盡值hk$200佢地所謂的"招牌"雞, 扣食...走去住何一間普通酒樓好味過佢...食完真係激氣

知道每晚去呢度食飯都要預先book定枱先會有位 , 好似真係好厲害 , 所以決定同朋友聚餐個陣去試下 , 揀左一個套餐 : 例湯 ~ 青紅蘿蔔湯 , 本來以為跟套餐既都應該係味精湯 , 但係都煲得幾好飲 , 味道好清。 霸王雞 ~ 朋友話係招牌菜一定要食 , 我揀左雞胸位置黎試 , E~~~都算滑wor , 連雞胸都整得好食既話 , 呢隻雞既味道質數有返咁上下。 炸鮮奶 ~ 一直都只係聽過人人讚好 , 今次終於可以一試其味道 , 同我相像中有d分別 , 我略嫌鮮奶味道唔夠濃 , 不過外層炸得金黃色又脆口 , OK咁啦~~~ 什菜煲 ~ 由於有蝦所以我冇食到 , 眼見朋友們好快就已經食哂 , 佢地話好入味而且食落好開胃。 椒鹽鮮魷 ~ 好好食 , 味道唔會太咸 , 仲以前自己食緊椒鹽九肚魚 , 因為d鮮魷一d都唔"up" , 好易咀嚼。 芝士粟米斑塊 ~ 我滿心歡喜兩樣至愛都一齊出現 , 點知芝士味一d都食唔到 , 好似食緊平時普通既粟米斑塊咁ja , 而且一定要熱食 , 凍左就會有d變左一"pat"野。或者一開始抱太大期望 , 所以食完之後覺得有失望。

28日星期三到這家名店吃晚飯，點了這裡最出名的幾款菜,梅菜扣肉、鹽焗雞很名顯是一碟碟做定延後再翻熱同一般快餐店出品有什麼分別，酥炸大腸放在一堆唔酸唔甜蘿白上面冇味冇買相"涷"又是一碟碟做定，豉汁釀涼瓜我看是在冰格拿出來翻熱，例湯味精很勁喝了回家成晚飲水，服務等於0不想多講！可能生意太好唔憂做吧！最後，其實這飯店歷史悠久以前我爸在的時候每年生日都在這店吃飯，當然是在舊店，我都希望泉章居能做番以前出品的水準。

聞說泉章居的梅菜扣肉無出其右, 一行五大漢便為此道而訪。星期三晚上九時臨門, 雖錯過了免收加一優惠, 但可免受輪候之苦, 也好。眾人苦苦思量而得之 : 六人餐, 鹽雞, 炸大腸, 蒸鱔, 芝士斑塊, 當然少不了扣肉。湯水打頭陣 - 冬瓜煲腩肉, 火喉欠奉, 勿奢望可消暑下火, 當作濕一濕口之用, 亦無不可, 畢竟免費。轉眼滿桌佳餚, 廚房效率之高, 不得不拜服。人齊起箸。芝士斑塊 : 斑塊不過不失, 芝士汁尚算濃稠, 此菜雖非傳統客家菜式, not eat the right food at the right place, 但見酷愛芝士的友人吃得津津有味, 無壞。炸大腸 : 一桌摯友臭味相投, 對於大腸愈臭愈愛, 這裡正合心意, 正。蒸鱔 : 喜出望外, 白鱔肉質肥美, 油香充裕。切段豉汁蒸, 雖受吐骨之苦, 但論其豐腴口感, 其他炸鱔球菜式實在瞠乎其後。梅菜扣肉 : 引頸以待, 不幸獲分配頗瘦的一碟, 硬著頭皮請求換過另一碟, 經理首肯, 但亦表示肥瘦全憑運氣, 未能保證, 我們當然明白。再次引頸以待, 另一碟終於上桌...........無語問蒼天。調味的確不錯, 梅菜亦香,

我諗都有幾年無去過泉章居. 是日友人特意提議到這裡, 當然歡迎喇!五個人, 點了:--沙薑雞: 雞味唔係好夠, 都幾滑. 但好似無以前咁好食, 可能隻雞要靠蘸了沙薑汁才有味之故.--大良炒鮮奶: 差點差叫了炸蜜奶. 炒得幾香滑, 口感跟賽螃蟹很像, 但當中的配料豐富點. 唔錯!--炸豬大腸: 呢個係我覺得全晚最好味的, 大腸炸得金香, 加上有少少麥芽糖調味, good!--豆腐鯪魚煲: 豆腐炸咗再炆, 但仍然軟滑, 抵讚. 唯魚肉沒加入果皮之類來煮, 味道稍遜.--炒什菌: 沒有菌類的up味, 也煮得頗入味, 唔錯.很久沒來, 但印象仍然不錯, 希望呢d 老式酒家仍然keep 到啦!

