泉章居 (已結業)

上個星期屋企有人生日，提議去旺角泉章居食。我哋一行6個大人＋2個小朋友，原本諗住食７點半，因為一過6點就要自己等位，所以都提早去排隊。7點去到，個靚女樓面話有一張檯，不過入座計個半鐘就一定要埋單走。人都未到齊，唯有等等等，終於八點可入座。叫佐幾樣餸如下﹕１﹑蔥油雞半隻－－份量幾大碟，夠食有餘。不過味道偏淡，話係招牌菜似乎遜色佐ｄ，完全冇驚喜。２﹑冬瓜盅－－好抵食，每人兩﹑三碗都仲飲唔晒，味道清甜，算唔錯。３﹑鼓汁蒸鱔－－幾好味，不過就幾多油，個碟一層油浸住。４﹑花膠炆海參－－好細碟，ｄ花膠ｏｋ爽口，不過因為本人偏愛腍身口感，所以覺得麻麻。５﹑蜜汁蒜香骨——呢個好味。６﹑洋蔥炆三紋魚腩（類似呢個名）－－淡佐ｄ，味道一般。７﹑咖哩牛腩－－驚喜之作，好入味﹑牛腩又多，只略嫌青椒生佐ｄｄ。服務都ｏｋ，埋單差唔多$700，因為吃套餐，所以抵食好多，不過ｄ餸都幾多油，要小心膽固醇。

見到open rice的食評唔差，諗住去試下。我們2點去到，因為有個朋友要遲少少，我地就等一陣，2:15pm先落單。啱啱落完單，個部長俾張receipt我地時講佢地3pm收，個場會關燈，樓下會繼續開但現時無多出的位子可以安排...... 我話俾部長知我地啱啱先落單咋喎..... 個部長無回答走開左，跟住就有個人埋黎上菜，我地大家都好詫異點解佢地無解釋就上菜，跟住個部長先行過黎，話佢地3點會照常關燈，我地回答咁我地唔食了!! 個部長仲賴我地已經點左菜，又話唔知我地會坐咁耐.... 原來坐左15min都叫做耐..... 我地轉身走個陣，仲聽到個部長大聲同d伙記講照常關燈我真係好唔明白點解由我地攞位到落單前，都無人同我地講3點會熄燈呢件事，我地唔係d食飯食得好趕既人，佢地又無講過會有時限...... 真係未食已經一肚氣!!! 到底有無睇劉華個廣告呀!!!! 今時今日咁既服務態度係唔得架!!!!! 唔好意思都無句!!!!!! 就算d 野食有幾多好評，咁既服務態度都無下次!!!!!

上個星期屋企無煮飯, 又唔想去太 far 就落左去旺角試下依間restaurant. 可能係星期五所以好多人等位 ... 好彩朋友先到咁啱我落去又好多traffic所以我都無咩點等 (四位等左大約半個小時啦, 都ok.)睇見menu先知只得set menu, 咁我地要左個四人既set, $3xx. 半隻雞 - 好夠味, 肉又tender, highly recommended 梅菜扣肉 - 賣相麻麻, 豬肉睇落好似好dry咁, 但食落又好soft好ok喎! 最好味都係d梅菜! lemon 蝦 - 我媽要點的, 我覺得唔係幾好味. steam 白 eel - 味道okay, 但本人都係中意煲仔果隻, 煮得好soft果種.佢仲有個soup, 但太淡 ... 可能要冬瓜盅會好d (+$98)

琴晚因為朋友生日...就去左旺角泉章居0個度食飯...不過等左好耐呀!! 等左成個幾鐘...因為佢等位既ARRANGEMENT好有問題囉!!D少人枱就去晒~係唔洗等位...冇晒NUMBER的....BUT 6-8 TABLE 就等左勁耐先有一張...我地等3張TABLE...等左個半鐘...你話係唔係離譜丫!6點15分..等到七點45分..終於有得坐低食啦!!叫左個6人餐同埋改左魚肚羹後加左個炸鮮奶...1. 超大碟既霸王雞 (好大碟..好好食..連D薑蔥都好食..不過咸左D)2. 魚肚羹 (不過不失)3. 任選小菜 - 咕嚕肉 (OK...細碟左D)4. 西芹炒秘製豬頸肉 (西芹多...肉少,味道OK)5. 滑蛋蝦仁 (D蛋都唔滑...係普通炒蛋ONLY..蝦就爽既)6. 金銀蛋莧菜 (不錯! 但太細碟啦!!)7. 炸鮮奶 (後加的...因為唔夠飽...但都幾好食~)本來話個半鐘要還枱...可能冇人等位...佢地都冇迫我地走...可以切埋蛋糕先~不過順帶一提...LEE D 冷氣強勁...女仔最多帶多件外套...費事變雪條人

同老婆到旺角買波鞋,一想起就是很久沒有吃的鹽焗雞了.就到泉章居一試.叫了一個$178兩人餐.有例湯送.叫了招牌雞,梅菜扣肉及蒜子蜜汁骨,雞是招牌菜--好味梅菜扣肉--此餸可以吃掉幾個白飯蒜子蜜汁骨--最出人意表是這個,因為此餸多出現於粵菜館,而這裏又做得幾好喎.埋單$229不算平但也覺得OK,服務也不錯.

