泉章居 (已結業)

7點幾黃金時間竟然即刻有位? 眼見檯檯都有個盅振住, 幾大都留返個冬瓜盅先.一行七人, 點左個6人餐. 有一隻雞, 例湯+98轉冬瓜盅, 又係好大盅, 連埋湯渣都有成廿碗. 梅菜扣肉: 扣肉中佢都算好瘦, 我簡左舊最肥既, D肥膏索晒D汁, 味道一流. 汁帶甜而唔鹹, 就咁食D梅菜都好食, 餸飯就更加唔使講. 竹笙北菰時疏: 竹笙冬菇, 菜芯底. 味道都可以, 但係幾多油. 招牌鹽焗雞: 非常入味, 基本上唔使點沙薑已經好夠味. 果然係招牌, 連雞胸肉都造得好入味好好食. 略嫌熟過龍少少, 隻雞肉質未夠最滑. 中式牛柳: 牛柳硬到咬唔開, 估到呢味甘簡單既菜竟然會出事. 西檸芝麻蝦球: 外皮乾身配西檸汁唔錯, 汁料味道剛好唔酸又唔會搶左D蝦味. 芝麻都係裝飾多, 冇乜作用. 蝦球都好爽口, 有蝦味. 係份量少左D, 唔夠喉. 冬瓜盅: 幾足料, 冬瓜肉新鮮. 湯底清甜冇味精, 但係我嫌淡得濟. 隻雞真係好大隻, 7個人食極都有, 攬位個肚走.

我和老公5點半去泉章居食飯,我地叫左個二人套餐附送例湯 $178 (一只雞 + 2個小菜 +例湯 )2個白飯 ( $8 * 2) = $16鹽焗雞 : 好味~好夠鹽香.肉又好滑"~自己鍾意點埋沙薑一齊食.梅菜扣肉 :腩肉肥得黎真係好正,加埋d梅菜同個汁真係好食,送白飯食一流豉汁蒸大鱔 : 白鱔肉質鮮味 肥美,切段豉汁蒸,豉汁味很香濃, 二人套餐附送例湯收茶錢. ($7 位*2)=$145:30入座 7:00 前埋單. 免收加1 埋單收費$208

2008年9月是日聚會, 搞手揀了這間, 她說好味而且就腳 !!!!很久很久之前黎過一兩次, 兩次印象都不佳, 因此當晚亦無任何期望, 只希望不要浪費我時間等位 !!!!!!當晚的點了雞, 是無味的, 甚麼抄雞雜, 不但無味而邪味( 味精)卻十足 !!!!!! 當晚只有抄菜是較正常味道的 !!!!! 說直接點 (講衰d既話), 請亦不會再來 !!!! 不明這質素, 仍能生存至今 !!!!!! 不好食的, 無論幾平亦不覺得"抵"的 !!!!!希望搞手不要再懶, 找個好地方聚會吧 !!!

本來人齊先可以入座呢個安排我都可以接受, 因為有部份酒樓都係咁安排。但今日0黎呢度食飯, 拎左飛但因為未人齊唔入得, ok, 咁我等陣,等到有半數人齊啦, 諗住問下個知客過半數可唔可以入坐先, 講完晒, 佢竟然唔理我望都唔望我!! 仲嚮度整理佢自己0的指甲, 嘩,呢0的咩0野服務態度!竟然當客人透明!!! 我就當佢耳聾聽唔到再大聲0的講多次, 佢先俾0的反應我要我等多2張枱, 真係激鬼死!之後隔左一陣, 真係等到人齊但都未有枱,又問多佢一次幾時有枱。佢竟然同我講"叫左啦,過左啦, 咩你聽唔到咩,我見你仲同你0的朋友傾緊計!" 聽完呢句火都起, 首先,我地無人聽到佢叫過我地張飛, 再者, 如果你見到我地無反應係咪應該叫大聲0的呢!!!" 佢講到咁理直氣壯! 我知你呢間酒樓係唔憂做, but唔代表你都唔憂做ge,0的態度咁差, 咁唔願做知客就番歸la!! 0野食係ok 既~不過又未至於好好食囉, 不過0的服務就真係要改善下!

