泉章居

营业中

休息中

本身都抱住期望去食，冇諗到可以衰成咁我同屋企人黎食晚市，當時人唔算多，入到去見到仲有好多吉枱，但偏偏被安排左一張靠近路口位嘅枱，條通道有好多侍應拎住d餸走圍走，實在好危險，及後我們向侍應提出轉枱，她回應：你想轉咪轉lo。轉枱後，剛才那個侍應走過黎，問我地枱上d碗仲要唔要，表示唔要就收走，要就唔好張d碗疊高，要逐個逐個攤出黎放，如果唔係我會比老細鬧，聽完就係火都黎埋，點解要果客去遷就你地員工做法。d餸到齊，之後我哋想叫幾個白飯，就問侍應一個飯幾多錢，之後佢答完我價錢，丟張菜單比我，我當刻好愕然，我再問：係要寫返紙定可以就咁叫你落。佢話你要咪講lo，d態度真係世界級，講真，我第一次去呢度食，真係唔知你哋d價錢，問下啫。另外，成個用餐體驗都好唔自在，d侍應一見到我地食完就衝過黎收碟，成程係我地枱附近行黎行去，望實我地d枱，望住我地食野，好騷擾d客 ，最搞笑係當時仲有好多吉枱，有位侍應仲要走過黎我地枱黎鉛筆，須知道，支鉛筆擺左係入少少嘅位，佢要係枱與枱之間條好窄嘅通道攝入去，難道成間餐廳得我哋枱有鉛筆？最後我一叫埋單就走黎問我地d野食係咪唔要，我話係，之後佢同我清枱，連杯都收埋，本身想飲多幾杯

見此店食評不錯，11/5/2022於上環泉章居購買了一個$508的六人餐，如下：霸王雞半隻梅菜扣肉脆皮炸釀豆腐椒鹽鮮魷外賣自取回家後，也許是外賣包材的限制，「六人餐」的份量不算很多，最令眾人大失所望的竟然是：梅菜扣肉變質了！本想致電到該店，告知上述情況，但想到這也是於事無補的。最後，唯有將這道梅菜扣肉丟掉且說服自己接受：花了$508，買了一個切身的教訓！

老闆在星期五帶了一個12人盆菜回公司做團年午餐，個盆菜包裝得好企理， 蔬菜另外用膠盒裝好， 盆菜是用錫紙蓋頂， 再用一個厚身的環保袋將成個盆菜袋住， 及另外有兩膠樽的盆菜汁， 因個盆都好多食材， 要花20分鐘時間將盆菜翻熱到滾起， 一路煲緊時， 香味充滿了成公司， 大家都好心急想快快揭盅起筷了～因是12人盆菜， 好多食物都是12件， 鴨腳， 鮑魚， 蠔豉， 中蝦等等， 鮑魚size比想像中大， 而且是炆得好似紅燒咁， 好入味， 總之色澤上好似炆冬菇的顏色， 睇得出是花過心機去炆的。冬菇， 蠔豉，蘿蔔， 鴨腳好入味， 扣肉5層肥瘦平均分佈， 用南乳炆過的顏色，扣肉厚切都入口即溶， 個扎肉條好好食， 諗左好耐都唔知佢點整， 中蝦隻隻爽口彈牙，無梅的蝦出現， 咁嘅時侯個盆菜仲用中蝦， 蝦的來貨價都真係海鮮價， 呢點真係好唔簡單了。我覺得個盆菜汁調味適中，好味， 類似紅燒鮑汁， 而不是一般的南乳紅糟汁。芋頭腩肉都好好味， 腩肉夠林， 芋頭大件得黎，用筷子夾起都唔散， 好夠粉和不糊口。蔬菜包裝得好企理， 方便處理。 隻雞好味， 雞胸都唔鞋， 可能泉章居招牌菜是鹽焗雞， 處理雞呢方便絕對難唔到佢。

同朋友晚飯敘舊，諗起泉章居客家小菜，三人立刻起行。揀了套餐，點了半隻霸王雞，沙嗲牛肉炒芥蘭及梅菜蒸鯇魚。另外送例湯。霸王雞份量不少，蔥同薑絲份量多，另上沙薑粉同食，雞非常滑，冇得頂。沙嗲牛肉味道上佳，沙嗲味非常濃郁，牛肉份量多，入口香滑，芥蘭亦非常嫩，很不錯。梅菜蒸鯇魚size亦非常大，梅菜落得非常重手，鯇魚蒸得剛剛好，魚肉非常滑，很不俗。埋單400多元。難得係每碟小菜水準非常好，價錢亦算平，老店嘅服務亦改善不少，一定下次再嚟。