一心諗住同家人慶祝生日，食厭咗金滿庭滿以為泉章居應該都唔錯，決定去試一試，點知決定錯誤~六個人叫了一個六人餐 $498一隻霸王雞：d葱鹹到飛起，d雞又肥又鹹，真係唔明點做招牌菜梅菜扣肉：非常普通，不過梅菜唔鹹，都ok西檸芝麻蝦：d粉好似唔熟，仲衰過西檸雞，d蝦又細又小，唔值得食油浸筍壳魚：即係炸魚，之後淋上蒸魚豉油，都ok好食，但略嫌細條蟹肉西蘭花：普通，西蘭花有d苦添叫了一枝喜力$20(特價) + 5個白飯(@$8)，茶介(@$10)連+1，總共$649，呢個價有更多更好既選擇，以後都唔會幫襯，服務都算唔錯，換碟同加水都ok，不過d碗竟然有漬。早知就食翻金滿庭仲好過。

朋友聚會諗左好耐都唔知食咩好..最後朋友提意到泉章居 !一行4人叫了個4人套餐....另外我地加 $98 把例湯轉了冬瓜盅 冬瓜盅 : 一坐低朋友已經即刻問仲有冇冬瓜盅了...好在仲有..冬瓜好大個..飲極都仲有咁.. 粟米班塊 : 比較差....班塊皮好硬好厚...金銀蛋蔬菜 炸大腸 : 我一直都好想試他的炸大腸...不過炸得好硬... 都唔似食緊大腸咁的..怪怪地蔥油雞 (半隻 ) : 招牌味...值得一試 雖然話問可以坐1.5小時..不過我地8:00先到食完好多人都走左了..所以冇吹我地!!

超差6人套餐$4881)炸大腸 ------- 勁硬2)召絲腐乳通才 ---- 超一般3)中式牛柳 --- 好難咬開,完全唔掂,唔好話五六十歲食唔到,三四十歲都唔係咁易咬得開,個汁又勁杰,炒埋洋蔥一堆野咁4)骨髓炒三鮮 --- 都係個汁勁杰, 難死到嘔5)覇王雞 --- 面頭d蔥勁咸,好在隻雞仲可以6)例湯 -- 算ok加埋六個白飯,埋單$628,5個人食六百幾其實無乜所謂,但實在比以前差了很多很多,呢餐有感係不值,所以下次會轉移去沙角村大排檔,比起呢間分分鍾三百零四百蚊仲可以食七八個餸,仲好有水準添,從此泉章居會係我地既揾食list裡面black list,永不再去

一家人食的飯局, 我會強烈建議去泉章居今次食物包括了一個大的冬瓜盅.. (198蚊一個, 但叫套餐只係98蚊), 冬波肉當然係唔少得的, 仲有蔥油雞同蒸大鱔, 炸大腸雖則今次的幾碟餸已經係細碟左, 但可以肯定, 每一次嚟食都係食唔哂居多, 唔係因為唔好食, 而係份量都真係有番咁上下! 個冬瓜盅主要係令大家有湯飲所以先叫, 不過味道都幾有水準, 雞粒, 蝦肉, 冬瓜粒份量很多, 四個人每人都分到差唔多兩碗半, 見全場一半人都有叫, 可想而知幾受歡迎冬波肉真係無得彈, 以前第一次食覺得咁多肥膏一定好滯, 但佢實在係太好食喇, 食吓又一件, 食吓又一件咁, 我自己食左五件 好可怕, 肉一點都唔un, 甜甜的味道一試難忘蔥油雞好好味, 不過肉比較少, 因為隻雞比較肥, 膏太多, 蒸大鱔份量又係極多, 鱔肉好爽口, 豉汁蒸的, 一家人食到好滿足, 因為一定唔怕唔夠食, 炸大腸又係一水準之作, 好食份量夠多, 一定唔擔心食唔飽, 泉章居的食物味道又好, 所以又點可以唔推介

今日來晚飯七時未到已差不多坐滿有老有嫩一家人,有卡位坐,舒服好多點了五個小菜另加牛肉羹鹽焗雞很鮮味招牌菜,雞件又滑又多肉,雞皮亦唔算肥,配上沙薑蓉真係夠晒野味梅菜扣肉沒有油淋淋的感覺d汁又好送飯炸大腸,今次大腸炸得比較乾,唔夠脆,不過汁仍然好味翡翠炒班球,西蘭花多過班球,班球好肥美,淡淡肉岩細路仔椒鹽鮮魷賣相不夠金黃,雖沒有厚厚的炸粉,亦不會炸得全無脆口西湖牛肉羹,唔特別,普通湯,但勝在大煲全部餸都大大碟, 好抵食最後是糖水:蕃薯糖水送,好甜無論裝修及環境都很好服務唔錯,值得一提有d侍應姐姐都好勤力呀總括黎講都好滿意呢一餐下次我會再同家人嚟