用餐日期...已忘了... 那晚, 抱著欠佳的心情赴會 ~所點的菜式, 大部分不合格...雞無雞味, 魚無魚味...連"雞癡M"也提不起勁...為何會o甘多人? 我想是因為地點就腳吧...

我們吃了鹽焗雞，豉汁蒸大鱔，椒鹽豬扒，菜膽燉翅。鹽焗雞淡味了一點，但雞肉還是鮮嫰的，不知是用冰鮮雞還是新鮮雞，感覺還是像新鮮的。燉翅材料豐富，翅的份量很多，很大梳。椒鹽豬扒也好味，首先夠咸，又夠鬆化。鱔也好味道，當然是"漏"了一點，但也很夠味！很好吃，很大碟！我們點的是精選套餐$178，其實好抵，當然唔計個燉湯，燉湯$78，其實就咁睇都有好多翅，叫抵食卦！

HCL又再聚首一堂，因為C生日了***想了很久，想不到主角說想來這裡吃，所以就來了我前一晚打來想BOOK位，但他竟然說不可以叫我WALK-IN去，真囂張!去到發現好多人排隊，仲限定我們個半鐘內交檯不過其實都差唔多，邊食到咁耐我地 3 個人叫左:鹽焗雞半隻"呢個好似係招牌菜，咁我都覺得幾好既隻雞唔會好肥...d肉都滑，而且又幾香同夠味所以ok!瑤柱腐竹唐生菜"呢個勁清，不過都好既，因為主角唔舒服不過個餸黎到個樣都幾好，而且唔會話好淡可能佢幾多瑤柱，所以幾夠味，我好鍾意食d腐竹不過我覺得佢個憲多左少少，我唔係咁鍾意d好多憲既餸中式牛柳"D牛柳唔算好靚...不過好彩都幾淋，唔會咬唔開不過中式牛柳其實好難整得難食......腊味糯米飯"呢個麻麻，佢都幾多料既，但唔知點解真係無咩味感覺上個飯同D料係分開的，即係食到D料就有味...食唔到就無所以我覺得普普通通例湯"青紅蘿蔔例湯......感覺上過鹹，多味精!其實整體黎講就係不過不失啦，唔會覺得難食但唔會特登再黎食!味道其次，希望主角開心，生日願望成真，同埋要快D病好!!!

旺角奶路臣街既 (系中旅社後面2條街),今次再去. 出品仍然保持高水準. 2 人套餐 : $178 1 個主菜~ 鹽焗雞, 霸王雞 or 蒸魚. 任擇其一.2 個小菜~ 有幾拾款小菜比你選擇.送 一窩例湯. 須然食套餐, 但呢度裹面既菜式都有得多選擇 Wor. 我地揀左:主菜~ 鹽焗雞. 好重鹽香味. 雞好滑. 果然系震店名菜. 點埋沙薑食. 經典!小菜~ 1.梅菜扣肉. 也是招牌菜. 來到不可不吃的. 出面 D 飯店我唔會叫的. 試過 唔系油淋淋, 就系 D 梅菜無味. 有 D 不知所謂既甚至打個 '茨' 落去. 見到一 'per' 將咁. 好嘔心. 五花腩有炸左先蚊, 出咁D 油. 和另面頭D 皮口感''煙韌' 同更香.

今日同左d 舊同學去 泉章居食飯. 唸住搵個地方可以坐耐 D 傾下計, 所以就去左泉章居食, 不過佢地都有限時既 大約比個半鐘時間就要買單.我地叫左個六人餐 $488 (一只雞 + 4個小菜 +例湯 )11 個白飯 ( $8 * 11) = $88茶位 ($7 * 7 ) = $49($488 + $88 +49) 加1 = $6887 個人食左大約 $100 到, 都算抵食.平時好少叫柱侯牛腩煲, 原來除左鹽焗雞必食外, 柱侯牛腩煲 都整得唔錯, d 牛腩好林. 有機會下次都要再叫.