同同事食飯就揀咗泉章居一齊叫小菜食！ 佢個霸王雞仍然係咁好食！不過有啲鹹，餸飯就岩岩好另外仲叫咗酸菜魚米線，味道非常有驚喜！份量都好多，食極都有😂😂雜菜煲清清地又幾好食！

今晚去咗很久冇去的泉章居。我們叫了霸王雞、花甲蒸蛋、聖子豉油王炒麵冬瓜盅等。我兒子最喜愛霸王雞。他本來足不吃蔥的也吃了。聖子比起西貢海鮮酒家整的還要好美。第一次吃花甲蒸蛋也是很美味。一家人度過了愉快的晚上。

在上環約好朋友食晚飯，要坐得舒服，中菜食物有質素，其實幾難搵，第一次光顧，唷，比想像中漂亮多，地方清潔，光亮，職員服務很好，地方十分大，擺枱有足夠距離，不會枱貼枱，食物很美味，無論例湯，蟹肉扒西蘭花，梅菜扣肉，枝竹炆班頭腩，金牌（東江）鹽焗雞，確實一流，一定要試，各款菜式都有水準，但分量不大，六人餐我們四人食只是剛足夠，晚飯，好友共聚，可以坐好耐，及離 上環港鐵站 C出口 一分鐘步程。（疫情下 聽閒 銅鑼灣，旺角泉章居暫時結業，希望盡快重生啦☹️☹️）

細細個已經食泉章居，由銅鑼灣波斯富街到現在只剩上環獨孤一間，沒有豪華裝修，無創新菜式，就是簡簡單單家庭菜也令你食到舐舐脷四人套餐：三餸一湯$328例湯：合掌瓜煲豬肉，多料好甜，每人兩大碗，淨飲湯都飽金牌鹽焗雞 ：每次來都要點，真係食極都唔厭，雞肉滑嫩無比，那陣咸香味越𡁻越有味，唔使一陣麻煩洗碟吖😅，唔該玉鮑炆三鮮：呢味比較清淡，無肉但鮮甜，牛骨髓唔係好多地方有得食，爸爸以前非常愛吃，吃著吃著就想起老爸了...懷念的味道豉汁蒸大鱔：呢味又是老爸愛菜，每次必吃，豉汁香味把爽滑嘅鱔襯托得天衣無縫瑤柱蛋白炒飯：食套餐只需加$60，唔係唔要吖？炒飯夠鑊氣，粒粒分明夠乾身，而且瑤柱都唔少，掂👍🏻👍🏻呢類酒樓越來越少，真係要好好珍惜，家常菜做到好過返屋企食，無收茶錢又無加一，真係日日食到得，而且大大碟，包你有飯添👍🏻👍🏻👍🏻👍🏻

來了幾次下午茶，蔥油霸皇雞飯配白可樂是首選，還有梅菜扣肉飯，D汁撈飯超正！記住坐樓下卡位最正，首先侍應好招呼些，不會白鴿眼，兩點坐到四點半都唔會趕人走，坐得舒服自在，啱曬吹水！其次四個人下午茶才$168，冇加一、唔使新年利是、又免tips，用八達通付款十分方便！見隔離卡位二個女人叫了小菜套餐（要$268），咁碟雞是大大碟有隻全脾係正好多嘅！今次下午茶試吓梅菜扣肉拉麪，估唔到佢連麪上，溝浠了梅菜扣肉汁，風味盡失，非常失敗，扣佢一粒🌟！之前見過有食評👍湯拉麵，分開上、兼有兩條青菜，算啦，年初八，又剛回四人堂食，唔好投訴佢！走時去樓上洗手間，客已走曬、識埋燈。我友人也證實樓上是冇下午茶，他坐下時只有小菜牌，下午茶餐牌收埋晒，好在我醒目拉返友人落去坐卡位！我們是兩點鐘的第一枱客，樓下卡位任選，侍應馬上為我們開冷氣添！♨️

