泉章居 (已結業)

JACKY好难得抱病请我吃饭，于是我选择了ALLAN推介的泉章居 Chuen Cheung Kui。菜是我点的，我已经习惯了他不说话的方式。咸鸡、西柠煎软鸭、鼎湖上素，送例汤外加一份茶粿。我点的是198元的两人SET，即霸王鸡、客家咸鸡、海鲜一条（三选一）+自选两份菜式（很丰富，任选）+例汤。虽然写着两人份，但其实足3人食用。味道，其实没想过会很好，不过在等位的时候看见它的米芝莲2011推介餐厅，不禁会有期望。但是，味道有点失望吧，没有难吃的菜式，但真系很普通。最OK的算是咸鸡吧，明显“雪”鸡，但是能吃出层次，不会很咸，适合下饭。鸡食带皮的，但是皮的油已经经过蒸煮，没有了那种油腻的感觉了。西柠煎软鸭，汁酱真系好好味，很适合夏天，但是鸭基本上没有肉，而且炸得过火了；上素，有竹笙，不过不够正宗，因为吃不出 素 的感觉，何况，我吃过庆云寺的正宗鼎湖上素，有点距离。汤，味精太多，不过分量还是挺多的，带有味精味的甜。。。茶粿，其实我就不是觉得很难吃，不过没有馅料，面粉是特制的，或是用了其他的粉（没细究），总之JACKY和敏仪都不喜欢吃，我还好吧。情殇点评：米芝莲。。。呵呵，一天内试了两家米芝莲推

成日經過都想試,但係都就唔到,今次因為媽咪好想食炆豬肉,所以就黎左哩度食飯喇,UNCLE一早黎等位,但係要我地7:45俾返張台佢,OK!我同媽咪7點先到,好采UNCLE已經叫左野食樓下真係好多人等位,企到出街,點知一上到去好多吉台,應該係俾人BOOK左,咁好食咩?鹽焗雞 - 好似台台都有叫,好食咩?唔夠雞味.. 肉質一般,唔會太咸炆豬肉 - 媽咪好失望丫,可能其實冇乜人叫,真係唔好食,我地都食剩左好多仙掌 - 一般喇,唔入味唐生菜 - 冇咩特別哩度既服務真係好一般,可能琴晚係稻香食完,好大對比,D侍應好得閒架,仲可以3個企係度傾計,但係都唔幫我加水?好普通既裝修,哈哈哈..不過都幾平..埋單只係300幾

一去到間野樓下,見到勁多人等位,已經心知不妙結果最尾得左8個字先入到座@@我地今次11人黎食,所以開左張大枱 同叫左個10-12位用的套餐當中包括朋友介紹的招牌菜,梅菜扣肉同鹽焗雞梅菜扣肉真係好正,入口即熔,所以要即刻叫白飯黎餸XD但鹽焗雞就好普通,味道幾好,但雞唔夠滑其實都算OK啦,不過有碟牛骨髓就唔多受我地歡迎喇,哈整體都算唔錯

來到旺角的泉章居與家人共進晚飯，在樓下等了二十五分鐘，好多好多好多人等位，家人很喜歡到泉章居吃晚飯，銅鑼灣那間我地都成日去，我本人十分喜愛這兒的鹽焗雞，好好好好食，雞剛剛熟好滑好入味永沒失手，另外一樣我都是十分喜愛的是芋頭扣肉煲，芋頭好入味扣肉香及淋，與家人共進晚飯好開好心因可以叫多好多餸，數到要推介的是這兩樣，十分值得一試。

原來都有一段頗長時間沒來，從臨依然熱鬧非常。 我由於遲到（等位時間=0 ），已點了。 看賬單，挺抵食的，呢度就要試試味道吧！ 霸王雞-調味依舊出色，雖然食到雞胸有d霉。 白果豬肚湯-都幾好飲，有住家feel. 不過我覺得都係胡椒夾d. 花膠炆海參、蒜子瑤柱- 做出飯店水準，不俗。 豉汁蒸大鱔- 汁沒特別，只係條魚唔靚。 另外散叫炸大腸同雞油豆苗。 前者炸到好乾身, 同幾大豬味; 後者居然無乜雞味!? 再叫客家茶果（糯米粉同乜粉做的？) 但係只有糖味同太黐牙，唔好食...... 不過以這價錢食到這水準, 我已覺得好抵食了! 所以咁多人排? (只 order set 好似更抵).