一行五人叫一個餐,指定菜式加3個任選小菜)半隻鹽焗雞,好入味金銀蛋現菜,普普通通蒜香蜜糖金沙骨,依個好味,金沙骨沾滿蜜糖火腩煲,火腩略咸個餐跟湯,個湯有海布,怪怪地

今日一心同個好朋友食飯慶祝生日!!居然去左間令所有朋友都唔開心既酒樓!!!!個度d侍應d態度過份到呢....衰到無人有囉!!點緊菜個陣去同其他客上菜都唔緊要...都可以同我地通知講聲下麻??完全無視我地就走左去???同其他客上菜...咁我地唔係客??另一個仲離譜囉~我地點完菜個張單有個菜錯左...我問完之後佢就拎走左....講都無講聲囉...呢d叫咩服務態度???最過份就係我地切完蛋糕梗係想影張相留念啦!!!!佢地班侍應居然推黎推去???唔係下麻~幫手影張相者~~叫你去死咩!!使唔使咁呀!!!就算野食ok..都真係無下次囉!!費事貼錢買難受呀!!

我與男友一家人到旺角泉章居食晚飯這是我第一次食魯菜佢地點左最出名既四個餸:薑蔥雞骨髓三鮮梅菜扣肉薑蔥雞: 雞肉好滑, 新鮮 有埋薑同蔥調味 可以話係一流梅菜扣肉: 我本人唔係好食梅菜扣肉, 因為覺得好肥, 但今次一食有驚喜, 肉同肥糕70/30, 唔會太肥膩, 肉質偏"林", 昜在口裡溶化面骨髓三鮮: 我無食, 但我男友話好好味, 超新鮮同爽

一心諗住今年生日食番餐好既,選址係旺角,可方便細妹番完夜和其他人放工嚟,係開飯見到泉章居好評不少,加上對她有不解的倩意結,因細個時媽媽帶過我們去深水埗的泉章居吃飯,那時是難得一次可出街食飯真係好興奮,現在泉章居的分店己很少,於是便決定今年來此一試.訂枱時要求安排在二樓,因地下一層地方比較細,十分焗促,人多時會十分嘈吵,樓上則開揚得多.泉章居的特式係有二,四,六人套餐,各可任選鹽焗雞或覇王脽,例湯一窩,小菜二,三或四款.因菜牌上可選的小菜種頪比套餐少,我地有十多人,所以揀了兩個六人套餐,咁就有八款小菜,另外加了炒飯和糯米飯,例湯加錢轉冬瓜盅.小菜有:1. 鹽焗雞,覇王雞- 家人話雞唔靚,冇雞味2. 梅菜扣肉- 扣肉唔滑,好硬2. 梅菜蒸鯇魚- 好厚肉和滑,係我最愛的菜3,百花蒸釀豆腐-豆腐好滑4.中式牛柳-用了花紅粉放汁,失色5.骨骨髓炆三鮮,我覺得一段,但家人話唔得6.蟹肉扒西蘭花可以7. 炸大腸- 好硬,唔脆8. 牛腩煲- 牛腩炆得好淋,好味9.炒飯和糯米飯 整得好乾身唔爛10, 冬瓜盅- 好多料其實我係食得好開心,因我要求唔係太高,只要坐得舒服,食物好味,可和家人高高興興食一餐,我

去完朗豪坊睇戲，就去泉章居食晚飯。1行11人彈：間酒樓分2層，但人有人等，"木台"有"木台"吉。 等左15mins先死死氣俾張吉左好耐既"木台" 所以，酒樓既管理好有問題讚：1) 梅菜扣肉送飯係一流，正！！我平時夜晚唔食飯都要左1碗飯2) 梅菜鯇魚我不嬲都覺得街外既魚係非常差勁，難死到嘔！唔係硬到咬唔到，就係生渣。不過，lee個魚唔錯，大家一定要落單！！雖然，d梅菜鹹左少少，因為吸左大量既豉油，不過，魚肉唔錯，值得1讚！無論你淨食魚OR送飯都係美餚一碟3) 波蘿X魯肉唔甜唔酸，味道OK。唔落單都冇損失4) 冬瓜"更"一到果陣，大家都以為好食有限，因為太漿湖但一入口，大家連舉起隻大拇指既時間都冇，直至食清光先大讚一番。推介！推介！5) 鹽焗雞可能太多人叫，所以水準比較參差。不太好食，不過，話晒都係招牌菜，大家即管試下，博下你食既係好野啦6) 上湯菜夠清，頗鮮甜。可惜，我唔係好buy個味道。7) 客家茶果同我地想象既菜果係唔同，因為菜果應該係有內涵的，但lee種係冇既我諗大廚應該落左好多麵粉，好咬唔好食，冇味兼唔甜不過，大家可以試下其他菜果嘛食完之後，所有俾$$