因為旺角泉章居不設訂位，怕等的太公從沒有光顧過，一直都只去銅鑼灣店不過，週五晚上九時多，當地鐵站附近的日食韓食潮食店家都擠滿年青人，這家較「偏遠」的老字號，位子不難找，一行五人就殺去泉章居，吃個便飯。套餐似乎幾抵食；四人餐可選鹽焗雞半隻或清蒸海鮮一條，另配三樣小菜。我們要了鹽焗雞、西蘭花鮑片、梅菜扣肉、生炆班頭腩；不過套餐不包白飯，要另叫。鹽焗雞和梅菜扣肉是來到泉章居不可不吃之物；鹽焗雞煮得入味，咬下去，咸香之味在口中迸發；而雞肶部份的雞肉嫩滑非常，與這咸香之味是絕配 - 當然，其他部份也也有一定水準，只是沒有雞肶般好而已。梅菜扣肉 - 肥瘦參半的大件肉，肥膏煮至入口即化，而瘦肉部份則非常酥嫩，是煮了多時的紅燒肉味道；而這梅菜扣肉汁充滿了肉香，配上一點的甜味，撈飯一流；唯一要彈的是梅菜香味不足，有點失色。生炆班頭腩 - 班頭腩切件炸香，再與肉絲同炆，配上大量葱絲；第一口，驚為天人，魚肉嫩滑而汁鮮美味，配上葱絲吃更覺清新香口；可惜整盤班頭腩，大部份都只有極少的魚肉，太公只有第一塊吃到一點魚，後來的都是近乎沒有魚肉可言，未夠盡興。西蘭花鮑片屬中上水準，雖鮑片質素一般，但西蘭花新鮮，而且打芡

家人生日，出外晚飯，久沒到泉章居，故特意一遊。但見前人食評甚為惡劣，故已有心理準備。- 落單切忌叫套餐- 對伙記的服務沒期望6:45pm剛去到，門口的PR大姐先說明只限一個半小時......(無言)心想有無咁好生意(?!)不過算，我食唔完段估唔敢趕我走。坐落，一於唔理套餐，專心睇餐牌。叫左大良炒蛋白 , 金銀蛋莧菜 , 客家茶果 , 大鱔煲 , 蜜汁蒜香骨 , 鹽焗雞另加三罐啤酒、一罐汽水菜一個個黎到，結果黎錯左鼓椒蒸鱔。個伙記落錯單，算啦，反正我叫佢拎番入去既話都會出番一樣既野，放低就食吧啦。炒蛋白 - 好食，味道ok 莧菜 - 一般啦，過關茶果 - 黏黏的曼頭，甜甜地，幾得意鼓椒蒸鱔 - 過關蜜汁蒜香骨 - 夠香 鹽焗雞 - 又滑，雞又靚 整體來說，超乎預期，其實唔好太大期望就唔會太失望。記住，千祈要skip左D套餐野。

今日同一班朋友睇完戲之後去左位於旺角奶路臣街33號依利大廈ge泉章居晚飯.之前都有聽過我大妹講呢間野d service 同食物都麻麻la, 不過自己唔食過都唔可以盡信ge~~~. 由於睇完戲都已經接近10:00pm, 所以係入去之前都問定個阿姐收幾點,佢話last order 係11:00pm, 咁之後可以繼續坐. 咁ok la 就去食.入到去, 叫左個 $488 ge 套餐, 食過之後真係明白咩叫名不符實.........食物唔夠熱, 個骨同個魚都唔夠火氣...... 隻雞好大隻, 但係整得太熟la, 變得d肉好"鞋" 同好實........ 但如果係無比較同無得選擇都 ok ge~~~~我食野不嬲都唔係好喜歡去旺角太子區, 因為10間有7間d服務都係差到暈. 包括呢間"泉章居" . 食到11:00pm , 只係得番我地呢枱, 部長先同我地埋單, 之後叫我地慢慢坐,過左2,3分鐘, 個伙計就黎急不及待收我地餘下的半隻雞及餸菜, 之後另外仲有個女伙計就大大聲講 " 仲未收得工呀! 有人坐係度 "其實我都好明白得番一張枱就可以收工, 再加上我地本身都諗住走, 駛唔駛咁講呀? 最後係呢度如