今日去吃咗個二人小菜套餐，有例湯及2個小菜只要$118﹔不過無飯，要另外叫，加一後整個餐要$139，就無咁低了，。是日例湯是眉豆花生雞腳湯，都市人湯水不足，有湯飲幾滋潤o架，不過記得要熱飲，凍咗唔好味。第一個餸，指定從鹽焗雞、霸王雞及蒸魚中選一項，我今次選鹽焗雞，雖然是此店的推介菜色，但水準不穏定，我來過多次，有時超好吃，又嫩又滑，有時就差啲，會老咗啲﹔今次就不過不失，都OK﹗第二個餸，就從三行餸中自選一個餸，强推--生炆班頭腩，超好吃，有鑊氣又香口，水準又穏定，次次去都整得好好吃﹗至於服務方面都唔錯，唔知係咪早嘅關係，每次都有人幫我們換放骨的碟，添茶又快，但都試過一次同樓下所講咁，因為人多，個部長可能想做多一轉客，不斷收嘢，猛咁比signal 你早啲走，就感覺不良。但多數時間啲服務都好好﹗

男友一家提早在這裡做節食飯.......6時已準時入座.... 當時還很疏落.....很快就已經坐到座無虛席......雖然我地等齊人先點菜.........但係佢地出菜效率極高.... 好似食快餐咁.......一下子已經成枱都係餸......梅菜扣肉唔使多講.... 呢個招牌貨..... 好味必食......炸大腸呢個都真係必食.... 皮脆香口... 點埋酸甜汁.... 正.... 炸鳳卷唔多識欣賞.... 好似一個好大舊既炸銀絲卷... 但係得小小鳳肝做餡.... 然後切開一舊舊.... 淡而無味.... 失敗.... 糟汁柏葉呢個係男友想食的菜.... 買相幾得意.... 紅紅地.......不過成$55.... 但係得好少柏葉.... 其他全部都係咸酸菜.......至於味道.... 我就唔覺得特別美味.... 男友話佢欠缺左一份應有既酒香..... 失敗...客家釀豆腐豬肉餡.... 好特別..... 味道ok....骨髓炒三鮮 及 柱侯牛腩味道一般.....冬瓜盅呢個見到好多人叫.... 所以都叫了一個試下...... 味道確係唔錯......份量又足.... 不過我唔

今晚一行四人慶祝父親大人的生日,這間餐廳是他欽點的,於是一早便訂位,好彩有訂位,因為眼見都有很多人幫襯我地叫了:金牌鹽焗雞-好夠份量,啖啖肉,但肉質欠缺彈性,咸味適中炸大腸-香脆可口,份量也很多,但酸白蘿蔔份量還多過炸大腸,不過酸蘿蔔味道不錯,還可減低肥膩感炸牛肉丸-像平時飲茶食的蒸牛肉丸,不過這個是用炸的,頗香口栗米魚肚羹-普通了點,但味道都不錯蒜茸芥菜膽-芥菜煮得好"淋",一點苦味也沒有,好味服務方面侍應不太積極,這點有待改進

旺角 , 入貨的先生, 而今你攪甚麼?品質簡直大倒退! 主打'的 '鹽焗雞', 雞肉死死實實. 根本是次貨 或廉價貨.當然一定用冰鮮雞. 但冰鮮雞都有分級數的.明顯而今用最低級的貨.好失望!當日叫左個 $348 套餐~1. 鹽焗雞: 差! 上面講左了. 主打菜. 弄成這樣. 我地每人食左一舊就停. 雞肉死死實實. 雪雞中的雪雞. 口感好恐怖. 2. 梅菜扣肉: 好味! 果然是震店名菜. 肉汁香濃. 水準保持. 好彩有叫呢味菜.3. 鼓油中蝦: 好味. 鼓油好香. 蝦大隻.4. 紅燒豆腐: 差! 豆腐皮超厚, 又硬又干. 吃不下. 剩番好多.5. 例湯: 紫菜豬肉湯, 呢度例湯OK ga. 而家來這裡, 唔好食佢 d 雞!

本來想去附近間新台灣野食牛肉面, 不過冇位加勁多人等, 而泉章居又super近, 所以臨時改地方食dinner好耐冇約龜小時食飯, n年前一大班人食過一次, 印象中個冬瓜盅係好好味, 不過得3個人, 都係叫個2人set ($188), 有3餸1湯, 加3個飯應該夠叫左個霸王雞, 有好多蔥~~ 都好滑, 只係肥左一d... 另外仲有西檸斑片, 味道夠, 不過炸得太乾, no good no good而為左healthy d, 再叫個竹笙姑時菜, 好入味, 應該用上湯燴過, 好味至於個湯, 應該係老黃瓜湯, 去濕good~~呢餐大致上都ok, 而可能因為個位夠入, 摸住茶杯底傾計都幾正~~