第一晚放寬6人入座，飯店坐滿人，十分熱鬧 晚飯有套餐。三個人叫咗4人餐，點知疫情關係，送多一個餸 例湯係青紅蘿蔔煲豬骨，清清地，不過不失 每次來這店都會叫嘅霸王雞。雞肉好滑，葱油好香，我覺得好好味呢個都係每次都會點，梅菜扣肉。但係今次比平時嘅肥枝竹炆斑豇腩。魚好鮮，汁煮得掛，好味 客家糟汁炒鮮魷。味菜同汁係好夾，但係個魷魚好似唔係好掛汁，融合唔到咁。最後係時菜扒牛丸。呢碟係送嘅。牛丸好爽好彈牙。三個人食，幾大食都食唔晒。最後要打包

限聚令期間，下午茶是茶餐廳價錢，地下卡位滿座，樓上的男部長/男侍應招呼極差，佢話飲下午茶要搭枱，但全部枱都無膠版分隔，客人自然唔想搭枱，已經三㸃，大量空枱，男部長都唔准客坐，佢話要食小菜先可以坐，分明趕客，以後不再光顧。如果不是開全場，請清楚區分下午茶/小菜區，亦應招呼客人時明言本食肆下午茶是要搭枱的，但枱無間隔，待客人自行選擇。

係上環 兩點食下午茶。地方好大，有上下兩層，坐得舒服。$42一個餐連野飲，份量唔少，呢個價錢係茶餐廳係可以接受既，尤其是呢區。選擇都好多，各種超粉麵飯都有！有一點值得讚賞係，落單係自己用marker筆係菜單度寫數字，環保得黎，又節省時間，仲減少落錯單機會！確實我好欣賞見到食評推薦霸王雞同梅菜扣肉，一於一試！扣肉梅菜拉麵真係一食有驚喜，梅菜汁撈麵好夾好好味！肥肉我好鍾意，好入味，鹹鹹甜甜既汁係撈麵，絕配！麵好大碗，有咬口，仲有三條菜，下午茶黎講，飽肚。霸王雞食過兩次，好滑，有沙薑配埋，送飯一流，好香！完全食得乾乾淨淨。令人回味無窮。熱飲揀左好立克，沖得岩岩好，唔會太稀或太甜！整體兩次用餐都體驗唔錯。

今日晏就好肚餓，想食啲大件夾抵食嘅同事話去泉章居 之前都去過幾次雖然都系一張餐牌仔，但都有好多唔同選擇每日食一款都食幾個月坐底左，開左壺茶睇下個餐牌，諗左陣，想食炒麵所以叫左排骨炒麵，跟住個待應問我系咪豉椒，我諗左陣，佢話仲可以菜遠，問我要咩，我都系叫左豉椒因為本身以為好似肉絲炒麵甘有汁嘅等左10mins都冇，就黎左啦，熱辣辣大大碟，則邊啲麵系脆卜卜嫁，啲豉椒汁咸咸地，撈埋落啲麵到，好夾而且啲青紅椒分量都唔少（太多所以比左啲同事食）

繁忙時間遇環午餐，四周人頭湧湧，同事介紹我到這家中菜廳，他樓上整層有大量座位，剛好有一空桌讓我們坐下來。看了餐牌後，我們點了他的招牌霸王雞，雞肉嫩滑，加上有大量蔥花，淡淡鹹香，味道非常出眾，單單是這道菜已經值得一來再來了。另外，再點了西檸芝麻蝦球，香脆可口，吸收了檸檬醬汁，大大增加味覺享受，是我至愛的經典菜式之一。最後，點了臘味炒芥蘭，芥蘭炒得香嫩可口，配上爽口彈牙的臘味，簡直是黃金組合。想和我一樣喜歡吃中菜的朋友可以一試。

一大班人出來食晏，係上環好難搵位，但來呢間就通常都可以搵到。 餐廳裝修似茶樓，堅係有茶飲，但係食既野就唔係點心，而係碟頭，同小菜類。款色選擇都幾多，飯麵都有，價錢又實惠。我叫左干燒伊麵，碟麵雖然齋齋地得d菇做餸，但個汁都調得算好，有色澤之餘味道又剛剛好。朋友叫左肉絲炒麵，呢個我之前都食過好多次，係真心推介，d麵真係炒得好脆卜卜，配埋肉絲個汁真係一流。另一朋友叫左菜遠肉片湯米，清清地，份量好多。其實全部碟頭份量都好大，細食既人好大機會食唔晒，但因為餐廳有最低消費，堂食又唔share得，成日做左大嘥鬼😅