12/04/08(六), 在朗豪坊看完電影就來到一向大排長龍等位食晚飯的泉章居, 我們大約6:10pm 到達, 不用等位, 不過要在7:45pm 前吃罷交檯, ok! 沒問題! 我們4 人入座後, 選擇了4 人套餐($328), 大約15 分鐘已經上菜了, 當中包括:1. 霸王雞半隻(雞味都幾濃, 不過肉質有點"鞋", 而且是較遲來的菜)2. 多加$30 升級為白果豬肚湯(幾清甜, 唔錯!)3.脆牛皮炸大腸(炸得好香口, 脆脆地, 好好食, 墊底的酸蘿蔔也很好吃, 很開胃, 中和了炸大腸的肥膩!)4.豉汁蒸大鱔(豉汁味很香濃, 鱔片也蒸得很滑, 很鮮甜!)5.雲腿玉芥膽(火腿夠咸, 玉芥膽都ok, 一般水平的味道!)後加的菜餚:6.梅菜扣肉(豬肉很肥, 也很香口, 但與自己吃慣充滿豉油味的, 有點不同!) 服務方面, 侍應不會很殷勤及滿臉笑容, 但表現及格. 我們叫了6 個白飯, 最後埋單$557, 價錢合理, 味道不差, 不過如果要排長龍吃一餐飯就別搞我了!照片可參考:http://hk.myblog.yahoo.com/thxdtsdd/article?mid=903&prev=9

跟大伙兒到這兒午餐，點了套餐加多幾個菜，十位吃得飽飽，埋單才$7xx，經濟得很。例湯係「蓮藕豬肉湯」，足料得很。再來就是招牌貨「鹽焗雞」，體積之巨，令人嘩然，足夠十人食用，絕對值這個價錢！還有不朽的「炸豬大腸」、「梅菜扣肉」、「咕嚕肉」、「椒鹽豆腐」、「京都骨」、，水準以上。還有「瑤柱扒豆苗」、「炒飯」、「伊麵」。統統都係很要好味！午餐時段比晚餐時段的服務和食物水準略優勝。

星期日全家動身搵食, 目的地就是這裡!一直都幾想來依度, 但平時屋企少有會出來依頭所以一直都未有機會. 去到十一點幾, 得兩三檯人叫了午市套餐$249, 半隻鹽焗雞, 中式牛柳, 蟹肉扒豆苗, 梅菜扣肉另外還叫了炸大腸($55)和荔蓉鴨($88), 鹹魚雞粒炒飯($45)叫完就好快送上例湯, 蓮藕豬肉粉茖湯個湯都唔錯, 湯渣好足料, 肥豬肉點豉油好味!點知飲完一碗之後, 鹽焗雞就來啦!即刻點了些沙薑試一舊, 連埋雞皮食好滑d雞肉都幾入味, 可惜雞胸位仍是有少少"鞋"炸大腸: 炸得酥脆美味, 白蘿蔔酸酸地很開胃腸中式牛柳: 有好多件, 很稔, 醬汁味道適中蟹肉扒豆苗: 有點失色, 味道偏淡, 瑤柱豆苗可能較好梅菜扣肉: 肉和肥膏位分佈得很清晰, 配上梅菜送白飯很好鹹魚雞粒炒飯: 炒得乾爽, 料都幾足, 惜鹹魚未夠香荔蓉鴨: 因為依碟荔蓉鴨實在好"溜",加上鴨肉不多,一早叫西檸鴨就好整體來說, 這裡的食物份量好多(最後要打包兩盒走)味道都幾好而且價錢適宜, 適合一大班人來食!

由朝早購物至晚上，還是沒有買齊所需，但是是時候去醫肚，所以主人與奴隸獸去了很久沒有光顧的『泉章居』，點了一份二人套餐，揀選了：1. 霸王雞：霸王雞D 薑蔥，奴隸獸已可食兩大碗白飯。可惜切雞的味道就大為失色，雞皮肥膩又不夠爽，雞肉不夠嫩滑，亦沒有雞味。2. 炸豬大腸：豬大腸炸得甘香酥脆，不肥膩，配著醃酸白蘿蔔，依然美味，保持水準。3. 瑤柱扒豆苗：豆苗尚算幼嫩，味道不過不失，OK。值得一提是套餐附送的例湯，青紅蘿蔔煲五花腩。湯的味道當然好，但是湯渣的味道亦不錯，尤其是五花腩，非常好味。菜式的份量足夠，食得好飽飽。