６個人叫了個８人套餐，盛惠４0８元，仲要免茶芥！鹽焗雞一隻 - 咸味夠但雞味不足，但今時今日食雞都不可有太大期望。赤小豆、粉葛、豬肉湯 - 湯料甚多，但味偏咸。梅菜扣肉 - 可接受。椒鹽鮮魷 - 夠香脆，佔魷魚可能係雪藏貨，冇鮮味。枝竹、火腩煲 - 份量甚多，味也可接受。蝦醬通菜牛 - 普通大路貨色。整體來說，份量十足，味道就是大路貨色，但環境清潔光猛，服務也好。如果家庭聚會，同事午饍，絕對超值，開飯之選。

4丁人去左呢度試食....甘岩撞正母親節...唯有叫套餐em...不過不失...但係甘既價錢 唔應該只有甘既質素!!!有四個餸一羹1)栗米魚肚羹....呢個真係唔錯..好味既2)鹽焗雞...咸味...我自己覺得咸左少少啦...雞就x_x...太肥...唔好食3)蝦仁炒蛋....good...都係唔錯...但係蝦味唔夠4)時菜鮮魷...,可惜係菜心-_-"...芥蘭都還好..麻麻地,...鮮魷係ok既5)黑椒牛仔骨...幾好味...洋蔥夠熟...d牛仔骨都幾好去相

大家可能知係哩個 friend 生日都二話不說揀咗哩食店!!!其中個 friend訂咗枱 7:00 pm ….等到人數一半至可以係7:15 pm入坐!!叫咗個4人套餐再加咗個D小菜4人套餐另加 $68將例湯轉咗做冬瓜盅冬瓜盅 = 冬瓜當然係主菜….另有雞粒、 蝦肉、菇物…足料…重要係勁果種一路飲都唔知點解仲有; 無味精的湯底且鮮甜!!!招牌霸王雞 = 半隻已經覺得好大楪…..不過略為 “肥胖了些”!!!雞皮厚肥膏多….但肉質滑雞味重…沙薑料有沒有對我來說都沒所謂!!!粟米班塊 = 魚塊一般, 粟米汁是小朋友的美味….撈飯!!!滑蛋蝦仁 = 蛋滑....蝦…OK!!牛腩煲 = 牛腩淋…..好味….但個 friend話唔得…牛腩唔夠淋??另加金銀蛋莧菜 = 好多 “金銀” 好香 唔錯!!加埋D白飯, 咁就填飽我哋6大2小了!!埋單都只係HK$700

今晚一班朋友聚舊，大家都提議咗幾個地方食飯，我突然想吃鹽焗雞，我當然提議去旺角泉章居，最後大家都讚成。我們點了個6人套餐，鹽焗雞很大隻，仍能保持水準，很難得！唔怪得每晚都咁多人啦！梅菜扣肉又值得讚，啲梅菜很入味，一啲都唔覺肥膩，仲有炸大腸，現在已很少地方食得到，其它幾個餸都不過不失，大家都很滿意。

難得一家人出外用膳，一行六人去了旺角的泉章居。從之前的「旺角相機中心」旁舊址，到現今的位置，大大小小幫襯不下十次；一向評價甚高，但今次出奇的失望！首先，致電訂檯，因為訂額已滿，即被拒絕！明白，星期六是正常不過。於是一早拿位，未到6點已抵達現場，接待處阿姐冷冷一句：「坐低只可食個半鐘！」未齊人，不敢率先坐低虛度寶貴時間，唯有取飛乖乖的在一旁等，期間不少人魚貫進場，一個號碼都無叫過。終於人齊了，立即全民坐下，點了一個四人餐，再另加一碟梅菜扣肉。先送來例湯，味道可以。然後鹽焗雞、芝士班塊、西檸芝麻蝦、梅菜扣肉及另外一個菜﹙已想不起﹚分別上桌。鹽焗雞味道還可，西檸芝麻蝦則不過不失；至於梅菜扣肉則水準大跌，肉質一般、汁不夠香，本想添飯撈汁，後來也省了。最恐怖是那個芝士班塊，魚肯定是不新鮮的，不要緊，但怎會淡而無味？那個芝士汁亦不可口，在座眾人，不禁破口大罵，感覺泉章居甚為搵笨！而最令人討厭的地方，就是侍應一直在旁虎視眈眈，只要看見你吃完就來清碟，有時見還有一兩件肉剩下，也不厭其煩不停問：「重要唔要？」服務效率「奇高」，心意容易明白：只想檯上空無一物，客人自然無趣要結賬交檯。為了令酒樓不覺客人硬霸