一直冇黎食過，因為一向唔喜歡飲茶，之但係今次有客家親戚黎香港，就帶佢地黎試下。由於入到去時冇人出黎招呼，我地都係跟住個客人入左地下0個層0既用餐區，等左幾分鐘先有個阿姐0係角落間房走出黎，問我地要咩茶，都算快咁轉頭就拎兩壺茶黎喇~不過到我地諗好左叫咩後，又搵唔到人order，等左一陣先再見個阿姐托住d粉麵俾其他客人，我急急揚手叫佢過黎order，叫左紅燒豆腐飯、客家炒米粉、菠蘿咕嚕肉飯、時茶炒牛河再加個例牌青菜。起菜都算快，不過可惜味道令人失望，每樣菜都偏鹹，個咕嚕肉就酸左d，個例牌0既青菜得7條菜心，加7蚊就剛好7條，真係好小器呢客家炒米粉只係得好唔啦更0既魷魚、火腿同雞蛋做料，親戚話真係未食過呢種客家野囉食完埋單，我想簽卡，點知個經理話呢d碟頭餐唔俾簽，我話你門口明明貼住master同visa0既標誌，根據信用卡公司上年在傳媒所講，無論消費幾多都可以簽的，而家我又唔係俾幾蚊，都超過百幾蚊架﹗點解唔可以簽?餐牌上又冇註明，明顯係泉章居理虧，不過親戚話唔好搞大件事，俾現金咪現金囉﹗最多咪以後唔黎食，如果得我一個，我真係會打埋電話去信用卡公司投訴

昨晚去泉章居晚飯, 叫左二人餐, 包括一客鹽焗雞同兩個小菜. 兩個小菜叫左粉絲什菜煲同椒鹽豬扒.鹽焗雞好好食, 好滑同好有雞味, 真係一定要叫.因為叫左鹽焗雞同椒鹽豬扒咁油, 所以叫什菜煲, 冇咁濟好滿意依個二人餐

尋日睇完泉章居食評咁岩夜晚男友家人就話去呢間食飯見到樓下所說的"李副經理"不過無同佢交手6點幾到,人唔算多先叫一個八珍鴨然後再加一個4人套餐再加小菜另加108大元例湯轉海參魚翅湯海參魚翅湯 --- 味道無咩特別,見到魚翅同海參~材料都幾多鹽焗雞 --- 好味~好夠鹽香.肉地唔"鞋"~自己鍾意點埋沙薑一齊食.八珍鴨 --- 芡汁唔夠~而且都唔係太入味粟米斑塊 --- 呢個粟米汁好滑,同埋魚塊炸得幾好.(其實原先想叫芝士斑塊,不過auntie說粟米,我都無反對)炸大腸 --- 一味本人唔食既小菜.只係覺得陣味好酥.但係其餘幾人都讚口不絕,仲話好抵食.粉絲雜菜煲 --- 差呀!!本身雜菜煲應該多湯底.但係一上檯已經見佢好乾身.粉絲同菜都又乾又無味.全檯食剩最多係呢一碟.炒臘味糯米飯 --- 賣相好靚~但係炒法出左小小"蠱惑".估計應該d飯蒸完之後拎左去洗水,所以無左層"黏性",炒出似一碟普通炒飯,口感完全唔似糯米飯,亦都無佢應該有既味道.或者泉章居主打客家菜,今晚所食既真係覺得好普通甚至認為不是水準之內.有機會下次試下其他特別小菜.另外,我將櫈俾人撞左幾次唔係因為路太窄,唔係其他食客而係推